香橙罌粟籽蛋糕 Orange Poppy Seed Loaf Cake ($21)
蛋糕濕潤唔乾，其實蛋糕唔覺有橙味，不過裡面有大量橙皮粒，有韌性咬口有微酸橙味，幾正；頂層有一片白朱古力的，不過白朱古力味唔太出，相信罌粟籽係冇味的吧？但咬落有微粒脆感都幾得意，呢件蛋糕幾好食。雙重碎朱古力蛋糕 Double Chocolate Chip Loaf Cake ($21)
朱古力蛋糕味已一算濃郁，再加上蛋糕內外都有碎朱古力，蛋糕濕潤又唔甜，ＯＫ喎！芝士通心粉焗鍋 GPMacaroni and Cheese ($55)
貴！不過係正嘅！面層有６塊燶脆腸好味，裡面充滿芝士白汁，短身通粉吸收熱辣辣白汁一齊食更正，通粉咬度啱啱好。抹茶栗子蛋糕 Green Tea Chestnut Loaf Cake ($21)
蛋糕質感濕潤，非常有抹茶味更帶點抹茶苦添，又估唔到抹茶加栗子配搭都幾好，又飽肚。 

來到我倆的周年飯，都諗左幾間不同菜式的店，呢間Wired cafe我係上年尖咀食過一次覺得幾好，所以就揀呢間啦。
呢晚我地都冇Book位，1930 來到攞位，都有人等緊，職員話約半小時後喎，好啦~ 因為冇第２間想食，咁我就即管行住商場等啦。
結果又真係８點打比佢話有位喇，我地快快步返去坐低揀野食咯，第一樣唔使諗嘅當然要杯 Irish coffee 囉~ 因為上次飲過好味，雖然Menu係冇呢杯野..呵！其餘的就交哂比佢發板喇。
呢晚我地２人點了以下野食，10分鐘後陸續上枱：
① 愛爾蘭咖啡 Irish coffee ($??) 
② Umelini ($68) 
③ 輕便早餐 Light Breakfast ($78) 
④ 咖哩蛋包飯伴炸雞 Tokyo-style Curry Rice Omelet ($88) 
⑤ 焗墨西哥粟米片 Salsa Nachos ($55) 
我就覺得食飯一定要「慢食」嘅，最怕食快餐，尤其去有加一收費嘅地方，就更加要慢食，享受食物與環境，今次同佢來，我地都覺得滿意嘅。① 我最愛的＜愛爾蘭咖啡＞，雖然與我飲開的份量較細杯，但勝在面層的cream也較少，酒味重Ｄ，啡味較淡，同樣覺得呢間調配的更適合我！！② 佢＜Umelini＞由梅酒，蘇打水、青檸汁和黑醋栗甜酒混合而成，佢就唔多鍾意呢杯野，覺得怪怪地，我試飲過係有汽嘅梅酒味飲品多，青檸味好微，就唔覺有Cassis味噃！？只可以話夠大杯囉，但唔抵飲。③ ＜輕便早餐＞ 以呢個價錢有２條大腸、２片煙肉、一件大蕃茄、Omelet、沙律菜及麵包，比出面食的all day Breakfast便宜，雖然已說明是『輕便』，但份量都唔算輕便吧，係幾飽肚噃，各款味道正常，沒有特別差及好啦，不過件Omelet就幾滑，菜都好新鮮。④ ＜咖哩蛋包飯伴炸雞＞金黃色滑蛋大大塊覆蓋著白飯，蛋真係好嫩滑有蛋汁；白飯唔硬配蛋同食好夾；雖然見到咖哩汁黑媽媽會覺是好辣的，但這是日式咖哩汁，即係唔辣咯，味道同盒裝咖哩汁磚真係一模一樣，係好味嘅；炸雞看下去似像好厚粉，咬一口又唔係喎，炸雞都算整得嫩滑，算不錯的喇。⑤ ＜焗墨西哥粟米片＞份量同上次食的一樣咁大，粟米片焗得好香脆，唔同其他地方食的咁油，半溶的車打芝士加上Salsa醬同黃瓜醬夾住粟米片好惹味，淨配酸忌廉都好食。 

長到我咁大個女，今次都係第一年同爸爸媽咪慶祝佢地周年紀念飯，今次來呢到都係佢地揀嘅，記得上一次來已經係好幾年前的母親節喇。
雖然我同哥哥對潮州野都唔太好，我就更加冇乜野好食啦，不過難得(真係好少)一家落街食飯，佢地想食乜都去的啦！！
因為不嬲都知呢間野係冇得Book位又成日都Full哂驚有排等，所以呢晚我一收工即刻去搵位喇，我地搵到位後，爸爸都係7點3來到喇，好快已經叫好餸添。
上菜速度都極之快，只係最後的炒蜆等得較耐啫，其實以我地食過呢頭的食店，「生昌」已經算係呢邊貴得來份量也算是合理的了，因為好多間嘅味道都只係一般，有Ｄ更是難食的呢.....
雖然我唔喜潮州菜，不過又的確ＯＫ嘅，比起早年食過果次好左添，爸爸媽咪更感滿意啦！！
最緊要佢地將來日子更恩愛快樂！！
呢晚我地一家人點了以下野食：
① 鹽焗烏頭 (大 $118)
② 獅頭鵝肉 (中 $95)
③ 潮州煎蠔餅 (中 $88)
④ 馳名沙茶牛肉介蘭 ($88)
⑤ 金不換炒蜆 ($88)
⑥ 一碗白飯 ($10)
Total：$487

 ① 鹽焗烏頭：魚油極豐富，肉質鮮嫩好滑，豆醬唔太咸好味，本身對烏頭麻麻又怕腥的，都覺讚！ ② 生昌鹵水鵝：鹵水汁唔太咸，撈飯好；鵝都好入味，半隻唔太大，不過就好肥，皮脂肪與肉比例起碼有 4:1，鍾意肥就好囉，我地就覺得一般喇！ ③ 潮州煎蠔餅：真係估唔到會有咁大塊，睇落以為有好多粉漿炸，不過裡面有好多隻蠔，咬落去熱辣辣脆口，蠔唔腥，爸爸好愛呢個！④ 馳名沙茶牛肉芥蘭：未試過沙茶醬，以為似沙嗲醬，不來唔係，唔甜有蝦味偏咸仲有少少花生粒，味道ＯＫ；芥蘭好爽嫰，牛肉片也炒得嫰滑，屋企不嬲都少有食牛肉的，呢個真係唔錯。⑤ 金不換炒蜆：真係幾大碟，雖然汁也漸了大量，但蜆都有好多，大大隻新鮮的，起碼碟裡冇死蜆；芡汁味濃郁，有少少金不換葉、青紅椒也炒得剛好爽身，正！ 

位於尖沙咀K11的星巴克係８月開幕喇，話雖尖咀已經好多分店，不過真係唔夠的啦，有好幾間店更全天候多人，想搵個靚位坐都唔得呢，雖然呢間分店唔大坐位又唔多，係一眼睇哂咯，不過就比較遠離尖咀中心，所以都算較少人來到呢到，平日晚上來就最好不過喇。
而店內有部分裝潢由畫家親自於現場繪畫，果然貫徹K11藝術先行。

檸檬薑味芒果啫喱汽滋樂 Lemon Ginger with Mango Jelly (T $39)
Fizzio™改左個中文名叫汽滋樂....的確有點奇怪，簡單來講就係梳打水加生果啫喱喇，今回推出有３款口味：檸檬薑味杧果啫喱、檸檬芙蓉花啫喱及乳酸杧果啫喱，我鍾意檸檬，當然揀左＜檸檬薑味芒果啫喱＞試下啦。
中見佢沖調時唔係用手調喎，而係放入一新專用機，相信係打Ｄ汽入裡面用的，第一啖飲落都幾有汽，不過好快就走哂汽了；檸檬薑味偏啖啫，芒果啫喱就極有豐富芒果味，呢杯還可啦。薯蓉牛肉批 Shepherd's Pie ($29)
呢個都唔係第一次推出架喇，不過今次就同之前點分喇，起碼外貌係靚仔左嘅。
叫職員烤濃少少，批面的薯蓉帶點香脆燶燶地，好食；牛肉感覺有點似咖啡牛肉包的餡味，都唔錯噃，批底普通喇。馥莓蛋糕 Very Berry Loaf Cake ($26)
蛋糕中間有整粒藍莓和士多啤梨醬，甜甜酸酸，蛋糕唔太濕潤偏乾，不過連同莓粒一切食濕度剛本嘅。煙三文魚多穀牛角包 Smoked Salmon Multigrain Croissant ($33)
其實本身$18個的多穀牛角包加左好多穀物，雖然冇哂牛油香又唔會瘦Ｄ，但翻烤後包及面層的亞麻籽、燕麥、葵花籽外脆內軟已經好食，不過加多了大大片的煙三文魚即時覺得升級左，煙三文魚本身已經夠濃郁，底下塗抹薄薄一層紫洋蔥蛋沙律，好味。 

其實今年夏季新出嘅野睇落唔係好多，不過初夏完了係夏中又有Ｄ野加咗咁，更何況有Ｄ仲係再早期推出我又未試過嘅添，真係要分多幾次先可以試得完啦，今次暫時試住咁多先，下次再試多幾款，要襯佢未完，快Ｄ試哂先得呀！！

意大利芝士餅星冰樂®「Tiramisu Frappuccino」（T $41)
在外地已推出已久的Tiramisu Frappuccino，雖然本身係唔食Tiramisu嘅，不過終於都可以香港試到喇！
飲品裡加入曲奇脆粒，所以飲落有脆脆口感，已經叫職員走面層的忌廉，上面灑上可可粉和朱古力醬，雖然睇住職員教另一職員點整呢杯野，勻入了大量覆滿軟滑芝士鮮忌廉及意大利芝士餅醬的Frappuccino，可是飲下去唔覺有Tiramisu味....只有強勁的焦糖味，好甜好甜好甜，同埋係店內飲都已經好快溶了，感覺麻麻！多穀牛角包 Multigrain Croissant ($18)
平時感覺油淋淋嘅牛角包，今次變奏加左好多穀物，雖然冇哂牛油香同唔會瘦Ｄ，但即時覺得健康左，呢個一定要叫職員加熱Ｄ，出來後的包及面層的亞麻籽、燕麥、葵花籽才會香脆，裡面更加大量燕麥、亞麻籽、南瓜籽及葵花籽，名符其實外脆內軟，都幾好食。
蝴蝶脆餅 (Pretzel) ($19)
呢舊德國名物我係幾鍾意食嘅，不過就只食過SNYDER'S包裝細餅仔，今次都係第一次見到咁大件，雖然都係貴架喇，不過都係想買來試下。
呢款表面口感較硬，面裡就好煙韌，可惜外面冇同美國製法咁加上粗鹽，所以內外味道都偏淡的呢....，食開包裝香脆咸咸的，今次對呢件有點失望呢。甘筍蛋糕 Carrot Cake with Vanilla Cream ($33)
係我印象中甘筍蛋糕Starbucks好似係第一次推出甘筍蛋糕，其實本來甘筍蛋糕的材料主要只係甘筍、雞蛋、麵粉、梳打粉同芝士等等，不過今次Starbucks推出就好明顯同出面唔同，冇咁膩之仔更多添健康口感，因為裡面有很多甘筍蓉粒、果仁碎粒同葡萄乾，更有陣陣肉桂香味又唔甜，蛋糕口感香軟，真係層次豐富喎，今次呢個真心覺得好食！！凱撒雞肉沙律 Chicken Caesar Salad ($30)
打開蓋，有盒凱撒沙律醬係裡面，所以材料份量其實唔多，有３大件烤雞肉，雞肉帶有脂肪，都幾軟淋幾好味嘅，雞肉下面有３粒新鮮車厘茄，同沙律菜，可惜菜只有一大半係新鮮，有少許有微爛呢..... 

濃厚‧宇治抹茶紅豆杯 ($18)
杯子不大，眼見頂層有白玉(一黃一白)、紅豆、抹茶忌廉、忌廉，可惜頂層果２顆丸子明顯乾身，不軟綿煙韌沒有糯米味，好彩裡面的抹茶奶凍質感夠細滑，茶味好突出，杯底下有甜甜紅豆粒，整體ＯＫ吖！濃厚‧宇治抹茶撻 ($18)
宇治抹茶撻外型好精緻，綠色外層一圈圈的是抹茶味甘薯蓉，中間有一粒栗子，茶香雖然唔算好凸出，不過茶味真的好濃厚，更濃厚到有點苦味添，個人來講就幾鍾意呢種苦味，撻底是牛油脆餅，質感唔夠鬆脆但帶有牛油香，整體味道不俗。士多啤梨卷 ($18)
東海堂有好多款卷蛋係廚窗嘅，但呢件係就特別吸引我視線，呈淡淡粉紅色的外形好靚仔，裡面又有大大粒士多啤梨，都幾甜，卷蛋質感較鬆軟，可惜粉紅色卷蛋係冇士多啤梨味嘅...真夏の果實﹣菠蘿柚子啫喱杯 ($24)
正確來講呢個杯的名係我自己改嘅，因為買果時已經講到有Ｄ甩咳，之後就唔記得個名喇，改得呢個名當然係有菠蘿、柚子啫喱、奶凍喇！
頂層２件燒菠蘿酸酸的好味，隔離有一堆柚子啫喱，好夠柚子味，下面一層厚厚奶凍都幾滑，接著係薄薄的蛋糕濕潤濕了，最底層係柚子啫喱，雖然杯子細細，但各層都算總唔錯。真夏の果實﹣蜜柑荔枝慕絲杯 ($22)
同樣呢個名都係的自己改嘅，嘿~
頂層有２件小蜜柑，極甘甜，蜜柑則邊係蜜柑味啫喱，但偏甜而唔太有蜜柑味，底層有荔枝味的椰果，正！又好咬口；白色一大層奶凍，奶凍下面居然有層少少的蛋糕，都幾豐富噃。

我們這一家終於唔去意粉屋，改去Pizza Hut喇！！
我地從小到大一直都係幫襯意粉屋，來Pizza Hut的次數我諗真係一對手數得哂有幾多次，呢次來呢到其實係我提議嘅，因為之前同Miss來過食下午茶，都幾抵食，咁媽咪又話想食Pizza，咁不如去呢到啦，因為我地次次都係去意粉屋嘛，同埋咁哥哥又可以試下個新批呢~ ~ ~
我同爸爸都係最怕等位嘅，當然唔會揀星期日，更預早Ｄ去攞位，寧頭早Ｄ食都費事等位呀，所以呢晚我地係1840已經去到坐低埋喇！
雖然我地得４個人，但其實我食得唔多嘅，不過都叫左一個４人餐，沙律、小食、意粉飯及Pizza各一，實在太豐富喇，家人都可以叫咁多野，唔怪之得佢地連Lunch都唔多食，就係呢餐食埋佢啦！勁在真係食得哂冇嘥野喎，非常好吖。
最正係用恒生信用卡有67折，慢慢食到飽飽埋單只係$493，呢餐真係好抵食，呢回我地都食得好滿足離開，下次再有乜新野又可以來啦....
特選4人套餐：
﹣餐飲4杯：熱咖啡, 凍咖啡
﹣餐湯4客：意大利菜湯，龍蝦湯(升級+$15)
﹣小食3款：烤雞凱撒沙律、酥脆蝴蝶蝦、焗白汁煙肉焗薯蓉
﹣意粉飯２款：卡邦尼煙肉忌廉濃汁意粉、咖哩雞肉焗飯
﹣雜莓柚子烤肉腸(芝脆邊)
恒生信用卡67折 + 10% Service Charge Total = $493

(前) 意大利菜湯﹣ 蔬菜份量都算足，不過溫度唔太熱，味道唔太濃都算唔錯。
(後) 龍蝦湯﹣ 有龍蝦粗粒及洋蔥粒，唔杰有點稀巴巴的，味道尚可。烤雞凱撒沙律﹣有２件微脆的蒜蓉麵包條，幾好食；菜都好新鮮，雞無乜味少少咸，面層有芝士碎，沙律醬唔用都okay。酥脆蝴蝶蝦﹣有５大件，金黃色睇落炸得好靚，蝦肉肉質結實又彈牙，竟然唔覺熱氣，好ＯＫ！卡邦尼煙肉忌廉濃汁意粉﹣份量唔算大，煙肉粒夠惹味，配有磨菇片增加不同口感，卡邦尼忌廉汁味好濃又香又唔膩喎，呢個唔錯。咖哩雞肉焗飯﹣又係好靚仔同好熱！材料都幾豐富，大量薯使粒、洋蔥、車厘茄，而雞肉係大大舊都入哂咖喱味，而咖喱甜甜地，有Ｄ似日式咖喱，整體係好味嘅。雜莓柚子烤肉腸(普通批)﹣烤得幾靚，配料足，推介！有切片辣肉腸及肉腸、車厘茄、蘑菇、青椒同蜜桃，配上雜莓黑醋汁柚子醬，唔膩好清新，批餅口感外酥內軟係正嘅，只係批邊的"飛魚籽三文忌廉芝士"我地都覺得麻麻啫，非out左佢更正。香蒜芝士白汁蜆肉焗薯蓉﹣烤焗咗的巴馬臣芝士配白汁蓉落香滑薯蓉上面，幾濃郁好味，薯蓉花賣相又靚仔，裡面有紫洋蔥粒、甜脆紅椒粒同蜆肉，材料份量適中嘅，剩係食薯蓉都滿足，讚！ 

呢晚特地來韓燒，係為左同２個老友慶祝生日，搵到呢間係因為之前係樓上打邊爐，不如下次去韓燒唔好又打邊爐喇，所以咪來呢到囉....未試過呢間嘛。
是晚Book左 1915，任點任食每位 $179，限時２小時，我地上到去都仲有位唔使等，坐耐Ｄ已經開始有人等位，相信就算Book左位都未必會有位添，好彩呢晚我地早食啫。
坐低就見到張點菜紙，原來真係"任點任食"，一張紙仔搞惦，我地一人５人點左２輪都已經冇乜野好再點....睇落好似好多野食揀，其實真係唔太多，飲品要另外叫也需加一收費。我最鍾意食泡菜，可惜呢間韓燒冇乜，前菜係多，但唔夠韓國囉.....
青瓜﹣微酸幾爽但唔夠凍。
粉絲﹣唔係韓國粗身果款，係彈牙嘅，但比較油
大豆芽及芽菜仔﹣雖然２款都冇乜味但好爽口，夠清新囉。
泡辣蘿蔔﹣呢個最正喇！酸辣夠爽脆，可惜唔夠辣啫。
椒鹽雞翼﹣雞翼好大隻，冇雪味冇腥味也唔鹹係有少少油，不過唔熱唔凍就麻麻咯。
滷水雞腎﹣正！！食落爽口又夠稔，易嚼唔韌！！！
八爪魚仔﹣都算大粒，冇雪味唔腥，食落彈牙幾好𡁻。
炸咖哩角﹣薄脆少少油膩，好有咖哩味但唔知係乜野餡。
炸春卷﹣唔脆比較油膩，可以唔理。
石斑魚﹣真係一塊塊白雪雪，燒完之後乾身冇乜魚味當然唔腥啦，仲有點似魚乾添 XD
青口﹣冇雪味較細隻，燒完食咯冇青口味添。
牛肋骨、豬排骨、牛肉豬肉﹣好原始的味道.......其實有冇調味過呢？
牛脷﹣薄身，大小剛好，燒完幾香，薄切唔韌有油香。
烤五花腩肉﹣燒完好香又唔油喎。
烤魷魚﹣好大舊，唔好燒咁耐，會過韌好難𡁻，味道ＯＫ啦。
粟米﹣職員特地走埋來問我地要唔要試，新鮮熱辣辣，真係香甜爽口。
腐竹糖水﹣腐竹都算多，綿滑頗甜。
花奶涼粉﹣我走花奶，浸住涼粉的糖水超甜....救命！其實以每位 $179來講，唔好話要超值喇，我係覺得質素同價錢唔成正比添，有得揀我寧願去漢和自己出去揀自己拎野食好過，不過我嘅朋友就鍾意"任點任食"唔使自己拎囉。
不過佢地都覺得呢間Ｄ肉款款都冇乜味嘅。
燒完哂，較好時間要係埋單前切埋蛋糕，職員幫我地執好哂枱清潔哂先遞上蛋糕，呢方面要讚讚職員，服務都幾好。
食埋蛋糕啱啱好２個鐘，埋單走人。
呢餐５人連加一服務費 Total食左 $985

呢日特地來呢個商場睇戲，都知太古呢頭有幾間分店，買完飛緊係搵間未去過的啦，行下搵下就來到呢間新Starbucks喇！
係門口進入去已經覺得幾舒服，最好嘅係竟然冇學生係到霸枱溫書，全部都係成年人，同我一樣來歎返杯嘅！Good！草莓士干餅 Strawberry Scone ($17)
呢個係上年夏天推出嘅，今年夏天又翻出來仲貴左$1。
表面鋪滿粒粒亞麻籽、裡面有粒粒草莓乾，叫職員翻烤耐Ｄ，表面金黃致餅邊鬆化，正！
裡面質感鬆鬆軟軟，味道唔會好甜，餅心有Ｄ濕潤唔乾，加埋草莓果乾少少酸唔會膩，都幾好食更食得飽添。榛子杏仁丹麥酥 Hazelnut Claw ($19)
本身覺得丹麥酥熱食會好食Ｄ，所以先叫職員幫我翻烤熱Ｄ燶Ｄ，果然熱左係香Ｄ嘅，表面又酥脆了不少呢。
裡面雖然見到一層層酥皮，不過都唔覺鬆脆，仲覺得有點實嘅......
見佢形狀成隻咁，中間有榛子醬，唔甜嘅，不過都唔榛子味啫，只得係果仁醬喇，表面有香脆的杏仁片增加口感，若可多加Ｄ杏仁片就更好啦。肉醬雙層芝士千層闊麵 Double Cheese Lasagna ($55)
翻烤完出來熱辣辣，面層微燶的芝士好香，裡面以白汁居多，闊麵都幾煙韌，如果一個人食就真的太膩，肉醬唔鞋口也不錯嘅。 

呢日我好準時1430去到，好彩老友先的到等位，Miss係1445都到喇，等到1450終於有位喇，雖然裡面嘈Ｄ，不過位置同坐位都唔錯，一Ｄ都唔覺迫。
原來Miss同阿Sir食左Lunch，又話飲水得咯，所以我地就叫２個餐３人食啦，佢都只係食一件三文治咋。
其實都有幾多套餐選擇，我又有選擇困難症嘅，最後都要Miss同我分析完就幫我揀左三式拼盤喇....^^"
慢慢食下傾下，又可以任添野飲，我地都足足嗲左２個多小時，看來每年一聚都唔錯，可以更珍惜彼此相處時間外，仲會講到冇時停，Gooood！
我地３個點了２個下午茶套餐﹣
① 迷你俄羅斯沙律三式拼盤 ($62) 包一杯無限次添飲同一款汽水
② 公司三文治 Club Sandwich ($50) +$4 無限次添飲熱即磨咖啡
Total= $116 (會員卡免加一服務費)

0

即磨咖啡, 七喜

0

即磨咖啡, 七喜

① 迷你俄羅斯沙律三式拼盤 (左起）
<芝士焗香草蕃茄法式多士>
呢２件多士幾靚仔，多士上面有大蕃茄切粒同開邊車里茄，大蕃茄帶酸，車里茄配上少量的芝士就帶甜酸，餡料裡有碎香葉，有微香，最正反而係多士，勁脆！！
<迷你俄羅斯沙拉>
用薄餅盛載沙拉，也算是脆的但帶微硬；最頂有隻好鮮且彈牙的蝦，冇雪味已經好好；蝦的下面係薯仔沙律，有薯仔同紅蘿蔔粒，撈勻沙律醬，ＯＫ啦；最後係幾塊沙律菜，翠綠新鮮！
<秘製雞槌>
用上黑椒粒醃，雞皮香口，雞槌肉質都唔錯，細細隻真係下午茶啱食。② 公司三文治 Club Sandwich
同Menu相中相比當然係有所不同架喇，記得細個我都好鍾意食公司三文治，仲覺得佢係好High嘅野食添。
都唔知幾多年冇食公司三文治，今次都係Miss揀嘅，三文治中間的薯條好粗唔油微咸香脆，幾好食；公司三文治的材料當然要多啦，呢個包括有蛋、生菜、雞肉和蕃茄，各餡料都新鮮嘅，最可惜係三文治一Ｄ都唔脆唔燶，就似白麵包冇烘過一樣，整體ＯＫ啦。