小白兔...小白兔.......小小的大白兔.......

係陶源外賣部買回來既大白兔, 見到佢都唔捨得食.......
不過佢軟綿綿既身體, 實在太吸引啦.... 我要食你啦..........
嘩 , 一入口就溶左.... 好好味, 不過就甜左少少.......
需然要5蚊一隻, 但以個 size 同好味度都叫值得

星期六 lunch 唔知一家食咩好, 係 isquare 一邊行一邊睇下食咩, 見個 2 人lunch set 好似都OK, 就試下佢.

lunch set : 2 個餐湯, 1 個ribs, 1 個意粉/飯 及2 杯飲品 (大約HK$170)
因為有小朋友就叫左個兒童餐 (好似唔過HK$70)

講返個 set 先, 要讚下個湯, 因為好特別..... 係西洋菜忌廉湯, 好味
個 ribs 係個餐既主打, 不過就差左D, 因為太乾身, 個邊位既肉係乾到食唔到.....
我地叫左個日式和風炒意粉, 個份量真係少左D..... 如果 2 個人都係好肚餓, 就一定唔夠食 (因為我地個小朋友食唔晒個兒童餐, 所以我地先夠飽 ). 而且個粉係冇咩味, 要加 ribs 既醬/ 茄汁先叫好D
飲品就當然係叫 coffee 啦, 餐廳賣點ma..... 但都係一般. 可能要加錢飲佢 D special coffee, 先叫好D.

比較起, 個兒童餐就叫底D. 有餐湯, 蛋包飯, 漢堡牛排, 炸蝦一隻及雪糕球一個.
個蛋包飯好大個, 因為好似正常餐既 size, 都幾味. 漢堡牛排都幾厚同大件, 好食過 M 記既足3 両. 隻炸蝦一般.

另 order 是日12蚊軟雪糕, 係士多啤梨味 ( 未能試佢個綠茶味, 有D失望). 微微既士多啤梨味, 不過好在夠滑, 補返下......

總結 : 以 lee 個價錢, 可以另選其他 .

大年初一當然出街食返啦......近近地去左葵芳Pizza Hut 食新 pizza
一打開餐牌就見到個 4 人餐好正, 不過要會員先有優惠...... 即時就搵個經理問下點先可以成為會員. 原來買 HK$500 cash coupon 就可以啦... 而且 D coupon 還可以在今次享用.... 更加正正, 低呀 ~~~~ 頭盤
餐湯- 蘑菇忌廉雞肉湯......... 嘩 超多雞肉同蘑菇, 都食唔晒......
沙律- 烤雞凱撒沙律........... OK, 不過唔夠沙律醬, 要佢地比多個沙律醬我地....小食
滋味釀雞翼........ 內裏釀左粟米同雞肉, 不錯
千島海鮮烤卷......... 都幾特別既一個新款小食.... 不過可以做多個咖哩味既, 有少少辣都幾好味....飯 & 意粉
車打海鮮焗飯香蒜肉絲意粉主角- Pizza
花開必勝批 (大批) .......... 原來個批係芝心批, 正正..... , 不過真係太多野啦... 我地已經好努力禁食, 都食唔晒... 外賣左3 件.... 甜品及飲品
紅豆雪糕配紅豆.......... 需然好飽, 但雪糕 (而且係紅豆味) 係唔可以唔食既甜品 大人都叫左熱檸茶, 希望可以減返D罪惡感.... hehehehe.... ; 小朋友就叫左橙汁(不過要加$3)

是晚已經用左4 張 coupon, 一家大細又食到飽飽.... 真係豐衣足食呀......
p.s. 入會還有好多不同既 coupon 送, 其中一張就係下次優惠時送一個普通批; 其餘就係D 下午茶優惠, 生日優惠, 晚餐優惠等等........

聖誕節對我黎講係多一個意義, 因為 6 年前既今日係我地2 個既結婚日

原本我想去食日本野, 不過我老公話不如食好D 啦. 禁我地就去左 outback , outback 係我地有節日要慶祝既地方之一. 當晚沒有 book 枱, 但由於 6 點去到所以不用等, 但要7 點半交枱, 而且不用minimum charge < 我記得之前試過在情人節去食要收minimum charge>, 唔收就更加抵.

佢地做緊 2, 3 - 4 人set, 價錢都幾抵食, 有湯, 主菜, 意粉同餐飲 (如: 2 人set 都係收4百幾, 如白金會員個set 只係$350左右), 但個 set 有牛而我地2 個都唔食牛所以冇叫. 不過, 個優惠期好似去到明年2月.

我地叫左:

羊架 : 由於老公唔食生野所以叫左7-8成熟, 份量同平時一樣. 不過, 唔記得將其中一個小食轉做甜蕃薯 失望

豬肋骨 (全份) : 今日食既唔同, 不是味道唔同, 而是個豬同個骨. 平時要好出力先可以骨同肉分開, 不過今日既就1 刀分開左 . 唔知係唔係用左其它方法, 不過好似煲熟左先燒先有禁既效果.

忌廉洋蔥湯 : 同其它地方飲既唔同, 佢地既湯好杰但好好味

凱撒沙律 : 食得多肉有D 菜食係唔錯既選擇 < 湯同沙律都係主菜加錢既, 湯加 $10; 沙律加 $20 都幾抵 >

黑糖包 : 我既之愛, 熱騰騰好好味.

總結, 好滿足既一餐, 2 個人係聖誕夜食一餐有質素既西餐都只係$450, 都冇咩好講. 只想講就係服務方面, 我地坐既 area 得1 個staff , 所以我地1 坐底就叫我地order, 還吹左我地2 次

聖誕節日日都有節目, 今日中午快快食餐又去玩過. 葵芳為中轉站, 食野先.....

白汁香腸火腿蘑菇意粉 : 當日既意粉比平時少左D汁, 比較乾身

千島海鮮薄餅 (半份) : 個餅底焗得幾好, 好似食緊餅乾. 汁同餸既份量 OK, 可以接受

蜜燒煙肉菠蘿香腸 : 好ｌｉｋｅ食既小食, 因為個煙肉焗得好香口, 連個菠蘿食唔油膩,加d蜜糖甜甜地, 正

House Coffee : 一日既精神食糧唔小得一杯 coffee, 我覺得 lee 杯都可以叫中位既 coffee. 價錢方面係合理, 平及好過 M 記自稱話好飲既 coffee.

唯一就係假期沒有 lunch set, 計起來就比平時貴左少少

聖誕平安夜人人去食大餐.. 火雞既時候, 我成家人就去左"霸王山莊" 食片皮鴨
冇 book 定位, 七點去到成大班人係度等緊位, 好在都係等左四十五分鐘都叫OK 啦. 當晚叫左以下既餸:
片皮鴨 : 我地叫左 "二食" , 因為都係差 $50 蚊左右有多一個餸, 都叫OK. 不過, 片皮鴨個皮就差左少少, 唔夠脆. 個粉皮就幾好熱騰騰好好味, 有兩籠粉皮, 一籠都好多下.
第二食就係炒鴨崧. 之前問過經理個菜會唔會辣, 佢話唔辣我先叫因為有小朋友. 點知食落係有少少辣 , 不過算啦... 因為我個小朋友已經食飽左 (食其它餸, 因為 lee 個餸係最後上 ), 用生菜+個粉皮包住黎食幾好, 唔易散(如果平時只用生菜包就好易將d 餸跌晒落黎), 有生菜包住就好清, 唔油膩
小籠包 : 同平時既水準一樣
砂鍋雲吞雞 (例) : 都有四隻雲吞足夠每人一隻, 個湯就每人有二碗左右, ok
叉子餅 : 個皮唔夠香口. 用黎同鴨菘一起食, 幾好.
霸王炒飯 : lee 個就冇平時禁好啦, 因為炒得唔夠乾身, 唔香, 而且好似楊州炒飯
總括: 四個人都食得好飽, 結賬都係四百幾, 真係抵. 只不過我地坐在門口位而且當日唔多服務生, 都冇咩服務可言.
但, 好過去咩扒王食啦 < 一個set 要二百幾, 四個人要成千蚊 >, 留返, 平日平平地去食 buffet 啦...... lee D 時候冇謂比人放血呀

生日當然要買個生日蛋糕架啦...... 由於家中人數不多,平時都好少買 standard size 既蛋糕, 因為會食唔晒. 因此, 我不時都會去波菲買佢地細 size 裝既生日蛋糕

我就鍾意食Tiramisu , 藍莓芝士又食過, cream 生果蛋糕都試過........ 又比我見到個未食過 既 cake 係 "開心果蛋糕" 就買黎試下啦.....

佢地個盒轉左 (好厚身, 而且方便左唔洗用繩), 食過晚飯後, 小休一刻又黎開餐食蛋糕.
一開個盒, 好香既蛋糕味飄出. 食到有開心果味既蛋糕 + 花生粒 + 朱古力粒, 蛋糕就2 層, 不是太多cream 好適合老人家食.

好味 , 下次再試其他

久違了的地方 ( 起碼有十年有去過 lee 度 )
唔係 fd 既信用咭有 6 折優惠, 而且我地又 1 大班人, 我都唔會去 lee 度食 dinner buffet......

原本 1 行入去見到新既裝潢就以為佢 d 野食會比以前好啦... 點知........... 冇野好食
( 我有個 fd 第 1 碟就食打冷野紅腸+"老味" .... xd )

魚生 : 得 d 普通野 - 3 款野 ( 三文魚, 八爪魚 同 吞拿魚 ), 而且 1 次只有 2 片...... 係 2 片...... , 我食左冇味既三文魚

湯 : 西湯 - 我個 fd 話超咸, 我只係飲左佢個"地中海式龍蝦海鮮湯".... 好似飲水禁, 點解可以得個小小味, 都唔覺係龍蝦海鮮湯, 似 1 般茶餐廳個 d "例水"

沙拉 : 都有 6 - 7 款啦... 不過就唔吸引啦....

主食 : 佢個度做緊 《地中海美食之旅》, 但都唔見得有咩特別, 只係有個叫 " 巨型西班牙炒飯 (海鮮/ 雞肉及田螺/雜菜) ", 但是由開始到尾我都見個 d 飯都冇咩人食..... 好似只係放係度比人睇......

即叫即製意式麵食 : 咪同出面個 d 差唔多......

鱈場蟹腳、翡翠螺、大蝦、青口 : 我都未見過 1 間 4 -5 星級酒店得個禁少份量比客人食.... 我真係唔夠膽去囉.... 我只食左 2 隻翡翠螺 同 2 隻 青口.......

燒牛排 : 本人唔食牛所以攞... 不過見到我個 fd 個碟... 我唔敢出聲, 因為好似我媽煲完湯個 d 肉 , 好唔好食我都唔知, 因為我冇問啦....

全場最吸引係Mövenpick雪糕有12 款, 有人幫你整, 不過又係份量好小, 如果你想食多 d ... 行多幾次啦......

cake , 真係唔好講...... 1 來唔好食, 2 來供應量真係不多, 我 d fd 係度等想食 cake , 個度都唔出新既, 只係 1 件件禁出.... 好似比人食完禁.....

湯水, 又 1 個不知所謂既野.... 楊之金露 : 冇料同多棷奶 ( 係.. 唔知點解用棷奶 ) ; 芝麻糊....錯, 應該叫芝麻水....... , 而且可以冇碗比人用架... 要去問先有人放返 d 過去..... 差... 真係唔得

還有 1 個好好笑既地方就係加水..... 我都未見過大酒店加水個壺係用大排檔 / 家用個 d 白色膠壺.... 我同 d fd 都睇到 O 咀.......

需然 discount 後只係每人 2 百幾.... 但係, 2 百幾我去扒房食好過.... , 如果真係用正價要比3百幾以上食 lee 度, 我會去食返皇家xxx or 其他)

平日做野都唔係好開心..順心, 是日 lunch 要出外食, 禁就約左個老死去甜蜜蜜食野 + 吹下水.....
2 個人 order 左 2 個 lunch set ( 主菜 + 甜品 + 飲品 = $38 ) share 一齊食.

主菜
1) 焗海鮮白汁公仔麵
我未食過焗公仔麵架, 原來都幾得, 不過佢個面唔似焗過囉
2) 燒香橙汁鴨胸天使麵 (原本係飯, 我地問可否轉天使麵, 佢話冇問題.... GOOD )
夏天食 D 有生果既菜色係好好既, 會令人好開胃 , 而鴨胸都有成 4-5 件, 亦唔同平時係街買到個 D , 佢似係新鮮整既大大件厚厚地.

甜品
是日得 2 款選擇 : 1) 豆腐花, 2) 拿破崙朱古力雪糕. 我同我老死唔洗講.... 2 個都係要拿破崙朱古力雪糕 . 正... 食完開心返晒

飲品
我 : 熱檸檬柚子蜜 -- 1 般野
老死 : 熱檸檬百花蜜 -- 幾好飲, 好有花味

為一差少少就係 d 服務員, 好似未訓醒, 要人講多幾次, 落左 order 之後又走黎問多次 ( 我見幾枱客都係禁 ) 真係要改改啦...

好滿足既一餐, blessing

日日都係旺角轉車返家, 今日心思思想食出左好耐既魔鬼蛋糕, 好去買.....

見到個盒已經想食個蛋糕 ( 不過個盒真係幾唔環保, 好高身同個盒又厚又硬 )
cut 開個 cake 就係係忍不住要食啦...... 嘩........ 好鬆軟既海綿蛋糕加上幼滑既朱古力忌廉及朱古力脆米, 真係食到收唔到口

如果鍾意食朱古力既人就真係不可不試