由於新店開張，唔多人知，店鋪門口又唔太多圖片吸引人，仲要在地庫，所以都唔多客人。不用等位，招呼亦十分周到。

由於間店既食物價錢都唔平，所以都係試左推廣優惠，二百幾蚊既燒烤餐。點知好有驚喜，店員好細心咁上菜，亦好耐心咁解說點燒先好食，見我地食唔切，燒到就燶晒，佢主動幫我地燒同剪開細細件，十分細心，抵讚

推介：炑八醬油蟹

地點十分就腳，深水埗地鐵站出口行幾步就到。環境又乾淨企理，就算12人枱坐到14個人都唔覺迫。食物分量好大碟，如果人數多，佢地會按人頭收費加大食物分量，所以唔使怕唔夠食。價錢亦都合理。

剛剛路過，見到佢個廣告牌在樓下，睇下個餐牌d 野食野飲都ok, 所以上去八一八。

上到去已有一半坐了人，但環境仍然寧靜，十分舒服。服務員亦好nice 送上餐牌及水。

本人推介：Hazelnut Cafe, 唔使落糖已夠甜！

聽聞呢間野出名，6pm時見有人等緊位，咪攞定號碼順便等老公放工，等佢一黎度就差唔多有得食。自己在商場行左成個鐘，再等到老公黎埋，返到去睇都仲爭四十幾個號碼，於是又行多陣，起碼等再7:30 pm 先有得入去食 主食方面，都係分幾類，韓式年糕，麵，飯，炸雞。 服務方面都唔錯，今次叫左個辣年糕，落單姐姐已溫馨提示左好辣，果然真係好辣，食到第4 件年糕已頂唔順了

呢期做緊"澳洲和牛刺身及即開生蠔"主題, 有專人即開生蠔, 亦有一半係為心急既人開定, 等人拎, 我2者都試過, 即開生蠔係好咪D, 已開既生蠔會大隻D, 但比較腥, 即開會淡口鮮味D。


澳洲和牛刺身初初就一碟2件, 到後期就一碟1件, 味道都OK, 算新鮮既(解凍得夠, 冇雪味, 哈哈)

甜品方面人地話最出名係芒果拿破崙, 的確係幾好味, 而且芒果都好甜, 但我就覺得個酥皮可以再鬆少少就好喇~

仲有個燒牛肉, 平時D BUFFET我真係唔係, 又硬又冇味, 但呢間就好正, 好"淋" 又入味~

總之整體黎講食物都好掂, 係地方偏僻O左少少, 好在就係佢有免費穿梭巴士, 由尖沙咀既九龍酒店對面上車, 直到8度酒店都係12分鐘, 班次可以上酒店網頁參考

六時多有D餓就搵下有咩好食~見到呢間門面睇落都OK, 入去試下, 老闆好熱情咁招呼, 有D怕怕~

佢呢度既鎮江肴肉, 比起我平時食開既肴肉有D唔同, 比較有咬口, 味道唔會好咸。
回窩肉炒年糕, 分量都唔少, 2-3個人食都得, 而且唔會只有年糕冇晒回窩肉, 材料平均。好味!
炸銀絲卷, 炸得剛剛好, 外脆內軟, 正!
老闆極力推介, 清炒草頭, 外型似豆苗, 但食落好唔同, 比較爽口, 有青草味, 都唔錯既。

是日朋友生日，所以人多可以食多Ｄ款既海鮮，聽聞食套餐會細碟, 所以都係散叫海鮮, 而且佢地服務都幾好, 樓面D姐姐又好識做, 本來只有生果或甜品, 見我地有人生日, 主動話俾生果同埋甜品我地, 都算係咁囉~ 仲免加一添。好喇, 講下D餸先。

椒鹽瀨尿蝦　　　(超好味, 炸到好脆, 但佢個椒鹽似七味粉, 都好好味既)
椒鹽鮮魷　　　　(一般啦)
清蒸青衣　　　　(初初蒸得未夠熟, 樓面話再蒸就唔好食, 所以再淋多次熟油, 都好滑)
蒜蓉粉絲蒸扇貝　(蒸耐O左, 粒扇貝好”UN”)
油鹽花甲加粉絲　(好味, 粉絲入晒花甲D鮮味, 而花甲亦不會太熟而難食)
果皮蒸飽魚　　　(唔覺有果皮香味, 一般)
酥炸生蠔　　　　(炸得好乾身, 又唔太多粉醬, 好正)
豉椒炒聖子　　　(啖啖肉, 好味)
薑蔥炒蟹　　　　(OK~蟹膏頂晒蓋)

今日同爸媽去試下個Lunch Buffet, 有5個主菜任揀, 大約$138 - $188.

今次我地揀O左3款菜式(茄汁意粉), (雜扒配薯菜), (燒汁雞胸配薯菜)

佢地個薯菜一律都係薯條, 但今日食O個雜扒就比較麻麻, 牛扒太熟、豬扒乾身, 但雞扒同腸仔都OK…. 意粉幾入味, 都算唔錯, 個雞胸幾好, 算滑.

甜品種類夠多, 仲有專人服務. 本人推薦的甜品是朱古力慕士蛋糕。好好味

本來去到想食飯, 但估唔到今日下午三時多已沽清所以飯類食品。
所以叫了一個豬潤麵, 一份西多, 一杯凍古力, 一杯熱奶茶, 一件叉燒酥。

豬潤麵來的時候, 係估唔到咁多片豬潤的, 仲好味過深水埗"維記", 夠滑夠爽。
西多士好味之處, 在於西多士邊仲保持到外脆內軟, 落單姐姐仲會好親切地問你要糖漿定煉奶。

今次專登去搵食, 為的是特色熱狗. 原來間喜喜冰室就O係LCX後面.

因為我一點前已到冰室, 所以都冇咩人, 唔使等位, 見到有個特餐, 平平地$39有雞批浮台、合桃香蕉克戟、一杯飲品, 咁既價錢有D特別野食下都OK丫, 仲有緊係叫埋個特色熱狗啦。

個雞批浮台, 係青豆+Cream打做湯底, 估唔到咁好味, 同個雞批都幾夾。
合桃香蕉克戟, 普通甜品, 味道都唔錯。
特色熱狗, 因為唔係切開夾腸仔, 所以真係唔會食到周圍都係沙律醬, 好味!