名苑比其他大集團式的酒樓, 宣傳相對少, 所以我比較少聽到朋友介紹此酒家. 今晚有幸第一次品嘗名苑的菜式, 感覺十分驚喜.

名苑幾位負責人在3個半小時內一再重申其酒家是新派粵菜, 會比其他酒家的菜式有分別, 確實在試食當中我感覺到酒家是花了很多心血的.

試食晚宴菜式共有13項
清宮明火雞煲翅
加拿大冰海帝皇貝
意大利砵酒焗珍寶蠔
蠔皇扣三頭鮑魚(玉掌伴)
頭抽生煎澳洲大老虎蝦
乾坤沙巴海東星班 - 碧綠炒球、淮香頭腩
黃金脆皮雞
金柱鮮竹泡菜苗
生拆龍蝦肉泡西施飯
養顏蛋白杏仁茶
燕窩流沙大壽桃
鮮製呂宋香芒布甸
宮廷桂妃糕 清宮明火雞煲翅
翅既份量多, 而且好整齊一排排, 十分爽口.
用老雞煲的湯, 火候十足, 一開煲蓋, 香味已經擴散到席上每位食家都感受到. 此湯味道十分濃郁, 品嘗時即令我覺得補充了不少骨膠原. 加拿大冰海帝皇貝
整體賣相突出, 帝皇貝體積果然很大, 經理有提及此貝不會煮到全熟, 中間會保留像刺身的嫰滑感, 但唔知係咪我地影相花了很長時間, 到上碟品嘗時, 中間並未有嫰滑感, 反而整體覺得有點overcooked. 意大利砵酒焗珍寶蠔
一出桌已經十分吸引我既視線, 因為中間有一座形似珊瑚既裝飾, 經理說是用麥芽糖做成的, 還給我們試試
珍寶蠔大, 炸漿很薄而且唔會老, 辣醬能帶起蠔既鮮味, 再加上清爽既生菜, 配搭十分新穎 蠔皇扣三頭鮑魚(玉掌伴)鮑魚比鵝掌大
主廚用了6日既時間烹調此鮑魚, 所以芡汁及鮑魚味十分濃郁特別推介鮮榨既楊桃檸檬汁, 沒有加添任何調味, 十分清新, 就算加上檸檬板也未有苦澀感, 可以清一清口腔, 迎接下一道較清淡的菜式.頭抽生煎澳洲大老虎蝦
連殼食十分香口, 但偏油膩

品嘗完前四道份量十足的菜式, 我的相機電池也跟我say byebye...

乾坤沙巴海東星班 - 碧綠炒球、淮香頭腩
一味兩食: 碧綠炒球, 班球配蘆筍, 清清淡淡; 淮香頭腩, 有點椒鹽的微辣, 十分香口.

黃金脆皮雞: 用新鮮海南雞做, 皮脆肉嫰

金柱鮮竹泡菜苗: 未見驚喜

生拆龍蝦肉泡西施飯: 品嘗此飯同時欣賞了一個表演, 將剛做好的炸米, 倒入熱湯, 同收視,聽,聞三效!! 3份炸米配一份白飯, 炸米的香脆及白米的清軟, 絕對是一個新嘗試既配搭, 不過龍蝦肉湯底份量比預期少, 個人感覺湯多D會更好.

食完九道菜已經有9成9既飽足感, 但女性最不能抗拒的就是甜品.

壓軸既四大甜品
養顏蛋白杏仁茶: 好香既杏仁味, 加上粒粒蛋白, 味道不太甜
燕窩流沙大壽桃: 整個手掌大的壽桃, 一撕開, 奶黃及燕窩爭先流出, 視覺效果一流. 壽桃皮不厚, 奶黃及燕窩分量十足, 食多個都唔會覺得膩!!
鮮製呂宋香芒布甸: 本來經理話平時用3.6牛乳, 但日本的事件, 所以改用荷蘭牛奶. 大而清甜的芒果粒, 配上滑滑既牛奶布甸, 十分合拍
宮廷桂妃糕: 以桂花糕及椰汁糕做成四層效果. 視覺效果很好, 但椰汁糕味比桂花糕味濃, 覺得有點蓋過桂花味.

呢個舖位經常轉手, 前兩次都是日式料理, 但都不能踏穩腳, 今次的小店希望能支持下去!!麻辣豬雜金邊粉
老闆娘特別仲紹此湯底, 餐牌都未有提及, 當然要一試!
一上桌, 香料的香味已經自動飄入我鼻, 此湯底看似清湯, 但麻辣感十足, 個咀越食越麻, 很過癮.
豬心: 有鮮味, 夠爽, 是意外驚喜
粉腸: 不太肥, 不錯
豬腰, 豬潤: 兩個字--- 好食
溏心蘿蔔: 本來也不太明白是什麼一會事, 但食完覺得真係配得上"溏心"二字

沙爹蝴蝶腩上海麵
沙爹湯底雖不夠沙茶醬及花生味, 但以$21的價錢, 絕對是上上之作
蝴蝶腩: 其實不是牛腩, 而是豬的其中一個部位, 十分好味, 也很入味.
上海麵: 麵底略細.

下次必定會再幫襯!!

每個星期日都到大元搵食, 大部份味道一般, 但這間餐廳給我一個意外驚喜!!

首先, 選這餐廳是因為在玻璃門看到餐廳入的便當, 覺得十分特別及吸引, 就算要等位都要一試.

因為實在太多人, 搭桌也在所難免.三個人叫左三個日式便當, 分別要雞扒, 豬扒及魚柳, 及轉紅糙米飯.
餐牌寫明"紅糙米營養價值高, 有助降低膽固醇" , 有營之選!! 便當有什果沙津, 木魚豆腐, 紅糙米飯, 雞扒, 豬扒及魚柳
份量十足, 營養均衡, 有菜會更好.
三款肉類中, 以魚柳的味道最佳, 沒有骨, 不會乾, 醬汁也很好, 還有片紫菜作裝飾雖然即磨咖啡只是需要靚機器及靚咖啡豆, 但就算西餐廳, 也並非每間有花心思在咖啡上, 所以部份質素非合乎理想, 所以我見到左邊有客人有這杯咖啡時, 二話不說, 跟侍應姐姐要求加$2換即磨咖啡, 姐姐亦很好的馬上幫我改單, 我才有幸在茶餐廳試到這杯高水準咖啡!!

我曾經到荃灣及大埔的oliva享用晚餐, 當中以荃灣總店的質素為高, 今次十分慶幸OPENRICE給我另一次機會試深水埗分店的Oliva.

一入Oliva, 覺得其樓底很高, 跟大埔分店的一樣, 只可惜大埔分別已結業了~~ 牆身也掛滿不同的畫, 給人藝術及置身外國餐廳的感覺. 由待應生安排到餐廳另一面, 看來是專給我們試食用的. 坐下來就跟食家們傾下計. 無耐, 餐廳Managing Director 兼行政總廚Andy出場, 為我們的試食講解及揭開序幕. Andy會集結受歡迎的菜式給大家試食. 所以是次共有12款.首先送上餐前麵包配黑醋橄欖油, 本人是比較喜愛黑醋橄欖油配麵包, 因為我喜歡黑醋的酸性來刺激我的食慾, 但這個皮硬及內容十分煙靱的餐包並非我的偏愛, 希望能用焗爐烘暖點.前菜: 煙三文魚柚子沙津: 三款分別都是我的心頭好, 只是菜沒有dressing, 比較乾, 可能是為了配合有汁的柚子吧~~ 煙三文魚已切條, 方便享用

前菜: 海鮮忌廉汁焗蠔: 海鮮忌廉汁不太濃, 如更多芝士會更突出, 連菠菜食的蠔是比較特別.雜菌忌廉湯: 不是一般的那麼creamy, 這款比較水, 且沒什麼料.什菌意大利飯: 清淡, 多什菌, 只是餐廳為了迎合大部份香港人的口味, 而把原應帶硬的意大利飯煮得軟一些.
海鮮墨汁意大利粉: 多汁, 多料, 墨汁滲入每條意粉內, 十分鮮味, 是我最喜愛的一道菜
煙三文魚南瓜忌廉汁蝴蝶粉: 南瓜忌廉汁配蘆筍這個組合味道清淡, 加上煙三文魚就比較突出, 可惜本人不太明白為何煙三文魚非放上面? 這會影響外觀及味道呢~~ 兩款特式薄餅只是中規中矩, 雞肉可以再切細粒點, 那就可以平均分佈每一片薄餅上, 火腿菠蘿的非特別之作, 但饀料十分多.主菜上場
保雲酥燒羊架: 面頭加上醬汁及麵包糠, 口感十分好, 肉質鮮嫰, 如加上薄荷醬會更好
大蝦配燒牛柳: 大蝦及牛柳overcooked, 味道一般
什果仁配焗海鱸魚: 果仁配鱸魚這個特別組合效果正面Tiramisu: 本人至愛, 所以要求比較高, 所以覺得如果咖啡酒更多會更吸引
藍莓芝士餅: 藍莓醬過甜, 餅底的味道跟平時食的有分別, 如加上幾顆藍莓賣相及口感會比較好

最後來杯清新的檸檬茶, 三個小時的試食完滿結束, 謝謝!!

為左友人既生日, 我一早落booking, 特別request window seat.
餐廳確實為我們安排了一個corner window seat, 今日天朗氣清, 風景特別怡人, 就算隔著個玻璃, 都似感受到陣陣海風~~~

我本身偏愛filet, 但lunch time未有提供, 所以揀左另外兩款medium rare steak
1) Australian Hanger
2) American USDA Sirloin
配
Jalapeno Mashed potato & Gilled Asparagus
Sauce: roquefort sauce & 一般配steak既steak sauce

落完order就去salad bar搵食
salad bar 有多款食品選擇, e.g. Quiche, Tomato Provencale, Greek Salad, Caesar Salad, Green Salad, Coleslaw Salad, Pomelo & Shrimp Salad, Charcuterie, Spicy Cauliflower, Frittata, Potato Ball etc.
友人對Quiche比較欣賞, 濕潤既芝士味, 比一般蛋餅鮮味

正在品嘗salad之際, 熱辣辣既popover新鮮上桌~~ 打開popover時, 陣陣熱氣上升, 洋溢著濃濃既牛油及芝士香味, 口感內脆內軟, 配合軟滑既牛油, 果然值得我地朋友既極力推介. 如果芝士味重d或內加芝士粒便更好.

另外我地仲試左個chowder, 內有mushroom, bacon, corn & oat. 個重點係OAT, 好少湯會落OAT而且咁突出, 真係好重麥香及奶香, 又CREAMY, 又多料, 真係推介!!!

重點上桌
揀兩款STEAK目的當然係要COMPARE下其分別~~
Australian Hanger texture 好鮮嫩, 入口嫩滑, 不過肉味偏淡
American USDA Sirloin 肉味重, 但少許overcook, 唔止medium rare, 所以比較tough, 配返個steak sauce會濕潤返d.

因為hanger比較淡, 所以我地用左roquefort sauce (羊乳cheese), 當味道較淡既hanger同羊奶味重既roquefort 結合, 原來可以咁夾, 我同朋友都覺得係一絕, 值得推介俾openrice既朋友們, 不過前提要大家能接受羊羶味.

Gilled Asparagus 鮮嫩, 但外層有少少overcooked, 少許乾
Jalapeno Mashed potato, 食唔到Jalapeno 既burning sensation, 但口感細滑, 帶青草味, 雖然偏咸,但仍然好正!!!

再黎就到dessert bar, 有double chocolate cookies, fruit tarts, carrot cake, lemon pound cake, fruit platter
Double Choco Cookies 朱古力味香且濃, 但比較硬身, 如可改良成外脆內軟就perfect.
fruit platter 有很多種類, 有kiwi, mango, orange, watermelon, pineapple, Hami melon. 所有水果都好fresh&juicy, 除左watermelon & Hami melon比較淡之外, 其他水果都sweet, 所以我encore左一次.

最後當然要搵返杯咖啡黎做個壓軸, 呢杯咖啡香且濃, 完全冇苦澀味, 加埋creamy milk, 有個完滿既結束!!

寫食評時有個小意外, 多張相片上傳時, load極都load唔到, 等左半個鐘, 最後放棄, 重新再打過

宜家的yogurt店開到差唔多梗有一間係左近~~haha
不過我今次都係第一次食店舖既frozen yogurt, 因為我俾佢店舖既color吸引左, 好sharp既shocking pink ~~
已經接近店舖收工既時間, 但店員都十分有耐性及笑容介紹每一款口味既yogurt, 仲每款俾我地試食一下, 服務一流!!
是日有green tea, strawberry, tropical mango, original tart. 試哂咁多款味, 覺得最新既綠茶味反而不如我預期, 可能我expect會似我平時食HD既green tea味~~
最後我地其他三款味都叫哂, 嘩哈哈哈~~
第一杯: Strawberry & Tropical Mango + Strawberry & Blueberry Toppings + Condensed Milk sauce
第二杯: Tropical Mango & Original Tart + Blueberry Topping + Green Tea sauce
因為同時買兩杯, 所以我第一杯個blueberry topping係送既~~

Strawberry味係店員哥哥既特別推介, 佢話最多人叫, 我先試, 果然值得推介, 因為好多朋友食Strawberry會遇到似藥水味, 呢個完全冇, 的的確確係Strawberry味, 有d似食緊HD.
呢度既yogurt比係supermarket買既冇咁creamy, 冇咁酸, 冇咁漏, 反而似係食緊雪糕既感覺~
toppings新鮮, 粒粒清甜, 一d酸都冇 而且份量都幾多, 可以一嗒一粒topping.

呢個既YOGURT份量都幾多, 我一個人食唔哂一杯, 而且我呢D鍾意咩都試D既, 其實希望佢每款份量細d, 但可以俾我叫多幾隻味, 無計, 女人係貪心既動物

P.S.: 因為隔左一日我又到附近, 經過呢間人, 嘩, 好多人呢~~ 仲見到老闆既蘆山真面目: 好cute既外國人.. 不過因為我啱岩食完個lunch太飽, 又趕住去另一個地方, 所似無緣俾我試佢既新口味- 香芋~~~ 我好鍾意香芋架, 唯有下次有緣再見喇~~

係街見到有張廣告寫有新cake店開張, 終於星期四有時間一會~~
原來係open store黎既~
我望緊d cake既時候, 小姐已經好主動問我要唔要試cake, , 有三款cakes試食1) Green Tea Mosses 2) Opera 3) chessecake
小姐仲教我先食最LIGHT既Green Tea Mosses先, 入口好清既綠茶味, 清到好似冇點食過咁
第二款既opera, 小姐話係有十層既, choco, 脆脆 cake etc.. 食落冇乜朱古力味, 不過口感好好
第三款chessecake, 小姐話有少少lemon味, 不過我食唔出, 同一般cheesecake一樣, 食唔到分別

最後我揀左四款精緻既蛋糕返屋企品嘗
1) 香檳梨餅
2) 日本紅豆豆腐
3) 朱古力嘉年華
4) Triple Taste

1) 香檳梨餅
係我第一款想食既, 因為夠特別, 我自己未食過香檳味既cake, 切開一半, 第一層啫喱, 第二層係海綿蛋糕, 第三層就mix左切碎既梨肉, 最底係朱古力餅底. 食落係好少既香檳味, 可能因為已經揮發哂啦~~ mix埋哂一齊食既感覺又幾清新喎

2) 日本紅豆豆腐
係小姐推介, 話係最搶手貨
食落都真係不錯, 淡淡既豆腐有d芝士味, 再加上粒粒甜甜既紅豆, 又一清新之作.

3) 朱古力嘉年華
等於朱古力mosse, 不過有三層, 第一層朱古力, 第二層白朱古力, 第三層朱古力脆脆.
試到第三款都係mosse, 個味蕾有點複雜, 食唔出白朱古力既味道.
整體只係一般既mosee再加d脆脆既口感

4) Triple Taste
三款口味既結合-cheesecake, tiramisu, 特濃朱古力餅
tiramisu有別一般餅店, 唔會只有厚厚既cream cheese, 佢比其他多一份濃郁既咖啡酒, 食落濕潤, 係我鍾意既tiramisu
特濃朱古力餅亦是我的心水, 比前幾款淡淡既味道, 我偏愛濃厚但又唔會太甜既朱古力, 令我既試食畫上一個完滿既句號

我上左佢個網站, 發現仲有我其中之一既偏愛 - 拿破崙, 希望下次去會俾我試到喇

今日難得到九龍城, 梗係要去試下曲奇四重奏, 加上同事在旁大力推介, 最後買左一盒蝴蝶酥返屋企~~
一睇個盒好靚, 粉紫襯金, 再加個靚靚紙袋~~
開左個盒, 裡面有張曲奇介紹既紙仔, 同埋滿滿既蝴蝶酥, 一開已經食左5件, 因為好香牛油味, 又鬆脆, 5件已經好節制. yummy yummy
我仲去數左原來呢盒係有35件蝴蝶酥, 計落一個星期已經可以KO成盒
下次到九龍城一定要再買

大埔中心其實都好多間餐廳, 但我咁耐都未試過呢間老店, 因為DADDY唔食得辣, 但今日佢豁出去喇~~
本來呢個下午茶時間, 我諗住都係食TEA SET, 但係一入到去坐, 咦? 在坐既客人全部都係食緊碟頭飯黎既?? 咁好啦, 今次放棄TEA SET, 就試下佢既午餐喇~~
原來可以ORDER唔辣既, 咁DAD都放心D
A餐-巴基斯坦咖喱雞飯+凍檸七
C餐-馬來沙爹牛肉飯+熱鴛鴦

本來想食出名既咖喱牛腩飯, 但DAD話已經叫左沙爹牛就唔好再叫牛, 好啦~~
首先黎既係飲品
之後咖喱雞飯, 再黎牛肉飯

巴基斯坦咖喱雞飯 - 咖喱味濃,2大件雞胸, 唔會"鞋", 其實我會prefer有少少辣味, 不過為左dad既著想, nvm, 下次啦~~
馬來沙爹牛肉飯 - 本人覺得咖喱比較好, 平時沙爹汁會有點花生及甜味, 但現在好似缺乏左, 或者馬來既唔同配方~~ 牛肉比較韌, 不過都份量十足
兩碟飯既同通點係超多飯, 可能因為顧客大部份係男士, 以我所見, 十位有九位都係, 男士食量比女士好, 呢項都係賣點黎既~~
熱鴛鴦 - 咖啡味蓋過奶茶味, 不過唔會苦或澀, 不錯

等我下次試下佢個咖喱牛腩麵既下午茶餐先

友人生日, 預早一星期去訂枱, 可能因為太旺場, 到達時是需要等候的~~
不過都好快有人黎安排我地坐卡位, 一坐低有兩位侍應話係serve我地張桌既, 走完唔夠5分鐘就黎問我take得order未....可唔可以俾多少少時間我...我地未睇完喎
到我想落單時, 那兩位已經不知所蹤
有位小姐見我望望下咁, 好主動黎幫我take order
1) Aussie Cheese Fries
2) Victoria's Filet with Signature Side Salad with honey mustard, Rice Pilaf & Fresh Seasonal Veggies

等左好耐都未有沙津上, 我主動要求要d麵包, 每次食個麵包都好開心, 熱辣辣, 又好鬆軟, 加埋佢個sauce, perfect match
到個沙津上桌, 呢個沙津非其他西餐order時送既salad, 佢會多左d我最鍾意食既chesse, 又可以揀dressing, 所以滿意程度又多一d
到個cheese fries, 好大一碟, 不過因為我太耐冇食, 好想再食, Menu寫配spicy ranch dressing, 不過我覺得似一般cream多d, 味道淡淡的, 所以我地另外要求左茄汁 , 其實太大碟,兩個女仔食唔哂~~
8oz Victoria's Filet , 一切, 咦? 咁熟既?? 我地其實order4成熟, 但奇怪出黎似係7成.....已經想換... 想試左一啖, 覺得真係唔軟, 所以要求換過, 咁佢地都好好人咁幫我地再整過, 仲叫我地切下睇下接唔接受先行開, 新既一份軟好多, 有點入口會溶既感覺, 好滿足
因為朋友生日, 所以餐廳送左個Choco Choco Cookie俾我地, 仲幫我地即場影左張相, 曬埋出黎, 好surprise, 亦都覺得好窩心
十分多謝outback俾我地過左一個開心既晚上