23
13
10
Opening Hours
Mon - Sun
17:30 - 03:00
Above information is for reference only. Please check details with the restaurant.
Signature Dishes
聽家姐介紹話唔錯 上網睇埋食評 見到呢到話佢地招牌(湯底都幾少食到) 就去左一試去到一入去 (幾熱和焗)下 建議大家(着定啲方便除下既衣服)就更好湯底叫左椰子雞和番茄 (椰子雞冇雞味但椰子味幾濃) 不錯 like佢地啲湯底(食物和飲品方面都多選擇) 但肉類如(牛和豬都唔係好入味) 打邊爐係要食肉架嘛(員工方面都幾好) 我地个到焗 想轉卡位坐都得 有啲員有礼貌 主動收碟整体嚟講 呢間(((食得過)))
continue reading
湯底＞粟米忌廉：一個字淡，加左湯仲淡。醬料：醬油明顯加左水，最好係蒜蓉。肉類：除了🐔肉🙅，🐷肉幾＂👟＂，其餘👌丸類：👌其他：👌，不過比以前少左種類。海鮮：蜆唔肥，無沙。其他無食過，亦唔見有咩人lor。菜：干淨，無最愛羅白、冬瓜。飲品：👌，唯一係加左冰都唔夠凍。甜品：普通貨式，只有可叫一次，孤寒！本來d食物質素ok，來過好多次，不過d有部份既員工服務態度越來越差，今次早到左5分鐘，本身門無上鎖，以為入得啦，入到入便他地話未開始叫我坐住先，坐坐下唔夠3分鐘，果位經理就話：「都話左出去坐架，仲咩坐係到！」如果你講清楚係出大門口坐，我無所謂，雖然出便又熱又焗，借問聲d語氣使唔使咁差呢？！到正式食啦，個火開到最大，唔使2分鐘滾到瀉晒，我自己又唔識較，呢位經理見到黑起塊面走埋來清理啦，一路抺一路＂依依下下＂，跟住不停係個場到＂依依下下＂，嚴重影響本人食慾，其他員工尚可，不過都唔使有下一次幫襯lor...
continue reading
本身我是個懶人, 最討厭出去拎野食, 不過今晚飯局由朋友話事, 話又抵又好食, 所以決定捨命陪妹子(嘻!)我們二人8pm到達, 沒有訂枱直接walk in, 幸好人流不多, 所以不用等位.一人一個鍋, 選湯底, 我選3.6牛乳魚湯, 朋友選蕃茄湯.牛乳魚湯一開始非常香濃, 忍不住喝兩啖, 好good! 可惜一加湯, 就打回原形, 淡而無味... (加的只是普通清湯)反而蕃茄湯實力較強, 即使加普通清湯, 由頭到尾都有濃茄味! good!!!由於我真是個懶人, 所以一開始叫朋友出去取食物.但之後見她實在太斯文, 取很不多, 我唯有出手.出去見到款式確實好多, 肉類, 菜類, 一般火鍋料都有齊, 好多都包細細碟一兩件, 好適合像我這種妹仔肚又咩都想試的人.牛肉反而要排除等侍應在凍櫃內取, 按人頭計取足夠份量.食物質素我覺得和外面平價任食火鍋無大分別,蟹柳好假, 餃類菜多肉少, 菜新鮮度一般.不過, 我挺喜歡入座時餐廳送的一碟魚, 魚質非常爽口, 可惜只有四件, 唔夠喉.牛肉, 我強烈建議不要試牛肉粒, 一來難熟, 二來, 無論它四成熟, 七成熟, 十成熟, 都難以嘴嚼=.=牛展就可以接受(但切忌太熟, 好硬.)任飲方面, 選擇比我想像中要多!除了汽水, 居然會有支裝綠茶, 還有台式罐裝飲品.侍應幾有禮貌, 不過侍應們在閒談間講粗口, 收錢時吹水, 倒是覺得有待改善.
continue reading
～～一開始覺得服務幾好，又會成日幫您加水同執野，但到差不多時間，會有人不斷催您埋單，到您埋左單，職員立即變臉，過來講左一聲夠鐘啦，您手上拎住ＧＥ野唔會執走之外，就熄您個爐同拎走您個鍋，我地仲食緊ＷＯ 個職員仲要話：：：：您地食淨好多食物，今次我當睇唔到，huffy::明明係你地職員唔比我地食，咁講野都得。。。。其實我覺得您夠鐘而門口又爆多人等緊咁樣做都係合理，但我地走個發現店入面座位都未坐滿，同門口根本無人等緊。。一人一鍋的鍋很細，個鍋水滾放小小野即刻變番唔滾，基本去食好多時間係等佢個鍋滾，食得左好小野又要比人趕走 ＳＯ ＳＡＤ 以後不會再去:huff埋單每人＄１６２味道： 食物ＯＫ～係自己出去拎的，試了豬骨湯式底，:有一大舊豬骨係個鍋 ,丸GE種類都算多,有墨魚丸汁丸都幾特別...雖然我覺得同墨魚丸差不多,但比墨魚丸硬, 有午餐肉,牛肉,同鷄軟骨都麻麻地....環境： 可以接受服務： /衛生： 食物都用保鮮紙去封住,但都是細細碟的... 抵食： 埋單每人＄１６２貴, 去酒樓打邊爐仲好
continue reading
因為我唻呢間食過兩次，所以呢個係 2 in 1 食評，同時可以比較下兩次既食後感。第一次唻係30/6，團購價$88 + $10 星期六附加費 + $10任飲 + $20 加一 = $128, 3個人坐4人卡位。第二次唻係6/10，團購價$98 + $10 星期六附加費 + $10任飲 + $20 加一 = $138, 2個人搭枱坐4人枱。(貴咗$10但每人送一隻虎蝦)我兩次都book 咗5:30pm，可以任食到8:00pm。第一次唻就一開始要咗任飲，但因為我只係飲到一罐咁小，而且佢有茶水供應，第二次唻嗰陣無加$10任飲，但我哋坐咗好耐都無人畀茶，我就問侍應攞杯水，點知佢話我哋無要任飲，唔可以畀水我哋，我哋兩個連旁邊搭枱既都即時，咁即係焗你要任飲啫！其實我唔介意畀呢$10，但你做得附加項目，應該要畀人揀要唔要，但又做到逼人加錢要，咁樣好核突囉。尤幸個侍應識得笑到四萬咁口唻講出呢個不合常規既規矩，亦都明白呢個唔係佢可以話事，所以都唔同佢講咁多，加錢要埋個任飲算咧。如果唔想任飲既朋友，請自備清水啦！食物方面都好多選擇，除咗一般菜、丸、豆腐之類火煱料，還有雞子、牛筋、醉雞、粉腸、鵝腸等，材料亦都算新鮮，以呢個價錢算超出期望。但鮮肉櫃既牛肉同豚肉都唔掂，反而係自取櫃既鮮牛肉好啲，不過鍾意食牛肉既人都會覺得麻麻。海鮮方面雖然係細細件，但都算新鮮，不過蝦同瀨尿蝦都只係供應過一次，而且要同人鬥快，唔係就食唔到。但第二次去嗰次每人跟一件虎蝦，所以就算搶唔到，都唔會只食到平價貨，感覺上好似無咁蝕底。如果真係想搶到，就不時留意入口位置啦，但厨房門口係正入口旁邊，有咩新貨供應會即時見到。兩次都係食到7:30pm就有人同你埋單兼問你食咩雪糕，但因為兩次都係未食完，所以我哋唔叫雪糕住，但第一次啲侍應會不停催你叫雪糕，我哋堅持到7:45pm先叫，而我哋一叫咗雪糕，佢哋就即時收走哂枱面既所有野。唔知係咪畀人投訴得多啦，我第二次去，佢哋唔再催我哋叫雪糕，直到7:50pm我哋先叫，執野之前佢哋都會問聲收得未先執枱。食埋杯雪糕到8:05pm佢哋先催我哋交枱。其實我都明白佢哋既難處，如果第一輪客人遲交枱，佢哋就會遲交枱畀第二輪客人，咁樣對第二輪客人唔公平。公平啲講句，就算到交枱時間無其他客人，佢哋要我交枱都合理，因為呢個價錢只係包2個半鐘，如果到夠鐘都未食晒，係你時間控制既間題，呢個絶對唔係你可以唔交枱既合理理由。講真，之次有咁多投訴，最重要係佢哋用錯方法同態度去處埋，雖然第二次去都覺得佢哋既「勤快」會不時釋放出「時間無多」既訊息，令人食得有小小壓力，但對比第二次，佢哋己經進步咗。
continue reading