5
9
3
3-min walk from Exit C, Sheung Shui MTR Station
continue reading
Opening Hours
Mon - Sun
06:30 - 00:00
Above information is for reference only. Please check details with the restaurant.
3月份去和合石拜山後, 到上水轉車時經過此酒樓, 都會入去飲茶, 食物種類多, 價錢又合理. 味道還可以. 印象還不錯!今日月4月10日打電話去查詢訂乳豬價錢(打算過幾日拎去和合石拜山),第一次: 話繁忙時間, 叫我自己上去燒味部問….之後cut我線, (我諗1點幾繁忙時間, 遲d再打吧)第二次: 話她是收銀部, 叫我自己上去燒味部問, (未等我講完野, 再cut我線. 勁無禮貌)第三次: 講左幾句, 無cut線, 但俾音樂我聽. (同一個女人聽)我已經係跟openrice 的電話打去查詢. 如果她真係唔知價錢, 都可以問一問燒味部同事吧!而唔係咁既態度. (未試過打去問價,會得到咁既答覆). 其實很簡單既問題. 唉!希望酒樓在服務方面可以改善改善. 經過呢次, 下次都唔會再去食啦.
continue reading
放工與好友麗都讌客聚會，餐廳上年小弟都黎過食，印象不錯，我們點了梅菜扣肉煲，特價優惠$28半隻燒雞、海皇什菜煲和椒鹽九肚魚，梅菜扣肉煲略嫌不夠熱，水準下降了，$28燒雞夠熱夠脆；海皇什菜煲保持水準，好足料，尤其是d蝦好大隻，最後椒鹽九肚魚夠香口，食落脆卜卜，最後侍應送上紅荳沙，紅荳沙好足料，甜度適中，尚算滿意的一餐。
continue reading
啱啱喺大陸做完野返黎~緊係第一時間醫肚啦~!幸好身邊總有一兩個好粉絲可以赴湯蹈火!喺火車站近近地就黎呢到~話$128全包任飲任食~!好吸引!粉絲7點左右去到唔洗等就有位,服務員小姐帶佢地去左條大柱隔離的枱,非常唔起眼~我隨後到~感覺冷氣好微弱 我心諗可能係我自己行得太快,先有點熱,所以不以為以~坐坐下就知味道…連埋打邊邊的蒸氣~我開始有少少出汗~不過為時已晚~冇得轉枱了…V__V呢到除左可以任點打邊爐材料之外,仲有一D熱食供大家享用~有咖哩魚蛋同豬腳薑…只係睇到個樣都唔敢招呼,粉絲就拎左几粒魚蛋返黎,大家過目後見D色水咁奇怪,,都唔係咁有打算,食,只係為免浪費,每人一粒搞掂佢~味道一D都唔咖哩,好似食緊有少少魚味的粉球湯底方面我地只係簡單地點左個双拼,最好係清湯~!唔會有任何要求!手打丸系列做得好出色~雖然係細粒D但感覺相當新鮮美國肥肉可以自己親自去雪櫃挑選,拎唔拎到好出品就睇彩數~大多出品絕對夠肥,肉就少少~睇各人口味~有時脂肪同肉的比例可以係9:1…肥得相當過分~!蔬菜款式算多~有瓜有菜~品質感覺係放耐左少少~睇落唔係好鮮~但又未去到黃邊黃葉的境界..海鮮款式唔多~出品都唔多~點3樣冇兩樣~真係過份~重點係佢冇貨的話唔會話比客人知~就等客人喺到等等等~等到要問的時候先同你講冇貨…大約都半個鐘的事了…炸付皮真係不可試的部份~厚厚的付皮,卷得太大舊,浸入D湯到吸過多的湯~連埋D油,感覺比生根更肥膩!!任飲部份有各種的汽水同啤酒~可能都唔係我的至愛~我食返熱茶已經足夠~如中意飲汽水啤酒的人有福了~夠凍夠多~絕對可以滿足到大家的要求!!雖然話任食三小時,但係如果冇客人等住,可以坐到閂門都冇問題~服務員們絕對唔會主動過黎埋單~~!可能呢到講求大家自律掛~~~總算見識過佢地的出品...真心希望佢地他日可以更有進步~~
continue reading
小弟平時好鐘意同屋企人飲茶，所以今日就同左屋企人去上水麗都飲茶，基於本身好中意食建炒飯既關係，所以今日就嗌左兩碟黎試試，點之個飯一到，見到個褔建炒飯無冬菇無瑤柱都算，仲要乾淨淨既，一滴汁都無，大佬啊，褔建炒飯出名好味之處係多料多汁啊嘛，你成碟飯既料得蝦同雞肉碎，算，但你無理由啲飯係乾淨淨，仲要咬落啲飯係硬既，你收我68蚊一碟？唔知既我以為自己食緊楊洲炒飯啊，楊洲炒飯都多料過你，之後你就火火地叫左個男主任黎，我同佢講話呢碟褔建炒飯黎架？最基本既冬菇都無，仲要乾既，佢竟然答我褔建係咁，咁小弟個老豆都係做酒樓廚房既，所以都頂唔住頸同佢講話自己做左咁多年廚房，都未見過褔建炒飯係咁，之後同佢嘈左幾句之後，個主任最後可以係黑住面同我地講，一句講哂褔建炒飯就係咁，唔岩都幫你唔到咁講，然後就黑住面走開左，我真係o嘴，講真，去得酒樓，預左服務態度唔係好，但都唔係要客人受番氣轉頭啊，我只可以講，飲茶，以後都唔好去麗都讌客，不知所謂
continue reading
呢間都吾知係啲咩洒樓泥架 簡直係不知所謂.啲樓面我呼喝啲客人,重要好大聲果隻,大佬呀!我係食野吾係比你地罵架... 係你地冇比點心紙我選擇,而我問你可吾可以更改唧.妳話吾得咪算囉.洗吾洗係咁大大聲咁話客人,係你自已冇問炸,又大大咁話吾係佢嘅問題,重要係咁講話你依家想點丫.......到底呢間係咩泥呀....妳做得吾開心咪吾好做囉 根本冇必要去令到任何人吾開心架,叫佢去叫經理過泥同經理講啦...........點知佢就話....要叫你自己行去叫,我係吾會叫架!!!!!!!!!!!話呢啲係咩態度呀 就算街市.街邊檔.茶餐廳.大排檔等等......都好過呢間野十幾萬陪呀 各位如果打算去果度食野嘅話...就要抱住一個會比樓面或者經理鬧嘅心態先好去呀..........注 當初都有人話我知呢間野啲態度好差....但我諗我都吾係一個要求高嘅人,而且果間野又吾洗等位咪去囉...........點知嬲爆呀 )
continue reading