Opening Hours
Today
07:00 - 21:30
Mon - Sun
07:00 - 21:30
Above information is for reference only. Please check details with the restaurant.
Offers
Signature Dishes
Recommended Dishes
1. 叫職員拎QR code俾我落單，等咗好耐先有人拎個QR code過嚟。搵個員工嚟幫我落單，仲快過問你拎張QR code！2. 於是我自己落完單嘅時候已經係夜晚9:15。第一碟到嚟嘅係蒜泥白肉。食完到9:30碗麵先到。結果支豆漿喺9:45先到。真係想問吓啲職員，啲豆漿即刻磨㗎？點解等半個鐘先有嘅？一支豆漿都要等半粒鐘先有，想話你啲職員手腳慢都唔得。成班渾渾噩噩，個客舉手拎QR code一個二個都扮睇唔到。3. 到9:50嘅時候, 有個收銀嘅阿嬸行過嚟企喺我側邊叫我俾咗錢,先佢哋要埋數, 我話摷緊銀包，佢仲喺側邊係咁望住我,支豆漿未飲晒，於是我就掹返支飲管出嚟扭返個蓋呢個過程佢全程望住我做.好似驚死我唔俾錢咁.啤住晒講嘢又大聲。個阿嬸好似我欠佢錢咁樣，忙到實一實，企度望住我起身行出去。感覺好似犯人，好不安，令人感覺不良好，有着前所未有的屈辱！4. 於是我行到出去收銀按佢要求俾錢。我只係聽到佢問我俾cash定八達通。我話cash於是我就喺銀包攞啲cash出嚟。佢全程一直望住我個銀包佢嘅氣勢同氣場令人覺得好不安好似掘住你、等得好唔耐煩。然後我話要返張單，佢就好串咁話:’’頭先問你又話唔要？’’。我話我聽唔到。呢個阿嬸職員嘅態度真係唔要得，極之冇禮貌，食你幾十蚊嘢，又要受埋你氣。仲要串返我轉頭，唔俾人聽唔到㗎，你哋有陣時落單都聽唔到啦，難道我要反問返你係咪聾嘅？唔該尊重吓啲客人，如果你係咁趕住收舖收錢收工收檔嘅，唔該你提早少少截單，又唔檢討吓你哋員工出菜出得慢，支豆漿都要成半粒鐘先拎過嚟！永遠唔會再幫襯！
continue reading
大家好！今天嚟到譚仔，勁想同大家講下我啲實時感受🍲。首先，我揀咗過橋米線套餐，裡面料多得嚟，仲要熱辣辣超惹味！湯底選咗清湯，飲一啖就覺得好爽口呀，而且雞肉得意得嚟，過著爽嫩，一啲都唔柴💯。米線自己都添唔完，真係糖心到爆炸嘅量呀！仲有唔好錯過土匪雞翼，幾隻嚟嘅真係香噴噴，外層微酥，脆皮撲鼻，一咬落去，肉汁四射，鮮美啖啖肉，真係食落去正喇！至於炸醬，入口微甜，喺米線度推著攪一攪，攪一攪又食一啖，味宜人心暖笠笠👌。最後，呢度環境唔錯又清爽，落嚟一試，平民價錢，得意到爆，我保證你會愛上每一條米線同埋每一啖肉。甘，今日嘅食評就到此為止，下次再見！食得開心！
continue reading
今日去葵芳呢間譚仔食蕃茄湯米線+凍檸茶，本身食緊嗰陣就冇乜野，跟住食完飲緊杯野嗰陣時個肚超唔舒服同想嘔，唔知係咪關佢啲嘢食嘅問題，結果杯嘢飲冇飲曬就走，下次都唔會嚟，同埋呢間好多昆蟲飛來飛去
continue reading
用餐時間：7/7/2023 19:30食店位置：譚仔雲南米線-葵芳地鐵站好爵中心有想像過要食一碗簡單的酸菜炸醬雞肉酸辣米線，要等好久好久？究竟有多久呢？由坐下落單（19：35）到面對好幾個服務員西口西面惡言和不理不睬的情況下，我繼續不停催單4-5次後，最後服務員才凶巴巴和一言不發頭也不回地搶去我檯上的單據拿去出菜位，等了又幾分鐘，我問怎樣情況，她看著其他地方又西口西面回應：「追緊啦」就又頭也不回走了，最後一個服務員把米線隨意放在我的檯上，這個米線真厲害，讓我足足等了30分鐘才由西口西面的職員送到檯上（20：05），姑勿論米線好味與否，一個簡單的米線居然由以前等5分鐘到現在要等這麼久又要面對職員無禮的情況下，這一餐完全是不能接受，這間譚仔完全是不知所謂，職員嚴重無禮失德，請大家小心不要中伏！
continue reading
以前想快食一個簡單嘅米線就即刻會去咗譚仔，想快食又熟晒menu坐低即叫食完半粒鐘攪掂真正快靚正。賣盤後自己都食過，都聽過好多人話差多，所以都少咗去食；今日食飯時間周圍都要等位，所以就去咗唔駛等位嘅譚仔。坐低咗前後左右都有人追單（聽到其中一位話已經半個鐘），平均一半人要追，望望周圍多數台面只得飲品及小食，食緊碗米線嘅<30%；而我就叫咗碗小鍋米線，記憶中係好大碗要大隻男先食得晒（或者兩個細食女都夠食），可能大耐無食了，估唔到細碗咗好多，都算…….. 但係食咗一大啖之後發現一粒丸都無，咁就問姐姐係咪而家小鍋米線無晒魚旦、墨魚九、牛丸…… ？ 佢話可能比漏咗😵💫，跟住就好快係廚房補返3粒丸比我。至於味道就都可以，但係個賣相、米線及餸嘅量都少咗、平均都要等20-30分鐘嚟講（我係25分鐘），就好似無咗以前快靚正嘅感覺了！
continue reading