Video
3-min walk from Exit A, Prince Edward MTR Station
continue reading
Telephone
23928331
Opening Hours
Mon - Sun
07:00 - 00:00
Above information is for reference only. Please check details with the restaurant.
Recommended Dishes
Signature Dishes
《客家人概念廚坊》 #食在太子📍太子花園街232-242號地下I-J舖-🔹兩餸飯 $46 凍飲+$3每日會有十款選揀 今次嗌左 泰式豬扒+蒜蓉炒時菜唔似泰式豬扒反而似椒鹽豬扒 但係係凍嘅同埋有小小太淋同唔夠味 我就覺得一般啦菜就幾好 幾爽口 蒜味岩岩好 但感覺比較唔抵 $46兩餸黎講應該揀兩款肉再送d菜 咁會抵dPs: 同行朋友嗌雞脾又幾正 可以試下🍴4/10
continue reading
夜晚成日出街食，lunch成日都會想食清D，加上食得太飽下午真係會影響工作啊。。。同埋天氣越來越涼，飲啖熱湯真係一大享受😋所以想食清D又想暖Ｄ會黎食呢間個湯飯。2個餸配個菜$48, 通常我點的是豆腐魚腩配菜心。個湯好清應該無味精，因為飲完下午都無見口渴，哈哈😆 而菜心亦都煮到剛好，又唔會太硬太林，魚腩亦唔會太腥味。姐姐仲會問你要唔要辣椒豉油，少少辣撈飯唔錯啊。整體滿意所以都黎食左好多次嫁喇，餐廳中間又有２張大圓台又有卡位，多同事少同事都絕對無問題呢。
continue reading
「客家人概念廚坊」屬街坊茶記小炒小店，裝潢簡單，感覺略舊，整潔感一般。餐廳以「客家人」為名，但 (午市) 食品與客家菜實在拉不上關係。 一份兩餸客飯 $46，送餐湯或熱飲，凍飲加 $3，計及環境配套只可算合理。 這碟鮮茄蛋燴餐肉拼沙薑雞中翼飯，賣相實在不太吸引，水汪汪混成一碟。味道方面，鮮茄蛋汁調味稍重，炒蛋過散欠滑。沙薑雞中翼同樣欠缺沙薑汁的味道神韻，普通喇！ 餐飲凍檸茶茶底不俗，沒有予人不悦的苦澀味。 整體評價一般。
continue reading
行行下花墟，又去搵午餐食。經話尼間「客家人」，就入去啦。今日都想飲下湯食下飯，就叫左尼個魚湯飯。魚湯飯入面既配料有好多款式，任選兩樣。我就叫左魚腩同豬潤。一上台大大碗飯，個魚腩豬潤魚湯都唔執輸，更大碗。真係好豪氣呀個老細。$55甘鬼大碗。食完真係好滿足，捧住個肚番屋企甘款。講番個魚湯，魚湯絕對真材實料。好野味。奶白的湯，入面有我最鍾意既魚腩豬潤同白菜仔，一次過滿足晒我既願望。有魚有豬潤有湯！豬潤煮得岩岩好，一點也不鞋口也不堅韌。再加上因爲有豬潤既原因，令到個魚湯都增添豬潤的鮮味。搞到個湯真係好鬼好飲。推薦比鍾意食湯飯的朋友們🤩🤩絕對無介紹錯，無錯過！🤟🤟
continue reading
通常來呢間店都係路過，快手食完去做嘢。材料算新鮮，食得出師傅係有心機煮。不過，試過一次晚餐食蟶子，蒸到老哂好似食橡膠甘。從此唔敢試。蒸魚夠大條好食，但價錢要近＄100。湯飯嘅湯底係OK的，冇乜味精，杯奶茶都OK。但係依家 湯飯俾嘅餸，份量越來越少，好似今晚7點前，我點左個 兩餸湯飯(魷魚、豆腐)，結果就係 4 '粒' 魷魚＋3塊豆腐 only，然後就係「湯＋飯」，盛惠＄48 ！！！問題係，連一個女士都覺得唔飽，要返屋企再食過！！
continue reading