Video
Above information is for reference only. Please check details with the restaurant.
馬鞍山素食選擇不多, 全素食嘅就只有呢間 （吾計超市嘅齋鹵味）。據網上所講，呢間連鎖式嘅多賣素食店本有4間分店，分佈九龍同沙田沿線嘅地鐵店/商場，但都'做吾住'，得番呢一間。佢哋仲有網址，Facebook，同電話Apps，可見創辦人嘅熱血。可惜香港人飲食習慣依然有一大進步空間，就算食，都係食染色染水嘅齋鹵味當小食，素食巿場仲係好細，但願Green Monday等活動更廣為人知，多綠色飲食。廢話別說，今日早午餐都去左支持佢地：咁日買落擺雪櫃，今朝整返熱當早餐。都Okay嘅。我較鐘意清淡嘅羅漢齋，所以好滿足 只係$20砇，飯盒可再用，真係好抵食。 店員更善意問我夠吾夠食，可加$5 可轉大盒裝。但對我嚟講，細盒都好足夠啦。佢亦幫我番熱，令本身溫熱嘅餸飯更為熱辣辣~以後都會多幫襯佢哋溉羅漢齋，真係好正。除左呢D，仲有其它素點心，素肉，同包點。試過佢哋嘅馬拉糕，吾油，不錯。大家係馬鞍山買飯嘅，不仿支持一下。平靚正，實在難得！
continue reading
公司斷電斷水的一天，也是我早回家的一天。而自從太太重返職場之後，廚房也變回我的屬地，大部份的晚餐都由我一手操作。是日早放工，更加是由我去主理今晚食乜餸啦。有一點時間讓我在馬鞍山遊蕩時，我也想煮少一味，諗少一味。好自然地便會想起一間連鎖的素食咕外賣店。太太行過望都唔會望既自家素食。真的那麼難食麼，其他的素食品我真的不敢去試去評，整個店，甚至整個品牌，給我最大信心的就是好多素食人士都不喜歡食的齋鹵味。味道，尚算是可以，在不知時日的一早做定，能保持一定的濕潤也算是好好，幸好是保存食物的環境夠衛生，因為在這樣室溫的溫度下存放即食食物，必須以衛生行頭。我買了$20三併根，有豉油根、酸根同齋叉燒。味道濃烈，味精呢一家野，一定有落，而色素呢一家野，係齋叉燒，酸根就看得出來。酸根，不是太過酸反而是啱我口味，麵根製作得阿煙韌，係味精重手了同此酸根的咸味重過甜味。豉油根有豉油味，不過不重，完全沒有令人期待的豉油香，是我食過咁多地方既齋鹵味之中最差既味道之一。齋叉燒，質感就一流，味道也夠香，是三款齋之中最好的一個。不過此叉燒令我感覺似瘦叉，咬落未夠腍，幸是味道上得到我的認同。 這類型的齋鹵味，要我常食不會，因為大都是味道同色素為主，而且經過油炸處理，麵根內藏很多油，絕非健康之物.....食食下，都是感覺欠缺香味，搞到我有點懷念台灣新東陽的罐頭麵根.....懷念那麻油香。
continue reading
琴日見行過就買D齋返屋企開飯﹐要左個"小盒"﹐係用個圓形碗裝既。"小盒"只可以揀兩樣﹐要左"齋叉燒"同"齋牛肉乾"。個阿姐求其每樣放左係個細碗度﹐就當一碗比我。我見隔離有另一個客係度買﹐又係細碗﹐但份量就多我好多。我吾憤氣﹐就問點解得半碗﹐隔離個人就有一碗﹐拒竟然答: 拒個款平D呀嘛! 你揀個兩款貴D架!! 聽完之後真係無野講! 甘我就問點解得"半碗"甘少? 你估個阿姐但答? 拒話: 個牌寫住"小碗" $12﹐有無寫明要放滿一碗! 你吾滿意可以投訴架! 好野wor... 甘都講得出口? 我都費事同呢D人繼續講。當吾好彩跌左$12﹐我都費事彎底身去執! 講真呢D所謂"自家"製作的齋﹐同"百佳"D齋味道完全一樣~ 奉勸大家下次買齋都係去反D大鋪頭﹐小店盡可能少幫襯為妙~
continue reading
過往，當我仍於馬鞍山居住時，要食粟米粥，我就會想到呢此店買外賣~ 由於這店是以外賣為主(基本上都無咩位可以俾係係度堂食...) 呢隻既粟米粥真係唔錯架 雖然應該無媽咪親自煲果d咁美味，但唔駛阿媽操勞，又可以食到清清淡淡既粟米粥，這裏的就是一個不錯的選擇 十多塊錢就可以食到一碗有頗多粟米既粥，唔好咁多要求了~除左我必選既粟米粥之外，我仲會多賣齋蘿白糕、3味齋及齋燒賣既~ 蘿白糕﹕好厚身架~ 雖然無腊味，但取之代之既係冬菇絲、紅蘿白絲...加上足份量既白蘿白，真係好好味架~ 我次次都叫佢揀d煎得燶d既俾我，因為香口d，好味d丫嘛~~~3味齋﹕都係果3種味啦...甜酸、咖哩及齋燒鵝粒~ 3種之中，我個人最鍾意都係甜酸味~ 因為甜甜酸酸，開胃d丫嘛燒賣﹕好大粒既齋燒賣呀!!! actually有咩料我就真係無去考究，但我就覺得佢內裏應該有「沙葛」，因為真係好爽口 食起上黎口感特別，如果再蘸上辣椒油，真係不遜於真正既豬肉燒賣架~外賣店既價錢，食既水準又不俗，如果再去馬鞍山逛街的話，應該會再去會一會~
continue reading