14
0
1
Introduction
慈航素食專營新派健康素食，全店食品均無肉、無蛋、無蔥蒜、無酒，真正健康味美！
全港首創以半自助私房菜形式，每人一份精選頭盤、西式主菜及甜品~ 另外飲品及多款中西式素菜冷盤熱食任飲任食，全日無限量供應。
continue reading
Opening Hours
Tue-Sun: 11:00-22:00
Closed on Mon
Above information is for reference only. Please check details with the restaurant.
Signature Dishes
之前我說過，荃灣是素食館子的集中地，這一說，只代表新界區，而九龍區的素食集中地，就是令我們又愛又恨的旺角了。旺角同太子，可以說是同一區，在荔枝角道這一個邊緣地帶，租金當然比旺角的核心地帶便宜，這樣，也做就了不少的素食館子，選擇落戶此地，而我是次要推介的，就是位於荔枝角道的《慈航素食》。這《慈航素食》，並非一般的傳統齋舖，菜式亦同其他的新派素食有所區別。來這兒飲食，你會吃到中式，也會吃到西式，也有酸齋之類的東東，也有平時去佛堂，道友煮出的大盤齋菜，總之，半自助形式的晚餐，自助形式的午餐，種類不多但味道美，的確是可以吃個飽的。是晚的自助食品，有咕嚕素肉，酸筋、豉油筋、茄子、素叉燒、當然也有不同的蔬菜。自助選餐的地方不大，但種類的確是不少。味道上，算是不錯，這些東西，作為送飯的餸菜，作為頭盤的小食，的確是不錯，當中的炸雲吞，的確是值得一試。自助的選擇，當然也有湯羹類，不過，好不好味，因各人口味而異。主餐，也有一個湯，這次是美味的南瓜湯，西式的南瓜忌廉湯配椒鹽秀珍菇。椒鹽秀珍菇很讚，輕輕的椒鹽，令平凡的菇倍添香味，而南瓜湯，味道極湯，而且是沒有奶油的純素純南瓜湯，入口十分之香甜。另外的，就是是日的私房西式素食精選，當中有紫薯、素鮑魚、椰菜花，等等的食品，是100%純蔬食，只是有素鮑魚、素蟹柳兩個仿葷食品而已。造一個是茄汁味，熱辣辣即焗起，香味十足，尤其是紫薯，輕輕地帶甜，口感似蕃薯，但味道卻是普通的薯仔。另一個是咖喱汁的，材料是一樣的，只是配送的汁不同。同樣的蔬菜，加了咖哩汁，味道更香，更惹味，更加之吸引。甜品，是一個薏米糖水，微暖的糖水，入口清甜。這甜品，令我們感覺到，中國的傳統糖水，是有益的，以滋潤為主。這一種糖水，有時候，的確令人想多吃一碗。《慈航素食》的素食半自助餐，簡單，但勝在夠豐富。選擇雖然來來去去都是那幾樣，但店方說是天天不同，而且每一樣，每一種，都非常美味。這一家小餐廳，雖然是提供自助餐，但做法是的確是有點像私房菜的，因為，每天提供最新鮮的食材，客人吃到的，全是店方當天的拿手好菜。晚上$138一位 (半自助)，平日午市$68一位(全自助)，平日午市另有兩餸飯套餐。六、日午市$88一位(半自助)，的確是非常實惠。
continue reading
已經唔只一次去慈航食素, 今次菜色都好岩食~主菜係意粉,素食好少可有意粉,岩晒我意粉狂,我仲特登預早訂左盆菜拎走返去同屋企人食,食過返尋味,好想再訂盆菜呀~~屋企人都好鐘意食呢!! 得閒食下素清下腸胃都唔錯架! 今次唔記得影自助BAR TIM~唔好以為自助BAR任食質素就會差呀,佢同主菜一樣都係落足心機整,而且仲KEEP住REFILL架,唔怕唔夠食,食到勁飽咁走呀~~
continue reading
第一次吃素食自助餐，感覺新鮮，東西很好吃，服務態度很好，環境不差，食物味道岩晒我口味，原本以為素食會沒什麼味道，可是吃上去很入味而不油膩~~讚，可以吃很飽都感覺好像不會變胖XDD, 而且又健康又美味，值得再嘗試＼(^o^)／＼(^o^)／自助吧枱上有齊各種不同的素菜，涼拌，炸物，魚肉湯＜-----特別推介，味道一流，忘記左相機食先，我飲左2碗，飽到差啲食唔落其他美食。海南雞飯，買相相當似，非常喜歡海南雞飯既飯，好似有小小豬油，食落去非常香口，果款“雞“平時我真的雞我永遠都食唔晒，素雞我一件都不留，可能真的無預計到美食加新奇，而且不怕油，真的不錯吃。頭盤+主菜+甜品======飽x1000000000最後老闆好熱心，不停介紹餐單上冇既素菜，應該怕煮多左會造成浪費，真的環保+愛心的老闆!!!!!!!讚
continue reading
估唔到因為食到痾...呢篇成為我第一篇食評...話說放假行街...路經太子...唔熟呢頭有咩食即管openrice下...搵到呢間食店係食素...呢排應酬多食得滯...諗住食素咪好囉...加上評語又唔差...點知一食就中伏...2個人一入到去唔使等位...招呼都唔錯既...好有禮...心諗無死...可惜一入到去坐低就見到隻昆蟲強哥...手指公咁大...正想同waiter講時又已經消失了...算啦...好喇點嘢食...我2個俾強哥搞到冇晒胃口...點個唔知乜嘢焗紫薯同雞飯...一放入口...焗紫薯d味好怪...似栗栗地又腥腥地既味..食2啖放棄唔食...可能食唔慣啦...個雞既texture又淋又梅梅地咁...淡而無味....好啦...當揀錯嘢食.......咁咪食自助bar既野啦...魚肉同翅唔錯...炸物一般...好lum...唔係好新鮮...可能炸左一段時間...最過份係d齋老味...又係有陣栗味......食完返屋企大家痾嘔2日...睇醫生係腸胃炎...到底係咪關食左呢d野我唔100%肯定...但除左呢餐...我地每餐都同其他人食既...其他人都無事...認真睇返d食評.....俾過好評呢間店既人...好似都有同一時間讚同一間食店...
continue reading
同朋友臨時想食素食, 好彩WALKIN唔駛等~第一次食半自助餐形式的素食, 感覺良好, 又特別$138+10%自助BAR有齋鹵味, 涼拌, 炸物, 不同的素菜, 碗仔翅, "魚肉"湯已經可以食到半飽那個涼拌粉皮少少辣, 粉皮爽, 正! ENCORE左兩次~炸雲吞熱辣辣, 脆脆的 ! 炸芋頭片有點像拔絲的~自己弄了個兩溝:碗仔"魚肉"翅 ! 味道如真的碗仔魚肉翅 ! 差點忘了它是齋 !再來頭盤炸菇+南瓜湯炸菇好香, 好有西餐廳的FEEL, 南瓜湯也十分香濃"鮑魚"時蔬就沒有太特別主菜的焗"海鮮"有茄汁和黑椒汁選我選的是黑椒汁, 好香, 不太辣有好多不同的蔬菜茄子和南瓜最配 !"海鮮"是假的蝦,蟹肉等~ 可能因為黑椒汁的關係, 不會太假的味道不時的小食如炸豆沙薯仔波, 炸饅頭, 炒蘿蔔糕一吃那炸豆沙薯仔波, 立即喜歡上 ! 入面做得如年糕般, 軟軟的, 豆沙不太甜, 好好味~~可惜一人得一粒....最後甜品芝麻糊, 算做得幾滑~小小的店但味道不錯食得很滿足~~~
continue reading