Video
Additional Information
Meatless Menu Details: 100% vegetarian on Mondays. Wide selection of vegetarian dishes available daily.
Opening Hours
Mon - Sun
11:30 - 22:30
Above information is for reference only. Please check details with the restaurant.
雖然小比咩狗c臘鴨都食,但其實呢,我都睇得出佢係個注重健康的lady來,所以山長水遠都book定間有機主題餐廳來滿足下佢 ,而滿足佢每樣需要都算係..我願望之一來, 當入到去,好有健康氣息..先來個松茸湯,好有藥材feel,但清得來幾好味,唔苦,再來自家種姬松茸沙律,有唔同的有機菜,但感覺上橄欖油味重,但冇咩味道,主菜就點了香煎野生加洲爐魚柳配香草忌廉汁,魚好滑,啖啖肉,薯蓉有味,再來慢煮美國西冷扒,6成熟,肉汁因慢煮而封得很好,嫩滑好味,甜品就點了紅酒燴梨伴香橙糖漿雲呢拿雪糕,有紅酒味,梨也清甜,雪糕似半乳制的冰,幾好味,而飲品就點了兩枝有機汽水,lemonade,gingerale,都幾好,總結味道比較清淡,但也唔錯,健康人仕之選
continue reading
朋友突然好有心...選擇食健康食物…黎到呢間organic餐廳…餐廳雖然位處於工業區…其實只不過係穿越一條隧道…唔算係好遠…亦唔係想像中工業區既豆泥canteen…其賣點係organic…食得健康…亦曾榮獲獎項...估唔到仲有cooking class for baby food...同埋有organic相關既食品用具賣添…waitress推介此湯…熱辣辣係客人面前倒出黎…據講係煲左72個鐘精錬得來…湯好清…亦好重菇味…沙律由甘荀絲，蕃茄仔，紅菜頭，青瓜，紫椰菜，羅勒，姬松茸組成...公司沙律醬唔知係咪指橄欖油…感覺新鮮…但油而無味…爐魚很滑…煎得唔太燶…少少香味…薯蓉幼細唔太乾…多d忌廉汁就更加好…西冷牛6成熟…慢煮得黎保留原有肉汁…亦夠哂嫩口…紅酒味唔太重…梨微甜…雪糕口感有點像乳酪冰…飲品亦係現成既健康飲品黎…味道都ok…
continue reading
早聞粉嶺開左一間唔錯的西餐廳，自己坐左廿幾年都唔覺粉嶺有咩好野食。剛好今個星期有空，就跟家人去嚐嚐鮮。由於餐廳地點位於聯和墟，地點實在唔方便，正午時份由家裡行去其實都幾熱同幾甘的。幸好餐廳所在的大廈於工廠群中屬顯眼，很容易就找到了。12:30pm 餐廳並沒有Full, 但都有好幾枱客人。由於早已訂位，我地給安排左餐廳中央的位置。餐廳設有高腳bar枱，一丁友黎亦坐得輕鬆自在。門口旁有一列陳列架，供應有機食材，Baby用品等。餐廳亦有開有機baby food的製作班，相信會吸引唔少媽媽捧場。牆上列出有機食物等資訊，呢度標榜自家有機種植的。餐廳的set lunch不合我地口味，於是決定散叫可以嚐試不同種類的dishes。首先唔少得的係沙律清清味蕾，亦扮下健康。之後當然有我愛食的pizza。我選左chef's pick及薄批，Pizza 整得唔錯，算得上鬆脆可口。老豆叫的鴨胸，我本身就不愛食鴨，唔識欣賞。最後就係三文魚risotto。呢個煮得唔錯，妹妹喜愛正宗的意大利米生生的食法，呢度做得到。野食質素的確係唔錯，不過一個午餐都要6百幾4個人，價錢略嫌貴左D。而附近只有幾個屋苑，未必好多人會黎食，幾個月後餐廳仲做唔做得住真係好難講啦！粉嶺老住戶(老豆同老媽子)話，雖然好食，但價錢未如理想唔會再黎囉！不過環境優靜，係跟好姐妹談心的好地方。
continue reading
下午茶時間，唸住搵間好嘅餐廳食，呢間之前食過晚餐，今次食下午茶，兩個人坐近窗，有陽光曬入，環境好舒服，當時只有我哋一枱客，另一邊老闆開會中，下午茶茶餐價錢一啲都唔便宜，食梗係食最好！飲品要另加錢！落單後食物都要耐心等候！自家製珍寶香腸熱狗（$98）賣相靚，香腸皮脆口，裡面肉汁多到滴出來，味道唔會過鹹，朋友話係自家製，加上新鮮蕃茄片同微酸青瓜片！仲有有機蔬菜，只加少許酸醋汁，唔會搶去蔬菜本身嘅味道！好味！公司安格斯漢堡包（$108）朋友分咗1/3比我，厚身安格斯牛扒切開見中心微紅，做到要嘅6成熟！肉汁多到滿瀉！簡單配蕃茄片同鬆軟麵包已經好好味！有機提子汁（$20）濃到好似紅酒咁，味道頗酸！唔會過甜！店員有禮，我哋坐咗一個鐘唔會催促！好relax咁食咗餐下午茶！
continue reading
改完名連咖啡都唔識整了，今日杯咖啡同機按出來的無分別，好水好淡！之前間中有黎買flat white take away，俾我嘅印象都非常好。經過今日，唔會再幫襯買咖啡。
continue reading