Ngau Kee Food Cafe  牛記茶室

[ Closed ]
19
AUG 08
2008-08-19
行過見門口相片, 老闆個樣咁熟口面, 原來係上星期睇有線, 谷德超訪問個間, 但唔見谷德超訪問照片喎? 只有蘇絲黃訪問的圖片, 真係電視節目都有全套一站式服務, 經過當日只是下午六時左右, 好似未準備開始夜市, 但無理咁多, 照入, 果然真係! 冷氣都未開晒, 叫了出名的兩味餸, 蘿蔔牛腩煲, 蘿白每件切成長方形, 咬落不覺老和韌, 好味, 牛腩切成厚片鋪面, 肥瘦適中, 女士們可能覺得略肥, 湯味清甜呀, 衰在泠氣唔夠, 一啖湯三滴汗水, 好熱, 冬天就一流, 另一味, 煎肉餅, 先把肉餅蒸好, 再用火煎, 肉餅內有切碎的冬菇及馬蹄, 咬落少少彈少少爽少少脆, 非常好味, 送酒無得彈!

服務水準不算差, 侍應解釋十分清楚, 唯等菜時候有斷小插曲, 偶聽見老闆向侍應發嘮騷, 自言自語, 原來唔係鬧侍應, 而係話自己個仔唔勤力, 話左落嚟開工, 過晒時間重唔見人, 原來重係樓上訓緊覺, 跟著, 老闆又自言自語: “真係害我呀….”, 抱怨個阿仔個阿媽(即係老婆大人啦)唔請外人, 要自己個仔落嚟幫手, 但個仔又唔生性, 自己人話都無嘜用, 唉…真係…家庭生意唔容易呀!

另外, 老闆應該唔係好信得過員工, 比錢時侯, 侍應要特登叫老闆仔從廚房出來收錢, 個仔既服務態度認真麻麻, 木口木面, 多謝都無聲, 唉, 真係聽老闆講, “倒米呀!”

還有另外一單, 就是另外的一位男伙計, 睇電視, 播新聞, 剛講起嘉禾大廈兩位殉職消防員, 幾個伙計, 你一言, 我一語, 當日尚未清楚兩位殉職消防員的死因, 那位廚房伙計大大聲: “氧氣桶 梗係唔會比人啦… ” 命喎…我死不如你死, 邊有咁蠢, 老闆仔跟隨便答嗲: “咁辛苦…入黑社會都唔做消防員呀….” 唉..老闆, 有一個”如此”有責任感的兒子和員工, 我明白你的感受!
Ngau Kee Food Cafe's photo in Central )
Ngau Kee Food Cafe's photo in Central )
Ngau Kee Food Cafe's photo in Central )
Taste
Decor
Service
Hygiene
Value for money
We spent...
Approx. HK$85 (Dinner)
0
Recommend
Recommended
unknown
Top
本來日係諗住去九記牛腩食lunch的,但係o個度實在太多人等位又熱,所以決定到附近的牛記醫肚。shocked 唉......我同男友叫了一個龍鬚炒麵同牛腩米粉。但係味道真係.........唔係咁好。個龍鬚炒麵好咸,而牛腩米粉超清...
七月十八日(星期五) 今個星期五幾忙...本身想去竹源食檬粉,但人太多,所以到了牛記食午餐! 十二點七,不用等位!...坐下,就叫了兩個午餐! 分別是鴨胸韮王炒蛋,以及咕嚕魚飹 先來個例湯:蕃茄薯仔湯,幾...