Video
Additional Information
長沙灣地鐵站A2出口。
NOW足球直播 / 9時半後特價。
Opening Hours
Mon - Sun
17:00 - 05:00
Above information is for reference only. Please check details with the restaurant.
Signature Dishes
Review (16)
友人生日，飯局好簡單唔洗諗當然又係打邊爐，一行八人去左長沙灣﹗店名叫金湯鍋，在東京街﹗先點湯底，要了水蟹花甲鍋，$108唔算貴﹗左邊一份是湯底的材料，與湯分開上，夠細心，海鮮唔洗灼得過熟﹗右邊是另外加點一份的大蜆﹗點了墨魚滑同蝦滑，兩隻滑都睇到係鮮墨魚鮮蝦打出來，咬口彈牙，味道不錯，比較之下蝦滑味道比較突出﹗炸魚皮、生根、魚皮餃不可少吧？冰鎮八爪魚，$80碟，食落有如日式刺身，唔覺係咩招牌菜﹗叫滿一枱食物啊﹗最美妙的是魚刺身，聽常來的朋友講話來金湯鍋必吃其刺身，魚自己在魚缸揀，新鮮生切﹗仲要價錢唔貴，呢條細鱗$148﹗魚味濃而鮮美﹗吃完之後將條魚骨放入湯底，愈滾愈濃﹗友人話打邊爐食泥鯭是一種享受﹗再來是一條斤幾重既章紅，本來我一向都唔鍾意食魚架喇﹗但佢既刺身食落真係鮮甜一o的腥味都無﹗連從不吃刺身的老友也一試難忘連吃十幾片，真係好食﹗$348一條，咁鬼大碟抵食了吧﹗魚骨用來椒鹽，送酒一流﹗大家也食到唔停口﹗打邊爐最緊要當然係肥牛啦，佢既特級打切牛$168，大大碟，牛肉濃郁亦雙飛厚切，口感一流﹗正﹗當然仲飲左成廿支啤酒啦，埋單位位$250，抵吃﹗值得再來呢﹗
continue reading
之前買咗這間同名但不同地方的團購,但因為旺角那間的人說那邊要裝修要去到長沙灣那間兌換,沒辦法只好來這間,實際上來這間比去旺角近多了,本來團購說明4位送美國原條象拔蚌,但佢地話無,要我改蝦刺身或切件的游水魚,我只好答佢要蝦刺身(因為魚多骨放入湯底我怕會刺到),但入到去坐果陣,又見到佢地係有象拔蚌的,不過賣緊500幾蚊,咁我都知道佢地唔會比條500幾蚊的我地4人吃,但我阿娘很燥,同我講蝦同象拔蚌點比,蝦值幾錢,咁我點都要做d野,出去找店員理論,但佢地一副可憐說:本身唔係我地店做團購,我地未收錢架,大隻的比唔到妳,細隻的要不要?咁就只好將就一下,要了細的總算有點交代,仲幾好味添個湯底寫話雞湯配黑松露黃耳上菌鍋,光睇名字就覺得猛,但實際上只是雜菌鍋,黑松露吃不出嗅不到,菜單上有牛肉拼盤,內裡的肉雖然唔係好分到邊隻打邊種,但不錯吃,其中的牛胸爽片,好像吃牛柏葉果層橫隔膜咁,煮得耐好硬,還有自製黑松露豬肉丸,生拆鮮蟹粉丸和自製小籠包,但生拆鮮蟹粉丸個賣相就令人覺得好奇怪,結果一食之下,原來係綾魚球蟹粉丸,我唔係好鍾意綾魚球,所以覺得唔好食,而自製黑松露豬肉丸總算似樣d,但都係唔算好吃,最差的就是自製小籠包雪到硬一硬,就算入鍋溶完雪都係易爆開又厚皮又難食,真係同個名好大出入講到海鮮拼盤,有4款想挑2款來說,游水生蝦真係生猛上,隻隻都識郁,唔算大隻但都ok,而港灣鮮元貝,食落有砂(可能係殼)仲覺得有小小唔新鮮,總之又係唔好食,仲有送d菇菇菜菜(給的是唐萵,西洋菜,冬菇和雞脾菇),果d係無得refill的,我地另外再叫咗幾樣野,講一些特別深刻的!!蒙古羊肉片,我從未食過如此羶的,一入口就傳出羶味來,實在是吞不下,我自問不是接受不到的人,但這個實在太強烈了,只好放棄這裡的安格斯肥牛,是我最近團購中最有水準的一間,紋路很幼細,脂肪很少但超有肉味,實在係encore首選,值得一讚即炸手卷腐皮=炸響鈴,在大紅牛吃過的炸響鈴真的很脆(比炸魚皮軟身一點),但這間的雖然可以直接蘸酸甜醬吃(點錦鹵雲吞那種),但是很淋唔脆,比較之下就覺得這個不好吃了還有就是有送(好喝的)竹庶水一渣和橙(至少切了2個),埋單要補服務費131蚊,再加團購價472蚊,結果都要150蚊左右一位,團購紙上只寫"另收服務費 ($32.8)"但沒想到是每位,這有點取巧,服務的話,總算是不錯,合理的要求都有做到,但劃紙來東西有點慢,元貝是要追才記得比,來的份量至少2人份(連牛肉也是大碟),味道的話真的好壞參半,最大問題係送果樣野但又話無貨,我好憎呢D講明有得送去到又話無的團購,但我總算係食到個細的,我就比比面唔比劣評,但這間的團購絕對沒下次
continue reading
活魚, 愈來愈少。話無貨返。以前例有章紅, 而且因為呢條魚至一直幫襯。點完火鍋料, 十樣黎八樣, 催至黎個兩樣, 甚至覆你 "無"。牛肉, 推介 "手切" , 剛剛嗰次+ 象拔蚌, $2XX。不過唔好祈望太大隻。客人多咗, 不過樓面少咗, 叫添水, 啲湯都乾至有人黎。有次推介食小菜, 下次幫襯 (世界杯期間) 話廚房休息, 只做火鍋。唔知好嬲定好笑。天氣轉冷, 打電話訂位好啲。
continue reading
去金湯鍋打邊爐,試左個88蚊湯底(有翅果隻)之後叫了肥牛,栗米,刺身,鮑魚, ...等等最好味同新鮮係佢地既海鮮,勁得我叫左2碟新鮮鮑魚..仲未死的.....真係十分好味!服務一流!
continue reading
其實上次都食過 今次又去食多次上次見到蕭正楠係到食野真人靚過上鏡xd入正題環境都ok la 有電視睇 冷氣溫度岩岩好!今次係食打邊爐 不過另外叫左碟三文魚嘩! 碟三文魚堅係好食! 又厚 入口即溶!湯底有好多選擇叫左個唔知咩雞湯底(唔記得咩名)湯底勁好味 正!d 鼓油可自己加配料 其他地方好小可會有重點推介:手切肥牛 唔講得笑 好好味!d花紋好靚 好有牛肉味 有好多片 '舖'滿成隻大碟手捲炸腐皮 平!好味!正!食法一 : 浸落湯底再食完全吸收左湯底既精華食法二 : 點甜酸醬 好開胃 正!!水餃/雲吞 好滑好味!三寶丸/墨魚丸 好彈牙!仲叫左其他野食 不過懶得打出黎好處: 有得訂位 開通霄 門外有得泊車 有直播足球 門外有地方比你食煙 有得打邊爐又有得食小菜又有魚生
continue reading