新海灣

Open Now

Now Closed

去澳門當然要食葡菜啦，上網揾到一間酒店附近嘅葡菜小店。見Google 入面嘅評價唔錯，所以決定試下。三個人去食葡菜其實都幾難叫，所以只叫兩樣。先點一份炒蜆，嚟澳門次次都係必食。呢間嘅蜆夠新鮮，唔係細細粒嗰啲，有鮮味有咬口，十公欣賞。用麵包點炒蜆汁食，更加滋味。尤其係佢嘅麵包又滑又鬆化，真係勁好食！入得嚟嘅客人，都幾乎會叫海鮮飯。用料新鮮，有龍蝦、蝦同蜆。呢個係湯飯，湯好甜，應該係海鮮同蕃茄嘅關係。顏色已夠靚，龍蝦彈牙，蜆同蝦都新鮮。真係好吸引，無諗過咁好食。份量亦大，個海鮮飯其實夠四個人食，好彩只叫兩樣！