Video
Read full review
2010-07-07
12 views
天氣仍然好熱，熱到根本冇心機食o野... 一諗起仲要食d湯麵呀~ 河粉呀~ 完全要頭令令啦~ 好彩之前search過下有一間新開o既法式crepe o向灣仔... 即刻去試下~原諒本宮大鄉里crepe究竟係咩~ 食前我真係唔知，只係知道應該唔會係熱得去邊，睇到d食評話會好多人，一心諗住walk in o既我o地急急上電車，點知好衰唔衰遇到電車撞親人，去到都成12:30，一心打掟輸數，點知仲有位，仲有幾個位俾我o地揀tim~以航海為主題的裝修，但係d小二似犯人~ (黑白間ma~)~無痛苦一人一個set，然後share 食，首先食o既係，2個都係咸o野... 1個係有d海鮮，第1啖覺得好古怪，第2啖開始就接受到，不過有d咸~ 食食下發覺crepe原來係pen cake，之不過點解個底係深色呢??? 「好似話係用麥整~」 原來係咁~另一個係ham同cheese，一樣都係咸o左d，上面有d 有醋o既菜，放埋一齊好古怪，ham & cheese o既日式pencake，本宮好耐之前o向旺角食過 (已經執o左)，當時覺得好好味，味蕾同本宮講，日式pencake好食過法式crepe，除冇咁咸之外，日
原諒本宮大鄉里crepe究竟係咩~ 食前我真係唔知，只係知道應該唔會係熱得去邊，睇到d食評話會好多人，一心諗住walk in o既我o地急急上電車，點知好衰唔衰遇到電車撞親人，去到都成12:30，一心打掟輸數，點知仲有位，仲有幾個位俾我o地揀tim~
以航海為主題的裝修，但係d小二似犯人~ (黑白間ma~)~
無痛苦一人一個set，然後share 食，首先食o既係，2個都係咸o野... 1個係有d海鮮，第1啖覺得好古怪，第2啖開始就接受到，不過有d咸~ 食食下發覺crepe原來係pen cake，之不過點解個底係深色呢??? 「好似話係用麥整~」 原來係咁~
另一個係ham同cheese，一樣都係咸o左d，上面有d 有醋o既菜，放埋一齊好古怪，ham & cheese o既日式pencake，本宮好耐之前o向旺角食過 (已經執o左)，當時覺得好好味，味蕾同本宮講，日式pencake好食過法式crepe，除冇咁咸之外，日式果個皮仲有少少甜，好味~
之後等o左好耐好耐，差不多有半小時，先o黎2個甜crepe，本宮鐘意有蘋果o向面果個，因為有少少汁，冇咁乾，而友人就鐘意古古力，因為香d wow~
最後一杯咖啡，都ok~ 可以入口~
本宮同友人o既結論係︰e間o野好難o向中國人o既地方做，因為好似我o地2個已經好open mind，咩都試o既人，都等o左好耐先dick起心肝o黎試試，因為驚唔飽，但試完之後，雖然都ok，不過就冇咩想再o黎試多次... 不過如果西人整o既o野食 (仲唔係算係高檔o野~)，佢都唔算差，因為去過外國生活o既人都知，西人整o野一係好咸，一係好甜。咸crepe係咸，但唔會入唔到口，而甜 crepe，本宮覺得唔算太甜... 不過如果係2個女仔，本宮認為叫1個set lunch share就夠飽，因為本宮同友人係o向好肚餓o既情況下，食到一半咸crepe已經覺得好飽。
最後西人做o野係好慢，本宮已經有2小時 lunch，都要遲到返工... 打工仔，都係weekend book位去試試啦~
http://hk.myblog.yahoo.com/ultrabearhk/article?mid=680
Post
