Video
Read full review
2012-01-14
52 views
朋友8人聚會， 選了位於寶勒巷的金燕島潮州酒樓， 前身乃星光行金島燕窩海鮮酒家的原班人馬再起爐灶， 食物亦能保持水準。 甫坐下, 部長便來熱情寒喧一番，並向我們大派卡片，又推介其招牌菜式。 但因為我們午餐唔想太豪食， 所以主要食點心， 而且佢哋啲點心真喺抵食， $18 至 $24， 款式多， 潮州及廣東點心都有。 不過其招牌菜式又真喺唔少得嘅。滷水併盆: 計有鵝片、 豆腐、 大腸、 鵝腸；極之美味，鵝片鬆化無渣，豆腐入味滑溜，鵝腸爽脆，所有肥羔都括走晒，一點肥都沒有，大愛。芥菜排骨褒 - 個排骨湯底好夠火後火候，煮稔咗嘅芥菜吸收了上湯的鮮甜味道，無得彈。糖醋麵 (兩面黃) - 煎得香脆，又唔過火，配陳醋及少許砂糖，是上佳之作。羔燒四寶 - 此乃潮州最傳統的甜品，四寶有：杏銀、芋頭、薑薯、南瓜。杏銀又叫福果、番薯代表金，芋頭代表銀，寓有金有銀又有福。 因為身邊有很多襯朋戚友因年紀大，行動不便，或肢體不健全的，一律無緣幫襯一些好食又唔貴的樓上酒家， 所以我要特別一題的就是酒樓位於一樓，沒有電梯，但酒樓特別為行動不便的
朋友8人聚會， 選了位於寶勒巷的金燕島潮州酒樓， 前身乃星光行金島燕窩海鮮酒家的原班人馬再起爐灶， 食物亦能保持水準。
甫坐下, 部長便來熱情寒喧一番，並向我們大派卡片，又推介其招牌菜式。 但因為我們午餐唔想太豪食， 所以主要食點心， 而且佢哋啲點心真喺抵食， $18 至 $24， 款式多， 潮州及廣東點心都有。
不過其招牌菜式又真喺唔少得嘅。
滷水併盆: 計有鵝片、 豆腐、 大腸、 鵝腸；極之美味，鵝片鬆化無渣，豆腐入味滑溜，鵝腸爽脆，所有肥羔都括走晒，一點肥都沒有，大愛。
芥菜排骨褒 - 個排骨湯底好夠火後火候，煮稔咗嘅芥菜吸收了上湯的鮮甜味道，無得彈。
糖醋麵 (兩面黃) - 煎得香脆，又唔過火，配陳醋及少許砂糖，是上佳之作。
羔燒四寶 - 此乃潮州最傳統的甜品，四寶有：杏銀、芋頭、薑薯、南瓜。杏銀又叫福果、番薯代表金，芋頭代表銀，寓有金有銀又有福。
因為身邊有很多襯朋戚友因年紀大，行動不便，或肢體不健全的，一律無緣幫襯一些好食又唔貴的樓上酒家， 所以我要特別一題的就是酒樓位於一樓，沒有電梯，但酒樓特別為行動不便的客人提供一部可爬上/落樓梯的電動輪椅，酒樓連這些少數弱勢社群都能照顧得到，實屬難得，不得在此與一眾家裡有需要的人士介紹這家食店。
Post
