Good Times Bistro & Lounge (Closed)

男朋友話我一定會滿意佢搵既呢間慢煮西餐廳😂其實新分店又有乜好怕喎～又幾有feel喎😚諗起我地講過Bad times reveal true relations, make the good times better🥰因為太餓，冇叫到招牌慢煮豬手。海膽黑松露忌廉意粉，好快出左俾我地。賣相有驚喜🤩，色澤勁靚，我話係日本雞蛋黃既橙黃色🤤店員話係加拿大馬糞海膽🤭男朋友話咩都唔係，係心形海膽😂😂睇到個海膽好高質，外形算乾身飽滿～咬落低有少少低溫、creamy，連同熱既意粉一齊食就多返個層次感。呢個意粉彈牙，每淡都食得出有邪惡醬汁，食得出用鮮忌廉，唔係普通面粉溝出黎既白汁，味道超濃郁，岩好鍾意好creamy而且唔怕肥既人🤣本身唔餓，食完有d飽，冇緣試慢煮棒既美食🥺🥺至於杯gin好岩女仔打卡，底座識發光同變色。味道就較重果香，酒底集中荔枝既甜味。啤酒不過不失，飲得杯落，送薯條一流。