漁匠料理 (Closed)

星期四day off，同朋友去上水dinner，食左間未試過嘅日本野—漁匠。鋪頭7點幾倒已經坐滿左人，之後都一直有人黎，雖然人多但冷氣都好夠。果到環境唔錯，幾有日本風味，除左有日本風情畫做裝飾之外，亦都放左好多清酒樽。我地2個人食左珍寶三文魚壽司、油甘魚壽司、鮮帶子壽司、珍寶赤海蝦壽司，刺身，又食左串燒加埋野飲同甜品都只係300幾，真係好抵。啲壽司全部都好新鮮，尤其帶子壽司，因為新鮮所以好鮮甜，而且肉夠厚，啖啖肉真係好正。燒物方面就有煙肉蕃茄串、牛舌、帆立貝同雞翼。我就鍾意食牛舌，因為真係好食夾大份。其中有個大根鵝肝最有驚喜。一黎個食材配搭好特別，係冬菇、白蘿蔔配鵝肝。二黎就係出黎個效果好好，夾埋之後個口感好豐富之餘，蘿蔔仲中和左鵝肝嘅油膩。咁因為我鍾意飲咖啡，所以就嗌左雪糕咖啡，我朋友就鍾意綠茶，嗌左抹茶紅豆冰。雪糕咖啡都幾唔錯，咖啡味夠濃，唔會話冰溶左就好淡。最後就係個甜品，北海道風溫室蜜瓜紅豆芭菲。個份量真心超大，我地2個人都食唔曬。溫室蜜瓜原隻上，好香甜，紅豆亦好稔，加埋雪糕真係世界級。Overall黎講真係好好，夠抵，而且係日本菜黎講真係有驚喜。