意粉屋 (Closed)

原來星期日晚上葵芳很旺場，打算去和民但要等10多張枱，最後轉戰沒有人龍的意粉屋。HSBC有兩人套餐優惠，湯、沙律及兩款主菜，雖然我們三個人，因為主菜要了pizza及豬肋骨這又飽又溜的東西，而且我又想叫甜品，原來這個套餐的份量，足夠我地三人有餘。先上兩細兜的煙三文魚蟹籽凱撒沙律，簡簡單單，勝在沙律醬不多，較為清淡。酥皮龍蝦湯-覆蓋湯碗的酥皮無不酥脆，而湯的忌廉味很重，只有很依稀嚐到龍蝦味道。珍寶什綿至脆批-只有厚批一款選擇，據侍應姐姐所說厚批可以焗出來有脆身效果，我滿懷希望有極香脆的口感，而實物就不至太脆身，與一般的厚批薄餅差不多；批面舖滿菠蘿、青椒、辣肉腸、蘑菇…等等，最鍾意它的芝士夠多，做到一絲一絲的起絲效果。豬仔骨配薯角-豬肋骨肉質雖不乾，但雪藏味很重，吃了一件已放棄。甜品方面加$20朱古力溶岩蛋糕配雪糕，記得以前也食過，是一個擬似的心太軟，蛋糕上淋上熱朱古力漿，與雲呢拿雪糕一起食，這個簡單的甜品，已足以令我一人消滅一客。雖然水準已預期一般，但竟然服務細心周到，可以俾5分。