Read full review
2015-01-24
1336 views
心思思又試新餅店，灣仔區係餅店密集區，呢間網上搵到的！點知去到時都係餅店，但店名已經改了「喫茶店」舖名好日式，但格調好法式，兩間都未試過，都係賣餅！所以無所謂！門面唔似餅店，反而似間精品店！好多精緻嘅小飾物！入內先見到個雪櫃！餅款雖然唔係好多，但賣相精緻！女店員好親切，不停介紹自家出品，講明每日新鮮做，但個款式就未必日日相同！要撞手神！問下女店員邊款餅比較受歡迎，佢介紹「雜莓芝士餅」（$45）我自己就想試「伯爵茶朱古力」（$43）佢就將兩件餅入盒，欣賞盒有透明天窗，可以睇到件餅！佢仲介紹有一款「香橙朱古力，用朱古力包住橙皮，要十日先可以完成！因為要一層層慢慢包，不過我唔想食橙皮！ 打開盒，無比叉，亦無問過我要唔要叉，個盒尺寸剛好，所以一定要撕破個盒先可以取出件餅！伯爵茶朱古力餅：賣相好精緻，尤其喜歡個朱古力皮帶金色，成個星體咁！邊緣又插咁咗啲脆片，味道好香伯爵茶味道，朱古力味反而唔濃！兩種味道好夾（好似平時食甜點配濃茶一樣）入面蛋糕鬆軟，每一啖都充滿茶香！好正！雜莓芝士餅：外表唔錯，店員話係人氣蛋糕！鮮紅色配水果搶眼！好似一個水果藍！不過用條唔食得嘅皮繩綁住個蛋糕就比較奇怪！我相信有
心思思又試新餅店，灣仔區係餅店密集區，呢間網上搵到的！點知去到時都係餅店，但店名已經改了「喫茶店」舖名好日式，但格調好法式，兩間都未試過，都係賣餅！所以無所謂！門面唔似餅店，反而似間精品店！好多精緻嘅小飾物！入內先見到個雪櫃！餅款雖然唔係好多，但賣相精緻！
女店員好親切，不停介紹自家出品，講明每日新鮮做，但個款式就未必日日相同！要撞手神！問下女店員邊款餅比較受歡迎，佢介紹「雜莓芝士餅」（$45）我自己就想試「伯爵茶朱古力」（$43）佢就將兩件餅入盒，欣賞盒有透明天窗，可以睇到件餅！佢仲介紹有一款「香橙朱古力，用朱古力包住橙皮，要十日先可以完成！因為要一層層慢慢包，不過我唔想食橙皮！
打開盒，無比叉，亦無問過我要唔要叉，個盒尺寸剛好，所以一定要撕破個盒先可以取出件餅！
伯爵茶朱古力餅：賣相好精緻，尤其喜歡個朱古力皮帶金色，成個星體咁！邊緣又插咁咗啲脆片，味道好香伯爵茶味道，朱古力味反而唔濃！兩種味道好夾（好似平時食甜點配濃茶一樣）入面蛋糕鬆軟，每一啖都充滿茶香！好正！
伯爵茶朱古力餅
$43
47 views
0 likes
0 comments
雜莓芝士餅：外表唔錯，店員話係人氣蛋糕！鮮紅色配水果搶眼！好似一個水果藍！不過用條唔食得嘅皮繩綁住個蛋糕就比較奇怪！我相信有好多食得嘅材料可以代替！外面紅色蛋糕無莓味，厚身兼較乾同實，唔好味！中間藍莓芝士慕絲幾滑，充滿藍莓味！好味，水果三款（藍莓、士多啤梨、車厘子）爽口好味，如果外面圍邊嘅蛋糕鬆軟啲，呢個蛋糕就滿分！
雜莓芝士蛋糕
$45
57 views
0 likes
0 comments
店員仲不停推薦自家訂製蛋糕，可送貨嘅服務！派晒卡片，好熱情！
Post
