Video
4-min walk from Exit C1, Tuen Mun MTR Station
continue reading
Opening Hours
Mon - Sun
10:00 - 21:30
Above information is for reference only. Please check details with the restaurant.
早前，細佬經過 <鉅記餅家>，見到有8折優惠！聽他講，一年都無幾多次，難得機會難逄呀！於是，趁機不可失！他便幫襯買了一盒杏仁酥回家嘞！半年前10月中打風的一個星期日，我們便一家人分享零食呀！雪花杏仁片紫色紙盒包裝，內有一個透明膠盒盛載，既可保鮮又可保質，亦可避免碰撞而弄得鬆散，一舉兩得！外型的骰的雪花杏仁片，密質質排得井井有條！單看最頂一層，已見有二十件杏仁酥！ 夠哂實際！金黃色的雪花杏仁片，表面鋪滿杏仁片及砂糖粒，散發牛油香，香脆鬆化，千層的質感！內外兼備的小食，令人忍不住食完一件又一件呢！
continue reading
2-10-2016 (Sun)同老公入屯門睇展覽,見到有鉅記,我可以買鍾意o既杏仁餅食喇.o黎到,.試食啲新口味o既－海鹽. 海鹽味原粒杏仁餅,我一試o左四份一件,係帶點鹹味,唔太鹹,不過我都係唔鍾意.所以心中有數要買一盒原粒杏仁餅同肉鬆杏仁餅.然後又試試薑餅,只有薑味係預o左,但食完有渣,而且我覺得辣o左啲,所以都係唔買.為食o既老公就搵o衣o家賣廣告賣到好行o既古早味花生糖,我o地又即場試食, 花生係原粒,加麥芽糖o既甜,唔太甜.老公最後要o左海鹽花生糖.而我,如上文講,原本要原粒杏仁餅同肉鬆杏仁餅各一盒,收銀又勁sell,買四盒有得平,而海鹽花生糖買兩瓶又有得平.咁….我o地分別買夠四盒同兩瓶俾人啦.原粒杏仁餅同肉鬆杏仁餅原價各$76.00同$63.00一盒,買四盒每盒減$6.00.海鹽花生糖原價$65.00,買兩瓶每瓶減$7.00,TTL$370.00.想用信用咭俾錢,收銀話如果俾現金,就送一盒小禮盒,啊,咁俾現金啦.打開小禮盒睇,有兩件白芝麻花生軟糖,一件原粒杏仁餅(我有買啦,重覆,而且點解唔係送有特色o既o野?),一件黑芝麻餅同一件合桃酥.隔幾日逐樣食,我食白芝麻花生軟糖,佢唔太甜,軟硬適中,有啲煙韌口感,花生腍味道唔濃,反被白芝麻味搶o左,不過都仍OK.味道: 4分之後打開原粒杏仁餅食,包裝唔同,唔係用透明袋,又用間尺度吓,直徑有4.8厘米,厚1.8厘米.食落,口感正常地鬆,同樣會有餅碎跌落o黎,杏仁同蛋味唔算好濃,咁樣就易入口,因為之前食過一啲質素較低o既杏仁餅,好難食.味道: 4分然後老公開佢o既海鹽花生糖,都唔係好滿,食落,麥芽糖甜加多少少鹹味,花生腍腍地但仍有啲咬口,的確比淨甜味惹味啲啲,而且食少少已經飽肚.味道: 4分黑芝麻餅,一包原來有兩件,唔厚身,呢個正常冇問題,同第二啲餅店買到o既差唔多,唔使特登o係鉅記買.味道: 3分肉鬆杏仁餅,有心理準備知道呢個一定係鹹,食落係,但比想到中更鹹,太鹹喇,差啲連杏仁餅o既味道都冇埋.味道: 3分最後到合桃酥,呢個味道幾濃,口感同樣係正常,都係o個句,唔使特登o係鉅記買.味道: 3分
continue reading
洗腦、植入式、冠名贊助，令不看電視卻被迫聽電視的我認識這新品。原本對這新品興趣缺缺，多年來被鉅記咀香園洗腦下，鉅記就跟杏仁餅畫上等號，除了各式口味杏仁餅外，對其他産品就一無所知了。也許有見及此，這輪的宣傳(洗腦)攻勢便以這古早味花生糖為主角，配合巨輪劇情的推進，成功打入八點檔觀眾的心坎裏。當同事説讓我試試鉅記古早味花生糖時，我耳邊立時重複播放着那句旁口：鉅記古早味花生糖呈獻 －巨輪來了。嚐了那麼的一片，味道是滿不錯的，賣相也很有新鮮感。同事説香港分店長期缺貨，特別是廣告賣得凶狠時，更一盒難求芸䒧......基於羊群心態，加上老公極愛吃花生糖，便託同事訂了一罐試試。花生糖有兩款口味，分別是古早味花生糖($60)和海鹽花生糖($65)，買兩罐便可享減$7的折扣。同事給我買來的，是海鹽味花生糖($58)，其實跟原味相去不遠，只是加了海鹽，甜度亦稍低一點。打開可愛風的包裝紙盒，花生糖以圓型透明膠罐盛着，掀開膠蓋是易拉鋁蓋確保新鮮。雖然如此，花生糖始終是易潮之物，還是儘快食用為上。索價五十八元的花生糖，就重量而言不是太化算，值得與否還得看它的食味如何。成份是砂糖、海鹽、花生，看似跟尋常的花生糖無異，但外表又跟潮州花生糖不同。其實着眼點該放在「古早味」之上，「古早」是台灣用語，解作傳統做法的食物，有懷念舊物之意，也意味着是它是台灣產物。因着材料調配和制作工序上的迥異，風味上是跟港澳風行的花生糖有別，對於花生糖迷來説没有不試的道理吧！挾起最完整的一片，花生緊緊相連形成薄片的花生糖，是剛巧把顆顆花生黏着的程度，比起一般以厚厚脆糖成形再切成丁方的花生糖，相信是會帶來截然不同的食感。淺淺一咬，糖身「卜」一的聲破開，輕脆的糖層不會過於稠身，也不是黏牙難嚼的一種，有陣陣脆糖焦香，甜而不膩，甜度比一般花生糖為輕。能做到脆身而不黏牙，關鍵在於火候和手勢，慢煮砂糖變成焦糖，要令其起色但又不致焦糊，該就是「古早」制法的精髓所在了。只是糖層太輕太薄了，只能當花生糖的配角而已，然而若不如此又没有了那份脆感，那就只能怪脆糖不夠爭氣吧！廣告上的賣點，是用上玫瑰紅衣花生以220度滾油炸香，而花生確是這花生糖的主角。紅衣花生顆頭較少，但實實在在的飽滿，沒有多餘的油份，且粒粒分明，比一般花生更為脆身。那紅衣透薄輕脆，令花生更顯香口。加上脆糖與花生的比例是一比三，更能嚐到花生的原味，而粗粒海鹽的作用不大，只是令食味更具層次而已。糖身更薄，才能做到在花生粒上點到即止，達致口感輕脆的效果，是有别於一般口感硬實的花生糖，糖上身薄身無疑是它的優點，但無可避免地令花生極易散落。刻下嚐到的這罐經歷舟車勞動，只有面層數塊是完整的，罐底盡是花生和脆糖碎粒，末了要用手指沾着吃。雖然這花生糖存在着技術上的瑕疵，但確是製法新穎，帶來與別不同的食感。這款花生糖該會得到花生友的青睞，只是對糖迷來說該會嫌它不夠甜膩吧！古早味，其實是經驗累積而來，味道之極致。中式糖果由來已久，經過千錘百煉才成就出古早味來。回復舊味，不是簡單複製便能成事，知其難為而為之，正是古早味的精神所在。
continue reading