Video
9-min walk from Exit B1, Tsuen Wan MTR Station
continue reading
Telephone
28283561
Opening Hours
Today
08:00 - 19:00
Mon - Sat
08:00 - 19:00
Sun
08:30 - 18:00
Above information is for reference only. Please check details with the restaurant.
喺尖沙咀搭車去荃灣，落車大雨到對鞋陣亡左。淋左雨諗下食咩驅寒。突然諗起呢一間舖頭，第一次嚟食心大心細，樣樣野都想試。就嗌咗個豬什米線胡椒湯底，另外嗌多個牛肉腸粉。湯頭胡椒味有，但唔算重，如果可以再辣啲就好啦。不過我見佢枱面都有另外白胡椒可以自行加，不過都係感覺滾過嘅胡椒先會出味。豬雜嘅份量都多，但係米線份量就比較少，張相嗰個係未食任何米線，都淨係可以夾到三小注。牛肉腸都蒸得幾滑唔會過老，啲滑口水都好好味，但係如果係牛肉片就更加開心啦。個辣椒油好桂林feel~都正。唯一希望佢米線嘅份量多返少少，咁就完美啦。
continue reading
久唔久就想去潮洲仔，回味飲佢個白胡椒豬肚湯。今日食豬什王配河粉，一次過食齊晒所有豬內臟，豬肺丶豬粉腸丶豬心、豬潤丶豬大腸丶豬肚、豬黃喉丶豬紅、蝴蝶腩共十款，唔會煮得個老，配埋滑捋捋河粉食，份量十足，一碗就飽晒。白胡椒湯底微辣，容易入口，不含無味精，真材實料，飲完真係暖笠笠。
continue reading
呢到最多人叫係豬什王（$54） 再加魚皮（$8）我本人麻麻豬什最後叫豬手米 （白胡椒沙底）加蘿蔔 老公叫豬粉腸娃娃菜 （半胡椒湯底）配白飯但係發生咗小插曲，老公唔食得辣，但嚟咗白胡椒湯底，飲咗兩啖，辣到佢飛起！最後餐廳都幫佢加湯變返無咁辣！我自己食得辣，個人推介白胡椒湯底，冬天飲落暖笠笠，唔食得辣都可以叫半胡椒湯底。食落無味精，但去到最後有啲咸。豬手米加蘿蔔 都好大碗下豬手乾淨 但可以更淋魚皮都好食 薄脆！浸湯食一流！豬粉腸娃娃菜配白飯淘飯一流 但去到最後覺得咸整體來講會再下次幫襯附近米線排隊排到癲 呢間可以直入！
continue reading
呢間潮州仔食堂自從疫情期間之後， 每日都收晚上7點， 所以夜晚好少嚟食， 今日行過就過去食吓啦！ 兩個人叫咗一個豬什河粉， 因豬什河粉啲餸較多， 所以我就叫豬黃喉米， 兩個都叫半胡椒湯底， 凍檸檬茶少甜少冰。咁耐冇食， 佢嘅味道份量同以前差唔多， 半胡椒湯底夠晒味， 如果叫全胡椒應該仲會較辣， 我覺得半胡椒已經夠晒😋， 凍檸檬茶味道好好， 有茶味👍🏻
continue reading
我好鍾意食豬什，但平常真係唔太知邊度有得食。昨日去開荃灣就見到，決定一試。去果時大約中午1點半，都差唔多坐爆晒。呢度有腸粉呀，普通啲既粉麵，一見到有豬什，點都要嘗試下！ 淨豬什$54， 加麵底就加$6。環顧四周，大家好似都係食緊豬什。豬什洗得幾乾淨，份量都好多，湯底同辣椒醬就正正常常。 我幾鍾意個豬紅同埋豬腸～食完好飽肚，暖粒粒，我諗冬天食幸福感會加倍。好難得食到豬什，好開心，一定要再嚟食下其他野～！！
continue reading