德興日式放題鍋 (Closed)

冇左大喜屋，上次黎呢間食燒肉都不過不失。今次想打下邊爐。然而就出哂事。第一次感到如此不滿。坐低食火鍋，揀好餐。個刺身同海鮮都快。湯底叫左蕃茄湯加辣湯底。個辣湯完全冇味，宛如清湯一樣。黎到主菜：個menu選擇極少，大部分都係燒烤類如果閣下食火鍋就只有個二款牛、一豬一雞。其他都不可下單。好食還好，肉類質素極差，味如嚼蠟。二個字：垃圾燒肉會好一點。但其實都少選擇，3百幾嘅火鍋就只有4款肉選擇。大家請自行衡量。如果要燒肉，又去到呢個價位，坊間亦有選擇。何以門可羅雀，實有它的道理，請各位引以為戒。

跟團第一次到訪，環境黑暗，感覺好舊。座位、 通道和擺放自取食物的地方都非常狹窄，食物好一般，一定不用再來。 曾光顧牛大人， 環境和食物質素高好多，又有一人一鍋，乾淨衛生。

首先講食物質素 其實係ok嘅牛嘅質素係可以接受 其他食物都可以嘅問題係某些服務員態度好有問題去度職員怪我地食左人地d野講真我地唔知以為係送嘅你擺低左送錯左個態度洗唔洗咁差先跟住叫用手機落單 無問題 半個鐘後仲未有野食 問佢 佢追都唔追 叫我地自己寫紙啦 講真真係好反感 遲來嘅碟碟出 跟住問個阿姐佢就好好態度 幫忙跟進仲有一樣野要講 我地選嘅應該燒肉 刺身套餐但從來無刺身選到 我第一次黎 坦白講唔會再黎放題我食左咁多間從來無遇過咁情況 仲要朋友生日 見評語ok咪諗住試下 點知大家失望仲有點勞氣 希望會改善 咁餐廳都有服務員態度係友善嘅

今日跟Amigo慶生，兩個人去打邊爐，5點半未夠上到去，門口人員介紹有燒肉有火鍋，都喺2個鐘任食，最後決定火鍋，唔駛排隊直入。入去食火鍋嘅我地喺第一枱，決定坐最近門口的卡位，方便拎配菜飲品。食燒肉嘅就已經有兩三枱，一開始Amigo仲懷疑選錯火鍋，應該選燒肉，但已決定就別左想右想了。套餐選了火鍋最貴的C套餐$308，早段時間有85折，火鍋升級肉類牛雞豬任叫任食，配菜就自由去出面枱拎，當中有熟嘅凍蝦。之後睇返其實選B套餐都不錯，差距只有一份海鮮盛合，而且跟剌身盛合一樣，一枱一份only。選好了蕃茄+壽喜燒湯底後，一開始來了海鮮和剌身盛合，都好味，不過份量當然唔會好多，剌身作為等火鍋滾嘅前菜算不錯。之後來了4盤定5盤牛，2種部位，2盤豬肉片，湯滾起前食了些蝦，肉質實，唔霉，這點十分重要，唔錯。湯滾起就是正式的開始，牛的味道我覺得不錯，厚度適中，不會像紙一般薄，但又不會太厚，一盤有4-8塊，每次來2-3盤已經很足夠2個人食了，食慣A5和牛的人就別來比較了，呢個價錢別發夢了。全程試了清酒、梅酒、烏龍茶、冬瓜茶，梅酒太甜，一杯就夠了，不合我，清酒還不錯，口感可以，飲了兩杯，配枝豆和薑片一流，烏龍沒

Originally I expected it to be $298, and maybe plus 10% service fee, but it turned out to be a lot higher than this price, nearly $400, which surprised me and I would have a lot of other choices for this price...quite disappointed to be honest and also found that the sashimi can't be refilled...Probably I won't be going to this restaurant again...

其實我太會點餐啦， 因為改了用app 手機點餐耶， 可是， 店員很好， 我問了 很多問題， 他也沒有發脾氣。 雖然我有不停地說不好意思， 對不起 之類的。 學會了點餐之後， 點了 很多牛肉， 沒有制的五花肉， 有魚， 有炒粉， 這一家， 沒有讓我和韓國仔失望。 這個不是韓燒啦， 是日本烤牛， 醃製的牛肉當然不是韓國的味道啦。 不過韓國人也不一定要吃韓燒嘛。我們也很喜歡他們的茶， 吃的很滿足耶。 其實吼， 這一家的雪糕應該是很不錯的， 可是， 因為我不太喜歡甜食， 最後浪費了兩個雪糕， 很不好意思。 食物整體很不錯啦， 我覺得可以啦， 很抵食。

本新好中意食哩間野，今日諗住再去食，俾一位操內地口音，紮馬尾既女店員激到要即走唔食是日星期日，夜晚6點幾打去問有無位，話無得訂，叫我walkin 7點40上到去，話而家無位，有張就黎走，叫我等一陣，問我有無安心出行，我話無一路等，等到8:05，入左好幾組有安心出行既人，問哩位店員先知，有安心出行可以入先，因為間餐廳分左寫紙同安心出行既枱我同另一組填紙等緊位既食客即時覺得個店員好有問題，一開始無解釋過餐廳有劃分區域，等左半粒鐘，問先講？店員態度惡劣，不停話尊重我哋填表，不過填表就無枱。最後，另一位食客開左個假既安心出行俾店員睇，順利入餐廳。我都激到一肚氣無心情走左餐廳要劃分枱我覺得無問題，但而家店員既態度俾人覺得歧視緊填表既人，對哩間餐廳徹底失望

旺角創興可算是二十來歲青少年的必蒲地方，兒時最喜歡放假與朋友來吃個放題，吃餐飯抒抒壓。朋友想食烤肉，找了「德興日式放題」，除了可任吃烤肉，還能自制涮涮鍋，吃個盡興。放題分別有三款價位，以純燒肉$228元起跳，每加五十元升級增添安格斯、刺身拼盤等。個人覺得中間檔位已足夠，除非特別喜歡燒海鮮。安格斯拼盤拼盤份量不多，厚度適中，勝在質素不錯，燒至八成熟質感柔潤甘口。任食燒肉放題超過十多款肉類，包括牛舌、牛壺漬、肥牛等等，食材口感新鮮、牛舌厚而糯軟、肥牛油香脂美、牛壺漬即較惹味香濃。刺身盛一次性刺身盤，質素與平日放題大同小異，款式也相像，無驚無喜。自制牛骨湯涮涮鍋以錫紙裝鮮香不膩牛骨湯，湯頭清甜香口，可涮新鮮蔬菜或菇菌類，解油暖胃。飲料櫃喜歡無糖冷泡茶，茶香濃而不澀，鮮香清新。總括來說，整體質素不錯，款式也多，應能滿足食肉獸。

今日本身打算食樓上果間安平燒肉，見無曬位就落左黎呢間嘢食，見到餐牌$258放題任飲任食，一開始d肉類都算黎得快，d牛肉食落唔係好特別，但又唔算特別差，而刺身就等耐少少，味道就比其他放題日本菜既刺身出色，跟住想再叫多次黎食，點知個刺身就話得一次，指住個餐牌寫住任食果d先有任食，頓時間感覺好似被人欺騙左咁。問返侍應，態度仲要唔係幾好，幾次想講嘢果陣都比人打斷，侍應就我既提問都有道歉，而所謂既道歉，都比我感覺到心不甘情不願。總言之，呢間嘢無下次。

附近有好多燒肉，但疫情底下都滿晒。點都好啦，198一位有加一，任食，啲牛一般般啦，見好多人都寫到話好好食，又話好抵食，我覺得還可以啦，唔係想像中甘好囉，只係位置方便，信和對面囉。 無加任何顏色同改圖，直出既牛肉相，賣相呃到下啲中學生既，但食多幾年野既朋友仔可能覺得還可以啦，未致於好好味，有肉囉。午餐肉太耐無食啦，所以係自助吧攞，但成個自助吧都係打邊爐野食，佢地就話攞來燒，算啦，198加一任食呀嘛。臨尾記得埋單時攞雪糕，一人一杯。

很推！肉同海鮮都好正！佢有分燒肉同邊爐，我同朋友食燒肉，佢仲可以有3個價錢，好似會多個刺身拼盤咁，我就選左最平個個，感覺都已經好多野食～佢係有張牛油紙墊住個爐，可能怕難洗，但搞到食物的油不能漏走，好焦好油膩，如果唔放食物上去張紙會乾焦到變脆碎左，😹😹😹，但店員都會好積極幫你換紙，改善下呢點就好好了！牛舌厚薄剛剛好，牛香不韌，推介！牛肉又唔同部位選擇，雖然唔太識得完全分出，但有唔同的調味料，種種都好好食，牛肉雖然無外面單碟咁好，但放題來講質素都唔差！比較唔好係一碗有埋洋蔥的牛，比較難咬開🙈🙈🙈海鮮要讚讚！蝦係超級大隻，手心咁大，有蝦膏幾新鮮，肉都夠彈牙！青口都大隻💓🙌🏻 牛油扇貝好肥，但當然更肥更好食！雖然唔太大隻，但味道唔錯，唔會似橡筋難咬～ 其他食物方面，自己好鐘意牛油蕃薯🍠，超入味，甜甜香香，耐點會有脆皮感，如果食肉食到悶悶地可以試下！燒菠蘿都好食！仲有個日式魚蛋包麻糬我都好鐘意！臨走仲有一杯雪糕🍦gelato 的榴連十分好吃😋超濃郁超滑！反而綠茶就普通～呢間最平個plan已經好夠食，會再encore 的燒肉！

放假行完街肚餓就搵野食，行過創興記得好內冇食4樓德家燒肉，上去睇下燒肉質素有冇下降先，上去bar枱小食的蝦有一兩隻開梅，但其他都正常，燒肉方面：牛舌超爽，牛胸腹超好味，五花腩，豬頸肉都好好味，燒菠蘿好甜，甜蛋卷，秋葵，蝦，都好味，德家質素維持得到，下次會再食

上星期食左一次。今個星期又食多一次😍因為真係覺得d牛肉好好食。嚟呢度淨係食牛都可以回到條數😹😹今個星期同上個星期唔同嘅係冇咗158餐，今次食嘅係198餐。牛肉比上次多左好多款😍😍，啱晒鍾意食肉既朋友仔。餐廳內部嘅裝修都幾靚，比起其他嘅放題火鍋或任食相對上乾淨好多。而我最欣賞嘅就係極上牛肩肉，肉質同脂肪分布非常均勻和完美，血色好靚，非常新鮮。所以淨係去食牛，都已經好抵食啦其他蔬菜都相當之豐富，菠蘿要大力推薦！甜甜酸酸好滋味。一口燒彈好甜，一咬入口嘅時候十分鬆軟，仲有陣陣嘅蛋香味😂

好想打邊爐，夜晚時段牛x/x牛都好多人，又要等位，所以就求其搵左間冇咩人嘅食，呢間野要坐lift上樓嘅，入面左邊係韓燒，右邊就係打邊爐，我地揀左打邊爐平日夜晚食，7點幾都無咩人，得幾枱，晚市成人每人$198任食，正常價都包好多野食，入面野食種類似牛涮鍋咁豚肉同肥牛任食（要order）有拼盤刺身一碟（得一兜）味道都ok有甜品櫃（得3-4樣）有丸類，麵類，菜類，款式都夠，有5-6樣有沙律吧，熱湯最正係有放題飲品櫃，超多選擇，自己拎雪糕有雀巢杯任食，都有貴價 movenpick同其他兩個牌子揀不過要最後埋單前問佢拎紙剔，每人只可以揀一樣姐整體我都覺得ok，因為繁忙時段都唔洗排隊，食物款式種類都足夠，叫做有得選，啲牛都唔算話好差，好食過出面同價位大集團，如果去開附近，唔想排隊，可以去試下，唔會話好差

突如其來想食燒肉,聽聞德興嘅評價都幾好, 價錢大概都係$250-300左右(未加一),一於去試下。呢度食燒肉除左有order紙之外,亦有一個拎野食既位置,有日式螺肉,沙律,流心蛋,凍蝦,以及一啲打邊爐嘅食物等等。呢度飲品種類都幾多,而且亦都有啲係唔凍嘅,方便一啲唔飲凍嘢嘅客人呢度嘅燒肉放題有兩款menu,一款比較平,另一款比較貴就有埋海鮮。我哋揀咗有埋海鮮嗰款,不過order完之後先知道原來海鮮只係得一次,唔係任食, 咁大家可以考慮一下值唔值得加。海鮮新鮮程度正正常常,唔係好好亦都唔係好差。放題會有一盤刺身,同樣地亦唔係任食,只係一次,刺身都幾厚切,唔錯,食得過。至於肉類都不過不失,有一兩款牛我哋係特別鍾意,其他都一般般,不過食過和牛燒肉真係番唔到轉頭,然而一分錢一分貨都明白嘅,所以都係用返普通燒肉既準則去評分。食食下有一段小插曲,話說我去拎唔凍嘅飲品返嚟,一打開就噴曬出嚟,搞到好狼狽,而侍應知道咗我呢個情況之後,就好快拎咗大量乾&濕紙巾畀我,又同我解釋可能係有人整跌咗,然後放返上去搞到咁樣,我覺得佢哋嘅服務都好殷勤,絕對係加分位