妹記生滾粥品

Open Now

Now Closed

慕名而來，結果吃到一半，已經非常口渴，味精太重，而且沒有空調，只有風扇，粥未到還可以，一開始吃熱粥，整個背都濕透了，濕到透透的，所以不會有下次，因為粥真的就是很一般的粥，而且下了太多味精，很多粥店賣$38都不會下味精，還賣$49 一碗，$49買一碗味精粥，真的不值。怪不得有奶茶，檸檬茶賣，就是因為知道吃了他的粥會很口渴。大牌檔衛生真的一般，地下濕濕滑滑，很容易滑到。應該也有不少遊客慕名而來，但真的沒必要。

這粥店平日收3pm, 今次專登12pm去食。假期人客一般，坐下先落單付款，之後約10min 送到枱面。但觀察不是一鍋粥煮一碗，而是一鍋粥煮好幾碗，少啲風味。碗粥係幾大碗，可以2人分享，粥底甜得來似有味精，但冇乜魚腩嘅鮮味。魚腩肉幾大件，夠滑，冇乜骨。整體不錯，粥再熱啲好啲。

朋友推介我哋黎呢間粥店，位置都方便，東鐵綫或者地鐵過嚟都好快，一上去就已經見到好多人排，當中還有些遊客，相當受歡迎。叫了生滾魚腩粥$48 ，生滾及第粥$45和炸兩腸粉，材料都幾足，好多件魚腩，足底好夠味，及第粥都好多豬潤，粉腸等內臟，炸兩皮滑，環境就係熟食市場，沒有冷氣，食完暖粒粒，夏天食完可能會熱，還有要同其他人搭檯。

今天去旺角理髮完畢，肚子餓，附近就是花園街街市，記得樓上三樓熟食中心有一家粥品店。叫了一個魚腩牛肉粥走蔥及炸兩，$88。坐的位置就近廚房，師傅忙個不停，生意滔滔。等了10分鐘左右，先來炸兩，吃完了，粥才到。食材是新鮮的，粥底綿綿，正。炸兩的腸粉嫩、油條脆口。整體真的不錯的。但吃完非常口渴，然後附近買了一杯凍綠茶，仍然口渴，回家再喝一杯水。口腔仍然一股味精。個人很怕味精。食材新鮮，何須用味精呢？百思不得其解。

見到網上評分很高， 特意去試一試生滾粥。 星期六早上10點去到, 都開始多人。 先去收銀落單畀錢， 食物就會送上。 點了最有名的1. 魚腩粥和 2. 豬腰豬肝粥.之前看了很多評價部分人說味精重， 所以都做定心理準備。魚腩粥 (8.5/10)真的很多魚腩， 目測起碼有六至七件。 第一口真的感覺有驚喜， 魚腩味很香, 粥底魚味濃， 應該是又放少許味精。豬腰豬肝粥 (6/10)非常普通，同普通粥店沒差別。 粥底對比起魚腩粥有點清淡 ， 但也滾不出豬腰豬肝的味道， 豬腰豬肝的爽滑度也沒有驚喜。 整體可以不點。本來想點不點炸兩， 但眼見其他點了出來的沒什麼驚喜所以就沒再點了。整體而言， 如果經過可以去試， 但如果專程坐車要過去試的話要考慮一下。個人吃過比這店更好的粥品， 所以純粹去比較一下。

朋友推薦我食呢個粥，佢帶咗過嚟旺角嘅市政大樓樓上，呢間好出名嘅妹記生滾粥！睇你哋煮嗰啲粥呢，我都戥佢好熱，喺夏天嘅時候冇冷氣，喺度食碗粥真係要好有心❤️！佢用大火煎熟嗰啲魚，然後再擺落啲粥度煮，你會食到嗰啲魚好似燶燶地，但係其實同埋啲粥一齊食嘅話就中和左！個鋪真係好有心呀，你見佢哋仲係用緊銅煲去煮，而家已經好少喺大排檔見到㗎喇，做銅煲嘅舖頭亦都好少！仲有出名嘅係炸兩啦，同埋爽滑魚皮，爽滑魚皮係生嘅！

粥底濃度適中味道鮮甜應該係魚湯底推介食品魚扣粥/肉丸魚腩粥，魚經過處理，香氣十足，肉丸爽彈夠質感腸粉都係一絕👍🏻👍🏻👍🏻炸菜牛肉腸粉粥灼墨魚仔只係夏天比較熱

香港地生滾粥真係周街係，但要搵間好味嘅就唔係咁易。我好慶幸家父細細個就帶我去食妹記生滾粥，佢地用魚湯做粥底所以鮮甜到不得了落雨天既朝早，涼涼地又好想食碗粥，到埗見到有新鮮大尾魷即刻叫返碗鮮魷粥，粥底香綿滑順搭配埋鮮甜彈牙鮮魷，好滿足

強烈推介魚腩粥！叫咗兩碗，一碗有魚一碗冇魚，有魚果碗d味好鮮甜！冇魚嗰碗都唔緊要，搬幾嚿魚過去撈兩撈都會變得好鮮甜！D魚肉好鮮甜好滑，d 骨又大大舊 好易食！腸粉都OK啦，雖然唔係太啱我口味

星期日早起身, 又覺得好肚餓, 忽然好想食粥, 就轉登坐車出旺角諗住食碗粥同食個炸兩先返工, 點知去到見佢冇開門, 再睇下OPENRICE 先知原來佢每星期二都休息!  唉! 又會咁啱撞正佢休息, 咁冇計我已經唔夠時間去第二度食野就返工去了.星期日要出去整野會經旺角, 所以又走左去.見之前有人POST 話冇乜薑蔥, 食魚腩粥又點可以冇薑蔥呢? 所以我落單時問佢有冇, 因為如果冇我會叫其他粥. 佢聽到我咁問就話俾多O的我.另外我再點左炸兩, 多豉油, 多麻醬, 同多SESAME, 走甜醬同走辣醬.  O黎到時唔夠麻醬我叫佢再加, 非常好味!!! 會再返O黎ENCORE!

媽咪由細到大次次出旺角朝早都會黎呢到食碗魚咀肉丸粥當媽咪離開之後我會時不時黎到細個成日同佢成日去既餐廳去回憶一下同媽咪既味道❤️天氣仲凍凍地 係旺角諗都唔諗沖上去妹記🤤去到都幾多人，係疫情個陣差好遠睇黎妹記都成為左旅行熱點坐底叫左碗魚咀魚鮫肉丸粥同油炸鬼油炸鬼黎先，都仲係熱熱地又夠脆口好食，但一個人食哂成碗會有飽粥即叫即煮，當日都多人所以都等左一陣，粥底同之前一樣鮮甜不過魚既份量比之前少，肉丸加左冬菜整體同之前分別不大係個價位好大😬😬😬

如果有人問邊到食地道生滾粥？我會第一時間諗起妹記聞名多年 今日專登黎一試生滾粥通常都會揀魚腩魚片多 取其鮮甜味呢到生滾粥即叫即做在銅煲爆香魚 再加入粥底 聽到都知好食今日特別d 叫左生滾魚咀魚鮫粥無錯 第一啖食到爆香過魚油味粥底煲到開花帶有一絲絲魚味但個人鍾意食杰身d既粥 叫左一個魚粥 緊係要試埋豬豬潤肉丸生滾粥 都係用魚湯粥做底但多埋肉味 豬潤煮得剛好肉丸也是自家手打 口感剛剛好炸両製作需時食到一半時送上 但值得等候油炸鬼非常香脆 而沒帶什麼油出色要注意呢到營業時間除左食一碗花心機煲的生滾粥仲係食一種情懷

想去旺角食粥，上openrice search見到呢間喺花園街街市嘅幾合眼緣，所以就試咗。呢間粥店主打生滾粥，不過由於早餐時段唔好咁重型，所以就叫咗魚片粥，另外再加一碟炸兩。炸兩用嘅油炸鬼微脆，呢個真心堅，不過就好重油，有少少漿着喉嚨嘅感覺。魚片粥中規中矩啦，魚片唔算超級新鮮，還可以啦，肉質有少少散散地，真係同d食評有d落差，始終鯇魚片算係大路嘢，用黎做benchmark最理想，所以只屬於一般水準。埋單$61，有少少貴。

朋友英國返香港, schedule 好爆, 只偷到時間食早餐.話說人日要食粥, 又要就返大家中間o的地點meet, 所以選左九龍區.本身想約另一間, 但10點未開門, 咁我就搵左呢間, 其實都未o黎過, 但見食評都唔錯, 就約左大家去呢間.我叫左及第粥, 另外唔記得朋友們叫左乜粥, 不過就有叫左油炸鬼, 炸両同埋齋腸.好多時炸両都係整定所以我都唔太鍾意食, 但呢度真係即叫即整, 齋腸都係.腸粉滑, 炸面脆卜卜. 實在好讚. 而且可以睇到阿姐係即蒸腸粉.就算肉碎粥, 都見到師傅係放舊肉入機立即打碎, 真係真材實料! 呢間必定會再encore!

魚皮冰凍爽口 加入粥都好食 生滾牛肉粥入面粒丸好食 較為香口實在 又足料 但今次粥水較為稀反而魚粥較為潔身 配料相當多 每塊魚肉 相當大塊多肉 但魚卜放到最後先食 冧左少少🤪🤪 環境嚟講 街市位算乾淨 都幾好