Video
Above information is for reference only. Please check details with the restaurant.
Signature Dishes
Review (30)
之前大都在工作繁忙時，才會以麥當勞作正餐吃，最近有這個新品蜜糖BBQ麥炸雞，真的愛啊，尤其每當在看韓劇時，都常常想吃塊雞，雖然叫炸雞，其實吃起來沒有像傳統認知那種脆皮炸雞的油膩感，反到多像烤雞，蜜糖烤的雞皮酥香，好像是吃一份西餐的主餐似的，且為一塊胸與腿，都不是只有小小的腿棒，份量足夠的，且肉塊亦有蜜糖BBQ的多汁，如果更有心，外帶在家食用，其實擺上漂亮的碟子，搭配沙律與紅酒，可能都感受不出原來是來自麥當當的，大推
continue reading
第一樣就係麥當勞嘅麥炸雞，呢個炸雞真係有驚喜喎，佢外皮好乾爽，食落肉質幾嫩，有好多肉汁喺裏面，而且係熱辣辣嘅，外面層皮唔多炸粉，如果怕熱氣，剝咗層皮，淨係食裏面啲肉都好多肉汁好有味，唔會淡。第二樣就係啱啱新出嘅曲奇忌廉批，呢個批覺得佢整得有啲燶，味道冇乜特別，裡面嘅忌廉太多，個人覺得試咗就好了。
continue reading
無可厚非，食得麥當勞就不能要求太多，奈何真係十次有八次唔係比漏、比錯食物/調味料，就係比錯飲品，真係check少一次都唔掂。平時都係「算啦」就算，今次真係要講講——第二次！熱朱古力比左奶茶，算了。薯條勁乾(不意外)，但係連麥樂雞都乾都真係好少可，仲要漏左比麥樂雞醬.... 外賣拎走左已經無得攞番了，只好乾哽。另外，分享埋d職員，明明好多人番緊工，但就好似冗員咁，企喺度唔知做乜，唔關自己事既就唔會理，但現場所有吉枱都係食物盤，客人又多，買野既、等攞食物既客企滿半間鋪，至少都執下枱吧，不過要怪就怪近年改左而家哩個唔work既system 吧。其實我都係一個無咩要求、唔算麻煩的顧客，但有時真係睇唔過眼...
continue reading
其實本人對食嘅要求唔高，在我打的云云食評中，好少好少會俾劣評。食物質素其次，有冇用心去做先最重要，有用心就唔會差得去邊！呢間分店食過好幾次都係無乜好印象！轉左新系統後，order餐同執餐分開左兩部份，收左錢就好似由得你慢慢等咁。成個Flow根本無快到，所有員工只做自己嗰part, 做完就好似冗員咁企喺度由得你等。例子1: 我只要一包細薯條外賣，過程分別要四個職員負責——1.收銀員、2.炒薯條、3.執包薯條放落外賣紙袋、4.放包茄汁落紙袋，根本係費時！每個職員快手做完固然係好，但態度散慢好有問題！去到4. Pass左包薯條比佢，佢企counter對住個客，個紙袋放到佢面前，佢只需要放包茄汁入去就比到我，但佢都係要㩒埋佢個whatsapp先做比我，是什麼態度？！例子2. 我只要一杯新地。啲食物積住喺4. 根本做唔切，但其他人無動於衷，杯雪糕其實一早裝好，但佢要排number順序比人，奈何佢前面d餐完全去唔到... 其餘例子: 成日執漏野、senior員工態度差、全場無人執枱....張枱係臭嘅。。。🤮我明白食老麥好便宜唔應該要求太多，但有時真係好激氣.... P.S.請問係咪雪糕機爆炸....
continue reading
又話即叫即做，啲嘢食永遠都預先整定，放到凍哂硬哂先俾客，啲薯條薯格都唔知翻炸咗幾多次，外面鞋到樹皮咁，食落就淨係得泡油喺入面，完全無食緊薯條嘅感覺。無論薯條/包/麥樂雞。。。都俾出面任何一間嘅麥當勞差好多，連杯汽水都走哂氣，好奇怪！要求即炸薯條，職員啲面口好似覺得你好麻煩，幾十蚊一個餐就唔好咁多要求咁款。客人多又會黑你面，排隊叫嘢食/拎嘢食又等得耐，仲要俾啲咁嘅質素嘅嘢人食，唔係做快餐就理所當然係咁啩，可以嘅話，真係唔會去呢度食！
continue reading