271
9
1
1-min walk from Exit C, Causeway Bay MTR Station
continue reading
Opening Hours
Mon - Sun
Closed
Above information is for reference only. Please check details with the restaurant.
Recommended Dishes
前排跟家人去了銅鑼灣的火鍋英雄打邊爐，之前未去過幫襯，吾知味道如何呢？酸菜冷鍋魚：如果中意食酸菜魚必定要order這個鍋底，辣度很足，當中既魚好滑又大片；而且份量很多，加上酸酸地好開胃！建議大家先飲湯底啊～美國雪花肥牛：雪花肥牛紋理好細緻，可知牛脂分佈比例好平均；而顏色方面，雪花肥牛顏色鮮艷，絕不是雪得好耐而變色的那一種！焯後，肥牛滲出不少肉汁令整個口充滿juciy，牛香好香濃，喜歡食牛既朋友一定要order。招牌莞茜豬肉丸(6粒)：豬肉丸帶少少莞茜既香味，可惜豬肉丸口感沒有彈牙既口感。雜菜籃：打邊爐為左解下油膩，可以點雜菜籃食而減少油份吸收；雜菜籃包有多款蔬菜啊！韭菜水餃 (6件)：水餃皮厚薄剛好，入面既韭菜好多；而食落帶有韭菜既香味。酥炸響鈴：家人極力大讚，炸響鈴是即叫即炸的；所以只需要焯三秒即可食用，炸響鈴很脆口的。洛神花茶：味道甜甜地，可有助解辣！
continue reading
火鍋英雄是香港本地品牌的川式火鍋，但聘用了重慶大師傅為主廚，引入傳統風味的重慶火鍋～火鍋店的裝修古色古香，卡位以中式屏風間隔，環境簡約優雅，空間感足。甫入座時檯面除了放好餐具外，另外還準備了一件即棄式的圍裙，避免湯底沾到衣物。此外，火鍋店於門口位置和收銀處都放了酒精搓手液給客人使用，十分貼心。蘸料以自助形式調配，一般比較港式的選擇例如豉油、蔥、辣椒等都齊備，而較川式風味的香油、香菜、味粉、蒜泥等亦應有盡有。【英雄八盞】前菜分別有海帶、青瓜、花生、大荳芽、四季豆、木耳、豬耳片、蓮藕，包括不同口味：辣/不辣，醋香/鹹香都有，非常開胃。【竹蔗茅根】自家製竹䉀馬蹄湯生津清熱，可口清甜，用來配火鍋非常下火，絕對適合不過。【青花椒大魚頭鍋】這裏的招牌火鍋湯底合共有十幾款選擇，當中包括了多款本港少見的湯底口味，你如跳水田雞、南山泉水雞鍋、酸菜冷鍋魚、圖中的青花椒魚頭鍋等。青花椒大魚頭鍋麻而不辣，湯膽經過長時間熬煮，加上用上新鮮大魚頭、麻椒及鮮青椒等烹製，味道層次豐富分明。當湯底滾起後，鮮、香、麻的香味溢出，而且餘香悠長。配上嫩滑的魚雲和魚頭，味道獨特，甚有山城特色。【西班牙黑豚肉】黑豚肉的油花紋路如大理石一般，肉質柔軟而富彈性，脂肪帶油香。【極品肥牛粒】肥牛粒的油花比一般牛柳粒豐富，油脂更加豐厚，即時長時間烹煮亦不會變韌，肉味依然濃郁，還多添一份牛油香融化於口腔內～【手打墨魚滑】手打墨魚滑是自家制產品，更是無添加真才實料。墨魚滑裡面蘊藏小小的墨魚粒，爽滑彈牙，味道鮮甜。【炸魚皮】魚皮即點即炸，可以當佐酒小食，建議小心燙口。炸魚皮非常鬆軟酥脆，一口咬下去還聽到清脆咔嚓一聲～(笑)【四川紹粉】四川紹粉就像紅薯寬粉，外表晶瑩剔透呈半透明、柔韌性強、口感爽彈，更能吸盡湯底的精華～
continue reading
今次食火鍋英雄就唔係食火鍋，係食下午套餐。火鍋固然之好食，但佢個下午套餐都好出色！幾十蚊係銅鑼灣食到一個甘正宗既四川菜，份量仲要吾細！我今次同4個朋友黎食，叫左幾個餐一齊share。全部辣既夠辣，香既夠香。座位舒適，下次早d打邊爐仲有折，幾吸引！
continue reading
這裡之前都來食過佢嘅酸菜冷鍋魚，個味道十分好味夠晒刺激，令人十分懷念，今晚放工就約了朋友去尋回味道，一入去在門口收銀位置就有清潔酒精使用，店員亦即時送上濕紙巾供客人清潔消毒，未落單店員就先送上八個小食，入口醒神開胃，最愛個麻辣雲耳，爽口香辣！不過今晚想再刺激點了個重慶麻辣湯底，但朋友拍太辣所以轉了雙拼另一邊係養生野山菌湯，一上枱個麻辣湯底超級濃郁，陣陣麻辣湯底撲鼻，而另外一邊嘅養生野山菌湯就先來個頭啖湯，味道清新，原全係強烈對比！而落單後火鍋配料好快就上枱，將美國雪花肥牛放在麻辣湯底個邊味道入口十分香濃肥滑，一放湯一陣就可以入口，而個招牌四寶丸，更加係推介之選，有四款口味，有超級彈牙爽口嘅墨魚丸，內有墨魚粒粒十分有口感，而蝦滑亦十分彈牙蝦味濃郁！而個牛肉丸就有濃郁嘅牛肉味道！同食緊牛肉球嘅感覺一樣，而且更有彈性軟熟！鯪魚丸都係十分彈牙勁有嚼勁！不論放在麻辣或養生湯底，一樣咁好味！食到有點刺激，點了個解熱嘅洛神花茶，清新涼快，入口香甜，而酥炸響鈴，落單即炸，入口香脆可口，浸一浸湯入口有雙重口感！鮮黑毛肚入口爽彈有口感，在麻辣湯底更刺激！這裡嘅鴨血都係十分彈牙煙韌好有口感，放在麻辣湯底都係十分入味！朋友點了份皇帝菜中和一下，大大份，入口清新，個種味道，放清湯或麻辣一樣可以好出！最後加埋個四川紹粉， 紹粉晶凝通透十分彈牙，今晚真係十分滿足！
continue reading
好久沒有食火鍋，因為都好久沒有外出。今晚終於可以説服老公一起出去走走。這間有好多湯底可以選，好像酸菜魚跟麻辣都是出名，但老公跟我今天就不想食太辣選了一個胡椒豬肚雞湯，真是的一切不錯的選擇，湯底非常足料，有雞件，還是也滑，豬肚又很多，侍應很貼心提點我們開始時先嘗一下湯，真的好好味，絕非湯包貨式。肥牛，牛肉味十足，分量十足窩筍片，好甜好清新，跟湯底很配鴨血，我們第一次試，好滑白鱔片，非常爽口洛神花茶，很解渴又很解辣，一樽足夠我們兩個喝！最後不得不提，八小碟，碟碟都好好味
continue reading