43
5
1
2-min walk from Exit B, Causeway Bay MTR Station
continue reading
Telephone
23855211
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
Recommended Dishes
自己好鍾意食🐍，可以叫蛇控港九好多蛇王都幫襯過今次因為佢係以前蛇王二啲伙記開標榜係以前蛇王二嘅脆皮潤腸或多或少因此冒名而嚟可能今日天氣熱咗，店內只有三四枱客，所以坐得鬆動其實係想試蛇羹，我一定叫大蛇，但哩度單叫無分大細最後決定叫個套餐，試哂佢招牌嘢蛇羹比其他蛇王份量大碗嘅，有花膠，不過蛇肉唔多，肉絲非手撕，係切絲，噢！應該係切幼條...感覺麻麻，但味道唔錯嘅，不過放咗一陣就化水變咗蛇湯了！另外，佢哋枱面只得樽胡椒粉，而檸檬葉絲及薄脆係由店方加入蛇羹內才奉客，不能自由加減，我自己亦鍾意加些少醋吊一吊味，而此店亦欠奉，哩下就覺得有啲問題，要作出改善！我叫咗脆皮膶腸飯，亦可以轉糯米飯。老實講，可能離蛇王二年代久遠了，自己已忘記咗當年嘅味道及口感，就今次嚟講，膶腸算脆皮嘅，但可能係焗脆佢，所以膶腸好乾身，無乜汁亦無咗油潤口感，玫瑰露味亦唔夠香，不過碗飯算唔錯，都有飯香亦算爽身。整體味道算ok嘅，價錢合理＄134，其份量足夠，算食得過，應該會再幫襯，下次試佢個蛇汁雞👌☺️
continue reading
老細話幾年沒有吃過蛇羮 ，要求我立即行動，本人腦筋急轉彎，唸起近時代廣場的「蛇王𤋮」花膠會蛇羮 $83因為加入花膠所以價錢都係進取，份量亦偏大碗。熱辣辣的蛇羮迅間奉上，碗上已經加了薄脆、檸檬絲和菊花葉，我就鐘意再加多啲胡椒粉。花膠份量也不少，但口感近乎魚肚多啲，蛇肉一絲絲基本上每口都吃到，而且湯底味道鮮甜，冬菇增加口感，整體而言也不錯。但有點敗畢吃到尾有條蛇骨 🥲食完一碗蛇羮已經超飽肚，成身都暖笠笠。
continue reading
一路都係蛇王二粉絲，所以知道蛇王𤋮開馬上幫襯，不負所望仲加埋花膠好味道，每次去嗰頭整指甲💅🏻或頭髮💇🏻♀️差唔多都會幫襯，但今日去食完全失望，蛇羹得個厚疊疊嘅芡，材料起碼少咗三份一，味道大不如前，糯米飯淋bat bat ，唯一無變係條潤腸，唔知係咪比小红書加慈，一半以上係大陸人(胳肋底夾住個包包講嘢好大聲嗰種)…………..總括而言！再見啦
continue reading
見天氣凍凍哋，幾適合食吓蛇，嚟咗銅鑼灣嘅呢間蛇王熙，買咗個蛇羹套餐返屋企暖吓身。套餐$124蚊，有一個招牌蛇羹，飯可以揀潤腸白飯，或者臘腸糯米飯。配菜方面有份青瓜木耳俾你，份量都大碟。蛇羹好足料，個味道亦好香。
continue reading
啲員工都幾串下，問佢野都唔想答咁，做人有禮貌啲好，特別係某男員工😒，請注意下説話。套餐的臘味飯好一般。蛇羹如果走花膠竟然係一樣價錢，所以唔會係平價食物。第一次食，真係有啲hard feeling
continue reading