吉野家 (Closed)

吉野家饅魚飯推出左好耐 但一直都未食過 今次試下食先首先賣相好靚 一堆白珠珍飯上面放左條肥美饅魚 上面灑上饅魚汁 汁慢慢灑到熱飯之中 饅魚身長更長過個便當盒 好吸引饅魚肉質唔散 熱辣辣 一啖魚肉再一啖飯 感覺好舒服好正 個飯就無得頂 唯一既係紫菜'淋'左 所以無咁好食

細過鍾意打邊爐但冇乜錢 可以點去吉野家一人一鍋 埋單50蚊有找食一餐可以玩兩個鐘頭 有一晚OT完 突然間好想食吉野家邊爐同同事去左打一打 中學回憶番番黎而吉野家都加哂價 一個邊爐要80蚊不過都有新野既 有蟹棒 有青口 仲有得打雞肉tim 雖然係雪藏雞肉 但幾滑溜👍🏼👍🏼 而烏冬依舊咁好食 彈牙80蚊買番個童年回憶😬 不錯不錯😬

​ 國慶日晚間特別得閒，很早就去吃晚飯了， 和狗寶寶吃吉野家，一個海鮮火鍋+肥牛共$8x左右。 很長的假蟹棒很不方便，先拿出來後來再放，否則不知道幾時先熟。 大大條甜甜地，幾得意又好夠食。 肥牛比以前厚，但片數太少，只有4塊左右，好唔抵食，雪花也很不均勻。 青口4隻中有3隻可以，另一隻埋左口，而且打開是什麼都沒有。 其他冇特別，主要是肥牛麻麻地。 總數2人@$86, 人均消費@$43 吉野家 地址 尖沙咀金馬倫道5號太興廣場地庫B1號舖

公司附近最食得多既就係吉野家!特盛玉子牛，牛汁，七味粉!!一黎到會夾哂啲牛肉洋蔥落牛汁度再浸下先。之後落蛋落七味粉去撈飯因為本人鍾意食流心蛋，吉野家既流心蛋係做得好好，煮到蛋白都只係近半固狀態，而且貨源靚，食到好香蛋味。之後就落七味粉，撈完其實都夠哂濕。一邊食下流心蛋撈飯，一邊夾下牛肉食，香味蛋汁飯配多汁重味肥牛，而且又有七味粉既少少辣，好夾好正!!因為加左蛋之後，雖然多左蛋香，但味道上會淡左，所以係時候食返濃味啲!!食到一半左就可以加適量牛汁同撈哂啲洋蔥肥牛落去!!如果唔係會變左湯飯咁，所以因人而異~~講到濃味，其實有無人同我一樣欣賞佢既洋蔥!?煮得又腍又入味，成個飯入邊味道係最濃!!齋食最正，配飯同牛肉更突顯牛肉既味道!!!如果可以order，我真係會叫佢多洋蔥

今次試左吉野家新登場嘅《珍寶蟹棒藍青口味噌湯鍋》超巨型蟹棒長到個鍋都放唔入，好吸睛～ 口感過癊，味道都ok~ 藍青口雖然細隻，不過冇海水腥味！至於味噌湯底，唔係我想像中平時飲開個隻味噌湯味，淡D味同冇咁鹹，火鍋我都係鍾意壽喜燒湯底多D～

今日黎太興廣場行街，都行左好耐肚餓了，唸起附近有間吉野家，於是周圍搵，終於俾我搵到。今次我揀左肥牛飯，薄薄肥牛肉味香濃，鮮甜適口，肥而不膩，珍珠米飯軟硬適中，肥牛鬆軟噴香非常下飯。

今日再次到吉野家，好開心，距地嘅和風牛肉飯都系甘好食，加左7味粉嘅肥牛，豐富左肥牛的味道，肥牛好重牛肉味，洋蔥又好淋好入味，我每次都中意加牛汁，牛肉加牛汁，濕濕地，好好味，珍珠米飯好有嚼頭，好正

入左吉野家，叫左呢d嘢食👇🏻玉子牛肉飯，因為特盛，所以幾大碗玉子分上，我喜歡一起和牛肉飯吃，撈了蛋黃作汁，令飯有牛肉汁加蛋黃汁，內容更具層次，蛋白好滑，入口好像滑到一陣空氣，蛋味濃，日本蛋是較香濃的，主角牛肉好重牛肉味，而且塊塊肥牛，脂肪比例適中，洋蔥也煮到入了牛肉味味噌湯比較淡，可能因為牛肉飯濃，欠少許

好耐無來吉野家，現在的餐牌是電子化的，又有電子圖畫，好靚又方便溫泉蛋牛肉飯特盛 $41抵食牛肉飯大大碗，上面好多塊牛肉，正確一點是肥牛，脂肪都不多，咬落好鮮牛肉味，d汁又甘又甜，好入味。飯係日本米，圓圓的，少許煙靱，吸收了牛肉的肉汁精華，好香甜溫泉蛋分開放，蛋白好滑好滑，蛋黃金黃色，濃郁的蛋黃汁撈埋牛肉同白飯，變成好杰，味道真係好濃，食完有點滯

今日夜晚同同事黎左食飯,夜晚好多人呀我地做SALES既,最正既就係可以自己選時間食飯今日食左個火鍋,估唔到幾平幾抵食個烏冬佢應該係用759既烏冬,所以好滑口湯底唔錯,唔算太油D肥牛薄左小小,但食落幾有味道,因為個湯夠味D蔬菜幾新鮮,最鍾意食南瓜,又健康又唔韌

行尖沙咀，間間食市都係貴野，平野得香港仔魚蛋粉同吉野家，吉野家係熊本地震個陣有幫手，所以就去左吉野家吉野家既牛肉飯雖然好味但食到好厭，所以叫左個炸雞烏冬下午茶炸雞既皮好脆（唔係我好彩，我朋友既炸雞都好脆）雖然有少少乾，但都好好味。食炸既話加埋佢地個牛汁係好好味，一食兩味烏冬個湯好好味，唔係得個咸字，仲多左浸味，應該係有昆布既關係，又唔會好油，咁樣既下午茶，唔會guilty 👍🏻

趕返工要快靚正，吉野家的和風牛肉飯真系快靚正加左七味粉令到牛肉的味道層次立刻升級，肥牛好入味，加煮淋左的洋蔥一齊食，好正，好有牛肉味，加D姜，可以中和無甘漏，我每次都要加牛汁，距的牛汁送珍珠米一齊食，實在太正啦。好滿足吖

吉野家的下午茶有幾平?一個正常牛飯 $20，有埋野飲！真係抵到爛！但好多人都會話，平左，姐係份量少左，牛肉少左。但其實唔係，Ｄ野食份量係冇變到。牛肉依然是十分重牛味，吃得出不是混雜了其他肉類。飯方面，珍珠米今次略為軟，欠缺了咬口。黎食牛飯，叫多一杯仔牛汁是常識吧！珍珠飯加上牛汁後，令飯味更香甜惹味！正！加$3有杯檸茶，間間分店都一樣，紅茶味好突出，好香濃！但都係略甜了一點，這也是間間分店一樣！大家黎食，記住要少少甜！

雖然自己偶然都會在「吉野家」開餐，但這次竟然有新發現，發現有一款名字是熱飲，但喝來又好似是湯的飲品，飲落都幾好味。我說的是「粟米牛乳熱飲」，假如散叫的話，就要 $5，如果跟餐的話，更只需 $3.5。這飲品質感濃稠，好像乳漿一樣，喝來還有些像是粟米的東西，甜甜的味道十分容易令人接受。在氣溫驟降的一天，吃著「吉野家」的「牛肉飯」，再加杯溫暖無比，味道甜美的「粟米牛乳熱飲」，人也溫暖得多。

這邊一般都很多"偉大祖國的人民"，不喜歡則慎入這次蟹籽三文魚飯，和風牛飯這個牛肉汁配牛肉飯當然是例牌的好味道可惡的是第一次試這個蟹籽三文魚飯，又乾又咸，如果搞伴才食又像吃白飯。吉野家果然下午茶才是王道(又或者晚市的火鍋也是不錯。。。)