真係好新鮮!!
豚肉餃子...有泡菜係裡面, 仲有原隻蝦仔....幾特別, 第1次食-- 不過唔夠泡菜味
湯底夠濃, 絶對唔同出面果d"希希"的沙爹湯底
2個人食左4百幾, 都抵食...原因為有象拔蚌刺身嘛....之前好似要成800蚊先有一條....哇....過多2日又凍, 又去食先
店鋪佔了整整座大廈的一樓,走上幾級梯級,在上下層的交接處看到一幅大得誇張的油畫及大盞吊燈!氣勢攝人!
入座之前店方早己齊備了食具.幾貼心的是,還一并預備了獨立夾生料的筷子及撇除面層油脂的篩子NICE!
二人點了湯底後,店員先送上醬料.一般生蒜,金蒜,芫茜,蔥,刴椒,麻醬,豉油等火鍋老朋友必定到齊,不設自助醬料.
湯底選擇了花膠魚肚鮮雞鍋,湯底配料甚豐,表面大量綿花肚及粟米甚為搶眼.花膠小塊要細心打撈才能發現
鮮雞鍋又點少得鮮雞呢!雞肉飄著酒香,煮熟後依然頗俱雞味在火鍋吃得多紅肉偶爾來個雞肉轉轉口味都很不差!
用上比一般同類火鍋店較大隻的蝦,雖鮮度未算最好.不過比較多肉,份量亦不少!愛蝦者也能吃得盡興而回呢!
珊瑚蚌切開小段小段,清理得乾乾淨淨沒有沙!GOOD!滾熟後當然吃得口爽心也爽呢!不過想不到這個縮水情況都不弱!
額外多加了一份白蘿蔔,還有未有拍照的靈芝菇及唐生菜,成為當晚的主要菜類.靈芝菇一下子全下到鍋中成為菇海!
這處亦有黑豚肉,無論價錢,份量都與日式超市相若.看似出外用饍以這個價錢很是超值.但質素比那些超市買回來的差很遠!
手打墨魚丸給蝦丸比下去呢!蝦丸又彈又爽!意外地蝦味爆燈呢!墨魚丸還是夠鮮的,混入了馬碲顆粒外滑內爽嫩,還都不差!
要注意一點,這店很多海產類都沒有優惠的.這扇貝亦然.這個扇貝清理得極乾淨!不吃得的早己清埋掉了.幸好送來的還不算太細隻,
行到招牌下面，才知道呢間新開嘅火鍋店，叫「優豪方」，中文名就冇咩特別，英文名叫YOHO FONG，原來係食YOHO TOWN嗰名，哈哈，又幾有噱頭，其實佢嘅位置同YOHO TOWN又真係幾近，徒步行過去，都唔駛三分鐘，快過淥杯麵。
上咗樓梯轉右，就係優豪方所在，感覺與剛剛條樓梯截然不同，一室深啡色裝潢，天花掛滿不同大細嘅吊燈，除咗廚房及魚缸位置外，全店都是採用黃色燈光，氣氛頗有情調，與樓梯的光猛白色截然不同；而且優豪方用上大量卡位，只有中間幾張圓枱，不論卡位梳化，還是餐櫈，都採用深啡色彷皮窩釘款式，非常歐洲風格，加上牆身上的掛畫裝飾，有如置身西餐廳，而非火鍋店。
湯底選擇不少，特色鍋底有象拔蚌、青班、豬骨、花甲魚頭、花膠魚肚、陳皮老鴨、花雕醉雞、麻辣雞或海鮮等等，索價由$108至$198不等，至於普通鍋底，有清湯、芫茜皮蛋、粟米、蕃茄薯仔、沙嗲、豬肚等等，索價由$48至$68，另加$10則可選擇雙拼；至於麻辣湯底，亦可選擇大、中、小辣。
我當然選擇花膠魚肚雞鍋啦，湯呈奶白色，相信是豬骨湯底，非清雞湯底，與樓下的名人火鍋不同，湯料亦較名人豐富，除咗魚肚和雞件外，仲有豬筒骨、豬手仔、煲得極腍的雞腳、粟米和紅蘿蔔，雞件則另碟上，足有半隻雞之多，至於花膠，哈哈，幾經辛苦，才搯到一小件，係細細隻嘅花膠筒，相信份量唔多；湯料雖豐富，但味道並不濃郁，亦唔覺膠，普普通通，我則比較喜歡名人嘅湯底多一點。
但優豪方有一點做得比較細心，就係加多一塊不銹鋼墊，放喺鍋底，避免湯料黐底，抵讚；至於隔油舀就更加係必備之一。
醤料嘅選擇，一盤放下，有九個膠杯，滿以為有九個選擇之多，原來生蒜和辣椒絲喺重履嘅，所以只係得七種醬料，除咗生蒜和辣椒絲外，仲有熟蒜、蔥花、芫茜、沙茶醬和花生醬，我至愛嘅XO醬和麻油都欠奉，比較失望，而且醬料每位需$10，以這樣的選擇，覺得有點不值。
火鍋配料嘅選擇不少，亦有海鮮可以選擇，不過今晚只得一條紅瓜子，索價需七佰多，而且今晚我哋只得兩人，所以冇揀紅瓜子，至於青班，亦非我所好，所以只點了半碟生魚片；牛肉方面，我哋點了特選和牛拼盤，雖然索價$468，但可一次過品嚐四款牛肉，所以我哋都忍痛叫了一客；另外再點了兩碟丸，一碟蝦丸拼墨魚丸和一碟土魷豬肉丸，再加上鍋內的雞件、豬骨和粟米，相信我哋兩個人都未必食得哂。
至於生魚片，份量唔少，雖然厚切，但都有十多片，大大片，新鮮，爽口，甜美，魚皮更是煙韌彈牙，魚頭魚尾亦有跟隨上碟，絶無欺場，$68一碟非常抵。
蝦丸、墨魚丸皆是手打，兩者味道皆偏淡，而且打得唔太膠，咬感略削，唔夠彈牙，老闆卻說這是因應客人要求，因為有些客人比較喜歡散身，唔喜歡太實，但我個人則比較喜歡彈牙，不過優豪方嘅蝦丸和墨魚丸都混入了馬蹄粒，食落有d爽口，索索聲，增加咬感，幾好。
至於湯底食材，豬筒骨最正，確實喺筒骨，非一般嘅豬骨，夠粗夠大，內裡骨髓自然多，絶對喺極品；粟米亦非常鮮甜；但雞件雖多，但雞味欠奉，已且唔夠滑，比較失望。
因為訂咗枱的關係, 去到唔使等位, 我地4個人就安排咗張卡位俾我地坐. 間舖的裝修同平時去開D火鍋店唔同, 睇嚟呢度的老細都係刻意搞D花樣, 俾D新鮮感俾客人.
滔滔話打邊爐最重要個爐, 我就話最重要係個湯底喇! 即刻睇吓有咩特別湯底揀啦~
呢個時候突然有個四眼男人笑騎騎走埋嚟, 話介紹個正嘢"濃湯花甲大魚頭鍋"湯底俾我地試, 仲話D湯好好飲. 咁我地都OK, 就試吓啦!
我家姐突然興起仲叫個龍蝦刺身試吓! 呢個龍蝦刺身一攞到上枱, 真係火速被消滅. 正!!
龍蝦慘死後... 個煲都出煙喇~ 打邊爐!
跟住其他嘢食都好快咁陸續上枱, 呢個時候我都唔記得影相LU....食嘢要緊!
打邊爐的過程中, 我地都真係輪住飲D魚湯, 堅正! D侍應可能見我地D湯無得咁快, 佢地都加湯加得好密.
