港澳義順牛奶公司

Open Now

Now Closed

難得同姑拉們出城購物，行完一輪打算求其搵個地方食嘢抖抖。由SOGO 行去TIMES SQUARE 途中, 見到港澳義順牛奶, 初初大家都以為只係食甜品, 喺門口睇MENU, 先發現原來有咸食: 粉麵、豬扒飽、西多士、三文治等............咁我哋就一行4 人BANG BANG 聲入去啦。入去坐咗個卡位, 發現我哋坐果邊張椅原來同後面台客係同一張, 基本上後面客人一郁得大力, 都會搖到我哋。所以, 全程用餐都被搖黎搖去......... 有D 煩擾。西多士我掙扎咗好耐先決定食呢個咁邪惡嘅西多士, 一黎到見到咁大塊牛油, OMG! 邪惡!我將成塊牛油融化於西多士嘅表面同入面, 加埋糖漿, WOW! 熱辣辣咁, 超好味! 食完勁有罪惡感!姑奶叫咗豬扒包同餐旦治, 佢哋話都好好食。估唔到一間甜品出名嘅食店, 咸食都咁出色! SURPRISED! 

久唔久就想食一碗雙皮奶想喺街買到雙皮奶，其實都唔係特別易，香港唔係好多地方整。呢間餐廳唔算坐得好舒服，但係經過嘅時候，總係諗起佢嘅雙皮奶，就會入去食一碗😂尤其是係最近，幾乎冇遊客嘅香港，呢間舖頭就唔使排隊啦🤣🤣🤣一碗雙皮奶$36 ，有熱有凍。另外仲會有其他口味例如而加紅豆之類，其實都幾多選擇🥳薑汁撞奶都係另一個唔錯嘅選擇。我自己通常就係食碗熱嘅原味雙皮奶，貪佢美顏養生又好味。但唔知係咪而家年紀大咗，會覺得太甜☹️ 可能真係要發掘下其他地方搵啲冇咁甜嘅食了

同老婆行開CWB，又大熱天時經過就入去諗住整返碗雙皮奶順便坐下涼下冷氣，一坐低即刻Order兩碗凍既雙皮奶，黎到第一口係熱既，即時同落單位哥仔講黎錯喎，帶著口音既哥仔（ 我唔係歧視）完全冇唔好意思及一句 Sorry，並即時好高姿態話我倆屈佢，我當時好清晰同佢講係要凍既，重點係連坐我隔離位其他食客都聽到，跟住佢仲串串貢話我食咗一口只可換一碗，（如果佢一早嘅態度好啲有唔好意思，我都會算數，我亦明白打工仔嗰種辛酸，I'm a nice guy）咁既態度下我當然Say No必需要換兩碗凍既，佢話唔換得，我即時拍枱話「咁我唔食喇」，佢第二秒已經將枱上兩碗嘢光速掉落桶裡去，跟住我倆一肚火就離開，真係好嬲亦唔相信而家啲人質素咁差，永不幫襯。

話說自己未食過雙皮奶一直想試好耐呢間嘅雙皮奶好出名，次次經過都排長龍今次難得冇人就入咗去試吓本身想食熱嘅但由於天氣太熱嘅關係就叫咗凍食嘅佢份量適中，一個普通飯碗咁大上邊有一層薄薄嘅膜食落好重奶味，同埋都幾滑佢唔算好甜，但係又有忌廉香質感唔會好似豆腐花咁而係有少少軟綿綿嘅感覺口感幾正有機會會試埋佢其他嘢食

食完晚飯後就同男友一齊去搵吓有冇甜品，跟住心諗與其食西式嘅甜品，不如去下啲好耐冇食過嘅中式甜品！銅鑼灣呢間義順牛奶公司好多年前就已經喺度，每次經過都仲係大排長龍！但去到之後發覺有位就即刻入去啦！坐低之後，一定要叫佢哋馳名嘅雙皮奶啦！同埋因為口痕嘅關係，就叫咗一碟炸雞翼！雙皮奶一嚟到，我男友話真係好香好滑喎！但原來佢今次係第一次嚟呢間店食雙皮奶，但發覺真係好有驚喜！🍡馳名雙皮奶 HK$36有薄薄嘅一層衣喺雙皮奶嘅表面，篤穿後連埋雙皮奶放入口中，嗰種又滑又重牛奶味喺口腔中，只會驚嘆點解可以咁滑㗎 ！🍡炸雞翼 HK$37只有三個字可以形容，咸咗啲🤣🤣🤣

好味的通心粉  🌻奶醬多士好細個嘅時候幫襯過油麻地，眾所周知佢都係以雙皮奶係做主打上次同朋友有少少口痕所以入咗嚟食雙皮奶，同朋友一人一碗一碗凍嘅一碗熱嘅，我自己覺得熱嘅雙皮奶就比較再滑啲，但係凍嘅都有凍嘅好食😋但係天氣太熱所以有陣時都會叫凍嘅食～上次朋友叫咗通心粉之後我心諗食通心粉咁古怪？點知我試食幾啖之後我發現原來佢嘅通心粉好好食，唔單止湯底夠熱，湯底好飲，最重要係佢嘅通心粉係比較厚實唔係好薄嗰啲，今次我決定跟我朋友一齊叫午餐肉通心粉再加炒蛋，午餐肉通心粉$34.加7蚊炒蛋， 加埋就係$41，這間店沒有+1服務費，上次食咗佢個奶醬多我覺得非常好食而且叫佢多醬 真係多醬到好似d醬好似唔駛錢咁俾我🥰🥰🥰😋喺網上睇到有啲食評話佢啲職員態度好差或者唔俾客人坐太耐，我諗應該係因為亦情之前佢哋好多生意所以先至會比較忙，最近幾次去嘅話其實職員態度好正常 亦都冇特別黑面，有幾個阿姐都好友善添🌻🥰 我諗態度唔好應該係因為佢哋太忙所以有啲脾氣姐～總括來講食物係好味嘅～ 一定會再幫襯而且喺銅鑼灣呢個地區好難得搵到呢啲價位嘅食物加咗辣椒油更加好吃😋

炎熱既夏天響銅鑼灣行街有時都會覺得幾悶熱，時值3點幾最熱既時間，小編又唔想周圍買台式飲品去解渴。經過銅鑼灣後街範圍個陣，突然見到港澳義順牛奶公司，就即刻諗起細個響香港有較多分店﹑甚至經過澳門新馬路個陣，都會求屋企人帶自己入去享用甜品。諗下諗下，既然咁熱就不如入去稍為食少少野清暑吧。以前細個個陣，雙皮奶同燉蛋係義順牛奶既皇牌甜品，基本上除左奶類製品外，都唔會見到有其他食品提供。但可能時代唔同，而家都需要引入茶餐廳都有既簡單粉麵餐單黎迎合唔同種類既客人吧。對小編黎講，雙皮奶係不可或缺既甜品，既然以消暑目標而入黎既，就當然係食冰凍雙皮奶啦! 落單後唔駛15秒，雙皮奶就即刻響面前出現喇。雙皮奶其中最緊要既元素係表面既蛋皮，熱食既時候就成功鎖住入面蛋白既溫度，從未保持住熱辣辣既狀態而又唔會過熟或過老；而冰凍既版本蛋皮某程度上可以令口感增強。每次享用雙皮奶最令人深刻既係幼滑而濃郁既奶味：今次都唔例外! 潷起雙皮奶既時候，幼滑既質地即刻出哂黎，既唔係奶水既淡﹑亦唔係燉奶既濃，取其中就係滑滑既感覺。奶味保持濃郁，既然飲開脫脂奶既人可能會覺得全脂奶質地會過甜，但正正全脂整出黎既甜品先夠滑。綜觀黎講，呢碗

因為係cwb行到冇野行，咁岩見到呢間，又得呢間冇人，唯有入去坐。對上一次食義順，已經係係澳門，耐到😂黎到義順，就當然係叫佢地個招牌—凍雙皮奶。咁耐冇食，就會想睇下佢哋而家個味係點。個質地幾滑。不過味道上有d失望。印象中義順既雙皮奶係重奶味，但係今次完全係冇，真係好好好淡。雙皮個皮？（利申唔知佢叫咩）記得以前冇咁‘鞋’，今次就‘鞋’左少少。我朋友就食熱既，唔知係米因為熱，所以水份會比較多？總之佢碗野就好多水，同佢話好淡味。後來睇返OpenRice，見都幾多人食佢個朱古力燉奶，好後悔冇試。另外就係個態度。非常差，一入到去，menu都未睇，就有人行埋黎落單，同佢講等等，佢個樣就串到嘔，都未夠一分鐘，又行埋黎。咁趕為乜？ 之後我地食到咁上下，打算講多2句就走，都未走，就見到d侍應係後面啤住我哋。再過多左陣，就咁行埋黎，問仲要唔要，不過佢冇expect你答，因為佢講既同時已經收左你隻碗（重點個碗係有野）總之就是，睇你點睇。 但係都仲見到好多人食💙

馳名雙皮燉奶（$36）緊係要食佢既招牌雙皮燉奶！面頭動L動L咁好治癒🥰係面既果層皮好香，燉奶既質感好滑好滑，而且奶味好濃🤩建議嗌熱既食，同朋友一個嗌左凍既一個嗌左熱既，覺得熱既係滑啲同埋奶香味重啲。

每次去銅鑼灣都必食我比較鍾意食凍嘅雙皮奶雙皮奶有三種口味分別係原味、紅豆、蓮子但個人認為都係原味($36)最傳統最好味👍🏻而普通燉奶就有多啲味道選擇包括薑汁、咖啡、朱古力等等食完晚餐當糖水咁食真係好正✨.📍 港澳義順牛奶公司 (銅鑼灣)銅鑼灣駱克道506號地下

話說今日喺銅鑼灣到行街，行咗都有三四個鐘，行到隻腳都開始有啲攰，行過牛奶公司，見到好耐冇食嘅雙皮奶，懷舊嘅感覺即刻出晒嚟，所以諗都冇諗就行咗去食啦。今次兩個人去銅鑼灣，食咗佢嘅燉奶同埋燉蛋。講吓佢嘅燉奶，充滿奶嘅香味而且放入口都十分之滑，亦都唔會太硬，或者太散，入口即溶嘅感覺真係好正。再者佢嘅燉蛋，充滿蛋嘅味就自然唔使多講啦，而且質地亦都非常之適合放入口，加上天氣開始轉涼食返呢兩碗亂粒粒嘅嘢，當堂成個人都暖晒，又可以繼續再戰銅鑼灣啊。

出開嚟銅鑼灣😝天氣凍冰冰想食返個勁耐無食既雙皮上一次食已經係幾年前嚕🤣仲要係澳門今日唔算多人，三枱左右，唔洗等位相比之前真係差好多喔~入座即刻叫兩個熱雙皮燉奶🤭 每碗$36真係好好味😍香滑既鮮奶但稍為甜左少少😙（但我都接受到既）選擇困難咁諗緊要唔要多個豬扒包😂哈哈 小朋友先做選擇既～咁..... 我都係叫埋啦😜 豬扒包 $31香脆既麵包夾住熱辣辣既豬扒豬扒好貼心剪開左幾條，細細條方便咬而豬扒包成個就切開左一半☺️

我第一間食雙皮奶既地方係義順義順既雙皮奶夠哂滑又唔太甜最中意就係食上面果層皮今次除左試雙皮奶之外仲試多左樣新野就係香濃朱古力燉奶佢都係同雙皮奶一樣咁滑但有點苦可能落左太多可可粉食完好似唔夠喉咁再加多左個奶油多食多士烘得唔夠脆

今次係我第二次食雙皮奶，而兩次都係食義順😂 呢次係因為諗唔到食咩甜品好就揀左佢🙈 食完呢個甜品，真係會令我覺得 有時甜品好食就得了 都唔一定要好fancy嘅😂😂⠀食下啲老字號真係食得返陣香港local味🤣⠀平時食甜品一定會慢慢食～不過今次去嗰陣就比較多人咁，所以都唔敢食咁耐阻住人地啲位～😂⠀⠀🐮馳名雙皮奶燉奶🥛⠀(凍/熱） $36⠀❥ ⠀佢個雙皮奶係整定嘅，我其實冷熱都食過，不過就覺得熱嘅雙皮奶好食啲⠀❥ 熱嘅雙皮奶個表面真係好滑溜😍 連上邊嗰層皮都冇皺皮～⠀入面仲滑過豆腐花🤩⠀❥⠀雙皮奶食落個味道其實係好似Pie and Tart鮮奶撻入面啲鮮奶咁～奶味好香濃又唔會太甜⠀❥ 凍嘅雙皮奶相比起熱嘅雙皮奶，佢個表面就會有啲皺皮，所以個皮食落都冇熱嘅咁滑⠀❥ 同埋凍嘅雙皮奶入面啲鮮奶係比熱嘅雙皮奶更加結實～係比較動L嘅感覺😂 熱嘅就偏向liquid 少少⠀⠀🍫香濃朱古力燉奶🥛 （凍）$37⠀第一次食嘅其實係朱古力燉奶，因為自己係比較鍾意食朱古力😂 （#巧克力控 😂）⠀❥⠀佢都係好香濃朱古力味⠀❥ 但係我覺得佢比普通雙皮奶甜少少，同埋因為佢都係凍嘅，所以我又覺得唔似熱雙皮奶咁滑溜🙈 ⠀❥ 我

Well, I’ve been back here a bit recently.It’s surprisingly empty of late, not sure why. The food still tastes fine, but it’s nothing out of the ordinary. I am kind of annoyed however that I had to pay $2 just to have my bread toasted; this seems like something that should be included.I had a pork chop sandwich, a egg and ham sandwich, and a coconut milk with red bean. All were just okay.