泰星匯泰國菜

Open Now

Now Closed

講真依頭真係比較少嚟行街睇嘢，不過老友記話有啲嘢做要嚟依頭行下咁當然無問題👌。不過唔嚟開真係唔知原來依頭有咁多民間小店，仲要好有驚喜🤩。冬陰功海鮮湯起初諗住通常叫餐食份量都唔會多得去邊，真係估唔到第一驚喜就出現😳，上枱個湯熱辣辣出哂煙，個鍋真係一啲都唔細，份量唔少都唔止，裏面啲海鮮🦞仲要唔止一兩舊🤩。飲落真係一啲都無偷工減料，除咗份量十足，味道都十足十冬陰功味，有辣味得嚟唔會over ，辣辣酸酸非常開胃👍👍👍。馬拉蓋炒通菜通菜份量非常之多未，食落味道亦都好有泰國食到嘅feel，菜本身非常之嫩，食落唔會好老👍。碳燒魷魚🦑桶第一啖食落口已經瞓得出佢係真係用炭燒出嚟😋，加上本身魷魚筒非常新鮮，鮮味十足，原因係如果唔新鮮會食落非常之清楚😏，所以本身嘅鮮味再加炭燒嘅味道令到魷魚筒非常惹味👍。炸蝦餅炸蝦餅炸得金黃鬆脆，我落嘅時候不單止脆口仲出哂煙😍，香口得來亦都有蝦味，再點埋個甜酸汁簡直配合得天衣無縫👍。蝦頭膏炒飯除咗份量非常足夠之外，食落嘅時候都會食到蝦膏嘅味道😋，材料亦都非常之足夠👍。椰青泰式鹹檸七食泰國嘢點少得有泰國feel嘅飲品配搭一下。

嚟到葵廣附近搵到一間好抵食的泰國餐廳，呢間係朋友推介，由葵廣二樓的天橋步行三分鐘就到，非常方便。晚上7點去到，人流唔算多，可能附近是屋邨關係，多數是做外賣的。餐牌上價錢好親民，而且全日不設加一！泰式炒金邊粉，蝦仁大大粒爽口彈牙，配料如豆乾同金邊粉味道幾夾！芒果蟹肉炒飯，芒果大大粒好有口感，蟹肉份量多，味道有驚喜！沙嗲串燒，四件，牛雞各二串，燒得不錯！馬拉盞炒通菜，炒得好有鑊氣，馬拉盞少辣更惹味！飲品方面，叫了芒果沙冰和波蘿沙冰，二杯都清甜解渴！總結：每碟的份量較大，價格親民，推介芒果沙冰

喺葵芳搵到間親民又抵食嘅泰國菜！價錢唔貴，而且份量極多，仲好近葵廣！🥥酸辣椰汁雞湯椰奶味濃，加入大量香料熬製。酸甜微辣，好開胃！雞件亦十分嫩滑，份量都唔小。🦐泰式香茅蝦蝦肉打成蝦膠，再用香茅串上，炸到金黃香脆，蝦膠爽口彈牙。再點一點泰式辣醬，滿滿泰式風味。🌮豬頸肉生菜包豬頸肉用紫洋蔥、辣椒等炒成，辣辣地好惹味。香茅味好獨特，以甜菜包裹進入清新爽口，好夾👍🏻🥬馬拉盞炒通菜通菜新鮮爽脆，用上馬拉盞去炒，小辣惹味，鑊氣十足！🍍菠蘿海鮮炒飯炒飯配料豐富，有蠟肉、鮮蝦、菠蘿、肉鬆炒成，夠乾爽同飯粒分明，配上juicy嘅鮮菠蘿，好入口。🍹龍眼冰甜甜地清暑解渴，粒粒龍眼肉好落足料，建議叫少冰，唔會沖淡咗啲龍眼味😋

今天去葵芳找地方吃飯，特然想吃泰國菜，在openrice找吓找便見到很多食評推介這間，雖然見到有些食評話這間的泰式金邊粉有點過甜，但我心想照去試一試吧。一個人吃不多，我只叫了泰式炒金邊粉，只吃了一口炒金邊粉，便知糟糕了天啊地獄級甜度， 甜到令我想起超甜生炒骨的味道，但這應是泰國菜呀，為何會如同糖水一般嘅甜度， 抱著不能浪費食物嘅心態，我盡力逼自己吃掉三分之一的分量， 吃到最後實在受不了嘅甜度便放棄。我在埋單的時候有跟侍應和老闆反映， 但奇怪的是他們倆都 一致回答我 ，是呀這款菜是應該這麼甜， 老闆更跟我說下次可以溝稀啲個醬。但其實係這樣會令本身已經很濕嘅金邊粉變得更加濕，難道炒金邊粉要變成燴金邊粉嗎？ 這不是個醬的稀或濃嘅問題，而是甜度的問題呀， 我心想他們是認真的嗎？ 其他話喜歡這店炒金邊粉的食評也是認真的嗎？ 那位話這店炒金邊粉超甜的食評，你是對的。奉勸打算試吃這店炒金邊粉的食評們，千萬千萬不要試。

地道街坊的泰國菜，真正的泰式風味！這裡的菜肴色香味俱佳，讓你彷彿置身於異國風情中。經典的綠咖哩和泰式沙拉，酸辣開胃，令人回味無窮。獨特的椰奶湯，香濃滑口，讓人難忘。除了主菜之外，還有各式泰式小吃和甜品等你品嚐。椰汁糯米糖和芒果糯米飯，甜而不膩，總是讓人想再來一份。地道街坊的泰國菜，帶給你一場道地、美味的泰式美食之旅，值得一試！

中午去吃午飯，點了一碟海南雞飯。誰料上來是海南雞皮飯! 即時 雞皮+肥膏+雞肉! 明顯 雞皮多雞肉小..不成正比!跟相片描述很大出入! 表面一大塊雞皮，拿筷子揭開好明顯示是一塊雞皮勉強 蓋著一塊雞肉!兩者不是出自同一部位! 雞尾部更一大件肥皮!!客氣地找男老闆商討， 佢一出聲就是帶點粗皮及蠻強的詞句硬說沒有問題!! 更明言不是你預期的一部分？？ 食物質素下降加上咁嘅招呼!!一間食店連基本食物也做不到..以後我不會光顧!

泰星匯泰國菜今日中午同屋企人去葵廣附近食泰國菜，又唔洗出去九龍城食泰國菜，夠哂近同方便！呢間餐廳雖然比較細間，門口仲有一細級，但店員都招呼好好，餐廳仲自己有斜板方便輪椅人士入去食，有呢個無障礙意識值得讚！👏👏👏1.香菜肉碎煎蛋飯$51＋珍多冰$8（9/10）呢個肉碎煎蛋飯份量好多，係男人都夠食，肉碎好多唔會好咸，加埋好多豆角切粒， 煎蛋又煎到個邊好脆，唔錯！👍👍😋珍多冰好好飲，唔會太甜！2.泰式雞肉炒金邊粉$51（8/10）呢個炒金邊粉份量夠多，而且夠哂酸酸甜甜，如果減多少少甜度會更好，金邊粉比較濕，炒乾少少就好啦！😋😋😋3.生菜豬肉包$85（8/10）呢個生菜包入面碎豬肉好多，但無出面泰國餐廳咁辣，辣多少少更惹味，生菜都有大約8片，整體份量算超多！👍👍👍4.叻沙湯香茅豬扒米線$51＋泰式奶茶$8（8/10）呢個叻沙湯香茅豬扒米線夠哂辣，仲有一大塊切片嘅豬扒，米線又算多！泰式奶茶就比較甜，少甜會更好！5.馬拉盞炒通菜$40（8/10）通菜份量比較少，但好有鑊氣，唔會好油，辣多少少會更好！6.泰式酸辣鳳爪$40（8/10）呢碟鳳爪份量比較少，大約得10舊，但每舊都夠酸辣！4人總共價錢$3

想食泰國野，但又唔想出九龍城諗住近近地試下呢間，係葵廣附近既泰菜🤣🛎 $68 泰式炒金邊粉超大碟😆幾足料，佢仲有魷魚一齊炒！彈牙爽口，口感唔錯口味上係比起平時食開既金邊粉再甜啲啲🤏🏻🛎 $64 沙嗲串燒（4串）4串可以任配搭豬/牛/雞唔係fix左至少一定要每樣一件，我覺得咁樣幾好🥹我地揀左2牛2雞，肉質唔韌，易脫籤👍🏻沙嗲汁不太辣～🛎 $28 大象啤（大支）🌐 環境/服務店舖唔算大，平日晚上7點去唔洗排隊2人可坐4人台，都算寬敞對面有間同名車仔麵店，一開始冇睇清楚差啲坐左入去🤣上菜同埋加啤酒好快手～

好少泰國餐廳食完會又食，依間就袋左落我美食口袋度。必點係 炸爐魚，好味😋正心正，每次光顧都會叫，隔— 兩個月心思思又會想食。芒果沙冰 好有芒果味，$33 咁大杯 超值。唯一食物略嫌不足係咖喱，如果再辣啲就好啦。結尾又講下環境衛生，就係普通茶餐廳格局，咁好有期望。嚟依度純粹係滿足下味蕾。

都開左好耐 啱啱開果陣已經常同屋企人來食 好抵食 而且老闆娘係泰國🇹🇭人 應該正宗啲 雖然比較細間 但價錢同質素都好正👍🏻✿晚市套餐A ✿ [$258]✿ 冬蔭功海洋湯 ✿ 湯入面好足料 有菇有兩隻大蝦🍤 兩個人一人食一隻 唔會話好辣 酸酸地 好開胃🤤✿細蝦餅 ✿蝦餅🦐炸到個皮好脆 食完一塊好想食第二塊 佢配埋泰式辣醬好好食😋✿ 馬拉盞炒通菜✿通菜炒得好香 有埋炸蒜 配埋幾好食 唔會好咸 份量好足 好抵食✿香菜肉碎煎蛋炒飯 ✿飯份量都好足👍🏻 男人食都啱啱好 煎蛋🍳個邊炸得好脆 而肉碎唔會有死咸嘅問題 唔配飯食都好好食地址➸葵芳信芳街40號★好食指數★：3.5/5★服務態度★：3.5/5#葵芳美食 #葵芳 #泰星匯泰國菜 #香港美食 #泰國美食 #hk #foodie #food #hkfoodie #hkrestaurant #lunch #jcfood #jcfood_葵芳

聖誕節去食午餐，廚房一直好多外賣單同到會餐，比較忙。等咗半個鐘先有得食環境比較逼，兩檯相隔好密唔食環境同服務嘅純食味道係不錯仲有豬頸肉忘記映相，都係好味大碟，去開葵芳可以再試

本身2日前已訂餐，亦按餐廳要求俾足運費。點知送餐當日，餐廳遲左1個鐘零3個字先送到餐，過程中餐廳無主動聯絡話會遲到，而我地聯絡餐廳，職員亦耍我地話轉頭覆，連我地問出左車未答唔到…咁嘅服務態度同質素，難以接受吧馬拉盞炒芥蘭，芥蘭已經黃晒，食落冇芥蘭味之餘，朋友們仲話似食緊好老嘅菜心，都唔知係芥蘭，失望泰式拼盤啲炸物，啲春卷皮已經淋哂，好似食粉皮咁，平時小朋友最鍾意食炸嘢，食左啖都無吞，之後都唔食第二啖了，可想而知…失望肉碎飯啲白飯，漿埋一Pat咁，已經凍哂，又硬硬地咁…失望唯一正常係個生菜包…成餐飯變左大家都好似食得好辛苦咁，呢間餐廳…唔會再幫襯了

我同朋友11：40落單，連我地得2枱人，雖然我地之後要番工，但冇催過。我果碟終於約11：55上，朋友果碟12：00見炒好响廚房上菜位，我：老闆娘，佢果碟係咪得la?女人鬧（應係老闆娘）：2分鐘la，唔得閒，唔見我做緊嘅野咩？朋友：唔好意思，我地之後要番工老闆娘之後攞過嚟繼續鬧：唔見我忙緊，我做梗野睇唔到..........我：就係知你忙提下之後佢又同d伙記講，都唔係等咗好耐就係度催！我地之後食完朋友去埋單，朋友唔記得我飲凍飲，比$100跟住等佢找錢。朋友：個餐唔係$49咩？老闆娘（把聲好串）：凍飲加$2呀嗎？乜你分開比?朋友：唔記得咗加$2，咁得la老闆娘：你當我乞衣呀？朋友：我地以後都唔嚟食老闆娘：你態度咁差.......（唔記得佢再鬧咩）總結：去食個lunch，預有排等（即使得2枱客），唔問得，唔比錢唔記得自己係客。自問好有禮貌提下仲要受佢氣，你忙咪話聲等等就得，澳牛服務都好過佢多多聲。

朋友介紹去咗試，不過如是，阿姐啲態度好麻麻，食幾百蚊嘢只收現金，openrice又話可以收ailpay，$600唔係好值，最正係兩杯冰沙同通菜，其他餸唔夠味，真係唔會有下次！

約左朋友係葵芳食飯，想食泰菜但選擇唔多，見openrice 呢間好似唔差，可以試一試。 🫔泰式拼盤-魚餅好食，濃濃既香矛味-蝦餅正常，口感彈牙-春卷一般，個皮有d厚，餡無乜-雞翼好食，炸得好脆，入面仲好嫩滑🐮泰式乾炒河-牛-闊河粉炒得好有鑊氣但又唔會太油-兩個人都食唔哂-牛肉都ok，唔乾唔韌🥬馬拉盞炒通菜-好大份，炒得岩岩好-味道正常，馬拉盞唔會太咸🍍鮮菠蘿沙冰-超級巨型沙冰山-都飲到有菠蘿味，唔係純糖水🍹龍眼冰-好多龍眼肉兩個人食都好飽，食物質素都好ok , 同埋價錢非常平，以上都係食左二百幾蚊，份量亦都好大。餐廳的另一邊仲有做泰式車仔麵，下次可以trytry.😋