新景園咖喱小廚

Open Now

Now Closed

平日lunch hour黎到，真係超多人排，等左差唔多半個鐘先入到~ 餐廳上菜速度夠晒快，店員意外地友善 (見我地拎住好多野，主動比多張凳我地擺野)。重點係食物質素相當唔錯，夠晒大份，難怪價錢比坊間嘅貴少少都咁多人排隊！堂食設最低消費，所以都好難兩個人share一碟。細食嘅大家建議帶定外賣盒，或者外賣 (好似份量減半 價錢同時平差唔多一半)▪️咖喱豬扒飯 $94全場十個有八個都係嗌呢個招牌豬扒飯！豬扒好大塊，表面炸到金黃色好靚仔！炸皮夠晒薄，香脆唔刮口，唔會好油膩。肉質軟腍唔乾，近骨位仲有啲肥膏。另上嘅咖喱汁幾岀色喎！雖然𢳂落偏水，但入口香濃唔稀，微辣惹味，唔會太鹹，撈飯一流！啲汁多到包保夠撈飯▪️干炒牛河 $86乾炒牛河幾有鑊氣！河粉唔會黐埋一餅，每一條都均勻上色有光澤，滑身煙韌。牛肉大大塊，軟腍唔韌有咬口，有肉味，份量仲幾多添。配料嘅芽菜都炒得幾爽口！唯獨上枱個下無熱氣騰騰岀煙咁，似擺左一陣

新景園咖喱小廚是一家位於香港灣仔區的咖喱餐廳，灣仔地鐵站B2出品步行約2分鐘。新景園咖喱小廚店舖位置不多，中午還未到12時已經出現人龍，如果12點才到，排隊大約需要30-45分鐘。這家餐廳以咖喱飯為招牌菜，咖喱可以配豬扒，炸魚柳，牛腩等等。這家咖喱十分濃郁豐富，味道辛香，微微帶有甜味，且不會太辣，非常適合喜歡咖喱的人士品嘗，配上香噴噴的白飯，非常開胃。咖喱內的薯仔也非常好吃。魚柳炸得剛剛好，口感酥脆，不會太油膩，且魚肉質地鮮嫩，非常美味。咖喱飯的份量非常大，很多顧客會多要一個外賣盒打包一半份量走。

久仰大名嘅小店，終於搵到機會食啦夜晚7點去到都已經有人龍排隊個到排隊都有比蚊咬左幾啖未食飯已經要先餵蚊🥲🥲我地兩個人好似等左25分鐘就有位兩個人要搭枱，入面環境就比較狹窄咖喱豬扒飯 $93一嚟到真係會比佢既份量嚇親應該係有兩塊豬扒，重要係好厚炸得岩岩好，唔會乾重要淋身，超好味！不過一嚟到超熱，要小心唔好即刻放入口咖喱就正常，不過就比一般茶餐廳辣少少成個配搭超好味！真係無令人失望！😋套餐+$10（有一碟油菜同一碗湯）個例湯係好好飲，好有味又唔會太鹹重有2-3舊雪耳個人認為佢地既例湯都係必叫🤤乾炒牛河 $87嚟到又係先比個份量嚇親睇到好有光準，而且唔係出面咁炒到黑蚊蚊牛肉都係淋身，份量都唔少，好足料都係食過最好食既乾炒牛河！🤩雖然要排隊，但都係值得再去既小店！

如果你係餓底…..如果你食極唔飽…..如果你已#移民 咗去大英祖國🇬🇧 (嘅Manchester )又同時好掛住港式咖喱🍛，睇落去喇！無錯，我哋今次係介紹由1979年英治時期創業，屹立於灣仔不倒嘅殿堂級人氣長龍店新景園咖喱小廚去挑戰佢哋遠近馳名嘅巨型咖喱豬扒飯 (當然我哋仲有叫其他嘢食啦)。我哋大約18:45到，排咗約廿分鐘先成功入座，想食嘅朋友真係要早少少排隊🤏🏻咖喱豬扒飯套餐($105)：套餐包一碟油菜及一碗例湯或一罐汽水，質素正正常常啦。反而個豬扒飯一上枱即時嚇親，塊巨型炸豬扒大過我哋塊面😱熱辣辣脆卜卜，仲要超級厚切🥹我哋心諗究竟邊個供應商俾貨佢哋，視覺效果超級震撼😨佢哋嘅港式咖喱，唔似日式咖喱咁甜、亦唔似印度咖喱咁香濃，反而我哋覺得似係兩者中間，而且帶少少辣。我哋集合二人之力先成功食晒成個咖喱豬扒飯，我哋真係好犀利🤣辣蝦茄子煲套餐($98)：套餐包一碗白飯、一碟油菜及一碗例湯，佢係即叫即做，我哋等咗15分鐘先有得食。佢係瓦煲上台，煲蓋中噴緊煙，熱辣辣🥵材料有蝦、茄子、肉碎、臘腸、辣椒、豬肉粒等，即係魚香茄子煲嘅翻版😂好香濃惹味，唔會太辣，份量充足，一個成年男仔一定食得飽🤣唯獨是

一直都知道灣仔有間超出名既咖喱豬扒飯，終於有機會試到😍收工去到門口18:15，晚市佢開18:30，但去到已經有十幾個人排緊隊，嚇到我都拿拿趕跑去隊尾😂😂鋪頭比較細，好似得十張枱，好彩一開門第一round我地成功入坐，枱枱都必點咖喱豬扒飯🤣🤣🤣🤣個份量超大份，咬左一啖真係完全明白佢條人龍係點黎，豬扒炸得超嫩，一d都唔油膩👍👍👍👍另外一樣必點就係乾炒牛河，份量又係超大份，d牛肉超大舊同埋勁嫩。同埋一碟裡面真係好多舊牛肉，老闆真係完全唔孤寒🤤加$10仲有碟菜同汽水/湯仲想讚讚員工服務態度非常好，好有禮貌👍

舖頭座位唔多，所以等候時間比較耐。咖哩豬扒飯係必嗌，豬扒係即炸，呈金黃色，外皮香脆，炸衣薄，肉質厚而鬆化，而且好貼心已經切塊方便客人進食。咖哩係港式咖哩嘅味道，非常惹味，送飯一流！ 份量好大，可以2個人share，之後再嗌一碟菜。

心情不好 就是要飲涼茶下下火聽說..這間涼茶鋪在灣仔挺出名只賣👉🏻野葛菜水和羅漢果茶💕野葛菜水加了鹽 很下火哈哈..梅窩麻糬開在灣仔新景園的咖喱豬扒飯好吃😋是用新鮮豬扒炸 超巨型的份量超大😍 好好吃

新景園 嘅咖喱豬扒飯，其實食過好多次，買過外賣返公司，亦試過搭巴士拎返屋企食，一直見證住外賣盒改進，但單挑堂食，真係第一次✔️🍛 咖喱豬扒飯 $90雖然已經有心理準備，堂食版嘅豬扒飯份量會好驚人，但見到實物都嚇到窒咗一窒😧帶定飯盒嚟打大佬👹 預先裝滿咗一盒，剩低嘅都仲夠食到好飽好飽，一餐足以當兩餐食😂飯熱豬扒脆，咖喱香辣帶微甜，無可挑剔，堂食果然係唔同啲🤤

喺外國返咗嚟香港幾個月，第一樣嘢就想食新景園嘅咖哩豬扒飯。咖哩薯仔豬扒飯～ 咖哩汁紅薯仔係會用另外一個玩分開上的， 入味鬆脆嘅豬扒會放在飯面用碟上， 豬扒入口好鬆化， 好入味， 咖哩汁唔係十分特別但係唔差。以前呢會配一支樽裝可樂， 因為可口可樂公司已經停止供應樽裝可樂，所以罐裝都冇所謂啦。環境方面～鋪頭裏面大約有十張枱， 係需要搭枱的， 但係服務員會盡量安排適合嘅位置， 雖然唔係去過好多次， 但係佢哋都認得我， 我覺得服務員非常親切。還有一次 我在外國返嚟好想食佢哋嘅豬扒飯但係外賣app需要用本地電話卡確認付款， 我並沒有電話卡， 結果我打電話去畀佢哋佢哋都願意送嚟酒店畀我。另外一次就是我匆匆忙忙走入去食豬扒飯， 付款時發現沒有現金， 豪爽嘅服務員並沒有需要問老闆就已經立即叫我不要介意下次回來再付吧。可能你會覺得佢哋並不是溫柔那種服務， 但係佢哋是豪爽的， 亦都見到有好多客人是熟客， 加點醬汁或者要求辣椒醬服務員都樂意配合。至於衛生環境， 雖然個人覺得係有啲舊， 但係感覺店員已經盡量清潔， 並未見到有 昆蟲的物體， 總算是衛生吧，始終是一間茶餐廳，就對他們茶餐廳的要求， 我認為是高於合

灣仔馳名豬扒飯非新景園咖哩小廚莫屬。如午餐想食它馳名的咖哩豬扒飯，又唔想排隊，建議11.15分打去電話 25749172 ，應12.30左右可拿外賣。左邊是等外賣。右邊是等入店內堂食。新景園也做外賣，選擇也多。11.30-15.00才算午市價錢。我12.42到店才落單叫外賣，因為堂食很多人，座位都比較擠擁，所以決定外賣回家慢慢嘆。原來等外賣要等一小時好吧，都付了錢，就等吧，誰叫它這麼出名呢？！咖哩汁很惹味，配大大塊豬扒，真的食不留口！辣辣的咖哩汁配白飯正到飛起等下都值。下次醒目就11.30打電話去訂定留意外賣有一塊大豬扒堂食有兩塊豬扒，所以較外賣貴

人氣食店，門外長期有長長的人龍，而門外人潮不只是排隊堂食的食客，仲有等待取外賣飯盒的上班族。預早打電話落單，店員會告知你大約可以取外賣的時間，不過按原定時間到達都可能要等少少時間，因為實在太多人落單，而且炸豬扒都是即炸。拎完外賣行返公司途中，已經聞到好香好香的咖喱味。急急回到公司開餐。豬扒有一大塊，份量絕對合理夠食。相比堂食，外賣外了一點點倒汗水，但炸豬扒食落依然香脆好味。$52一盒高質的飯盒，絕對是附近打工仔的欣物！

💛新景園咖喱小廚 (灣仔)👍🏻咖喱豬扒飯 $93炸粉薄而脆，肉質厚而鬆化😋中式咖喱細膩香辣～好好送飯🤤每兜咖喱都有一舊薯仔～偏硬身👍🏻鮮茄豬扒飯 $93鮮茄汁味道似茄汁焗豆🍅📸19.03.2023💁🏻‍♀️人氣咖喱豬，果然名不虛傳👍🏻我地排左半個鐘入座，期間人龍不減堂食咖喱豬，分量超多🤩我地高估自己，三個人叫三碟～食淨一碟飯🥹兩個女仔各食淨半碟，男士勉強清晒一碟😮‍💨如果兩女仔去食，叫一碟加餐飲就夠食😆堂食設有最低消費，每位$75外堂飯盒$52，份量少一半如果堂食都有細份既餐叫就好啦因為食剩野真係好浪費🥹

為了能吃到他們的咖喱豬扒飯，從來拒絕排隊的我，也願意犧牲排了15分鐘隊。因為試過叫外賣，可是份量只有大概三份二，回到家豬扒也不夠脆，所以只好屈服到店內吃。我們中午1:35到，1:50進餐廳，點菜後先送上飲品，檸檬茶夠濃夠茶香。大概過了8分鐘，乾炒牛河便送上。乾炒牛河- 有鑊氣，味道剛好，不會太油膩，牛肉大塊嫩口。 但相比下必定是他們的咖喱豬扒飯，更勝一籌。咖喱豬扒飯- 要等我們吃完乾炒牛河才送上咖喱汁，大概過了15分鐘才送上豬扒飯。豬扒炸得鬆軟，不油膩，鎖住肉汁，口感一流。 咖喱汁是傳統港式口味，但更香更辣。我們最後都沒辦法吃完，我們不想浪費選擇打包。環境-古舊小店，有機會搭枱。地點- 地舖，方便鄰近地鐵站適合- 1人，2人同事朋友

呢間一向出名，咩時候嚟都大排長龍，久不久經過觀察下，覺得夜晚一個人嚟應該可以唔洗等太耐，所以就搵咗晚嚟試一試，果然唔洗好耐就入到，店仔細細又受歡迎，係坐得逼少少，店員係勁殷勤，我嗌咗咖哩豬扒飯好大份，咖哩好香濃，豬扒炸到個皮好脆，肉又香又淋，飯多到可以食飽兩三餐！佢枱仔細細，啲嘢又大碟，所以食到一半店員幫我換碟，但可能太多人太忙，佢應該唔記得咗俾返我碟飯我，佢唔好意思到話整話整碟新嘅俾我，我話要返一半就夠，本來想試乾炒牛河，但太受歡迎賣晒，佢啲嘢都唔平，又要等，不過試一試ok嘅

𝗣𝗹𝗲𝗮𝘀𝗲 𝗳𝗼𝗹𝗹𝗼𝘄 𝗺𝘆 𝗼𝗽𝗲𝗻𝗿𝗶𝗰𝗲 𝗮𝗻𝗱 𝗶𝗻𝘀𝘁𝗮𝗴𝗿𝗮𝗺 @𝗺𝗶𝗰𝗵𝗲𝗹𝗹𝗲𝗳𝗼𝗼𝗱𝗳𝗶𝘁咖哩豬扒飯咖喱雞扒飯呢兩款都比較出名 其實咖哩汁底係一樣的 屬於比較稀身個種港式咖哩 辣味就冇乜但都幾濃香料味兩份都有超大塊扒 剁到非常鬆軟 而且肉汁多 配合炸到香酥既外層的確唔錯 我自己覺得就算唔加咖哩汁都可以 因為塊扒本身醃得夠味 一直想試左好耐 都冇失望但等位都等左20分鐘左右