薩莉亞意式餐廳 (MCP ONE)

Open Now

Now Closed

同朋友行行下街肚餓唔知食咩好，竟然見到薩莉亞係附近，咁啱又唔洗排隊wor，good～填飽肚可以繼續shopping😆邦哥尼意大利粉 意粉濕度略顯唔夠，不過呢個價錢算係咁^ ^芝士焗薯角，17蚊認真覺得抵食，芝士味夠香濃～黑椒蜆肉鐵板煮 蜆肉唔算鮮甜，與餐牌圖片有少少出入，整體不過不失，一分錢一分貨😐辣味雞翼是唔錯的小食選擇，辣度適中，香口惹味，因為驚熱氣所以同朋友share四隻啱啱好😍總括來說，價錢的確係大眾化，算係抵食之選😬

呢間意大利餐廳實在太抵，抵到會當佢西餐放題咁食，我地2個人叫左圖下咁大堆野，埋單都係3百幾，抵到爛~我地叫左雞翼8隻，煙三文魚沙律，中華沙律，蒜香芝士法包，磨菇忌廉湯，意大利雜菜湯，pizza, 西蘭花，火腿蛋意粉。。。。真係叫左好多野😂，係咪好誇張呢？呢間價錢平之餘，食物水準都唔差，真係性價比高😋😗個芝士法包好好食，芝士香蒜味勁濃點埋湯食仲正呀雞翼少少辣，雞肉好嫩同好juice佢d湯同沙律都ok的，大推

We used to love gathering at Saizeriya in our college and university time.😆 Nice environment, food and price!!!! Everyone is full for sure with around 40hkd budget. We went to Saizeriya for a light dinner tonight. We ordered a spaghetti with mushroom and cream, squid and broccoli. Creamy and al dente spaghetti. 🧡Squids is too salty even without dipping the sauce. Tasty broccoli albeit slightly spicy for me.

本身係屋企食左小小野，又趕住去公園賞月，就去左薩利亞，可能因為中秋既關係啦，等既人唔算太多，等左唔洗半個鍾就有位了。但係入面依然係好忙，禁左幾下鐘先有人黎落單。叫左每次必食既肉醬多利亞飯同香辣雞翼。真係每次食都可以KEEP住水準，肉醬多利亞飯係新鮮滖熱辣咁上，香濃既芝士配蕃茄醬，真係perfect match啊！香辣雞翼，辣味適中，惹味開胃。最後叫左未試過既雞肉野菌pizza，呢個就較為失色啦，雞肉同菇既份量就幾多，但係味道比較淡。

中秋趕住去玩燈籠，同埋大時大節去其他地方食飯又貴又多人，所以就去左出名快靚正既薩利亞黎個快食，繼續用平民價食西餐，出乎意料等既人唔多。 叫左肉醬多利亞飯同香辣雞翼。呢２樣野真係叫左數唔到咁多次，雖然講唔上係驚天動地既味道，卻比得上其他地方賣接近一倍價錢既水準。肉醬多利亞飯黎到既時候仲係滖緊既，香濃既芝士加埋蕃茄醬，食完一啖又一啖。香辣雞翼，辣味適中，愛雞翼之人必叫！最後叫左雞肉野菌pizza，雞肉同菇既份量就幾多，但係味道比較淡，批邊不夠厚同軟熟。

一個人悶悶地中午去左剎利亞姨食晏橫掂好耐都無食過有些掛住佢個鐵板燒雞$38 有塊雞扒雞扒個汁酸酸甜甜同雞扒都幾夾價錢相對很不錯兩條香腸有小小辣我唔食辣既都接受到有三塊薯角調劑下全肉鐵板燒雞球有些燶同乾硬化😂但味道依然不變快餐感覺套餐加$13 有沙律食得出是 $13 的質素所以不能有太多要求😂同埋叫左粟米🌽湯濃濃既罐頭粟米湯既味道埋單食到飽飽都係$51👍🏻👍🏻不收加一服務費所以不能期待有很好服務

入到呢， 梗係要整番啲意大利食品呀，呢度 平靚正 ，碟頭唔算大 ，午餐啱啱好 !四個人一人一碟，又口唔難又易分。肉醬意多利亞 大利飯 意大利式炒飯，最主要都係喜歡啲芝士味呀。水牛芝士薄餅今日嘅主人家指定啲食薄餅，就係又係鍾意食佢嘅芝士味， 五個芝士團，擺喺芝士薄餅上面，睇見都已經好想食。雞肉粗管麵唔多唔少份量，啱啱好食食又唔會覺得好飽之後有佢嘅存在墨魚汁意大利麵就係鍾意佢食完之後成口黑媽媽，味道香噴噴， 食極都唔厭。送到嚟就開如意大利會議，邊食邊講，生日個靚太上年都係响喱度慶祝!

來到薩莉亞餐牌沒多變，但就多了午市套餐多加十幾蚊就有無限餐飲吧同沙律等單點了煙三文魚沙律，甜蝦粗管麵，邦哥尼意粉同歐陸風烤焗香腸沙律一向也美味沙律醬是很重要的甜蝦粗管麵白汁不錯，不至於好膩邦哥尼意粉帶點小辣，蕃茄鮮甜，不錯！歐陸香腸配薯角用鐵板上，熱辣辣的，味道正常

寶林新都城分店戴眼鏡叫飛的男侍生應對顧客的態度極度惡劣。本人於16-08-2018查詢號碼時竟然被該男侍應怒視相對及質疑本人,非常沒有禮貌, 仲要出來阻住人，啤住人。

每次銀包冇咩錢第一時間就會諗起性價比高既薩莉亞甜蝦粗管麵＄29送到上黎既時候熱到d汁仲滾緊！甜蝦爽口彈牙，芝士同忌廉香滑粗管面可以痴住d汁用匙羹勺黎食就最正！睇落分量唔多，但因為好creamy，有飽腹感係必叫之選脆焗雞球 ＄24焗到岩岩好，外皮好脆卜卜，入面既雞肉好軟嫰，仲好juicy！配上咸鮮既醬汁，好味！雞肉多利亞＄29經典之選，忌廉配上香嫰雞肉同焗飯，好creamy唔洗一百蚊就食到兩個人捧住個肚走，性價比極高，係糧尾之選，高質既平民飯堂！三個字講哂：平！靚！

lee 排成日落雨，我同 friends 都唔想離開 TKO, 今日係 Club house swimming 之後, 好肚餓, 但又唔知食咩好, 話晒都好似食過晒啦, 最後我都去左以平出名 ga Saizeriya.  蒜蓉法包好好味, 好多蒜蓉呀, 我地叫左兩客蒜蓉焗田螺: 太多蒜蓉了吧，但田螺都算 ok 黑椒蜆肉鐵板煮: LEE 個就有少少沙脆脆蝦: 雖同照差距有點多, 但都好食 ga 辣味雞翼: lee 個辣我 ok wo, 好食水牛芝士 pizza: 冇咩咩芝士味 三文魚菠菜意粉: OK 我朋友話冇牛味 總結就麻麻地，但以佢 ga 價錢，又真係好超值 ga，唔可以要求太多啦

好耐冇食薩利亞，咁岩去開新都城，所以就選擇左去食薩利亞，等左唔算好耐，十五分鐘左右。入到去打開餐牌，好驚喜呀😋😛佢出咗好多新款式，可能因為我好耐冇食啦🤪哈哈哈哈.....所以大鄉里好出奇☺️以前好鍾意食薩利亞個肉醬焗長通粉～而家見到佢出一個叫做空心麵嘅嘢我就叫咗黎食😛😛雖然冇肉醬焗長通粉咁出色😐但係都可以接受～～相比之下，焗肉醬飯好似好食啲🤔之後見到有個新出嘅松露意粉🤩～雖然明知道個松露唔係啲咩貴價野家，因為落好多好多好多先有小小松露味😂😂😂但係咁嘅價錢來講真係值得😘😎所以整體上都滿意既。

平時假日見呢間意粉店勁多人，要排好耐隊，連下午茶時間都係好多人，所以好少食。難得平日老婆唔煮飯，仲要大家都早放，所以決定去試試。一見餐牌，差不全部食物都係廿幾三十蚊，難怪咁多人排隊⋯點左一個意粉、一個粗管麵、四隻雞翼同一客粟米湯。以為咁平即湯應該無咩特別，點知粟米湯好有粟米味，而且好香濃，夠兩個人飲。雞翼雖然細細隻，但調味剛好！難怪見好多人都點。黑松露意粉雖然無其他店出色，但三十元來說係超值！下次可試其他意粉。而最好味係焗粗管麵！口感好彈牙，而且芝士白汁份量剛好，會再encore!

聖誕節但是又差唔多到月尾，要有氣芬又係時候食平DD。幾個朋友去將軍澳廣場行完街，就行去薩莉亞食超抵嘅意式快餐我掛住食吾記得影相其中有兩個批我經常食推介比大家雞肉雙享的餅很大塊，很抵食，而且汁很多要人多分享先好食否則容易吃到一半就覺得很膩，因為味道太濃郁地中海海鮮薄餅算唔錯價錢都唔貴 有蝦 有煙三文魚仲可以分到四小件 我地人多自己再分細件啲所以絕對食得過餐廳一向走平民 港式加d西式快餐路線又吾收加一服務費六個人埋單每人吾洗$50超平的聖誕大餐

薩莉亞嘅食物價錢非常大眾化，呢個好多人都知，其實除咗平之外，佢嘅食物亦都係唔差架，平嘢唔一定無好嘢今日我就買咗一個黑松露野菌忌廉意大利粉（外賣加$1）打開個蓋已經聞到好強勁嘅黑松露味，意粉嘅份量唔少，每條意粉都爽口又彈牙；但相對之下就會覺得野菌就少咗d喇 D菇新鮮又juicy，如果可以多幾粒嘅話就真係無得彈幾乎每一次去薩莉亞都會見到係座無虛席，（非繁忙時間除外）我覺得喺薩莉亞用餐其實係一件幾開心嘅事除左因爲佢真係提供到一個非常大眾化價錢而且又美味嘅食物之外，嗰度嘅環境亦都好舒適唔會話食物平就要你坐得好迫好辛苦，要你食完就快d走人。就係呢幾點令我覺得薩莉亞都稱得上係一間良心企業