寶蓮禪寺齋堂

Open Now

Now Closed

疫情下香港人每逢放假而家都好少去shopping mall 行街買嘢， 個個都想去啲戶外地方吸收下新鮮空氣放鬆一下，所以今日就去咗大嶼山行山感受下啲靈氣。 行山之前我仲專登去咗寶蓮禪寺齋堂 食番個靚齋 等有足夠嘅體力去行山 ! 餐廳提供兩款套餐一個係經濟啲，另一個就貴啲嘅。我哋今次就食個 豐富啲嘅，咁就唔怕行行下山冇力暈低 😂 八寶齋翅羹脆皮春卷 碧綠如意炒 花菇扒時蔬 西檸鮮竹片 絲苗白飯 每樣齋菜都炒得好有鑊氣，份量亦好足夠，最推薦嘅係春捲同埋鮮竹片，炸得非常通透爽脆而唔太油膩, 男仔如果唔夠飽嘅白飯仲可以再添。套餐盛惠150蚊一個人， 價錢略為有點貴，不過諗到又唔係成日入嚟大嶼山同埋啲齋菜都幾好食，所以如果有興趣嘅朋友都可以一試!

今日去左寶蓮寺食齋兼行山。十點零鐘到，冇乜遊人，去左心經簡林行左一陣，十二點零就去食午餐。因為限聚令，我哋分左2人一set 咁食，每 set 叫左1份普通（$110/位）+ 貴賓（$150/位），即系 $260/2位。售價姐姐Ann ，講價詳細，我們想加芋頭魚，她也解釋我們可以眼寬肚窄，不建議加餸，叫我地食完個set 才決定冼吾冼加餸，十分貼心。至於食堂內的員工也十分有禮地講解食物。講返d食物，炸物有，檸汁鮮付竹，個汁好醒胃，付竹微暖，炸沙葛卷，外皮香脆，沙葛爽口，兩款都吾錯，炸春卷就一般，立刻比下去了。有兩個餸都有冬菇，人菇好有菇味又炆得好有咬口。個湯就係紅菜頭粟米湯及香菇羹，齋湯好清甜，個羹就傑左d。久久食下齋，感覺不錯，食完午餐，由昂平行返去東涌，又一天了！

呢日特別提早起身, 就係為左入大嶼山行個大運。行左一個朝早, 一場黎到, 當然要去寶蓮禪寺既齋堂食齋。首先要係門口既購票處買飛, 有2種選擇 - 珍味素($110/人) 貴賓齋 ($150/人)。我地買左珍味素既飛, 之後要係門口等工作人員安排入內。一坐低店員就即奉上美味既粉葛素湯 + 白飯, 仲好細心同我地講, 唔夠可以再添。素春卷冬菇扒菜芯豉汁蒸豆腐炒素雜錦另外我地去左隔離小食亭買左少少食物返來, 滿足的一餐。炸芋角咸水角 蘿蔔糕 椰汁馬豆糕 綠茶紅豆糕 蓮蓉西米布甸 眉豆茶粿寶蓮禪寺齋堂大嶼山昂坪昂坪路寶蓮禪寺

一早已經諗定過嚟食齋，本身係諗住食啲素雞酸齋果類，但係問咗天壇大佛之前有個counter 嘅姐姐，佢話因為疫情關係冇得散叫，所以就係唯有買套餐😞因為想食素雞就焗住買咗個貴啲嘅二人套餐青檸素雞就最好食，隻味就好似平日食青檸雞咁，睇得出好用心機整🥰炸春卷就好失望，啲春卷太油膩，同埋一嚟到已經係變咗軟林林，吸晒啲油又一啲都唔脆腰果炒雜菜同冬菇炒菜都係正常嘅，不過都係算多油碗仔翅就好重豆味，同時覺得又好似冇咩調味咁，但係因為我唔係素食者，所以就可能係因為平日少食素食就對於咁重豆味嘅碗仔翅先咁驚訝

跟友人行山至昂坪參拜過後到了此處作為午饍的地方門外已經貼上了餐牌兩款套餐任君選擇珍味素($110) 貴賓齋 ($150)我們各叫了一款 人均($130)門口賣票的姐姐說平時不可這樣叫但我感覺上都是可以的進去內堂很快就有人送上了餐具和餸菜因為行完山的關係沒來得及拍照便被吃了其實也分不清那個是那個菜色點齊了也就算個人比較喜歡的是西檬鮮竹片酸酸甜甜挺開胃的其他的調味和賣相等各樣都是不過不失沒有太差也沒有太突出附了以上的菜色外 還有一個老火湯和素翅羹素翅羹有點不太喜歡 味道上有點不知道甚麼的不是不好吃 但是這有一點不協調反而老火湯很好飲我和同行友人還添飲了值得一題的是那裡的姐姐會走來跟你吹水她看見了我們在用手機就叫我們收起手機專心用餐有趣的

以往放大假，一定會去旅行。由於疫情關係，大家都冇得去旅行，好耐都冇放過大假啦。眼見自己啲大假即將爆。於是攞咗一個星期大假。同兩老入大澳一日遊。咁當然要去寶蓮禪寺啦。我哋10:00先係大埔出發。入到寶蓮禪寺嘅時候已經係午飯嘅時間。於是就坐低食齋。我對上一次去寶蓮禪寺，我諗已經接近20年前。完全冇印象。由於疫情嘅關係。每台只可以坐兩個人，於是兩老就自己一台，我就坐開。齋菜味道正常。而且湯同白飯可以任添。但係我略嫌碗湯有味精，因為飲完之後覺得好頸渴。但整體來講我都覺得係好食嘅。入到黎嘅大家都可以嘗試下。

$150貴賓齋八寶素翅羹脆皮春卷拼鮮竹碧綠如意炒八菇扒時蔬絲苗白飯八寶素翅羹好以真翅。好食。一人可以食到三碗。脆皮春卷拼鮮竹，好脆。鮮竹好新鮮。爽口。碧綠如意炒，生菜炒到好易入口。好食。八菇扒時蔬，足料菌類。好食。清新易入口。我點咗兩碗白飯。

疫情下去大佛行吓山，食吓齋。疫情作用，兩個人可以叫兩款唔同的一人餐，擺到成枱面都係餸。（收銀姐姐話平時係唔可以咁叫）一口氣可以上曬所有菜，好似煮定咁， 上枱碟仔細細裝得滿滿。春卷滿滿蘿蔔絲👍🏼珍寶冬菇爽口滑溜👍🏼傳統齋舖小菜， 冇驚喜亦冇詐型。～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 14服務質素＝(滿分20) 12裝修整潔＝(滿分20) 14性價比率＝(滿分10) 7回頭指數＝(滿分10) 7總評分 ＝(滿分100) 70分

黎得昂坪360 除左拜大佛 都會食埋齋菜 去之前都有上網睇過有邊齋菜食 選擇唔多 只有呢間餐廳或者餐廳旁邊既小食店餐廳係以人頭計 買飛之後入餐廳 一坐低10秒就有野食 我地去果日咁岩係初一 所以都比較多人 有4餸一湯 湯係素碗仔翅 好大煲 我地4個人 一人飲左兩碗 都仲有一半 $150/1位 唔係話抵食 但一定食到好飽 因為每個餸係份量都真係好多 我地係食貴賓套餐 我覺得最好食係素西檸雞 其次就係春卷 春卷真係好多舊總括呢個味道正常 但就志在食下齋

每次黎到天壇大佛，都必定會食呢間齋堂，主要係呢度的齋，除了個賣相，連個味道都好掂💓。今日好幸運，出發前先知，原來明天開始大佛會進行維修🧰工程，否則要等一段時間先有得再黎。由於次次黎的人數都吾同，所以試過好多款我齋，只可以講，每次的齋都無得彈，樣樣都超級好食，今日個老黃瓜湯係有位好心姨姨推介，係呢度要再次多謝🙏🏻您！超級足料濃厚的湯，竟然入口超順，一飲完，啲火無晒，所以每次拜完大佛都必定食埋齋先走，為之完美的句號

一家大細揀左係星期五去昂坪行個圈，出發之前已經諗住要去食下齋，食少餐肉當係清下腸胃。從昂坪360到齋堂大約要行10分鐘，到達齋堂嘅時候都差唔多兩點半，入去食飯前要先係門口揀定要邊個餐，比左錢，先入去坐低等食。天氣好熱，阿姨好友善咁叫我地飲多碗菜乾湯。我地揀左珍味齋，每位$110，比完錢後入去飯堂坐低等食，可能因為時間同依加仲係疫情關係，冇咩遊客到訪，有好多位比你坐。上菜好快，四餸一湯，分量岩岩好，味道都唔錯，炸春捲外皮香脆，冬菇小白菜都好入味，菜乾湯真材實料，推介大家到昂坪可以一試寶蓮襌寺齋堂。

#小秘書 一直都好想試吓搭 #纜車 入 #大嶼山，輕輕鬆鬆四圍行吓，順路到 #寶蓮襌寺 食吓齋、行到 #大佛 腳下 #祈福🙏🏻 不過都係得個「講」字😅 呢日終於成行，「昂坪360纜車」車站人流稀疏，完全唔使排隊就上到車🤩 車程大概20分鐘就帶到我哋去 #昂坪市集，兩邊嘅 #小店 如常營業，不過生意都比較靜👉🏻👈🏻 我哋決定先去 #寶蓮襌寺 食咗嘢先，之後再慢慢行。雖然我完全冇概念點行過去，不過正所謂「路在口邊」，我哋終於嚟到。「寶蓮寺齋堂」似乎只提供套餐，分為「珍味素、貴賓齋」兩款。一場嚟到，我哋當然要豪一豪佢，買咗兩張「貴賓齋」嘅coupon準備入餐廳之際，見到門外有人食緊 #甜酸齋、仲有 #炒米粉... 原來有小食㗎😅 唯有照原定計劃行事，#服務員 先幫我哋量體溫，再安排座位。當時時間尚早，只有四五枱食客。#齋菜 似乎一早已經準備好，坐低冇幾耐，食物陸續送上。#菜乾湯 清清地，飲多兩碗都唔怕肥😅 #素春卷 好脆口、#碧綠如意炒(荷蘭豆炒腰果什菌)都幾香口，不過碟 #花菇扒時蔬 就淋上太多 #芡汁... 我怕怕🤪 不過最後一尾素菜 #西檸鮮竹片 就整

今日行昂坪救援徑，由東涌出發走了三小時終於到昂坪市集。市集入面餐廳🍴較平常的貴，都無非因為是遊客區。咁最後決定去寶蓮寺齋堂食素，感覺上美味又健康。素膳時間早上11:30至下午16:30，有分珍味齋（普通）HKD 110 一位，也有貴賓齋（豪華）HKD 150 一位。只有五歲或以下小童不需購票。我地一行三人貴賓齋套餐包括：八寶素翅羮：基本上同街邊碗仔翅係一樣味，不過無肉係入面咁解，加埋白胡椒粉，幾可亂真😂味道不錯，有大量香菇同腐皮。脆皮春卷：香脆可口，餡料豐富全是菜🥬，有四大條，切件上，炸至金黃色，好吸引💕花菇扒時蔬：花菇紋得好焾身，好夠豉油味，生菜好爽口，食左咁耐仲保持到脆身，不得了。西檸鮮竹片：好勁檸檬🍋味，朋友話好酸😌，我就認為剛剛好好開胃，腐竹片外表炸至脆身，入面保持焾身，豆味濃。碧綠如意炒：一大埋蔬菜🥬，炒雜菌同豆腐皮，食得出用上適量豉油調調味，已經好惹味。總結：願此功德 莊嚴佛淨土 利樂有情

寫到來佛門清淨地，打鍵盤的手指也不敢評分過緊，況且2人份的5款珍味素連飯及湯著實也做得不錯。和版面照片不同，我進去齋堂是經過貴賓廳的那個門口（見圖），選的是較次等的珍味素，要再走入內堂。售票大姐說小童5歲以下可不計人頭數，只是廚房將部份齋菜的份量弄多成3人份，所以部分照片看起來會多些份量（尤其酥炸春卷），說開春卷，這鬆鬆的酥皮，包含脹滿的白蘿蔔絲，很香口；較喜歡 三色椒脆肉瓜青瓜炒素雞 及 欖菜青豆蒸豆腐，前者料多，調味清能食到蔬菜本味；後者欖菜香帶出蒸豆腐的滑嫩好送飯。飯是先來一煲後任添。可由下午12:30吃到下午4:30，可以慢活。

細個嘅時候每逢農曆初一都會去睇大佛加食齋做晏晝先走今日難得有時間同屋企兩老行下又適逢係初一就決定一家三口坐纜車入寶蓮寺行下齋堂都野食選擇都算多 多叫餸食飯 亦有飯堂小食我地就叫左一個套餐呢個餐有五個餸首先佢上左個素翅 同平日係街食嘅碗仔翅分別唔大 係無用肉同無加味精 間唔中食下都幾新鮮第二道係炸春卷 素春卷入面包嘅全部都係菜 但食落依然可口第三道係檸檬齋 呢個檸檬齋對我個人黎講就太酸 但同行嘅人就覺得味道唔錯 第四道冬菇伴生菜 冬菇明顯有炆過 所以有醬油嘅味道 已經十分軟嫩 而生菜都好爽口 無煮老左嘅感覺最後一道係炒雜菜 用唔同嘅蔬菜炒埋 加上豆腐乾無咩特別~~~~~~~~~~~~~~~~~~~~~~~~~~~~~~其實依加市區都開左好多唔同嘅素菜館 特別入去大嶼山食唔係因為佢特別好食 而係食往日嘅情懷同大佛之下嘅環境