柏斯意大利餐廳 (Closed)

同個住附近嘅朋友黎左呢度食野，因為佢有折，所以都算抵食。兩個人叫左六樣野，蘆筍味道就正正常常，上面有少少糖粉幾得意，果pat醬幾好味，唔知係咩醬呢～帶子都係正正常常，都係個汁比較突出，烟肉都好薄，但唔夠脆。呢個飯係甘多道餸裡面最好味嘅，雖然d飯有dd鞋，但黑松露味好濃，d蜆都好滑，再襯托埋d芝士，成個飯都好濃味。叫左個七成熟羊鞍唔係話唔好食，但又唔係話好好味，香料味好濃，好似太田胃散嘅味。😂😂服務員話夾埋d薄荷葉同毛豆蘆筍一齊食會冇甘漏，雖然係，但味道好似怪怪地。😅😅甜品叫左個Tiramisu同心太軟，Tiramisu好味，心太軟好味，但心唔太軟，可能唔夠熱。😅😅兩個人食左一千蚊，但都唔太飽。大食怪黎。😂😂

💛呢間餐廳絕對係驚喜😁 一黎到已經感覺好好，外面係玻璃屋既設計，而入面環境又好靚🌿 今次試左既三樣主菜都好滿意:.1.炭燒西班牙伊比利亞黑毛豬豬鞍 ($188)店員推介8成熟度，豬鞍中間微微粉紅，肉質岩岩好仲鎖得住d肉汁好juicy🐷 配埋甜洋蒽同薯蓉好好味！.2.野菌64度蛋配手製Gnocchi ($88)Gnocchi其實係薯仔加麵粉混合而成🥔 麵粉落得較少所以口感好軟滑，野菌芝士令到味道好濃郁，配埋半熟蛋 正👍🏻.3.炭燒低溫慢煮八爪魚配胡椒柚子汁($138)一入口係好開胃既柚子酸味，之後就滲出八瓜魚既鮮味🐙 低溫慢煮保持住佢既彈牙口感，炭燒過就更加香🤤.見到隔離枱叫既炒紐西蘭托托蜆好鬼吸引🤪 估唔到係粉嶺都有咁高質既西餐廳，下次一定會再黎🚗！.📍 Pezzi Bistro🎗️粉嶺聯和墟聯和道1號地舖

粉嶺食到滿意意大利菜😚💛💛💛💛💛唔洗搭車出九龍Weekend lunch 大約100-200蚊都有有意粉 意大利飯 pizza 或者main course比起平日晚餐平好多 今次試左個煎牛柳連餐包 湯 份量幾大雖然一個人食係幾飽不過之前試過幾好食掛住佢個柚子mousse cake就照加加埋個dessert refresh又圓滿餐廳環境唔錯 坐得舒服Staff 有禮貌又細心 除左一入座會量體溫提供酒精搓手液仲不時fill 水

前幾天，我和太太二人去食過晚餐慶祝結婚週年紀念日，感覺非常好，能夠在聯和墟竟然有一間很不錯的意大利餐廳，食品好味，服務員有禮熱情，地方衞生乾淨清潔，下次有機會會再去。

質素差咗好多.....之前都有嚟過，印象中都唔錯嘅。今個母親節帶媽咪嚟粉嶺呢間算比較靚啲嘅餐廳，價錢係港島市區價，但係質素唔係。叫咗海膽汁墨魚麵，我都唔期望有海膽味，分量超細，而且好大浸白酒味，好似上碟前到咗一杯白酒上去，根本冇炒過令酒揮發，第一啖入口就想嘔返出嚟。牛扒$300大銀，叫五成熟，但係welldone嘅口感，咬都咬唔開，因為塊扒食得出係超平低質牛肉，我自己煎都冇咁難食。慢煮豬肋骨，呢個算係正常啲，但係亦都食唔出有咩特別。仲叫咗杯Summer longIsland cocktail，係我最憎嘅藥水味，可唔可以俾少少誠意唔好落即用糖漿水。

員工口罩戴不好，可以不時見到口及鼻，然後照幫你倒水送餐及說話。客人之間距離不足，部分餐桌很貼近！多人接觸過的餐牌會放在客人餐具上，跟食物上的餐具又直接放在桌上，沒餐墊或紙巾！侍應送錯食物到隔離枱，對方客人沒有戴口罩下向食物說話後，侍應將食物再捧給我，（對方沒口罩是用膳中，不是客人的錯），最後我照接下及吃下食物，但感覺很不安，非常不享受。這個價錢的食物不算特別好吃，食材一般，本想享受環境及裝修，但這服務，這衛生意識是受罪，若注重衛生的話，非常不建議幫襯，我是比較著重的一群。

生日飯 之選一直覺得呢間餐廳係聯和墟好鶴立雞群比餐廳裝潢吸引住 就算OpenRice話上菜慢都無阻一試既決心我地點左個慢煮法國豬鞍～老闆建議8成熟 果然無介紹錯 好juicy 食得出係高質黑松露薯條比相像中大份 味道都唔錯意大利飯朋友話唔錯 最後真係要讚下餐廳老闆原本話暫停cocktail 但見到我地唔飲其他酒 都即刻調教左杯mojito比我地 呢餐係生日飯 老闆同侍應哥哥超好禮貌 不斷祝福我地！成餐飯都食得開心！一定會再幫襯

嬲到第一次開acc打食評呢間野之前已經食過一次，覺得普通通通還可以。無諗過一家人4個大人加小朋友再去食會咁叫左2份牛扒，1份黑松露risotto，pizza因為有小朋友所以另再額外加麵包其實服務員態度都ok，但上菜竟然慢得咁唔合理自從等上完麵包，其他都係等。一心覺得西餐係要俾時間，但愈等愈唔對路。終於等到上完牛扒食完曬都繼續要你呆等40分鐘先有pizza，大佬，你唔好以為人地未食過西餐先得架，就算半島酒店法國菜都唔洗等到咁耐囉，我食咁多法國菜又好意大利菜又好，未試過等過一間係咁唔合理，如果你淨係setmenu都處理唔好就唔好再有其他單點menu啦扮自己係高級餐廳就要人無了期等，又唔講要等咁長時間。份牛扒同risotto既碟竟然仲細過我屋企既餐碟，份量味道一般我已經覺得無所謂，但我仲有個小朋友等你個risotto俾佢食等到佢都眼瞓，問服務員，佢會答你，係囉，點解咁耐既？由於成個過程已經等左好耐，食完又唔夠飽想再嗌，但無謂再無了期等就打算埋單走，順便叫佢岀餐飲同甜品，埋單就光速咁快，餐飲繼續無影，甜品無得賴啦掛，都係要你等，最後實在無辦法去等佢所謂既甜品就放棄走，佢哋直情係想你地等到自我放

諗住同屋企人慶祝，特意選擇一間質素好少少既餐廳，睇完食評覺得還不錯，但最後卻完全失望。食物質素一般，加上等候時間完成不成比例，成晚都係不斷等⋯等⋯等。六點三到埗，總共點了一個晚餐加三個主菜，主菜每隔半小時上一份，問題都還不算太大，八點已食完所有主菜。叫職員上甜品，但甜品等到八點四十分都未上。職員從未交待情況，途中催促兩次都沒有回音， 直到最後忍受不了埋單，甜品由始至終都無出現過。令人費解係一個相信預先準備好既晚餐甜品（moose cake），真的需要超過四十分鐘準備？本人不懂入廚，還請賜教 🙏🏻

初初開業來食過一次，覺得味道一般，不過可能那時是初初開業的原因，價錢也很便宜。但幾年後的今天再來食，覺得進步了不少，可能所有嘢已經上了軌道吧。今天叫了一個法國豬柳，味道相當不錯，慢煮的柔軟程度剛剛好，八至九成熟左右，肉汁juicy, yummy 。南瓜忌廉湯有濃濃的南瓜味。甜品相當不錯，賣相同甜度都啱啱好。麵包有三種選擇，也很有水準。座位也相當闊落舒服，價錢也相當合理。侍應很有禮貌和不停地為我們加水，服務相當貼心。

原本想去間餐廳冇位，咁搵下附近有咩好食啦，近距離去到聯和墟有間西式餐廳，諗住一場去到粉嶺，食返餐好嘅！去到好多位，唔使等，環境好chill😎 好似喺堆舊區裡面起咗間modern house咁😹 呢間餐廳好children-friendly. 好多一家大細走入嚟，餐廳有bb椅，仲會綁條安全帶幫小朋友穩固，又有小朋友專用餐具。咁細個嘆到西餐，真係chill🤞🏻3人行，叫咗3個sets一齊share~餐包有幾款麵包，有款係pizza包😍，仲有3款醬，其中一款酸酸地，朋友好鍾意😁餐湯係粟米忌廉湯，唔會太咸其中一個set係沙律🥗 我要每餐食菜！南瓜、茴香、松子仁、芝士、菠菜沙律 （$98）幾健康，特別鍾意松子仁嘅味道，南瓜甜甜的另外叫咗香煎三文魚柳（$148）有檸檬同乳酪，幾清新朋友唔食生嘢，特別ensure佢係全熟，都算嫩滑大家最想試就係手製pizza ($138)有Taleggio芝士同野菌，係厚批，口感煙靭，唔算太濃味，食pizza我慣咗再加toppings: 茄醬、芝士粉、Tabasco, 好滋味的，信我！ .原本以為呢間冇咖啡飲，點知店員話仲好飲過某連鎖店，而且跟餐有咖啡，+$10有l

粉嶺冇乜高質西餐，嗰日同街另一間閂咗，就試下呢間啲set dinner。我地兩個都嗌牛扒，可惜就味道一般，呢啲西餐廳食得牛扒都唔太平，食落咁韌就有啲失望。原本都諗住中伏架喇，不過好在最尾個甜品又唔差，係件香橙蛋糕黎既。賣相首先贏咗first impression，有片風乾咗既橙插喺雪糕上面。蛋糕質感似pound cake，實得黎唔會太硬，又有橙香，唔會太甜。最正係佢中間仲有層半融既芝士，層次感好豐富，我地爭住食🤤🤤🤤其實佢件cake真係好好食，但只係件跟餐甜品，佢其他野都好伏🙈🙈🙈🙈🙈咁冇理由為咗件蛋糕被逼食個餐架嘛😅😅 所以都係一次就算喇👋🏻👋🏻

這店再聊我去開舖已久，但我還沒有去嘗試過，心中忽然一股愧疚感。因此作為聯和魂的我連試一試這間餐廳，入面裝修非常高質，感覺置身於高級西餐廳內而且食物質素烹調也非常有心機，價錢也不是非常誇張，在聯和墟偶爾想高級一下便一定要來這間。

午餐選擇算多，有意大利飯，豬碲，牛扒等等，今次係第一次黎食，坐底睇左一陣餐牌就決定食牛扒$168，牛餐黎講，價錢算貴，但想試下，滿心期待。落order時侍應先生問我牛扒要幾成熟，我話6成，然後上左湯同麵包，味道一般，無咩特別。跟住等左大半鐘就上牛扒，塊牛扒表面好濃，入面都無咩血水同紅色，好似全熟咁，勉強可以講係8成，我都算啦，食落口係苦架，因為表面濃左，配菜薯容都唔好食，件粟米好似自已bbq燒咁。我朋友個碟好似生肉咁，佢要5成。於是我嗌侍應先生同佢講塊牛扒好苦，我要6成，呢個好似全熟咁。佢咁答我：『呢個咪7成左右，6成同7成咪一樣.....』我都費事講落去....我比左2百蚊，食左件濃左鞋底！我唔會再去，真係好差！

週日天朗氣清，行山郊遊最好不過。經過了三小時的努力，又出了一身汗，係時候揾好嘢食了。搭小巴去到聯和墟，怱然想起幾年前去過一間意大利餐廳，無論環境，服務和水準都另我留下深刻印象。於是乎去找找，真好彩還存在呢！這又可證明有實力才屹立不倒的原因了。店員極力推薦我食安格斯牛肉漢堡，半推半就之間，自然地點了。實物來到，心中暗喜沒有中伏，先是賣相己吸引。鬆軟的飽飽，手指按下有回彈力。中間一塊又大又厚的漢堡肉，用刀切下，那牛肉汁滿溢。肉味香濃。配菜有紫洋蔥，生菜和蕃茄。最鐘意就係紫洋蔥，雖然有點辛辣但非常甜美，又增加口感，真的不錯。配菜炸薯條又脆又香又軟糯，停不了口。