檳城小屋 (Moved) New Location

Menu 非常細小及不清楚，座位擠迫不堪。侍應好像全部都不是香港人(雖然操廣東話)，我們說話時極不留心，飲品來錯哂。食物得個辣字，如要清水一杯，請付3元！份量也很少。

本來對馬來菜並無特別喜好，但剛好經過這間餐廳，便走入去試試，發覺這裡的東西十分好吃，我本來並不十分喜愛吃肉骨茶，但這裡的肉骨茶很好吃，我試一口後便停不了。另外，我也很喜愛這裡的白咖啡，它沒有傳統那麼濃，但味道還是十分香!

前幾日去紅磡諗住食間泰國菜,點知無開.見呢間門口貼咁多報紙雜誌同埋藝人D相,諗住差極有限,咁就誤打誤撞入左呢間.首先, 我覺得食物的選擇好少,望左好耐都揀唔定食乜,最後叫左: 海鮮喇沙, 炒貴刁, 咖哩豬扒飯同杯馬拉咖啡.3樣餸分量唔止少, 質素亦令人好失望!首先個海鮮喇沙除左少餸, 亦無特式, 同街邊普通叫碗麵無咩分別, 完全食唔出有咩馬拉特式.D蝦又霉又無味, 湯底亦十分普通!個馬來炒貴刁真係好差, 除左粉之外無其他餸,D油多到嚇死人, 我覺得我自己係屋企叮個淘大乾炒牛河仲好味過佢!至於個豬扒飯仲慘, 塊豬扒細細塊, 一咬就知佢一定炸左好耐, D薯仔完全無味, 淡曚曚一D感覺都無, D咖哩汁就咁淋上面就算, 真係好難食! 大家樂都不知好味過佢幾多倍!食成餐唯一好係杯咖啡, 真係幾香幾好飲, 但都要成$16一杯, 幾唔惹小.個老闆娘態度奇差, 睇餐牌睇耐D就開始唔耐煩,對話中亦不停暗串, 令人很失望!最激氣係叫杯水都要加$2!!!結論就係: 食物選擇少, 價錢亦唔平, 質素奇差, 老闆娘態度十分唔好!講真我真係覺得間野好垃圾, 以後死都唔去!

今日食lunch 嘅時候去咗同啲同事幫襯! 其實都已經好耐有幫襯佢, 因為對上嗰一次去食, 俾我發現到碗麵裡面有隻曱甴仔, 跟住我話俾個店主聽, 佢竟然一手喺我隻碗喥攞咗隻嘢出嚟, 仲話唔係曱甴, 只係一粒芝麻, 仲話食得添, 跟住仲一彈就彈咗落地下! 佢連話換過碗俾我都冇, 之後仲返咗後欄唔理我! 我原本諗住今日有同事話想去食, 咪去食囉, 希望可以睇到佢哋有改善, 點知, 佢哋 嘅 服務態度依然係咁差! 今日見唔到個阿媽, 不過可能係因為放梗暑假嘅 關係, 佢個女就出咗 嚟 幫手! 我只可以講, 有其母必有其女! 佢個女啲 態度都係好差! 當我等咗 嗰 碗米粉半個鐘嘅 時候去追單, 佢個女只係應我: "遲落咪遲嚟 囉!" 都唔知係咩態度!仲有今日俾我發現佢哋 兩個餐牌, 同一個麵, 但係兩個唔同嘅 價錢, 佢個女堅持住貴嗰 個先係啱! 所以你哋 第時去呢喥食嘢 真係要小心啲 呀! 睇清楚先好叫! 其實以前有好多人去幫襯, 不過可能佢哋 啲 服務態度嘅 問題, 所以而家都唔使等位喇! 不過我就唔會再去!

聽聞這店的喇沙不錯，周日要到紅磡辦事，順道一試。中午到達時同街上很多店子還沒開門，這店的顧客也不多，但到我們吃得一半，店子都坐滿了。我的是檳城蝦海鮮喇沙摻摻(即米麵雙拼)，椰汁香濃但不太搶，好像比其他店的辣一點，挺惹味。蝦、青口各三數隻，雖不至於很鮮甜，但亦沒有急凍的梅和淡，魚片、豆腐卜都入味。見友人的阿參喇沙外表很不一樣，試過兩口，香料味十足，好像很吸引。但友人餐後要吃口香糖，可能洋蔥太多呢！另外兩位友人吃了豬扒喇沙、雞翼魚蛋喇沙，他們都說配料只一般，魚蛋更軟淋淋毫無口感。而且其中一位要了少辣，試過我們的後都說原味好吃一點。我們還要了沙嗲雞串燒半打、馬拉盞炒通菜和兩杯飲品。串燒三十多元，份量很少，肉質還好但沙嗲汁偏甜，相對起來覺得不太抵；馬拉盞炒通菜好像不夠鑊氣，沒有一般的惹味。看見鄰桌的是日精選海南雞飯，多是雞胸，賣相不甚討好。還有肉骨茶真的如版友所說有枝竹、冬菇和內臟，感覺怪怪的，慶幸我們沒有點。

肉骨茶：味道算唔錯，不過唔夠正宗。有好多配料，枝竹，冬菇，豬肝，豬腸，唐生菜．．．攪咁多花臣做乜？燒魔鬼魚：魚唔新鮮，燒到黑晒，冇味一口尤魚：粉太多，唔講唔知係尤魚馬拉盞通菜：算唔錯，但冇乜特別串燒：微波爐串燒牛肉，你話好唔好食？仲要三十六蚊，離晒譜！墨魚卷：冇乜墨魚味，又唔彈牙．．．真係好掛住樂園果ｄ墨魚丸同牛丸．．．薄餅：已經算係全晚最好食，不過廿蚊一小塊．．．一字記之曰：誇！

Dear all,If you wanna try out a nice simple Malaysia dinner, this is the right place. Food are nice and cheap! Not much decor, but nice food quality!Only if the "Woman in charge" can slightly adjust her attitude towards dear customer, it would be great!

4個人唔想o係尖沙咀食野，於是乎專登搭車黎試呢間檳城小屋。我地叫左：肉骨茶::: 好多人都話呢間做得不錯，試落都幾正宗。當我地食到大半既時候，油炸鬼先上到，本來唔開心，但老闆娘話因為剛剛冇晒，要去買，所以食落口仲係暖架.....好細心!!海鮮喇沙::: 好正，同正宗既喇沙一樣有油面同米粉，湯底好濃既椰味，不過料就少左d炒貴刁::: 好有鑊氣，而且仲有難得一見既獅甘，不過煮得好熟沙嗲::: 老闆娘話雞好食d，但上見到呢個串燒勁細，簡直可以做一口串燒馬拉盞炒通菜::: 普通桔仔梅凍飲:::一杯幾特別既飲品，我印象中好似o係馬來西亞飲過，其實佢係西檸加話梅，酸酸甜甜咁...舖頭本來收10點，但老闆娘見我地睇緊肥田喜事，所以都俾我地睇埋先收舖。

住在附近，好鍾意檳城，但有時一個人又唔想坐入去食，老闆娘店子旺唔會送外賣，試過親自去買外賣，要等上十分鐘，好彩在openrice找到他們的電話，可以在家中先order，落到去就有得拎走，好方便。琴日要o左豬頸肉蝦喇沙摻摻，好好味，返屋企慢慢食，湯都飲埋﹗正﹗

星期日晏食早餐，到兩三點至食晏，無乜胃口最好食D醒胃。到祟潔街好多舖頭都拉閘，好彩呢間重做生意。叫雞絲喇沙摻摻、咖喱撈麵及咖喱豬頸肉飯。喇沙D湯有好多蝦，味道很濃，老婆話喇沙好正。咖喱撈麵就幾辣但係唔夠。咖喱豬頸肉最好味，咖喱汁有很濃椰汁味，豬頸肉係炸過好香脆。整體不俗，下次要試佢個肉骨茶。

近年星馬菜平地驚一聲雷,繼泰菜之後,星馬菜的食店,越開越多,但質素極參差,有水準的(Auntie Shirley)開得快摺得快,擺明歧視港人口味的烏節麵吧,應該命不久已.在加太賀對面的檳城小屋,已在崇潔街有一段不短時間,但一直未去過.昨天中午要去紅墈,來個快上快落交收,路過崇潔街,本著一試心態,獨個兒在此開餐.時間關係,幾個在鶴園街上班的珠寶界朋友,都懶得去搵.未到Rush hour的十二點半,一樣比老闆娘指使要搭檯,自己坐埋一角都唔得.環境都幾逼,幸好未到最多人的時段.想也不想要個海鮮喇沙,要摻摻.見每一檯差不多人人一碗喇沙,心想唔會差得去邊卦.以小弟有限的飲食知識所知,獅城同馬來的喇沙,係有點唔同.後者的湯底,沒有那麼重的椰漿味.我諗無估錯卦,自己未去過星馬,只係去過香港的星州/馬來西亞的餐館吃出來的經驗.熱騰騰的喇沙上桌,先嚐其湯,果真椰味唔重,還能吃得出湯底的蝦味來.兩者份量五十五十,恰到好處.話明咖喱喇沙,不過只有點點刺激,辣就唔算好辣.可能老闆娘真係折衷港人口味吧.配料有蝦,青口,豆卜,青口,魚片等.如果將死實實的青口,轉為獅甘的話,效果會好得多.用青口感覺上有點點拖垮左碗

星期六忽然好想食喇沙於是上黎搵食，見咁多位食家食評都唔錯立即鎖定目標黎食．星期六七點半去到．．嘩．．烏英都無隻．．．實在太好了不用排隊等食又清靜，叫在以下食物１．蝦面：很好味，味道ｓｐｉｃｙ得來平易近人蝦湯勁鮮甜，很多蝦也是新鮮ｍｉｔ的”正”，與灣仔那間蝦面相比本人較喜歡槟城這家濃味得來不搶”候”２．ｘｘ滲滲（只有星期六日才供應的）．唔記得咩名，因為本人不太欣想，味道是有點酦不合我口味３．馬拉盞炒通菜．正夠獲氣有大排檔水準４．春卷：好味竽容很綿，松化．５．白咖啡：本人十分之鐘意，咖啡很香，什有咖啡味，一向不飲咖啡既我也被深深吸引．．男友說偏淡一點，但我郤覺得剛剛好．．總括，今次食得非常高興，一定會再幫襯

見咁多人都話好食，所以o黎試試啦﹗七點半到，只有一枱客有點擔心，晚市時間咁少人。坐下後點了一個星期六、日才供應的阿參喇沙、什錦咖哩、炸鷄小食，男友要了一個白咖啡，我要了一個玫瑰飄香。飲品不錯，不太甜又有香味，食物方面，我們都比較喜歡阿參喇沙，酸酸辣辣，又好濃的海鮮味，加上米粉是比較煙靭的，好有口感。什錦咖喱就覺得有點普通了。男朋友見其他人食肉骨茶，又話要試，不過都係好好味，又多料，隻冬菇好大隻，肉很嫩也入味，覺得好補，老闆娘還以為我們會吃不完，點知全煲都清晒﹗哈哈﹗都話我地大食啦﹗這家店完來是越夜越多人的，我們走的時候就差不多滿座，不過店裡人手不夠，有點忙亂。

卒之都黎到，地方都幾難搵，見到都幾多人讚，特別黎試喇沙。揭開menu, very confused, 據侍應講，湯底係喇沙湯，配料就可以自己選，話呢邊下午既上班一族鍾意多配料可選喎....然後又介紹今日開始推出既白咖喱火鍋，我同朋友仔兩個人，邊食到咁多?而且我地都食過Satay King既白咖喱啦，對我地黎講，並唔係咁特別...此時，後面傳來"肥媽" 把聲: 我地唔同出面個D 白咖喱，香好多家，試下啦。睇見老闆娘親先招呼，又好笑容，唔似個侍應，咁就試啦，當然唔少得要叫喇沙...但原來今日仲有Penang Laksa 供應，兩款喇沙，兩款都想食....但係得兩條友...實食唔晒...先黎白咖喱火鍋，真係較Satay King 有過之而無不及，真係好香好香，覺得應該係加多左一些香料，白咖喱又係唔辣既，朋友仔就更加鍾意，仲好似想淨飲湯唔食料...火鍋配料就真係好普通，丸呀，菜呀，肉片咁啦但係個湯底係好正，搞到要加湯..唔識點形容，如果唔係火鍋，配麵或飯就好啦.....可以試多幾款其他野...最後反而係冇叫喇沙...實在太飽..老闆娘十分Friendly，主動問我們對食物既意見，又同我地傾下計

下午茶時間，唔想再食茶餐廳，於是走黎睇下有咩特別野食，又記得睇過網評話呢度有馬拉麵食，特地睇下有冇咁好食~~~呢個時間成條街都好靜，好多鋪都熄晒燈，卒之搵到呢間野，點知都係熄左燈，心諗:唔係呀，冇理由一場黎到冇得食家????於是"裝"入去睇下啦，睇下有冇野食啦，原來有人係入面做野，而佢咁又睇到我，仲立刻出黎，叫我坐仲話有野食...咁都得??真係夠運～坐低點了喇沙雞翼魚旦摻（摻摻，即油麵＋米粉），跟住就聽到有怪聲，周圍睇下又冇野？冇人？係咩呢？原來係最後一張墊晒報紙，放滿鐵盤入面全部都係紮紮跳既蝦，於是問下個樓面ｄ蝦係咪做蝦湯用？？佢話係呀，日日都係要新鮮"mit"，"mit"到手都損．．做湯又做料，跟住佢上左個喇沙，就繼續"mit"唔理我．．．而我？都懶理咁多，第一時間試下個喇沙湯先，好香椰汁味，又唔會太杰，又隱約飲到香矛既清香，好好好正呀，不過，個人認為不夠辣，卒之我都係飲晒湯，食晒料，粉麵就食唔晒，下次一定要試下蝦湯～～正