蛋香烘焙

Open Now

Now Closed

蛋香烘焙，是一間專賣雞蛋仔和格仔餅的小食店。 有日專乘去坐落於炮台山的熱店—福元湯圓時， 在同一條街初遇小店， 因為整條街烘烤香味四溢，令我忍不住買了一底格仔餅試一下。🙈 店外都有不少食客在等，可見都算略有名氣。🤔 落單時店員事先提醒我所有食品都是即叫即做，所以着我耐心等待。 不過等了差不多5-10分鐘左右，新鮮的格仔餅就出爐了。☺️ 一拿上手，格仔餅很燙手呢！🔥 相機食先後，我便把格仔餅咬了一口。 格仔餅被烤得外皮香脆，有點帶曲奇脆皮的感覺， 最重要是蛋香味濃，難怪叫蛋香烘焙啦！😏真的是名符其實！ 格仔餅裡面夾着牛油、花生醬、煉奶等醬料， 但缺乏了傳統必備的砂糖，有點失望呢！😟 而且醬料不夠，如果醬料足一些，沒有溝得那麼稀，相信會是底不錯的雞蛋仔。🙈 總括來說，價錢是現今普遍雞蛋仔和格仔餅的價格，雖然味道口感不是最好，但都算值得一試的。 地址：蛋香烘焙 (北角) 北角電氣道254-280號華凱大廈地下A4號舖 營業時間：星期一、三至日 13:00-20:30星期二休息

今日收工經過，想試下佢啲雞蛋仔有無進步到。上年食嘅時候覺得雞蛋仔太脆，太薄，好似唔夠蛋醬一樣。今日再食，真係進步左。以下👇外脆內軟，內裡蛋醬充足，加上即叫即製，熱氣到一個極點👍15元正抵俾。

報咗個課程, 去HKPC上堂, 所以成日經過炮台山! 一早聽聞有間好好食的雞蛋仔舖頭, 今日終於有機會去試吓!6點零鐘到, 門口企滿人, 立即排隊買飛, 見咁多人以為要等好耐, 點知個賣飛姐姐話5分鐘就得了, 係咪架???等咗6分鐘, 鐘聲響起了, 立即沖埋去擺... 點知佢話要吹一陣, 咁都算係好細心既, 加分!第一粒擺落口, 好好好好好好脆! 好食, 但係我寧願等多一陣, 因為我唔係太太太脆的Fans, 等一分鐘後再食, 啱啱好呀!因為食咗下午茶的關係, 食咗半底就有少少飽, 剩低半底上堂時食, 軟軟地, 都好好味! 

雞蛋仔唔知係咪過左一陣先食, 唔脆, 仲有DD硬...有D失望...味道就唔錯...有蛋香另外仲買左一個格仔餅, 但都係唔係好脆...不過就有影到相已經食左...哈哈!

Arrived before 10pm, not much people in the queue. Ordered egg waffle ($14).The shop is flooded with eggy smell which is mouth-watering. The waffle is made to order and so it is hot reaching your hands. The portion is standard. It looks no way near those "plastic" egg waffle which I scare the most. The crust is crispy and the center is half-filled with chewiness. It has been long since I last met one which is equally crispy and chewy. My friends said it is a bit short of egg flavour but to me, i

平時見到雞蛋仔或是格仔餅檔, 見到一疊餅整好放向度, 攤凍晒, 我就會硬著頭皮咁問, 可唔可以整一件新鮮... 不過這裡就唔駛了, 因為全部都係俾錢後先倒漿入機做, 非常新鮮!我點了1件格仔餅($16), 多醬, 即烘所以要等呀! 等大約6-10分鐘! 即取即食, 第一啖食到的格仔餅係外脆內軟, 花生醬食到有花生粒粒咁, 唔會太甜。不過頭半件keep到外脆內軟, 尾半就可能因為件餅熱再加紙和膠袋2層包住, 逃唔過焗到淋的命運了。

外軟內脆... 呀唔係, 係外脆內軟, 外面超級脆, 係我食過咁多雞蛋仔裡面最脆的! 加分!味道蛋香甜度都都非常正記得襯熱食裡面的蛋漿軟滑非常, 雞蛋仔操作員 (佢地係咁叫), 提我地即刻食唔好等!我同個friend一齊食一底有啲唔夠喉, 加多支隱形檸檬茶! 唔甜, 幾好飲以後經過都會再食, 熱辣辣, 夠晒脆! 係我食過最好的雞蛋仔! 不過夏天去要等五至十分鐘, 小心曬親!

岩岩開既時候去試左一次, 可能係岩岩開未教好formula, 味道唔太好食. 過左1個月到, 見到好多人排隊, 就再去試多次又真係好食左好多, 我覺得重好食過好出名o個幾間不過唔知係咪不再係老闆做雞蛋仔(變哂老友記), 定係人流多唔怕冇生意, 佢d雞蛋仔開始over done, 燶哂同太脆. 之前我會叫佢早30秒攞出黎, 而家多人左都唔理我了.希望佢有改善啦, 佢D雞蛋仔係我食過最好食的.

下午去炮台山，其實係想食福元湯圓😂不過太早未開，見到呢間冇乜人排隊就試下囉。買左1底雞蛋仔同一支檸檬蜜糖水，等左3個號碼就有，收銀姨姨有禮貌（香港地有禮貌既餐廳/食店其實好少）。我平時見到好多人排隊，一開始都覺得應該好正，食落都脆口，不過覺得好甜，我要係咁飲蜜糖水，飲埋就中和番，但好可惜2樣野都好普通，雞蛋仔黎講筲箕灣出色好多，下次都係晏d黎食番福元啦😅

雞旦仔嘅外層太硬似食脆口嘅餅乾，可以再薄一點。內心夠軟但餡就好少 , 唔夠豐厚，口感唔夠飽滿。味道方面, 重蛋味但就唔夠香。只係一底可以放落口飽肚嘅雞旦仔! 未夠level也。不過我突破盲腸見到單上寫住周杰倫先生為我服務, 回心微笑!

早係幾個月前，當仍在試業時連牌面都未整好就已經食過一次。當時食完飯經過見到有間新鋪，原來係賣傳統小食——雞蛋仔，於是買咗一底雞蛋仔、一底格仔餅試吓。雞蛋仔乃即叫即造，等大約五分鐘叫號碼終於有得食。 脆係算脆嘅，不過唔知係咪開業初期mix材料有問題，食落總係怪怪哋。加上中間連一半滿都無，真係有啲唔抵。

聽聞工作附近有間新開的雞蛋仔店，口痕於是特意去光顧一番。$13一底，$24兩底，買了兩底與友人分享。可見店外已有不少客人在等待。員工居然是周杰倫？門口寫著各種食材的來源地，比較特別。等候時間意外中的久，等了20分鐘，讓人感到不耐煩。若趕時間的朋友千萬不要買呀終於有得食！雞蛋仔的外觀漲漲的，咬落頗香脆，牛油味很香。內部呈橙黃色，軟綿綿的，但有一半是空心的。個人認為味道扁甜，但友人說剛好。唯一缺點就是等待時間實在太長了，扣了不少分。

買雞蛋仔預左要等,不用等的都唔方好食,好在我剛經過時不是太多人等,大概等左5張飛。店家表明佢地的雞蛋仔外脆,內面則有軟軟的雞蛋糕,我的確食到佢地所講的質素,而且新鮮出爐粒粒完整。北角雞蛋仔都無咁好食,但店主想做多點生意又唔想客人等咁耐要諗諗計,我等左5張飛其實都15分鐘了

這是北角區一家新的雞蛋仔店, 就在福元湯圓側, 趁這晚來到附近吃柬埔寨菜而順道到訪。俾收銀伯伯老點, 同我講要等 10 分鐘, 點知足足等咗 45 分鐘 (前面有約 25 個柯打, 可見其龜速的生產力, 真係完全唔明白點解仲有咁多人願意等)  等候期間, 有其他顧客投訴等得耐、雞蛋仔吹唔夠耐變軟等, 到我嗰餅時係整衰咗既 (爛咗兼冇咗幾粒), 向店方表明唔要呢餅, 佢竟然俾咗下一位顧客 (汗) 原味雞蛋仔 ($13) - 外層過份香脆, 內層卻欠缺軟綿, 值得讚的是蛋香比其他店香濃, 但整體質素和購買體驗卻是水準以下, 沒有回頭的機會。今次真係連「周杰倫」都幫唔到佢 

今日經開北角,原本想試下隔來個間高湯麫的,點知間野壞爐....唯有食下旁邊d鋪頭.見呢間雞蛋仔鋪唔係好貴$13, 買來試下啦.點知食落有好濃厚雞蛋味&脆口, 自從係牛頭角下邨&紅磡食過之後都未食到其他咁香雞蛋味的雞蛋仔.好食的細鋪真係要支持下.