聰嫂私房甜品 (Moved) New Location

榴槤水晶珠($30)榴槤肉好似加入冰塊打碎再雪硬,有沙冰的口感。加上少許新鮮榴槤肉同水晶珠,成個口都充滿榴槤味,非常好味。杏汁芒果豆腐花($24)豆腐花都好滑,不過豆味不強烈。杏汁比較淡味,芒果就好甜,味道都不錯。

好彩唔係坐門口, 唔係熱到癲都似d位其實都窄, 但呢間舖冇卡位, 所以好似冇咁迫今次叫左椰果龍眼冰($26)同榴槤水晶珠($30)野食都好快到椰果龍眼冰好好味呀, 啖啖都有龍眼肉有人自稱唔食龍眼, 結果食左我半碗榴槤水晶珠唔駛講啦, 超正啦, d榴槤仲甜過大坑果間下面既榴槤沙冰食起黎好似食雪糕咁, 冇得頂!另外仲食過紅豆茸涼粉($22)都好好味, 紅豆沙冰好似紅豆樂雪條冇諗過咁既組合原來都幾夾

聰嫂是我好愛的糖水舖之一, 分店開到cwb, 水準都保持得不錯, 難怪任何時段都有人龍, 尤其宵夜時間, 人多得嚇呆我, 坐得好迫.... 但店面乾淨, staff手腳快, 還好吧~龍眼椰果冰消暑妙品, 外面用龍眼多作糕點, 聰嫂用來作糖水, 加上椰汁, 香味獨特, 只嫌太甜了一點, 但都好正~榴槤黑糯米未上枱已飄來榴槤氣息, 足料真榴槤, 絲絲榴槤肉, 夾着煮得又軟又淋的黑糯米,兩種不同的纖維和口感併起來好享受~ (但同樣是太甜~)香芒薑汁豆腐花這個比起其他的有點不及, 香芒算鮮甜, 配上少辣的薑汁也特別, 但就是沒驚喜~蜜瓜豆腐花蜜瓜總有種不一樣的清香, 但一定要新鮮才好, 這個甜品, 蜜瓜爽脆, 豆花軟滑, 炎炎夏天吃來, 只會停唔到口~(曾在將軍澳正店試過士多啤梨豆腐花, 酸酸的也是另一種享受~)

和朋友吃完飯後到聰嫂吃甜品~宵夜時間勁多人，裡面大約30幾個位都full...出面仲有幾張桌吹唔到冷氣但都勁full~好彩算早到，但都要排成20分鐘!!!但總算值得，因為實在太好吃了!!!!真的非常非常贊~大家點不同的甜品，個人覺得" 芒果奶昔燉雙皮奶 "超正！" 龍眼椰果冰 "也超級好食!!!值得一試!!而且下次去銅鑼灣都必吃這間甜品!!!!

其實位置在time square背面的橫街仔, 個鋪係樓梯底好鬼細. 拿左張籌仲要排隊開頭唔知為乜，但其實完全係無按籌入座，所以某些人乘機打尖，安排好混亂！ 排隊位好熱企到好亂. 坐低order左好快送來，足料好味，廿幾蚊碗算相宜. 咁熱天時值唔值得係條街度排30-40分鐘隊就見仁見智啦.

雖然門口好多人,但係等左10分中到就有位..都OK既!!朋友推介 :: 龍眼棷果冰好食,好特別,而且冰中有龍眼肉,好FRESH!!朋友叫 :: 芒果奶昔燉雙皮奶都好食,但唔夠特別!!XDDDDDDD..不過略嫌座位逼,坐得唔太舒服,食完都唔想坐多陣!!

呢間野次次去親都好多人，今日再去一次碰下運氣，睇下會唔會又大排長龍。去到既時候，鋪頭入面都係滿哂人，始終都係等一陣先有位不過唔緊要啦，為左食甜品，等一陣都算值得！一坐低，就叫左個芒果椰果冰同芒果涼粉豆腐花，比起X記同許XX，聰嫂既芒果真係甜好多，而且啲芒果冰仲好甜，係夏天食咁正既冰真係一流！下次一定會再去

龍眼椰果冰 - d冰啖啖都有清甜龍眼肉，食上癮，正! 覺得好似比上次細碗咗。紅豆茸西米露 - d紅豆茸冰冰都好好味，但我鍾意龍眼椰果冰多d。本人覺得聰嫂的冰類甜品較出色，喜愛這裡的冰底以鮮果製，希望能保持水準。榴槤味飄到，閃!!

這間店在將軍澳時已很想去試,只是地點真的不太方便,又聽聞說是很長龍的,所以一直也沒有去.自從在銅鑼灣開設了分店後便和朋友來過多次,上幾次也沒有影相 今回試了龍眼椰果冰,有齊三種的味覺享受,柔軟的沙冰和帶有咬口的椰果以及新鮮的龍眼肉雪耳白果杏仁—這個是熱的,很滋潤白果又唔會有苦味,紅豆茸雪糕涼粉---這裡的紅豆茸做得很好,好有兒時吃紅豆雪條時的感覺,好香滑

女仔總是甜品一個胃，咸品一個胃，食完晚飯都唔係咁飽，好啦！去食個甜品滿足下個胃先！夏天食甜品當然要食凍啦，而聰嫂的冷凍甜品就做得非常出色。佢既招牌菜係水果豆腐花，點解咁正？因為佢用當時得令的水果打成沙冰，鋪在豆味濃郁的豆腐花上，光看顏色已經好開心，仲入口即溶，滑進喉嚨內，暑氣全消！今次8點幾來到,剛剛有位唔洗等。我同HONEY次次黎親都要食士多啤梨豆腐花($24)，因為真係極之香甜又開胃。打得幼滑的士多啤梨沙冰，酸酸地，與甜甜的豆腐花恰到好處，食完一碗都唔覺得滯。今次膽粗粗試埋蜜瓜豆腐花($22)，本來對佢都無咩期望，因為齋睇相好似淡而無味。點知一放入口，哇！！！超正！！！勁清香的鮮蜜瓜味，即刻好似去左夏威夷度假一樣呀！！！原來蜜瓜同豆腐可以咁夾架～不過大家千祈唔好將兩樣甜品撈亂食，味道會好怪之餘，因住會搞肚痛呀～仲有，聰嫂有賣榴槤製甜品，間鋪頭有好大浸榴槤味，如果你怕榴槤味就千祈唔好來喇～同埋，試過佢Ｄ熱既腐竹意米糖水，麻麻地咋腐竹似豆漿多Ｄ，好稀，意米又少，都係食返招牌菜好Ｄ＾＾

超好食...啖啖冰都食到細細粒龍眼肉!!!! 冰又夠碎...好中意!!! 個配搭非常好...好好味...o岩唒我呢D又中意薑汁同豆腐花既人...又有西米露係入面...唔錯唔錯!好多唔同既甜品可以選擇...食到一D 其他甜品店無既野...一D都唔求其...唔係換左生果就當一款甜品...有唔同既汁唔同既配合...唔會好甜...食完唔會好想飲水...非常好...不過坐位就坐得唔係好舒服...比較迫...

今晚吃過晚飯後仍然未夠飽，還想來碗甜甜的東東人在港島區，想也不用想就去找聰嫂啦在以前已經嚐過她的甜品了，令我念念不忘的是龍眼椰果冰為什麼這個冰最得我歡心呢？先說用龍眼做甜品的地方不多，而且椰果和龍眼肉切得碎碎的混在椰汁刨冰當中，透心涼指數爆燈，勁like另外一款是榴槤水晶珠果王未必人人喜歡吃，但喜歡它的朋友就一定不能錯過了。我家豬仔說抵過買榴槤吃，他說每吃一口就像吃真的榴槤一樣，價錢又不貴，比其他甜品店做的更好味，又便宜。店舖雖小，但食客們都很自律，食飽即走，好讓其他人不用站那麼久！這樣的價錢，這樣的滋味，抵吃

聽左聰嫂呢個名好耐, 終於有機會約埋朋友黎試下, 當日我地叫左三個甜品. 芒果奶昔燉雙皮奶失望之處係一點奶味都無, 直頭係一個芒果奶水甜品另一鎮點推介, 龍眼冰做到鎮點之寶的確名不虛傳, 味道一流芒果椰汁黑檽米椰汁味重, 芒果味香, 這個不錯

Tucked away behind Times Square, this modern dessert place definitly puts a twist to traditional Chinese desserts and has definitly earned its own name and faithful customers. If it hadn't been for one of my friends, I wouldn't have tried it at all. I normally opt for heavier western/american desserts rather than the refreshing light Chinese fusions, so this was for sure a GREAT FIND.Come to think about it, smooth shaved ice is definitly the Asian version of "froyo" and has its own characteris

浪漫燭光晚餐後仍然有點虛位,還說笑的去華星吃蛋溝貨,笑談中與其吃蛋不如到搵食團名單中的聰嫂,皆因咖喱醬極欣賞的黃Y文曾讚賞過聰嫂甜品由餐牌頭至尾頁都是好吃的,那就坐言起行,還要由灣仔飛的到目的地,因知道輪候需時!在酒店門前下車已見其人龍,還以為要等好久之際,原來只花2分鐘已可入座,還是場內較闊的圓桌,大家也很有食神! 場內環境不大,座位也相當親密,尤其劉華墨寶之下的一列梳化椅,看似舒適其實有點拘束。看過圖文並茂的菜單後, 兩凍兩熱的中西甜品先後上場:湯圓($14)看來很軟糯,芝麻餡也很澎湃,自己小試一口薑湯,蠻夠水準耶!的確有著很濃的薑辣香,而且還夠熱! 溫吞吞的薑湯喝來也沒意思,火燙燙的比得上剛才的薑味飲品。另一款中式芝麻合桃露($19),芝麻糊質感也夠濃厚,黑芝麻香氣也足夠,合桃露較為薄弱的香氣就沒那麼明顯,兩者也煮得夠幼滑。芒果椰果冰($24)材料似乎蠻多,除芒果冰及椰果還有不少脆脆水晶珠,芒果冰芒果味道很天然,時令芒果絕對甜美,冰冰凍是炎夏佳品,三十多度時必點!意式薑汁涼粉($22)的外觀最不妙,像一堆蟲蟲或是咖喱醬所言的蛇蛇! 長條形的涼粉不如平時坊間吃過的爽口及有涼粉草的草