赤山日本料理 (Closed) View

✨晚市任食放題 ($228*)✨自從新蒲崗開左mikiki之後假期人流都比平時多左🏃🏻不過今次就同朋友去左附近商場一間放題食晚飯😆呢度放題的選擇不太多 刺身串燒爐端燒等得半頁紙 前菜任拎 不過醬汁都太杰身 刺身中油甘魚 帶子 鮑魚片較好吃 但三文魚等幾多筋 重點有任食生蠔 不過都幾腥 有檸檬汁會好少少 熟食方面芝士年糕用烤而非炸 香濃又不油膩有驚喜😋 最深刻的是汁燒牛脷 冇筋之餘濕潤富牛香又唔太油!!其他燒海老 豆腐鍋也不錯 其他相對如一口牛很普通😞 天婦羅熱熱的不厚皮 可惜炸蟹鉗同蟹殻粉就比較厚 地方都唔會係大鋪咁企理 係轉角位仲會有少少難揾價錢係小商場算有誠意但就係市區價 當支持小店啦💨

如果你話食放題！中環，銅鑼灣，尖沙咀，旺角經已有數之不盡既放題！因為位於鬧市當中！所以點都要收多你30-40蚊用黎交租！但最近撞番個好耐無見既朋友！相約出黎聚聚舊！因為佢係新蒲崗區番工，所以發現左赤山呢間隱世小店！因為呢間放題係新蒲崗廣場入面2樓！絕對唔起眼！所以一般人唔會經過亦係人之常情！所以為左吸引更多客人！一定要抵！好味先可以彌補到地理位置不足之處！吃過赤山放題後！赤山絕對可以做到抵！好味呢2點！赤山沒有華麗既裝修！但佢地知道放題最重要係食物！所以用心放係食物上面吸引客人！我和朋友入座後！服務員經已幫我們安排刺身船，包括蠔！無錯！係有得食蠔，仲係任食！所以已經做到抵食既效果！蠔既size絕對唔細！仲大隻過某尖沙咀酒店buffet既蠔添！當然知道一定唔會係高尚貨色！但絕對唔差！仲有海水鮮味！赤山沒有好似坊間放題咁厚切刺身！所以可以留肚食其他熟食！之後我推介以下幾樣款式食物！1) 雞軟骨！唔會有油益味！配沙津醬！食下食下又一粒！幾過癮！2) 7味粉燒虎蝦，用口咬開蝦頭，蝦殼時，食到7味粉同埋蝦既鮮味！蝦肉爽口！3)?天婦羅炸物，粉漿照簿！令到成件事好好食，有南瓜，蕃薯，冬菇，海老！好

今日係奶奶既生日，奶奶一早講左話想食放題~老公一早就訂左枱啦!又近老爺奶奶度，唔使佢地兩個老人家行咁遠啦!佢地成日去新蒲崗買野都唔知呢度有間放題XD一於帶佢地去試下~!我地BOOK左6點半，6點4已經去到，門口已經好多人等緊啦!服務員安排得幾好，早左5分鐘就比我地入坐，唔似其他，BOOK左位都要等!一黎到奶奶就話先黎一ROUND刺身!LET’S START! OMG!老公BOOK位時已經同我講呢度既蠔任食既!我地就叫左4隻試下啦!我自己大肚都唔敢食咁多，食左一隻ONLY~我見正價都要$22一隻!!!隻蠔好大隻呀!蠔同蠔殼可以完整地分開，師傅都開得好好，我輕宜吸一吸已經入左我個口，有彈性﹑爽滑!回味無窮呀!雖然隻蠔食唔到海水味，但係咁樣仲可以感受蠔既鮮味!而且成隻蠔充滿住成個蠔殼，又飽滿又肥美，食落去先咸後甜!我老爺奶奶佢地都要ENCORE呀!刺身我最鍾意北海道帶子，片片都又肥又厚，肉質緊實又香甜，入口即融化。帶子既SIZE都岩岩好，大過一個$5硬幣，係一口帶子!因為帶子好鮮甜，所以我覺得佢配上壽司豉油+WASABI就完全PREFECT!鮮味十足!我都放肆食左5片呀!身為牛舌既FANS點

沒想到新蒲崗可以有放題吃，$228一位，仲要生蠔任食，一試無妨。點菜紙中有刺身、壽司、燒物、炸物選擇。飲品甜品是自助的。拿完飲品，驚喜來了，好正既刺身！最推介三文魚腩，肥美厚肉，蝦及帶子都非常新鮮。蠔則只是平平而已。叫了一大堆食物。粟米、菜鍋、牛舌、羊架、可樂骨、芝士年糕，是一般放題的水準。我特別喜歡羊架。重點是，一般放題只有客不段點菜，而點的東西永遠不會來齊，這裡"叫幾多來幾多"蒜香一口牛太鹹，肉質亦太硬。

之前上網見到呢度既放題有生蠔任食, 今日咁岩去開呢邊就黎試下, 新蒲崗廣場係個街坊商場, 無咩食肆, 估唔到呢度都有間放題店~野食選擇其實唔多, 不過基本野全部有齊, 最搶眼既一定係生蠔任食~餐廳有自助吧有得拎飲品,小食同甜品, Vi就拎左芝麻八爪魚同螺肉, 八爪魚好大隻爽口幾好食, 但螺肉個汁就太杰, 不過都係爽口既~落完order野食好快就黎, 刺身好厚切, 由其係三文魚有腩位, 食落都爽口, 不過食到有d雪味, 而生蠔係美國生蠔, 好大隻厚肉, 食落有d腥, 不過有得任食當然唔可以同酒店級比較la, Vi腸胃唔好, 所以食左一隻淺嘗only~而壽司叫左鰻魚, 火灸三文魚同甜蝦, 火灸三文魚比較好食, 但飯太大件所以食幾件就開始飽, 同埋壽司米唔夠令, 食落有點太林~之後就到熱食了, 熱食做得唔錯, 特別係天婦羅做得好好食, 食左茄子, 南瓜同蕃薯天婦羅, 蕃薯最正, 好粉好厚身, Vi食左4塊!呢度既芝士年糕同其他放題唔同, 係烤既而唔係炸, 食落無咁油膩同無咁滯~ 另外仲叫左燒三文魚頭, 都係其他放題比較少見既~其他熱食試左烤粟米, 羊架, 雞軟骨, 可樂骨, 釀蟹蓋同蟹鉗,

早一段時間新假期介紹了新蒲崗赤山日本料理有蠔的放題，朋友就心思思想去食，對蠔沒有愛的我只好捨命陪君子，陪她來到新蒲崗這個遙遠的地方。先來了刺身拼盤，蠔我不吃，不知道是如何的，刺身款式都不少，但質素只能說一般，只有甜蝦水準比較穩定，帶子第一回都不錯，安可叫第二回就下降了，其他的刺身真的一般而已。泡菜肥牛煲 (好似是)這個是偏辣的，我們沒想過它是這麼辣的，朋友之中只有我可以吃辣一點，我吃完也頂不到它的味道，最後放棄了...　整體來說熟食比較出色、而且比較大份的，但刺身的質素只屬一般，而甜品、飲料、前菜都需要自己出去拿的，款式也不算很多的，甜品就糖水跟冰淇淋，飲料放在開放式雪櫃，略為不夠冰。如果是為了吃刺身而來就會好似 Rain 略感失感的，假如你是為了生蠔而來或許會好一點的。

晌新蒲崗曾經流過好多汗水，因為，有好幾年都晌區嘅製衣廠做暑期工，賺番少少書簿費。仲記得嗰時已經好興帶飯，不過，微波爐仍未普及，熱番啲飯喺用蒸櫃，個個嘅飯盒喺不銹鋼做嗰一款。相信今時今日，都無乜人再有用。今晚與朋友過到嚟食飯，感覺喺周遭好陌生，就連餐廳都差啲搵唔到，新蒲崗有種天涯咫尺之感，距離雖近，但又似喺遠在天邊一樣！「赤山」主打日式放題，屬街坊放題小店，因為地方唔大，而且，瑟縮晌商場之內嘅幾個鋪位，但意外地都有幾多街坊幫襯。講得喺放題，唔使多介紹，成人$218（+10%）任食兩個鐘（星期五、六、日、公眾假期及前夕收$228 + 10%），小童咩時候都收$148（+10%）。最大賣點，就喺有任食生蠔 ，亦喺到訪嘅主因。之前去過啲有蠔食嘅餐廳，散叫確喺唔便宜，雖然自肋餐都有蠔食，同樣，喺高消費場所，依家二百蚊鬆啲，就可以任食，覺得都搏得過 。未講啲食物前，先講吓有咩食，以類別嚟講有天婦羅、一品料理、日式炸物、爐端燒、壽司、刺身、3款新推介，另外有幾款額外付款項目，如海膽、牡丹蝦，就自不然唔會點，反正朋友話依啲都唔喺非食不可嘅嘢。此外，門口旁及入門口位，放有飲品、冷盤小食及甜品，自取任

人生總是起起跌跌，隨緣是福，跟老朋友來到赤山日本料理吃放題，也是隨緣所致。餐廳環境有點兒屋村格局，但沒有多大擔心。 美國生蠔及刺身，朋友吃得津津有味，我則只吃了一點點鮑片、螺肉，因為是沒有那麼生的感覺。羊鞍是這晚最好吃的東西，羊肉燒得軟腍，有少許羊羶這才是風味啊。燒虎蝦可以說是不過不失，雖然，燒好後灑下七味粉，但味道不見突出，蝦肉亦不爽口呢。粟米燒得有少少乾，但味道還是清甜的。天婦羅是大家最喜愛的食物，吃完了一轉再加單，因為，外層薄而脆，不論海老，還是野菜，都很味美。鐵板芝士焗海鮮送來之時是熱氣騰騰，熱力逼人，帶子、蟹柳、蜆肉……等等浸在芝士汁底中，唯可惜汁底比較稀，突出不了芝士的特性。這裡的甜品毫不吸引，涼粉、綠豆沙、啫喱……等等，實在提不起勁，只是彼此草草吃一杯雀巢雪糕杯了事！因為不太吃魚生及生蠔的我，少了一些選擇，其他類別的食物款式加起還是可以。服務員上菜、收碟勤快，值得一讚。吃是生活其中一個過程，跟老友一聚才是重點，只因一切隨緣！

一直以為新蒲崗既隔涉又只有工廠，最近認識一位新同事家住新蒲崗，這天便帶我去新蒲崗食放題了！赤山日本料理佔了兩間鋪面，包場開放題party也可以！雖然店面不算太大但乾淨企理，座位闊落也坐得舒適！食品選擇種類不少，有壽司刺身、天婦羅、爐端燒、炸物、一品料理等，重頭戲當然是任吃的生蠔啦！還不滿足的話也可以加錢點牡丹蝦和馬糞海膽一板！最先上桌的生蠔刺身船擺盤漂亮，讓人更有食欲。巨型生蠔新鮮帶光澤，蠔身飽滿，蠔味鮮甜，還帶點海水咸鮮味，任食也能有如此質素實在划算。各式刺身都是厚切上場，三文魚肥美，帶子嫩滑鮮甜，單吃生蠔刺身已回本。可能閒日客人不算多，點好的食物很快的全部送上，建議先點刺身吃完再點其他熱食。我最愛的燒牛舌，軟身仍帶肉汁沒有燒得過火，添了醬汁提味但並沒有掩蓋牛舌自身的肉香，推介！以秘製醬汁泡製的可樂骨，原來是豬軟骨！雖然軟骨略嫌不夠軟身，但勝在仍附有不少肉，甚有咬口。吃放題當然要點天婦羅吧？剛炸好的天婦羅還冒著煙，外層炸漿透薄得透出裡層食材的顏色，入口鬆脆。特別喜歡天婦羅冬菇，炸過後仍然軟身，趁熱吃又香又Juicy！爐端燒系列也毫不遜色，燒大蝦香氣撲鼻、燒雞翼外脆內嫩、芝士年糕軟心煙

住在新蒲崗的朋友，說有間抵食的日式放題，想一起去試。因為規模實在太少了，所以自助飲品、自助甜品和自助沙律吧選擇也非常少。甜品中幸好還有雀巢雪糕，叫做有點保障。刺身的選擇也不算少，但品質只是一般，還可以接受。當中以甜蝦及帶子較為出色，可以 Encore。意想不到的是，這裏的揚物和燒物，質素竟然比刺身、沙律等等還要出色呢！由此推測，如果在這店吃一般的熟食定食，相信是有品質保證的。有機會再光顧的話，我會選擇午間來吃定食。

新蒲崗得呢間日本放題，本來唔想去，因為覺得獨市生意，未必咁有heart做，但因為夜了，所以就一試。。。。平時行過門口感覺黑沉沉，點知原來夜晚都好多人幫襯，仲要係平日，勁！講返食物先，基本食刺身先，三文魚都厚，其它鮑片，北寄貝，甜蝦，都好味，係無吞拿魚，食左2rounds，keep到咁好。就算點不同款式壽司，都算鮮甜。其實現場主要賣點，係食生壕，我都食左二，三隻，但又唔識分靚唔靚，應該新鮮啦，大家試下囉，sor。。跟手食左不同款式炸物，天婦羅，雞軟⻣，又食羊鞍，牛仔肉等，樣樣都唔會太差，老婆仲叫左個好似煲仔食，佢話ok wor，我就無食了，太飽。。。雖然叫做獨市生意，但大部分美食，都係不錯，好味道，食得開心。。

喺我同大少煩惱緊食咩嘅時候，突然間野生捕獲舊同事，問佢地去邊，佢地話去新蒲崗食放題，問我地一唔一齊，咁放題都好嘅，反正咩都有，又可以狂食刺身，簡直係完美~其實我一向都好少去新蒲崗，因為有時都覺得佢幾唔方便，我樂富行過去又遠，收工喺觀塘去，搭巴士又會塞車，搭地鐵又要由黃大仙行過去，所以我好少去~~今次朋友帶我地嚟呢間放題，喺一個細商場入面，其實唔兜過去，真係唔覺眼~~價錢都係同旺角嗰啲差唔多價位~入口處就會有個凍櫃，凍櫃有飲品、甜品、前菜俾客人拎嚟食食物選擇唔係太多，但係勝在好多都好啱我胃口，尤其刺身~~去食日式放題，有幾何有新鮮生蠔食﹖ 有都唔係連殼，其實我好少食生蠔，但係有嘅話……冇理由唔食者~都算新鮮(因為我呢個玻璃肚第二日咩事都冇)，雖然海水味唔係好重，但係都算Creamy，絕對冇腥味我地叫三文魚……但係唔知點解會俾左三文魚腩我，爽呀~~平時去食放題，好少有供應三文魚腩，有嘅都係同三文魚分開帶子又大大粒，唔會同旺角嗰啲咁，一大粒開8份1咁俾你食，只係食誠意都已經飽晒、抵晒，同埋有我最愛嘅甜蝦，唔係最大隻，但係都唔細呀，好好味，超鮮甜……蒜香一口牛柳粒 - 呢個係我同大少食過咁多間

住宅地區的日本放題!! 係呢頭生活左咁耐都好似唔係好覺...朋友介紹到, 就去試下佢咩料啦!!刺身叫左甜蝦, 三文魚, 帶子, 油甘魚! 算新鮮唔太差的~帶子唔孤寒, 唔係細粒肉, 唔錯的~三文魚都肥美, 口感不錯~牛柳粒, 我諗係間間放題都有, 所以今次都唔例外要試下~煎得幾香口, 口感唔會"un", 都係果句, 放題黎講算唔錯!天婦羅, 叫幾多出幾多. 炸得唔差, 上碟時係熱辣辣的. 味道就一定好食咖啦, 天婦羅好難唔好食!仲叫左其他炸物試下! 有炸雞軟骨, 炸蟹鉗. 呢到配有日式餐廳最正的沙律醬而非cheap cheap 沙律醬, 加分!!燒羊架, 愛吃羊的我覺得幾好食! 香口, 一咬落去有肉汁飛出來的.

朋友最近推介一間有蠔食的日本放題，雖然地點有點遠，不過都成功約到在新蒲崗返工的朋友齊齊食！星期六8點半去到，因為之前有打電話預約，所以等5分鐘就可以入座。價錢和坊間放題店差不多，但就勝在有新鮮生蠔食。飲品和甜品都是自助。前菜類不錯，推薦八爪魚，入口不會很難咬，而且醬汁份量剛好。刺身先上，生蠔鮮甜之中帶有甘甜，之後忍不住再落4次單！三文魚、甜蝦、帶子非常鮮味，肉質厚實又新鮮，同行朋友都大讚！天婦羅炸得極好，外皮又脆又香，只可惜蔬菜不太夠味，只能靠天婦羅汁提味。雞軟骨和三文魚骨，兩者都炸得太乾身，幸好三文魚頭不錯，魚油味非常濃郁，入口即化如Jelly。一般的炸物，每樣點一件但上兩件，食完要喝茶消濟。可樂骨，應該在其他放題店少見，入口甜甜地，煮得入味又軟綿，朋友非常喜歡。牛肉粒，新鮮熱辣辣上桌，肉質比想像中軟，而且味道濃厚，是值得一點的小菜。芝士西蘭花，略嫌味道不夠濃郁，如果加多少少芝士會更好。雪梨糖水夠滋潤，不會太甜，難得在放題店可以無限飲。一般雪糕。

上2星期跟朋友慶祝生日，朋友最喜歡吃日式放題了，我們就揀了在新蒲崗的赤山，看中這一間的原因，其實是為了吃他的生蠔！！！ 我們是慕名而去的 ....當日我們7:30去到，不算太多人一坐下，先自己去小食櫃拿了3小杯小吃 ： 1. 日式沙津 (一般，日式芝麻醬吃了很開胃) 2. 日式八爪魚 (好吃 .. 很大隻) 3. 日式螺肉 (普通) 之後已經急不及待點起刺身、生蠔 刺身有9款，很新鮮 ，沒有雪味，我最喜歡三文魚腩，很香 ；鮮帶子，很甜 ；榮螺，有咬口 ；油甘魚，味鮮 ‧‧‧等等。 而生蠔，很大一隻，而且肉質很鮮美，味濃，跟在酒店吃細細小小的，口感有很大分別，這種我覺得吃了很有滿足感，很過穩 ！ 生蠔我一個人吃了7隻，吃多了，也有點滯肚，但真的！絕對要吃！ 另外點了幾件壽司，因為朋友要有點飯氣，我覺得味道一般 。 而赤山的燒物，非常好吃 ，真的是即叫即燒，上台即吃還會燙到咀巴！ 青魚 (要一試) 燒得剛好，皮有一點點焦了，但肉質不錯，加上檸檬汁，很清~串燒蝦 (普通，如果是虎蝦會比較好) 雞腎 (要一試，不會有咬不動的慘況，味道不錯) 雞翼 (要一試，很燙口，小雞翼，我自細鍾意食)