4口

Open Now

Now Closed

平時小編都有食唔同種類既菜系，但係閩菜即係福建菜就真係第一次試，感覺幾特別，難得喺ifc會見到呢類鋪頭～ 開頭比個鋪名吸引左，原來4口既意思係想滿足食客既4個方面既需要，包括身體、情感、心裡同心靈，幾用心～ 而裝修行簡約既日式木系🪵風格同埋溫柔既大地色調，令人覺得幾放鬆同舒服😌 野食方面都幾特別，味道唔錯～(5 😍 係滿分，🤩係半分）鮑魚紅燒肉 🐷 - $228 (好味指數：😍😍😍😍🤩)鮑魚炆到幾惹味同入味，味道甜甜地咁，口感幾彈牙唔會韌，而啲紅燒肉🐷係用左五花肉，一層肥一層瘦咁交替，食落有甘香既油香，肉就入口即化，一樣咁入味，表皮就夠晒collagen～ 仲有酸酸甜甜既菠蘿🍍同新鮮既無花果，幾消濟開胃，亦可以解左紅燒肉既肥膩～野生紅菇海鮮麵 🍄🍜 - $138 (好味指數：😍😍😍🤩)因為用左紅菇🍄，所以有淡淡既粉紅色幾靚🤩 紅菇🍄生長喺溫度同濕度比較高既環境，喺福建沿海地區比較多見，對身體有好多好處，有淡淡既芳香同埋幾爽口～ 另外仲有好多料，包括蝦🦐、蟶子、蜆🦪、豬肉🐷、小棠菜🥬、娃娃菜🥬、豆卜，海鮮🦐🦪鮮味彈牙，有豬肉🐷令到個麵🍜香口啲，菜就煮到幾腍甜，連下面既麵線🍜煮到軟腍，都索

聖誕將至, 同朋友放工去中環shopping買聖誕禮物, 順道搵咗間餐廳食埋dinner。記得好耐之前食過IFC呢間4口福建菜, 對比某集團式嘅福建菜還好食得多, 今晚就帶友人去試試。餐廳內為開放式廚房, 加上Café般裝修設計、配襯柔和燈光, 有別於一般中菜廳。太耐冇幫襯, 原來都已經換上了新menu, 款式比之前多, 而且仲推出了冬季限定, 主打海蠣菜品同埋羊肉湯, 正好率先品嚐!【臘味雞肉捲】HK$48冷盤小食, 雞肉捲有如燻蹄般嫩滑口感, 卷住了臘腸, 而臘腸口感亦不是坊間傳統有口感硬果種, 反而呢款臘腸口感近乎雞肉捲般口感林度, 甜甜地, 口感好match。配上鹹甜醬汁, 不錯。【鐵板海蠣豆腐】HK$118鐵板不是熱得滋滋聲上檯, 只是起了稍為保溫作用; 豆腐超滑, 入口即化, 海蠣細細粒, 平均撈咗個鹹鹹地嘅茨汁, 整體入口食到海蠣嘅鮮香。【蘿蔔紅棗枸杞羊肉湯】HK$218羊肉湯味道清甜, 飲落好舒服。羊肉好林, 沒有濃烈嘅羊羶味, 易入口; 蘿蔔爽脆清甜, 食完個胃暖笠笠。【金針菇拌頭水紫菜】HK$38紫菜口感好爽, 不過似乎冇刻意調味, 只食到濃郁紫菜香, 算是簡單清新

同素食朋友外出食飯, 揀餐廳都要花點心思。早排經過IFC發現咗一間福健菜餐廳, menu上有素食選擇, 趁我倆休假, 一於今晚去試試。雖然係福健菜, 但餐廳環境裝修擺位都有如西餐廳一樣,我地點咗幾款小食同埋各人一個主食試試。【豬蹄水晶凍】HK$32水晶凍有如jelly般口感, 但就咁食係冇咩味, 要沾少少微辣調味醬食先有返d味。 【醬油水燜蟶子乾】HK$48 蟶子都keep到鮮甜肉汁, 暖暖地, 不過有幾隻有少少沙。【麻醬水蓮苗】HK$48將冷盤水蓮苗札起再分成一小段, 加入麻醬, 一啖一件, 口感爽脆, 感覺清新。【野生紅菇海鮮麵】HK$138  湯底清甜而且杰得黎好滑, 麵質林滑, 稍為索咗湯汁, 啖啖鮮味, 野生紅菇扁平林身, 而海鮮就有細細粒迷你帶子、兩隻蟶子仔、蜆肉同埋鮮甜爽口嘅兩隻海蝦; 再伴有索湯嘅蔬菜、豆卜、幾小片嘅煎豬肉, 豐富配搭又夠鮮。食完之後都唔覺口喝, 可見不是味精湯, 正!【雜菇素菜手工麵】HK$88 湯底同麵質好滑, 湯底中仲有新鮮炸起嘅紫菜, 有如紫菜湯一樣。又加入咗炸花生, 提升了層次。另有蛋絲、煎蛋、四季豆、香菇, 配搭同樣豐富。【酥炸冰心榴槤 (馬

一行3人到4口慶祝食生日飯，因為這間餐廳是IFC新開張的餐廳，所以來試試。餐廳地點很容易便找到，由於是新開張的餐廳，在IFC隨處可見餐廳的海報。餐廳不接受預訂座位，只可walk-in，我們大約6:30pm便到達餐廳，只有一枱客人正在用膳。餐廳有開放式廚房。餐牌比較別致，但款式很少👇🏻我們都選了黑蒜粒燉番鴨湯..全個晚餐最特別的只有這個湯喔...因為外面餐廳比較少這種湯喝。濃濃的味道😋這個餐前小食很精緻，碟靚，影相打卡一流，食物粉量很少，味道還可以吧。朋友點的野生紅菇海鮮麵🥣朋友話完全無特別😅我點的雜菇素菜手工麵...真係非常平平無奇..然後我回到家時（大約晚上10時）已經感到肚餓...朋友點的高湯燜炒純米粉...也是沒有很特別..最後承惠HK$550...又貴又不飽😅試一次便足夠。