OVO CAFE

Open Now

Now Closed

Hehe小妹今個月生日, 出街慶祝都食咗好多肉, 豬腩肉都多咗唔少喇 為咗等自己心理上好過啲, 就諗起呢間素食餐廳OVO周圍都係綠色植物, 環境好舒服, 之前都黎過食烤茄子同蕃茄意粉菜式唔算多, 但為食素嘅話, 又唔需要太多花巧嘢 三色蓉配牛油粟米$48粟米好甜, 淡淡嘅牛油味, 好食三色蓉分別係番薯, 紫心番薯同馬鈴薯感覺普通番薯最好食, 紫心雖然夠甜, 不過燶左小小薯仔素食黎講又飽又有營養, 都幾抵食大蘑菇意大利飯 $88蘑菇好香好好食, 夠濕得黎又有爽口, 連我都食咗小小(平時好坑拒菇類, 今次食過先知呢種菇咁香 )啲飯好有奶香, 不過食落好淡味, 配埋佢啲海鹽就啱晒! 一粒粒嗰口感好正, 唔會好硬All day green breakfast$88傳統英式早餐, 啲蛋都炒得幾滑, 不過容易變凍, 記得趁熱食中間嘅蕃茄上面有炸麵包碎, 食落口感好特別兩塊多士硬左小小Daily Soup (椰菜) $32嗰湯每個星期轉一次, 今個星期就係用椰菜第一啖飲落去仲以為係青蘿白! 個味未必人人都啱, 同埋都磨得算滑

男朋友知道我之前大魚大肉好想食返清D，同埋我鍾意係靜靜地既餐廳食野，所以今日lunch就搵左呢間cafe試試。係openrice見到人地都話要排隊，所以都帶左袋小食頂下肚先：）去到既時候前面都有六七檯等緊，不過排隊既地方望到餐廳同埋有冷氣涼，所以都唔辛苦。初初想食all day breakfast,但想試兩個main dish,無揀錯 烤菜配番茄忌廉汁長通粉首先賣相唔錯，烤菜唔會烤過龍，清清地幾好味～番茄忌廉汁真係好好味，唔似某D舖頭既番茄汁偏酸。食得出既新鮮。大蘑菇意大利飯烤大蘑菇好正～番茄仔烤熟左仲香甜同juicy。我比較少食意大利飯，因為通常都好濃味。但呢碟偏淡，意大利飯硬身得黎適中，側邊仲伴有海鹽等人按自己喜好添加。我食清，男朋友重口味，可以自己調教就岩我地啦：）嗌左個三色蓉配牛油粟米，有薯蓉，番薯蓉同南瓜蓉。三種我都鍾意既，所以我覺得好正！其實呢兜都幾飽，如果細食既人唔好兩個main加呢個哈哈哈！飲品嗌左flat white,男朋友嗌左iced mochaflat white唔錯，但我覺得杯mocha朱古力味太重，不過都好飲既～下次想舒舒服服食野我都會再幫襯呢到