shermanharesora的個人專頁

星期六約咗朋友食飯，我哋食咗 新開張嘅 NIKUSA 肉佐 嘅放題，我哋簡左Level 5 嘅藏王和牛🐮極上刺身🐟極上壽司🍣海鮮放題😋由於我哋四個人，餐廳送咗原隻龍蝦刺身俾我哋，呢個優惠係新張限定😊👉藏王和牛🐮和牛雪花分布細緻均勻，我哋簡咗壽喜燒湯底黎提升牛肉嘅鮮味，入口即溶好想食多嘅😋👉龍蝦刺身🦞我本身未有食過龍蝦刺身，見係餐廳送埋，抱住好奇嘅心試左幾塊，發覺肉質彈口又鮮甜，實在有驚喜🤩👉極上壽司🍣餐廳仲跟埋壽司拼盤，有拖羅、赤身、油甘魚 及 炙燒和牛等等，刺身魚片多數都保持到鮮甜冇筋，我覺得質素拍得住壽司專門店👍🏻✨餐廳亦有自助區🤩提供各種火鍋配料、關東煮、咖喱飯、麵類等等，當然仲有我鐘意嘅響鈴啦🤣我哋食到最後都一齊食返杯黎自韓國嘅百味堂軟雪糕為呢餐畫上完美句號😎…查看更多

今日同朋友去咗灣仔一間台式餐廳✨1963木十豆寸✨食lunch 😋我叫左一個set lunch茶燻雞佐烏龍茶漬飯😽配桂圓枸杞紅棗茶✨✨茶燻雞佐烏龍茶漬飯✨👉餐廳已經先將烏龍茶淋上飯並加上少量紫菜絲及蔥，而且飯就用左珍珠米，飯完全吸收左烏龍茶，每一啖都有濃濃嘅茶香。雞件則分碟上，表皮較硬唔脆口且肉質較韌，由於雞件經燻制處理，有獨特嘅茶燻嘅味道，呢種味道好少係其他餐廳食到，所以感覺新奇👍🏻🤩桂圓枸杞紅棗茶✨👉呢款飲品係屬於餐廳嘅養生系列，以一壺嘅形式上台，茶上台時茶已經很濃，顯示餐廳有預先焗過，另外，茶內放適量嘅龍眼、桂圓、紅棗及枸杞👍🏻呢壺茶還有值得一讚嘅地方係當我食左味道比較種嘅雞同飯，再飲一啖茶，我仍飲到有茶應該有嘅味道，呢壺焗得好夠喉同用料好足，飲完身體都暖啲☺️…查看更多

新年一月一日果日約咗好朋友出黎，食吓野同行吓街☺️朋友Book咗呢間位置太子嘅日式Cafe✨楓子咖啡✨我哋叫咗🍼煉奶草莓戚風蛋糕🍰同埋😃開心果忌廉戚風蛋糕🧁share黎食😋而飲品就簡咗Matcha latte 同埋Rose latte✨🍼煉奶草莓戚風蛋糕🍰👉呢件蛋糕係期間限定item🤩餐廳特別選用咗煉奶去配合戚風蛋糕，係比較少見嘅組合，意外地覺得煉奶原來可以同蛋糕好夾，煉奶只存在係蛋糕表面，蛋糕夾心內有忌廉及草莓片🍓煉奶嘅甜味同草莓嘅酸味好夾，蛋糕亦都好柔軟，而忌廉分量適中，唔會膩口👍🏻😃開心果忌廉戚風蛋糕🧁👉整件蛋糕嘅醬，蛋糕及忌廉都以開心果口味為主😆蛋糕表面塗上嘅開心果醬味道非常突出，有濃濃嘅開心果味，有點驚喜，蛋糕都係好柔軟再配埋開心果味忌廉，對比上年買俾屋企人嘅開心果生日蛋糕，呢個期間限定蛋糕好高質☺️如果餐廳將呢款蛋糕變成恆常食物就好了👍🏻…查看更多

上星期六同朋友去咗鰂魚涌拎門票，知道笑波子最近介紹果間意式餐廳係太古城入面，所以順便行入去試吓☺️呢間餐廳叫✨Penna✨我哋簡咗Lunch set入面包咗前菜，主菜及飲品，我地另外加咗18蚊要埋甜品🍮前菜我哋都簡咗巴馬火腿伴蜜瓜🍈，而主菜就簡咗炭燒豬鞍配牛肝菌汁🐷而是日甜品就係荔枝芝士蛋糕🍰👉巴馬火腿伴蜜瓜🍈係味道豐富嘅開胃前菜，巴馬火腿味道濃但唔會好鹹，而且切得好薄質地又嫩，所以非常易入口，而非常足料有大約5-6塊火腿，巴馬火腿下面放咗幾塊蜜瓜🍈蜜瓜非常甜又爽口，適合食完濃味火腿之後食幾塊蜜瓜refresh一下味蕾😆👉炭燒豬鞍配牛肝菌汁🐷豬鞍以炭燒處理，表皮有燒得好靚，用刀切開果吓會覺得表皮硬，但再切入啲就會知道佢係外脆內軟，非常容易切開👍🏻肉質非常嫩而且保留到肉汁，沾上牛肝菌汁後，豬鞍非常惹味，個人覺得可以唔需要沾上牛肝菌汁，直接食可以品嘗到炭燒豬鞍真正嘅味道，味道非常似平時食開嘅乳豬味，但唔會好膩亦唔會有豬騷味😋👉荔枝芝士蛋糕🍰餐廳將蛋糕放平上枱，一上枱就會見到蛋糕橫切面，非常特別☺️蛋糕上面有一層薄薄荔枝味jelly，中間最大面積係芝士蛋糕面最底層係朱古力蛋糕，三層一齊食會覺得酸酸甜甜，感覺清新☺️岩哂食完主菜有少少飽但都想食返件清新口味嘅甜品👍🏻🍮…查看更多

今日約咗朋友一齊去食主打雞湯米線嘅✨農米莊😎我哋都叫咗🐥椰子雞湯米線🍜👉椰子雞湯米線🐥以椰子做湯底，上台時已經聞到濃濃嘅椰子味🥥，餐廳更加上少許椰絲，將椰絲同湯底混合後，椰子味更濃👍🏻而雞肉吸收咗椰子湯底後，味道鮮甜，質地有咬口，雞肉數量亦都好多☺️餐廳亦都好有誠意，個米線唔止跟有椰子湯底同雞，更付上咗冬菇，腐竹，豆卜及生菜等等✨非常豐富😆另外，米線質地爽口唔腍👍🏻非常加分，總括來說，呢碗米線CP值高！價錢相宜😆…查看更多

星期六同朋友去咗元朗一間嘅餐廳✨Little hide cafe✨食lunch😋呢間餐廳有玻璃天幕，客人可以淋浴係天然光線之下，好chill咁享受美食☺️我哋叫咗一份All day breakfast (Full)☀️、心太軟、抹茶Latte同埋👉All day breakfast (full)有明治牛乳炒蛋、香腸、煙肉、蕃茄、蘑菇、希臘乳酪、酸種麵包及沙律等等，以上食物都非常新鮮，特別一提係個牛乳炒蛋，質地非常綿而且加咗少少黑松露係上面，混合一齊食非常惹味😋👉心太軟整件心太軟都係朱古力口味，蛋糕鬆軟切開之後更有流心朱古力，相當邪惡😆鐘意食朱古力嘅朋友，一定大飽口福☺️👉抹茶Latte（熱）抹茶同牛奶比例相約，熱度適中，個人覺得可以叫少糖，以免蓋過牛奶同抹茶嘅味道🤫👉Rose Latte（凍）咖啡有淡淡嘅玫瑰味道，口味好清新，唔會太甜，好快就飲完一杯🥃下次又再encore …查看更多

今日同朋友去咗一間叫✨ode🔻鯛白湯らーめん✨拉麵店食Lunch😋我哋同樣吖咗餐廳嘅主打麵🐠鯛白湯✨我哋被分配到獨立兩人位置，未有睇到拉麵嘅實物，當拉麵上枱就有眼前一亮嘅感覺，因為呢碗拉麵實物靚過上鏡好多，擺盤好靚好有心思🤩🤩🤩👉鯛白湯拉麵🐠拉麵嘅湯底，以鯛魚同貝類熬煮，上到枱就聞到陣陣嘅魚湯味，好似媽媽有時煮嘅魚湯嘅味，湯底更經過打泡，令湯更濃郁，拉麵使用咗鯛魚碎、荀及叉燒等做toppings，當中鯛魚經過煎煮處理，香口又充滿鮮味，拉麵亦加上少許辣粉，混合拉麵及toppings一齊非常惹味，餐廳亦係碗邊塗上柚子醬，當拉麵食到膩口果陣可以加啲柚子醬refresh一下，加入後我覺得為拉麵帶黎另一個味道，清新又鮮味，食得好滿足😌👉日式炸雞🐥小食我地簡咗日式炸雞，因為係餐牌度留意到呢款炸雞係受✨日本唐揚協會認可，質素應該有保證😆炸雞皮脆而多肉汁，沾上咖哩粉，味道更惹味😋👉櫻木煙燻糖芯蛋我哋亦都簡咗糖芯蛋，雞蛋以櫻木煙燻烹調，所以雞蛋帶到陣陣煙熏味，口味新鮮😋 …查看更多

星期六打完針之後，同朋友一齊去咗尖沙咀食一間叫✨CURATOR Art & Cafe 💫食lunch☺️ 我哋叫咗卡邦尼培根意粉🍝&夢幻早餐🍳，而飲品我簡咗檸檬草姜茶🫚朋友就簡藝術打印咖啡☕️👉卡邦尼培根意粉🍝呢碟意粉偏向清新風味，麵條並無依賴卡邦尼醬，反面麵條無沾上大量醬汁，使用數粒蒜頭及少許辣椒條，提升意粉味道嘅層次，有卡邦尼風味但唔會同膩口，餐廳採用長通粉，醬汁只由麵條坑紋沾上，麵條有咬口，但我覺得再煮耐少少就更適合我🤫夢幻早餐🍳由蒜蓉包、滑蛋、香腸、蕃茄仔、菠蘿、煙肉、煙三文魚、士多啤梨及沙律菜組成😊食材足料新鮮😆朋友好快就清哂😎檸檬草姜茶🫚呢杯姜茶就岩哂最近身體差嘅我😆，餐廳用咗Tea Forte茶包沖出黎，擺盤精美，姜混合咗檸檬草，蓋過咗姜嘅辣味，飲完相當舒服同有暖身效果✨藝術打印咖啡☕️係餐廳主打飲品，打卡之選👍🏻可以自選相片俾餐廳print 出黎，朋友簡咗LinaBell嘅相，雖然print出黎效果一般般，但不失Bell姐嘅可愛，加分不少😄朋友簡咗咖啡做底，味道適中☺️…查看更多

今日做完運動，去咗食拉麵，簡咗一間叫金色不如帰，叫咗佢哋嘅主打✨貝汁醬油拉麵😋根據餐廳tent card介紹呢款拉麵為餐廳奪得米芝蓮一星💫榮譽😮拉麵基本附有叉燒、京蔥、青蔥、黑松露醬同埋牛肝菌油。拉麵上台時都算係熱👍🏻湯底由蜆湯、豬骨清湯、魚清湯及醬油混合而成，湯底清新唔濃，有淡淡嘅鮮味，醬油比例應該唔係太高，湯底感覺冇加太多調味料，湯咗幾淡都唔太口渴。叉燒有兩塊：低溫製叉燒同埋肥瘦分明嘅三厚肉叉燒，兩者都切得薄身容易入口，豬肉味道新鮮👍🏻食拉麵之前，我先將京蔥，青蔥同其他配料混合，之後再夾起拉麵，每淡拉麵多數都可以附有配料，味道比較有層次🤣拉麵質地，餐廳並無提供選擇拉麵硬度，以固定質地上台，質地唔會太爽身，亦唔會太軟，我覺得好適中👍🏻另外，叫咗杯紫蘇葉雙檸洛神花茶，茶水唔太紅，加入咗青檸同檸檬，洛神花茶混合咗檸汁之後，口味清新唔會太甜，好適合食完拉麵清吓口腔嘅油膩✨🤔Google了一下，金色不如帰 係解一種罕見嘅烏類名：黃金布穀鳥 🦜…查看更多

星期六同朋友去咗🍁紅葉茶屋🍁食Lunch😋餐廳很好的安排我哋坐和室區可以對住荃灣西海旁海景享用午餐👍🏻我哋叫咗🐮牛肉壽喜燒定食，火炙・🐟三文魚・鰻魚茶漬飯🫖🐮牛肉壽喜燒定食關東風定食以壽喜燒汁預先烹調牛肉及其他配菜，所以上枱時牛肉已經係熟嘅狀態，附上溫泉蛋，將牛肉沾上蛋汁配白飯，緩和壽喜燒醬汁較鹹甜的味道，令牛肉充滿著蛋香味，味道更豐富😋牛肉質地唔韌，比較薄身，食完唔覺得油膩😋火炙・🐟三文魚・鰻魚茶漬飯🫖三文魚經火炙處理，表皮脆口，而鰻魚經炭燒並塗上醬汁處理口味較濃，魚肉都幾彈口，餐廳有提供介紹如何食用茶漬飯，佢哋建議用匙羹放上少許魚肉加上飯及少許山葵，然後淋上適量茶，令米飯吸收茶湯汁的精華，非常鮮味又易入口，茶應該混合咗鰹魚湯底，令茶帶有鮮味✨而飲品我哋都叫咗抹茶Latte🥤，牛奶及糖一開始搶咗抹茶味，比較甜，但隨住冰漸漸融化，令杯野飲冇咁甜可以多返嘅抹茶味🍵👍🏻身處係和室區，感覺就好似置身係日本一樣，我哋想坐多一陣，所以就叫埋甜品😚我叫咗🍵抹茶蕨餅新地🍦而朋友簡咗迷你抹茶朱古力芭菲🍫🍵抹茶蕨餅新地🍦將抹茶蕨餅、抹茶雪糕、雲利拿雪糕、紅豆蓉以忌廉及燕麥做底放入一個特大新地筒，整個新地感覺好少女心，見到會好開心 ，特別想提一下個蕨餅，食落好軟身係好もふもふ仍保留到煙韌質地👍🏻迷你抹茶朱古力芭菲🍫簡咗哈密瓜雪糕，雪糕很滑，哈密瓜味好真👍🏻芭菲都一樣使用忌廉同燕麥做底，上層加上雪糕及抹茶朱古力，味道非常豐富😋 …查看更多

假日同約咗朋友行尖沙咀，簡咗一間大家都想食好耐嘅餐廳👉🏻How To Live Well😊去開餐🍽我哋叫咗煎北海道帶子·伏特加蕃茄🍅奶油長通粉 同埋 🐮慢煮美國封門柳配烤薯角及烤雜菜 一齊share食😋而飲品我哋分別叫咗 Growthring (蜜糖西柚梳打）同埋 Passion Bloom (新鮮熱情果利賓納梳打）🍹❣️煎北海道帶子·伏特加蕃茄🍅奶油長通粉，面頭灑上少許芝士粉將芝士粉混合長通粉後，整個長通粉唔單止有蕃茄味更有芝士味，蕃茄醬汁唔知係味加咗伏特加，味道並無太過酸帶點清新而且味道亦都比較有層次，平時唔鐘意食蕃茄嘅朋友應該都會接受到👍🏻長通粉質地爽口彈牙，感覺似手工意粉，帶子雖然唔算係珍寶size，煎咗之後非常香口，口感爽唔會痴牙😃🐮慢煮美國封門柳配烤薯角及烤雜菜，我哋叫咗七成煮，封門柳賣相雖然麻麻，表皮有啲黑🙈但食落肉質有咬口，唔韌傾向鬆軟，牛肉味濃👍🏻而佢嘅烤薯角同烤雜菜，亦都好有誠意，全部烤薯角都加上海台粉少許芝麻，入口非常惹味，感覺同食薯片一樣咁開心，烤雜菜亦用咗all day breakfast 經常出現嘅大片烤蕃茄，烤瓜同玉子，令呢個main course相當豐富😊🐝Growthring (蜜糖西柚梳打），梳打混合西柚汁同蜜糖，味道清新但又唔會太酸，能夠中和食咗重味食物嘅感覺✌🏻Passion Bloom (新鮮熱情果利賓納梳打），利賓納沉底飲之前必須攬均，飲品用咗新鮮熱情果，餐廳亦跟咗半隻熱情果，如有需要可以再自行添加👍🏻味道都係清新，輕微酸，岩哂食完油膩食物之後享用😄…查看更多

星期五晚上同屋企人食完晚飯，順便行吓旺角，途中經過花園街見到一間🧋手搖飲品店叫✨荳號COMMA✨有好多人排隊買，於是我哋都去飲吓😋我哋簡咗🥭芒椰小丸子、🍓草莓の奶同埋🍋翡翠檸檬愛玉😄🥭芒椰小丸子 $40芒果沙冰混合椰汁，沙冰同椰汁比例適中，芒果酸酸甜嘅味較突出，而椰香令整杯手搖飲品味道變得清新，另外，呢間手搖店將小丸子煮得好好，質地煙韌又有淡淡糯米味，小丸子用量充足，差唔多每一啖都會同時飲到小丸子👍🏻🍓草莓の奶 $38手搖店用咗🍼鮮奶混合士多啤梨醬，聽店員介紹，我哋飲之前有搖均之後飲，令奶同草莓醬好好融合👍🏻鮮奶有淡淡清新草莓味，而草莓果醬有加上大量士多啤梨果肉，非常健康又滿足✌🏻🍋翡翠檸檬愛玉 $32以新鮮檸檬汁搭配濃厚翡翠綠茶，並加上清涼爽口愛玉，味道酸甜並有濃濃茶香，岩哂食完油膩晚飯想沖淡飽滯感嘅我🤣值得一提嘅係，手搖店愛玉用料充足，鐘意食高纖愛玉嘅朋友，唔好錯過😉另外，好欣賞手搖店相當環保，用咗紙杯套並綁上麻繩，等客人唔洗用膠袋就可以拎走飲品，紙杯套設計精美，又可以重用😊…查看更多

由於公司係偏遠地區，所以我哋成日叫外賣速遞，有同事介紹食呢間Poke Love，將生鮮食材混合飯再加上特製醬汁整成一個bowl👍🏻今次我簡咗照燒雞肉夏威夷蓋飯🐔，飯主要有照燒雞肉、西蘭花、蔥及黑芝麻，以特製沙律醬混合白醋飯及食材，健康主義嘅我再額外加咗半隻牛油果😋🤣呢個bowl想提嘅係佢嘅照燒雞係非常之健康，雞肉好少會有雞皮，應該餐廳為咗客人健康去咗雞皮，非常細心👍🏻而食材質素及味道非常穩定，而額外加錢嘅牛油果，相信用咗珍寶牛油果亦都好大隻非常足料，唔會太腍或者太硬😆岩哂平時返工好忙又想注意健康嘅人✌🏻…查看更多

今日做完運動之後，由於之後要去買啲，所以冇返屋企食，我簡咗附近嘅亞參雞飯食lunch😋由於呢間野主打食雞，膽粗粗簡咗✨亞參去骨海南雞飯🐔跟飯及清雞湯😃額外加咗熱檸茶☕️✨亞參去骨海南雞飯✨先講講雞，雞肉係去咗骨亦食唔到有碎骨，處理得幾好👍🏻啖啖肉😋雞肉夠滑即使有瘦嘅部分但都好易咬唔韌，雞下面餐廳已經加咗少少豉油，如果唔夠仲可以點吓海南雞飯常有嘅醬汁薑蓉、辣椒醬及黑豉油。雞塊數量足料，但攞盤可以再靚啲，有啲雞件明顯雞皮雞肉分開😆而飯由於我鐘意清淡口味，所以簡咁轉白飯，飯唔太夠熱但質地唔硬唔軟都唔錯👍🏻清雞湯，有幾塊冬瓜，係濃味向鐘意飲濃湯嘅人大推👍🏻…查看更多

上個月同呀B去完圍方食lunch然後去咗沙田新城市廣場行，行行吓去咗商場附近嘅紅茶冰室，我地叫咗個雜扒餐同常餐😋呀B叫嘅雜扒餐跟咗薯蓉，餐入面有有3-4塊細扒附送兩條煙肉，亦都跟咗餐包、湯及熱飲，雜扒易咬鬆軟多肉汁，而且價錢超值，只需80蚊，食到呀B好滿足👍🏻而我就叫咗常餐，簡咗沙嗲牛肉米粉跟方包及奄列，加兩蚊有杯熱檸茶😂牛肉鬆軟易咬配埋沙嗲汁一流，米粉爽口，將奄列滲埋入去沙嗲湯度一齊食，非常惹味😋✌🏻…查看更多