or#ta67031577的個人專頁

食物樣樣都好有質素由讀緊書開始已經好鍾意幫襯隔左好幾年再嚟仍然很有水準食物份量十份足夠Carbonara好香蛋味又唔會膩食過番尋味水牛芝士蕃茄pizza食到佢芝士下面唔係普通茄汁係好新鮮既蕃茄底表面既芝士都食到幾款，好有層次都係食完想再食蟹肉南瓜risotto濃度剛剛好，食到南瓜香甜同蟹肉鮮甜飯粒粒分明仲好想食埋梛汁雞飯！但係賣晒下次再試！以上幾款食物其實好易食到膩但呢度都整得岩岩好！好味得來不會太重口味色香味俱全值得支持！…查看更多

Lonely paisley 🇹🇷✨經常耳聞朋友講起呢間土耳其餐廳，想去食都唔易，經常好full🥲 有日咁啱係附近，就過去睇下有冇位，12點開門前已經有人等緊位啦，果然受歡迎～叫左Lunch set有沙律、主食同飲品😋希臘哈洛米芝士沙律 🇬🇷🥗好清新，醋汁酸酸甜甜好開胃。而且份量剛剛好。最鍾意佢既芝士🧀有好香芝士味但唔會好咸🤩 好想買一堆返屋企當零食食🤤本地手工煙燻啤酒煮牛肋條燴飯🍖 (set $148)賣相一流，味道不過不失～飯粒較實淨分明。幾鍾意佢既蕃茄粒🍅整體口味偏清淡😗 同相像中有啲落差🤪熱情果芒果芝士蛋糕 🥭🍰 (set +$30)好香好味道，令人好滿足☺️ 仲有啲士多啤梨玫瑰脆脆，豐富味道同口感🥰 上面仲有靚靚玫瑰乾花，加埋勁decent既餐具，簡直賞心悅目😍成個環境好舒服，每一樣擺設、餐具、裝飾都好有心思好靚，食一餐飯可以好享受個環境同身邊嘅嘢，感覺好放鬆☺️ 感覺到佢哋每一樣嘢都好用心準備！埋單嗰時仲收到張心意卡😳 好有心既小店💪🏻💪🏻支持！…查看更多

平日lunch hour來都要排隊的，等左約15分鐘入得呢度既便當配有5款小食係面頭，質素唔錯，最鍾意佢個焦糖玉子，好香🤤 仲有粉絲、宮保素丁、炒菜、酸菜😋😋叫左個限定既啤酒豬軟骨，好香偏甜，食到一半覺得膩。不過味道係特別同做得可以。瘦肉位睇落有啲乾🤔仲叫左人氣既蝦捲！少少脆，好香好咬口，入面好似魚蛋咁，入面有啲唔同口感～果然係推介😃 有3條～之前食過排骨便當都係出色，香口唔油膩，大份抵食😋飲品方面勁多選擇！我次次都飲奶茶☺️☺️ 聽說果茶都係唔錯既選擇，好想試晒佢😍😍😍…查看更多

平日夜晚7:30去到，都有8個人排緊隊心諗不如放棄，唔知等幾耐點知！原來流轉得好快，半個鐘都入到叫左比較多人食既吉列牛，加$38有飯、湯、糖心蛋成set野好靚好整齊！鐵板上有舊牛油脂肪，比你搽油煎野輕輕煎熟，加埋燒汁，勁香勁juicy!! 吉列邊又有少少脆😆😆😆正呀～另外叫左個牛肉鍋，好似牛腩煲！！樣同味道都係😂😂味道都ok, 不過冇咩特別。有啲魚蛋、菇、芋絲個set個湯好淡，冇乜味如果加$58個湯就係金魚湯，有條魚既型狀既野係度。元朗店仲要係黑色既！好特別…查看更多

呢間係我係愉景新城最常食既餐廳！環境好舒服，好適合同朋友見面傾計Cafe環境好日式，令人感覺好輕鬆自在平日lunch hour 12點嚟到，冇乜人，直接入Menu食物選擇唔算多，但一定揀到想食既野！反而飲品如果唔飲咖啡，就相對少啲選擇～見到壽喜燒價錢唔貴，一set咁上好豐富一個套餐有湯+沙律（紫薯泥）+熱日本茶/熱咖啡成個鍋份量好足夠女仔食，烏冬滑嘟嘟，我想食烏冬多過食啲牛😂😂😂 牛都好香甜～隻水煮蛋都十分正，雖然係個好熱既鍋度，但係佢都凍凍地😙12:45前離座仲有8折添～…查看更多

錦田本身就係一個好舒服既地方，可以當自己去左旅行錦上路西鐵站行過嚟大約10分鐘，或者大欖隧道下面既轉車站轉251B都得！呢間野我嚟過好多次，因為無論環境、食物、飲品、甜品都好正！！！有一段時間多人到平日都要排隊，入面約有10枱好岩同朋友飲杯野，傾下計，食輕食都可以，有時會有一個飯包有得揀bagel/ciabatta , 建議上到枱快啲食，因為烘完放得耐左冇咁好食柚子醬加香煎鴨胸味道好fresh! 加埋creamy既牛油果，好豐富仲有沙律都好新鮮，醬汁可揀麻醬/黑醋，都大份飲品我叫左iced Earl grey chocolate，佢啲飲品都配有nuts, 比你慢慢品嘗仲有好多精品咖啡可以選擇…查看更多

老闆娘出名多人排隊，呢日星期日2點幾來到，有十幾人係門外排緊隊排緊既時候已經拎晒紙仔寫定食咩，到既時候佢會計錢比張單你，入去坐2個人食，叫左蒙古湯同麻辣湯，餸：炸雞球、野菌腐皮卷、魚肉響聆、蝦膠豆卜蒙古湯係知然味，個人覺得唔太岩口味，食米線都係岩返麻辣湯雞球真係名乎其實出名咁又香又滑。野菌腐皮卷入面有粟米、木耳、杏鮑菇，平衡返個油膩感，而且好足料好大份。皮薄！魚肉響聆係腐皮包住啲鯪魚肉。一樣皮薄，不過有啲炸過龍，皮硬到咬唔開。蝦膠豆卜都正既，炸左既豆斗好脆好鬆，可以一試。大熱天時要排咁耐，建議平日非lunch/dinner hour去，咁就冇咁辛苦🥲…查看更多

平日午市唔駛等 東涌呢間都有差不多20枱Lunch set有好多選擇（唔記得影menu）都有10多個餐可以揀 其中有3個係pizza一個餐包餐湯、主食同飲品餐湯可揀雜菜湯/蘑菇忌廉雞湯，揀左雞湯，好足料😍😍😍成碗蘑菇同埋雞～主食叫左至尊批🥰🥰可以揀厚批、薄批、燕麥批未食過燕麥批🤔🤔 唔知咩嚟架添一個人4小件，岩岩好好足料！勁多芝士、洋蔥、茄汁、雞肉、青椒～辣肉腸😬😬正呀～～～好滿足呀，因為平時一個人唔可以食到成個Pizza…查看更多

過往偶爾會係度食午餐，呢度既口水雞都算係我頭幾位鍾意食！呢類麻辣食物間間口味唔同，各有做法。份量都算大，對女仔嚟講，我會少飯～啲麻辣都幾香，小麻辣剛剛好，有香又唔會食得好辛苦～佢應該係揀左麻辣程度之後，落幾款配料撈撈撈～有啲配菜一齊撈，例如芹菜、芫茜等等，好香！我會用呢堆野撈飯食都好正～雞個份量都多，一定夠食呀！不過今次有啲可惜係佢比得比較多骨，我冇乜肉食🥲🥲🥲就差左少少～味道好似冇以前咁好，不過都值得一試的！午餐凍飲加$3…查看更多

嚟之前打定電話book位，就唔怕冇位！店舖同門面裝修都好靚好文青，牆上有中國風瓷磚，用木枱😗雞翼好香脆嫩滑，加埋啲菠蘿汁自己點，味道都幾清新特別，唔錯😁😁牛肋條普通，香煎腸粉好香脆，腸粉嚟講都好食既。不過放埋一齊又冇咩特別🤔🤔呢個菇菇菇菇我最鍾意❤️香濃creamy又唔會膩，面頭嘅大啡菇好多汁😋呢個係最出名打卡既yoghurt! 有果乾同cereal 口感好好，整體味道都好，份量算少～係顏色幾特別既😛再下面既係鹹蛋菠蘿窩夫，都幾特別，少少鹹，味道同雞翼嗰隻醬差唔多，窩夫係脆口嗰款～我覺得呢度嘅嘢飲都幾有特色，我飲hojicha latte好香🥰 仲有呢度既special drink可以試試！…查看更多

平日中午一點來到排晒長龍！有成十幾個人，等外賣既都6-8個～當然出名受歡迎！見到招牌咖喱豬扒飯同埋乾炒牛河，2個人食就決定試試佢～豬扒一定係必食，炸粉好薄，免頭脆脆地，肉質仍然好軟滑，好鮮嫩，有本身肉質嘅香味。咖喱唔會過辣，啱啱好，又大份，女仔來講可能兩個人先食得晒。另外仲試咗乾炒牛河， 十分有鑊氣，亦都好大份，味道啱啱好，牛肉都好軟滑。不過我哋兩個女仔食呢兩份嘢，就食唔晒啦，最後打包左半碟。我覺得呢間野最勁係就算我食到幾點，到下午茶時間都好，出面仍然都有起碼六七個人排緊隊，果然受歡迎！…查看更多

近排熱辣辣，平日3點去到間野都排8個人！可能天氣都令大家好想食冰～呢間冰一向出名，好靚又好味排隊拎飛落定單先！呢間舖細啲，有6枱，但因為啲冰要好快食，流轉得快啲，等左20-25分鐘倒一坐低要埋左張單先，仲會有張印花卡儲印花！一個冰有一個印，儲齊8個可以平$65！我同朋友兩個人叫左一個伯爵奶茶冰+牛乳奶凍～茶味好清新，唔會甜！排隊咁熱，一入口凍冰冰真係好爽！要20秒影完相即刻食，唔係好快溶～入面仲有啲消化餅碎，奶凍喺最入面～我就覺得個奶凍有啲甜，可能分開食會開心啲，因為喺入面黐住晒撈埋好多嘢🤪…查看更多

下午叫左個lunch set超大份超抵食！套餐包1個主食、2個小食、1杯野飲，如果係飯餐仲會有埋餐湯！首先講個主食：牛+豬PHO蕃茄湯檬。超大碗！個茄湯好香濃，又有蕃茄又有洋蔥好多料！肉方面有生牛肉、烤牛、豬頸肉、豬扒。略嫌豬扒炸完再浸住啲湯淋左冇咁好食，其他都各有特色！正呀，又大件😋😋😋 仲有配料比你任加～小食都十分出色，沙律爽口又開胃，而紙卷口味都好豐富！因為每樣野食份量都好大，結果食唔晒，兩個人share埋個小食就會好好！而且呢個價錢好抵，有咁多野食而且高質👍🏻👍🏻👍🏻會再食！…查看更多

Foodie朋友多次推介呢間冰！今次終於可以來試下～朋友推介茶味既冰，不過岩岩飲完台式茶飲，就試下啲fresh啲既生果味🍧🍧🍧兩個人share一個冰岩岩好，叫左個蜜柑草莓冰🍧 主要係草莓汁落左係成個冰度，有幾粒蜜柑係面頭，另外有個煉奶比你自己加落去，可按自己喜好甜度加～ 我加完覺得會太甜～個冰本既草莓味係好清新好香，唔會甜～個冰一嚟要20秒影完相就食，如果唔係會倒塌！仲要由上至下食，因為真係好綿！睇住佢地由冰櫃拎出一舊舊晶凝通透既冰磚刨成綿冰🧊🍧 好靚🥰 下次再試下茶味！仲可以加唔同toppings添呀！…查看更多

呢間想食好耐！！但長期勁多人排隊，試過一次夜晚去，排左成廿幾人都有，就放棄左🥲 今次平日下午嚟到，唔駛等就入得😀試左好出名既藍芝士蘋果Pizza🍕 芝士好香同時蘋果好香甜，平衡返個口味，一人食半個pizza都唔會膩喎！正呀！同埋呢個組合好特別，平時用生果整野食都唔易整到好食架嘛～咁又做得唔錯喎！不過，另外個意粉就真係唔抵！呢個價錢食到一個好普通甚至講唔上係好食既意粉😳 入面有魷魚、蝦。成個粉好乾身，又好淡，食唔到有啲咩特別🙈 仲要都幾貴😳…查看更多