ChocoPie1203的個人專頁

同朋友約出嚟原本諗住食甜品下午茶，點知太餓都係放棄食甜品，食返飽肚嘅下午茶 。行到加路連山道就入咗呢間春嬌越南河，叫咗一個河內生牛肉金邊粉+魚皮頭同埋佢地嘅下午茶，蒜蓉包加奇津薯條。河內生牛肉金邊粉+魚片頭($69)牛肉好腍唔會話硬柴柴，金邊粉好好味係煙煙韌韌嗰款！最推嘅係佢嘅魚片頭，佢嘅魚片頭係平時潮州粉麵檔嘅魚蛋嘅質地嘅炸魚片頭，覺得嚟到都一定要試！蒜蓉包加奇津薯條 ($34)蒜蓉包勁香，超出色！麵包亦都係焗到好鬆脆。奇津薯條食到少少辣味，不過可以再多少少粉，應該會再好食啲🙈…查看更多

Lunch突然好想食餃子，屋企人就提議去餃掂。剩餃可以叫七隻或者十隻。今次同屋企人叫咗兩款餃子食，一款係韭菜煎餃，另一款大白菜湯餃。佢嘅餃子好大隻，本身以為咁大隻都覺得啲皮應該好厚。但係完全冇！真係皮薄餡多！出乎意料，每一隻都好足料。韭菜煎餃外皮煎得勁脆，而入面嘅韭菜餡勁香！勁正！十分推介！大白菜湯餃，個湯本身都好好味，飲完亦都唔會話好口乾好重味精嘅感覺，加埋餃子好容易入口，啱晒啲冇乜胃口嘅時候食！…查看更多

同朋友喺The Southside行咗陣餓餓地就去咗地下個層Table到high tea佢d下午茶勁多選擇！有成11個餐，價錢亦都好合理！今次叫咗兩款飛碟(鹹牛肉芝士/芝士火腿）同一個西多，我地都覺得好好食。首先佢全部都係即叫即整，所以完全無”凍咗”嘅問題，出到嚟仲係熱辣辣🤤又唔會整到好燶，啲餡鹹香鹹香咁勁正🤤西多又係入面搽滿滿嘅花生醬，完全唔hea！炸到啱啱好，表皮脆卜卜，但入邊嘅麵包仲係軟腍腍，超好食🤤跟餐的話正常凍飲都只係加$3，超平！講緊凍檸樂都只係加$3🤣但嗰日係奶茶Mood，所以最後都嗌咗凍奶茶！朋友就叫咗凍檸茶，奶茶完全係正統嘅港式奶茶！我同朋友都覺得呢兩杯嘅茶味夠晒濃！超正！另外朋友叫咗杯紅豆冰，椰奶同紅豆嘅比例啱啱好！又唔會好甜！佢話好好飲！呢個價錢係大商場食到三個餐，真心超抵！…查看更多

社交平台見到佢地有做緊周年優惠，而夜晚又同朋友係旺角睇演唱會，諗住食少少野，就去咗90s Lazy 。明明係下午茶，但份量大到同平時lunch/Dinner冇分別😂同朋友一齊嗌咗個懶人三文治同埋鮮果窩夫配雪糕share~懶人三文治勁足料，有蛋、火腿、雞肉、蕃茄、生菜，完全唔係hea你！四件三文治，再加勁多粟米片，仲要只係呢個價錢，真心物超所值！跟住個鮮果窩夫又係滿滿嘅材料，窩夫嘅生果亦都唔係求其開罐頭生果就算，係新鮮嘅生果，配埋一球雲呢拿雪糕同埋cream，喺度咁熱嘅天氣下食，簡直無得頂！另外仲飲咗杯佢嘅Summer Special 夏橙荔枝氣泡茶，佢係一啲果酸味嘅茶，加埋兩粒荔枝嘅果肉，飲完真係覺得勁fresh！朋友就叫咗杯香蕉奶昔，佢表示十分欣賞佢唔係太甜但又重香蕉味😂買完單都只係$130 兩個人😂，即係人均只係$65，真心抵到爆，位置亦都坐得好舒服！下次一定要再嚟！…查看更多

Lunch time同屋企人嚟到銅鑼灣search有咩好食嘅韓國菜就見到有人推薦咗呢間，點知真係好好食😍一嚟到店員就已經上咗三個小菜，麻油波菜同芽菜都勁啱我地胃口，又唔會好鹹，好快食完仲叫咗店員幫我地添🙈中間嘅係辣味牛蒡，口感又係勁爽脆，勁開胃。今次試咗佢個辣五花肉拌飯同埋海鮮煎餅辣五花肉拌飯嘅五花腩油脂分布啱啱好，因為有皮嘅脂肪，所以食落啲肉唔會好柴，佢亦用咗泡菜鋪底，個泡菜係勁出色！我同屋企都大贊！海鮮煎餅亦係勁足料超多海鮮，覺得佢嘅脆魚仔乾完全點綴咗成個菜，令到海鮮煎餅多咗啲口感同鮮味，好值得嘗試！…查看更多

以前Lunch已經好中意約埋同事嚟呢度飲茶，轉咗工之後就少咗飲，今日終於同返屋企人嚟飲茶，水準都仲係咁高！呢度係算係性價比好高嘅高級少少嘅茶樓，本身嘅裝潢已經比較高級少少，而坐位亦都比較舒服，唔會話好迫。食物嘅質素亦都好高，款式好多，仲會經常都轉款。所以每次去基本上都會可以試到唔同嘅款式。本身茶樓會有一d比較傳統嘅食物，但同時亦會有比較特色嘅食物，今次就試咗一個酥皮和牛撻，本身酥皮已經好鬆脆，加埋和牛再有層芝士喺上面，味道係估唔到嘅咁夾。仲有個柚子蜜蛋散都好好食！蛋散本身好鬆脆，再加埋柚子醬喺上面，酸酸甜甜咁好開胃！最估唔到嘅係佢啲甜品都好好食😂平時都好少喺茶樓食甜品，但佢嘅甜品真係好出色。以前食過一個桂花啫喱凍，一食落口嘅時候已經覺得好fresh，清清地又唔會太甜，但今次嚟已經冇咗，所以今次試咗個栗子西米布甸，佢都係秉承到唔會做到好甜，呢樣野真心好值得讚！…查看更多

鍾意食米線嘅人類 我唔容許你地唔知呢一間米線😂第一次朋友帶我嚟食個陣覺得應該都只係平平無奇嘅粉麵檔，點知一食愛上咗😂豬頸肉米線+魚皮頭+枝竹 沙嗲湯底($70)豬扒米線 蕃茄湯底(少辣) ($52)豬扒、豬頸肉必試❗️❗️本身豬扒同豬頸肉醃得啱啱好，雖然係煎但唔知點解係會食到人地好似泰國餐廳嗰種炭燒嘅香味。而煎得嚟又唔會好乾身，都仲係好juicy，最癲係即使浸晒落d湯到個皮都仲係脆嘅，究竟係點做到😂而本身米線唔會話煮得好腍，係熟得嚟有口感。本身湯底都有好多選擇，有麻辣湯、胡椒豬肚湯、蕃茄湯、沙嗲湯底。呢幾隻湯底都試過，味道好好濃郁。真係米線界世一🤍…查看更多

成日下午茶都同同事偷偷地落街買媽咪雞蛋仔🤭雞蛋仔外皮鬆脆，咬落去會有濃濃的蛋香味，裏面唔會好似空氣咁，軟綿綿嘅涵+鬆脆的皮，口感有強烈嘅對比。而本身媽咪雞蛋仔推出咗好多唔同嘅口味，甜嘅有抹茶、巧克力。咸嘅有紫菜肉鬆等味道，完全可以滿足晒唔同口味嘅客。而基本上每次下午茶的話都會買伯爵茶朱古力雞蛋仔，如果有時只係想食少少甜，但又唔想太甜嘅話，可以試試呢個伯爵茶朱古力雞蛋仔。本身嘅伯爵茶嘅茶味已經好出，帶有少少微苦嘅茶味再加上朱古力嘅甜味，簡直係絕配。…查看更多