Li San的個人專頁

今天去到靚煲皇回味一番香港的口味-豬骨煲，原來此店已開業了20年，今晚來食晚飯，收到將營業到5月15日結業此消息，感到10分可惜無奈。因為此店令到我和朋友們有很多的過往快樂回憶和與別不同獨特的味道，我對於此店的出品已經十分有信心，特別是新鮮的火鍋生料，還有他們自家製的水餃和雲吞，手打墨魚滑及蝦滑，即叫即炸的響鈴，最主要就係新鮮的本地肥牛牛肉，都係食火鍋最重要的食材！夠新鮮已經贏晒，我和我朋友一共三個人，吃得很回味，個湯底特別吸引，我們喝了一啖又一啖，店員不斷為我們家新鮮的豬骨湯！好飽滿！我們決定把握時間在此店結業，之前會再來一次大型聚會！ ！…查看更多

今日晚飯兩個人，去到呢間餐廳，以前曾經食過，出品平凡，今次因為方便，再試一次發現晚飯菜單及出品都更新了，二人套餐價錢可吸引，見到個招牌煎蠔仔餅推介，便叫了一份，還有西蘭花炒斑球，欖角蜜汁煎豬扒，餸菜一上枱後，煎蠔仔餅香噴噴，夠香脆，豪仔的份量也頗豐富！唔錯，另外西蘭花炒魚球，質素頗有水準，加上好特色的蜜汁欖角煎豬扒，好適合送飯來吃！結果整體水準表現進步了很多！可惜收報時間比較早！以前我最欣賞這小店的就是炸乳鴿，可惜近來常常沒有出品，所以我們比較少去吃這些香口的餸菜！環境頗乾淨清潔，可惜冷氣非常寒冷，餸菜一上，要馬上吃，否則很快就變冷！整體服務不錯👌…查看更多

又去到食宵夜嘅時間～諗唔到食咩好，朋友提議不如去打邊爐，然後就四人啟程去左嘗試左呢間老字號不得不說，開頭未入到門口既時候見到條街有些少污糟都有少少擔心，但入到鋪入面，佢地方不算太闊落，但環境整體都乾淨，講返食物先，我地今日點左個四川麻辣湯底，本身都以為係普通野梨，點知個煲一梨到，我地幾個人都咳咗兩聲😆自從封關之後，我冇再試過喺其他地方食過味道甘正宗既麻辣湯底，比起其他鋪頭既麻辣湯底，呢間鋪真係好濃味，唔似其他鋪頭甘淡口，食得出係用足材料去整，個味道真係好濃郁，唔似外面啲舖頭水汪汪冇辣味冇香味，都唔似其他鋪用湯包開出嚟👍點咗碟牛胸爽厚薄適中，諗住影相嘅時候已經畀咗朋友食曬😂炸響鈴都係即叫即炸，就咁食都覺得好酥脆。個花膠件好正，好厚實，落去煲都唔會溶得好勁不得不提一定要講佢哋嘅黑松露墨魚丸，好彈牙，佢真係即叫即整，本身都無抱望，但放左落口之後對佢完全改觀，佢唔似出面買果咁：成口粉味，佢呢隻係真係有好濃郁既黑松露同墨魚味，而且仲有啲墨魚粒係入面價錢方面，我又覺得好合理，比較適中，四個人平均都係四百幾蚊左右係喎，呢度仲有世界盃可以睇，一邊飲酒一邊打邊爐，仲睇埋世界盃，真係好有快感下次聚腳又有新地方啦，等我下次試埋其他湯底先…查看更多

元宵不一定要一雙一對嘅，昨晚約左六、七個朋友一齊看月光及打邊爐，不知幾咁開心！靚煲皇係大角咀區以豬骨煲、招牌'靚煲皇'已聞名多年，現在雖然舖頭細左好多，但食物依然好有水準、好新鮮、好特別👍我哋坐左露天位，望上天真係見到又圓、又亮嘅月光，凍涷哋，特別暢所欲言！我哋叫左'靚煲皇'，首先品嘗左煲左幾個鐘嘅豬骨湯先，然後食吓D又林、又軟嘅豬骨，新鮮扇貝，煲裡面仲有好多蔬菜、紅籮白、翠玉瓜⋯淨係食呢個煲已經飽左三、四成！ 跟住更係唔少得淥下頂級極上肥牛、墨魚滑、駝鳥肉、嚮鈴、超級新鮮龍躉，加埋飮吓啤酒、同朋友吹吓水，使咩要一雙一對吖！比個 like 靚煲皇，因為佢哋D食物好新鮮，我都會介紹靚煲皇比朋友。價錢方面，二佰餘元一位，好正常，好合理，仲可坐成晚，欣賞月色，我已覺得好滿足了😋…查看更多