phoebeckwww的個人專頁

因為放工時間要同朋友揀個中間點，所以揀左佐敦呢個市中心位置，係柯士甸站行過去都好近！之前夜晚同朋友食完飯想繼續傾計所以搵左間cafe坐下，發現佢啲咖啡好好飲😍 今次夜晚想搵個有得book嘅地方好好坐低慢慢傾計，所以就揀左studio caffeine🥰平日夜晚嘅餐廳唔算多人，店員好好一早已經幫我地安排左最入面一張四人枱，餐廳仲播緊啲輕音樂，放工時間黎坐得好舒服😌餐廳食物選擇都唔少，主打all day breakfast同各種輕食，都有唔少意粉可以揀。不過今日我地兩個都唔係好餓，所以嗌左兩個冇咁heavy嘅選擇😊《南瓜雞髀菇意粉》本身仲擔心會唔會好多白汁好油膩，但呢個意粉冇落太多奶落去，食落係滿滿嘅南瓜蓉，creamy得嚟唔會好滯，正常發揮。《班尼迪蛋巴馬火腿意大利包》本身呢個包包可以揀配sourdough或者panini，但因為驚前者好硬，所以揀左後者。包體食落好軟熟厚實！而且調味都好唔錯，少少帶香草同蕃茄酸，加埋火腿都唔會好油☺️ 《latte & flavoured coffee》上次嚟到飲啡係有驚喜，今次仍然保持水準！我嗌左latte，口感依然順滑，而且見到上面奶泡係好綿密，好滿足🥰 朋友見到flavoured coffee嗌嚟試下，原來係可以揀rose/ vanilla / hazenut。佢飲完都話好okay👏🏻👏🏻《黑芝麻忌廉卷蛋》兩個女仔好為食，叫左個飯後甜品，好味😋😋😋 蛋糕濕潤，芝麻味濃郁，正😎總結：❤️❤️❤️❤️（4/5）夜晚餐廳空間充足，可以同朋友靜靜地傾計！食物水準正常，咖啡水準岀色☕️💕💕💕餐廳原來可以用openrice pay，第一次用左rice dollar付款！因為唔係間間餐廳用得，好開心😂 可以慳返$30幾，下次大家book位時可以留意下。…查看更多

因為好朋友係素食者，好耐之前佢已經推薦左呢間餐廳想試，之前平日晏晝試過上去，點知lunch hour係爆哂😳 今日係openrice book定位去食好西❤️一入到去已經好舒服！餐廳光線稍暗好有格調，而且裝修都好靚😎唔記得左影menu，但入面勁多菜式可以選擇，我地揀左勁耐😂 不過因為我地得三個女仔，仲有好多野想食未試🤣前菜小食已經勁好食！睇食評已經一早諗定票嗌北京烤片😍 勁好味！味道都真係整得好似片皮鴨，不過感覺一啲都唔油膩☺️ 份量都夠多，每人食到兩舊😋嗌左手撕雞，不過我地肚餓到唔記得影就食左🤣 感覺好fresh，而且味道又係勁像真！小食太吸引，我地仲叫多左個炸豆腐串燒。呢個係大推😍😍😍 豆腐炸到超級外脆內軟！本身淨係嗌左一款主食，但因為太好味，最後我地嗌左三份主食🤣🤣🤣Kobe's Favourite 素漢堡扒配惹伴洋蔥醬喜愛澱粉質嘅我覺得100分！個包體勁軟熟又有厚實感！伴碟仲有大大塊薯仔同沙律菜舊素扒唔係impossible meat，唔知係咪自家制嘅扒扒，有口感又唔油膩！🍔星洲喇沙花生椰汁咖哩腰果印度煎餅個咖哩勁好味🥹🥹🥹 冇落肉類但都令到成件事口味勁濃郁！入面仲有兩舊炸豆腐，索哂啲汁勁正。個煎餅完全唔油膩，雖然冇平時豬油整嘅酥軟但已過足口癮😋越式撈米粉食左呢到幾種食物發現呢到調味都係偏甜，不過識落都係好好食，好似越南撈檬咁😆 隻米粉係好友嘅越南米粉，識落好順滑，吸汁能力都幾強！食完咁多嘢其實已經好飽，但係仲係好想試埋佢個甜品🍫🍮所以我哋嗌咗兩個心太軟三個人share 😛心太軟配朱古力雪糕呢個又係另外一個大推！個純素心太軟蛋糕好軟熟，啲朱古力醬都會流心❤️ 重點係，個朱古力雪糕真係勁濃郁😍 撈埋側邊啲脆脆食真係好好味🥰 不過我略嫌上面啲忌廉太甜，不過鍾意食甜嘅朋友就話覺得啱啱好🤪總結：4/5 ❤️❤️❤️❤️餐廳嘅服務都好好，職員唔使我哋叫都自動幫我哋加水，而且勁有禮貌！🤗 嘢食唔使講，好想快啲再去試埋佢其他食物☺️☺️☺️…查看更多

因為可以平日放假，所以同朋友一齊搵吓中環區有啲乜嘅平時想食嘅餐廳，可以試佢哋嘅午餐！朋友就推介左呢間香港少有嘅秘魯餐廳❤️我哋用OpenRice book咗1:00，因為係食飯時間，去到嘅時候已經冇晒位，好彩有訂位！🥹舖頭嘅地方唔算好大，而且啲枱都擺得幾密，坐起上嚟係有少少迫。午餐時間嚟食真係抵好多，套餐大約都係$100🤪呢度主打無激素秘魯燒雞，咁我哋梗係要嗌一個試吓🥳 佢一個套餐可以配兩款配菜，另外仲送飲品！一嚟到個size嚇親我，半隻烤雞都好大隻，另外配菜我哋嗌咗番薯同埋蔬菜。隻雞真係整得好好食，皮脆肉嫩，切落去仲有肉汁標出嚟🤤🤤🤤 雖然佢個樣平平無奇，但係真係好好食！另外啲番薯都好甜，鍾意食澱粉質嘅，我真係覺得大飽口福🤗因為唔想兩款食物都係計，所以另外一份我哋嗌咗煙燻豬肉三文治配薯條。上菜嘅時候仲嚇親，因為份量真係好多。個包焗到外脆內軟，入面嘅醬汁條配得好好，又唔似平時我哋食開嘅印度菜，但係又好香嘅香料味道🥰最後我哋兩個女仔係食唔晒全部嘢🤣 但真係好滿足！總結：食物質素係好好，但係餐廳坐得唔算好舒服，而且我哋坐門口位，因為整體餐廳冷氣都唔係好夠，所以其實我哋有啲熱。不過食物搭救❤️…查看更多

星期日同屋企人去荃灣行街，經過地鐵站又想坐得舒服啲所以就入左呢間餐廳！我地嗰日係晏晝兩點左右去到，唔洗等位但原來入面都差不多滿座！好好彩仲有一個卡位，好闊落坐得都幾舒服😊餐廳主打炸豬扒，而且午市仲有套餐優惠，南蠻炸雞定食只係$58🤩不過因為老公想食豬扒，所以我地嗌左一你份都係特價嘅厚切炸豬扒定食！都係午市優惠，只係$98🥰一黎到見到勁大份！套餐入面有前菜，麵豉湯之外仲有一個茶碗蒸，勁大份！厚切豬扒炸得好脆，而且入面仲好淋，外脆內軟好好食🥰我自己就嗌左魚生飯，套餐入面都係有湯，前菜同茶碗蒸。始終餐廳都係主打炸物，魚生就正常發揮，普通港式魚生飯質素。反而想讚下杯熱茶，雖然只係每枱一壺倒出黎嘅玄米茶，但味道濃郁又好夠熱，所以我都冇特別嗌野飲😀總結：4/5❤️❤️❤️❤️想食下平價日式定食可以一戰。…查看更多

之前已經食過荃灣同埋深水埗素年分店，今次再嚟荃灣分店，發現佢個menu更新咗！🤩全部食物都已經變咗純素選擇，但係好味程度依然不減！🥰我哋去嗰日係平日夜晚， 5:00打去book兩位食7:00晚餐時間都好彩仲有位！🥳我哋嗰日Walk in入去已經冇晒其他位置🥹素年嘅分店全部都好光猛同埋好舒服。餐廳嘅食物份量全部都好足料，就算我哋一男一女去食，都十分夠飽😊我哋叫咗兩份主食，一份係日式咖喱吉列豬扒意大利飯。素豬扒炸得好好味，質感亦都好像真。另外意大利飯做得好好，好入味！😋另外一份主食我哋叫咗Impossible cheese burger配番薯條。番薯條外脆內軟，呢間餐廳嘅炸物真係一流！👍🏻👍🏻👍🏻另外個漢堡包都好好味，第一次食impossible burger嘅朋友都話味道驚為天人🤣以上兩個套餐都係免費配送熱茶又或者凍茶，如果大家唔想飲茶嘅話亦可以加錢搭配其他飲品。總結：大件夾抵食❤️就算唔係色素嘅朋友都可以一戰，絕對唔遜色與其他文青餐廳🙌🏻🙌🏻…查看更多

今日同朋友四個人一齊去呢間位於中環嘅素食餐廳🥰 食物選擇有好多，多到花多眼亂，唔知揀邊樣好🤤我哋嗌咗兩款唔同嘅湯，一款係南瓜中，另一款係松茸湯。松茸湯竟然係用茶壺去裝，咁樣斟出嚟好得意😋餐廳每碟嘅份量都唔算好多，所以我哋可以試食好多款唔同嘅嘢💪🏻💪🏻💪🏻特別推介叉燒同埋黃金腐皮，兩款菜式嘅調味都做得好好😍飯類我哋嗌咗一個冬陰功意大利飯同埋炒飯，炒飯質素好高，炒到粒粒分明！最後我哋唔夠喉，仲嗌咗四個甜品☺️ 嗌咗一個薑汁牛油果甜品，入口順滑，估唔到牛油果同薑汁加埋咁夾❤️ ，酥炸燕麥奶就正常發揮，最好食係焦糖芝士脆餅🤤用餐體驗：❤️❤️❤️❤️（5分滿分）…查看更多

搵吓屯門有啲乜嘢坐得舒服嘅Cafe，就search到呢間新開嘅新墟咖啡，個環境舒服到令我寫咗第一篇OpenRice食評❤️餐廳位置都算幾方便，輕鐵新墟站行過去幾分鐘就到。一入到去就覺得好闊落，可能因為平日唔算好多客，空間都好大。一開始同朋友一人叫咗一款pannini，一個係牛油果烤雞，令一個係芝士菇菇。點知嚟到勁大份，一個包等於兩個拳頭嘅大細，勁足料！而且個麵包都好軟熟同埋好好味🥰最後我哋兩個女仔只係食到一份，要打包拎走😂嗌咗兩杯咖啡，品質OK💪🏻因為好想食甜品，所以嗌咗一個焦糖脆脆牛角包，好味🤤 本身想試佢個奶蓋牛角包但係冇晒奶蓋，下次再戰！總括：大件好味夾抵食❤️ 一定會再幫襯嘅小店！🙌🏻…查看更多