YEat852的個人專頁

1️⃣ 甘筍紅菜頭餐湯 + 法國包本身麻麻地紅菜頭，好怕佢陣味，呢個湯甘筍味中和咗，超讚！明顯係真材實料，打得幾滑，有少少忌廉喺頂點綴下，😋 個牛國包都係即烘，烘得啱啱好，係黎到仲係好香脆🥖🥖🥖2️⃣ 芝士菠菜意大利雲吞 配 秘制鮮茄醬忌廉汁 $148 (9/10)芝士愛好者必食！每粒雲吞都有濃郁嘅芝士，雲吞皮厚薄適中。個秘制汁先不得了！整得好好，微微酸味配搭住啲香草味，個味好夾，食慾大增👍👍👍3️⃣ 厚切美國安格斯肉眼牛扒 配 意式烤菜沙律 $198 (7.5/10)塊牛扒好大塊，又夠厚，不過我叫5成熟就煎得稍為熟左少少烤菜沙律好足料，好新鮮，種類亦都有好多：番茄仔、南瓜、火箭菜、生菜、三色椒、菇菌等。4️⃣ Baileys Frappe $45 (8/10)+ 蝶豆花檸檬梳打 $45 (7/10)因為前者叫左多cream 少冰，所以啲cream太重沉晒😅 佢係酒精飲品黎，同咖啡嘅酸甜平衡得恰到好處，配合埋面層嘅cream層次好豐富。後者都好啱打卡，大大杯仲要係一層層嘅漸變色，超靚🥰酸酸甜甜咁，幾好飲。5️⃣ 柚子芝士蛋糕 蛋糕嘅芝士味比較淡，清清地，柚子味比較重，食落唔會膩。不過伴碟嘅生果就差咁啲，係酸嘅藍苺同酸嘅士多啤梨😖😖😖點返旁邊嘅蜜糖先食得落口。-日式Café 打卡一流木框勁吸睛，餐廳有卡位，有榻榻米位榻榻米有最低消費一枱$1000，如4人人均$250唔算好貴，張枱好大，如果8人更加可以拉埋道門，有個私人空間，聚餐嘅話都唔錯👍👍👍…查看更多

聚Chill (屯門） 地址: 屯門井財街15號金銘大廈地下14號舖 總評分7/10🌟__________________1️⃣ 蕃薯條配黑松露蛋黃醬$27（8/10）竟然係到小店食到好食既炸蕃薯條🍟蕃薯條炸到好香脆又唔油膩，最緊要係炸粉唔厚，蕃薯味極重，夾埋黑松露蛋黃醬蕃薯味更出🤩性價比高！2️⃣酥炸日本海苔魷魚鬚$30（6.5/10）分量都okay，食落都外層酥脆，仲夾帶唔少海苔粉，而魷魚唔霉都彈牙。好港式小食風，絕對對得住佢個名。3️⃣招牌黑松露卡邦尼意粉$52（6/10）味不過不失，我會話佢係港式卡邦尼既模範生，食落陣味都係記憶中既忌廉同蛋味。不過黑松露味唔算出，咁就有少少扣分🥹新奇既係意粉仲可以加底，同場既男士好多都有加底，咁就可以飽住走啦🤩🤩記憶中既忌廉同蛋味。不過黑松露味唔算出…查看更多

澄海小館鴨脷洲悅海街102號地舖評分6.5/10🌟—————————————人生地不熟，行完海傍聞到陣海水味忽然好想食海鮮，就隨便入左一間餐廳食海鮮🍴估唔到又唔錯-1️⃣蝦醬炒通菜$70 5/10食落唔算鹹，但又食得出蝦醬既香味。菜唔油，咁既價錢算係唔錯。-2️⃣胡椒豬肚湯 $90 7/10足料高汁。重胡椒味，鹹菜好出，豬肚都有12-15舊左右，幾足料-3️⃣椒鹽塔沙🐟$200 8/10呢款菜係經事頭婆推薦之下食到Hidden Menu，炸到脆一脆連魚頭都食得😋魚肉白，唔腥，配埋喼汁係可以空口食曬成碟🥢———-事頭婆好搞笑又熱情，環境雖然唔係豪華裝修，但勝在衛生企理，食完好滿足。…查看更多

✨成人價88折優惠（$270@1）——————-✨有得自己撈大頭蝦😽，又幾好玩，好生猛，多膏。可惜自己煮太耐，啲肉硬晒🥺✨醬油蝦好惹味，開左背脊方便又易剝，食到唔停口🫥反而醬油鮑魚一般，啲肉唔彈牙✨有三文魚、帶子、八爪魚等常見刺身，當中螺片值得一叫～✨即拎熟食只得四款，好在炸蝦外脆內彈牙✨大量嘢飲供應：啤酒、汽水、特飲特別鍾意荔枝綠茶，覺得好好飲，如果驚甜嘅話等啲冰融少少✨清酒仲有部機加熱，暖暖地幾好飲🫥雪櫃啲梅酒有啲甜，似咳藥水✨流心牛角包，超級推薦，外皮鬆化，食得出佢嘅層次感，浸味好似流心月餅😋✨ 特別要讚啲娃娃菜去到最後索晒海鮮嘅精華，本身中意食菜既我勁滿足🫥炸魚皮，牛肉，豬肉一般水準。建議食其他野會開心啲✨ 有Movenpick雪糕🍦仲有好多日、韓雪條、雪米糍，多到花多眼亂🫥個雪糕窩夫三文治，窩夫好硬，放一陣先食又會淋晒，入面嘅雪糕亦都冇乜特別，唔建議食😖-放題黎講我都食得幾開心🥳出單出得快，冇偷偷地減少份量，侍應回應快一個價錢有酒飲、有刺身、有得打邊爐真係幾抵🥰🥰🥰店內環境又大又舒服，仲要有好多卡位雖然係星期五，但都只係坐滿左半個場（唔知係好事定壞事呢）-一上到黎先知有生日禮物🎁同店方出示身分證即可拎取一支無酒精香檳，好surprise🥰-有得網上book枱，IG查詢都算覆得快，員工都幾有禮貌🙃-尖沙咀嘅JK Brother’s 都係同一間但係尖沙咀位置比較方便，不過要留意地方會比較細，而且冇得自己撈蝦#食在銅鑼灣…查看更多