muikwai01的個人專頁

和好友 high tea, 我們旨在傾計多過食嘢, 所以不考慮下午茶自助餐.在 OpenRice 看到這兒環境不錯, 果然真是窗明几淨. 我們點了一個二人英式下午茶餐, 有8款食物+咖啡彧茶.香辣燒烤豬柳撻吞拿魚三文治迷你雜菜春卷意大利風乾火腿蜜瓜藍苺低脂忌廉芝士鬆餅士多啤梨千層酥香橙朱古力曲奇凍青檸芝士蛋糕看似好多款食物, 實則份量好細, 食品真是一般, 如果是$150食這個英式下午茶餐, 真係唔平, 好彩我哋醉翁之意不在酒, 坦白講, 無下次.…查看更多

老死話這個埸新開,入面有d食肆,試試看....我們最終選了自家烏冬,貪佢有d特色.門口可以看到廚房製造烏冬的過程,幾得意.我們點了1. 薯仔蝦沙律($20) - 賣相唔錯,可惜薯仔d雪味好重.2. 海鮮湯烏冬($42) - d烏冬真係幾有o趙頭,出面真係食唔到.海鮮好豐富, 唔錯.3. 吉列豬扒釜揚烏冬($42) - 好大堆頭, 一行四樣嘢上. 先將調味料放在醬汁上, 再將烏冬點上醬汁先食. 好似食冷麵咁.整體而言, d 烏冬真係唔錯.…查看更多

難得今天休息, 同媽媽, 哥哥去尖沙咀寧記飲茶.我們以前週末好多時都一家大細來這裡飲茶, 因為容易搵位, 食物都不錯, 價錢亦合理.我們三人行只是點了五款食物.1. 香煎蓮藕餅 - 有蝦, 豬肉, 幾有"趙" 頭. 又唔係太油.2. 鳳爪排骨飯 - 媽媽是飯桶, 飲茶一定要有盅飯. 味道如何我唔知, 不過媽媽食到一粒飯都無剩.3. 脆皮麻沙糍 - 一上枱已經聞到芝麻香, 口感像食煎堆仔, 內裡是黑芝麻. 食落仲香.4. 香麻叉燒酥 - 哥哥的至愛, 食的時候仲好熱騰騰.5. 奶皇馬拉卷 - 好軟, 好香奶皇味. 不過, 果四件咁細舊的馬拉卷, 係大點來的, 好彩大中小點同價, 否則就唔底食.…查看更多

一出電梯就眼前一黑, 好彩有心理準備. 不然以為自己去左玩鬼屋.這裏的環境真有一點格調, 好有果D地道日本居酒屋feel. 老板的確花了不少心思.我book 了7:30pm 二人枱, 但要坐吧枱, 9 點要交枱.我們點了 :1. 蟹肉厚燒玉子 - 估唔到係咁甜喎. 雖然唔難食, 但感覺怪怪地.2. 香炸芝士 - 這個不錯, 唔係好熱, 剛好可以入口, 外層好脆, 裏面好軟綿綿, 好煙韌.3. 鰻魚鍋巴茶漬 - 個賣相只是一個gimmick. 可能d食物上得太快, 我們最後食這個, 個湯只是微暖, 鰻魚味道不錯. 整體只可以話 okay 囉.4. 煮豚肉 - 成道菜都好深色. 有豚肉, 有菜有豆腐, 都頗豐富.我們 8:15pm 已經差唔多食完. 剛放下快子, waitress 已經收碗, 洗唔洗咁呀 !!! 仲有45分鐘先到 9:00pm. 結果我地埋單去糖百府食甜品.如果想傾計, 千其唔好黎e到.…查看更多

一早聽聞糖百府任何時段都好多人, 招牌甜品係雪花冰. 一直等著一個機會試下.今天行過九龍城福佬村道, 看見糖百府門口有好多開張花牌, 二話不說便衝入去.下午三點, 都有70% full, 可能新開張, 未係好多人知道, 好容易搵到個位.我一個人 order 了 一個 "牛奶秋香", 個雪花冰係用牛奶做, 上面放一些錬奶, 彩針, 賣相已經好吸引, 旁邊再放些芒果, 紅豆和無糖布丁粒.果然名不虛傳, 個冰底好鬆軟, 入口即溶, 錬奶令個冰更滑更香甜, 芒果好新鮮, 紅豆都好林.雖然$30 一個甜品的確唔平, 但又真係好令人回味.…查看更多

去過和民好多次, 昨天帶兩個侄子去 (是他們的第一次).我們三人點了五款食物 :1. 蒜香海鮮炒飯 - 有蒜香, 但無over到, 唔會食到一陣味. 個炒飯好乾身, 好多料.2. 薯仔年糕餅 - 有薯仔的香, 有年糕的口感, 入口時再加些牛油, 正!!3. 和風比薩 - 脆到好似食餅乾咁. 係有好多料同新鮮的餅乾.4. 豬軟骨拉麵 - d 豬軟骨勁林.5. 汁燒脆茄子漢堡 - 新菜式, 漢堡牛肉裏面有茄子.每一款食物, 孩子都食得津津有味. 看見他們的食相, 就知道他們多享受.以後去和民, 對小孩來說, 可以係一個好吸引的 incentive.…查看更多

今天路過九龍城廣場, 見Pizza Hut 唔係好多人, 就決定在這兒醫肚.我們四個人, 一人點了一個 set lunch.可能曾經看過 "蘇good" 個節目教過人煮西班牙海鮮炒飯(Paella), 好想試吓咩叫西班牙飯. 好有 expectation.一上枱就有d失望, d 海鮮同飯好似係分開煮, 同"蘇good" 講個做法(先炒好海鮮, 再下湯, 再下Spanish Rice, 煮至熟) 相差好大.可能一分錢一分貨, 人哋個飯買了hk$600 材料, 我只是付出 hk$62.老實講, 味道其實ok, 但談不上好好食, 因為有希望, 所以有d失望.不過, 在這碟飯裏, 隱約都見到 3-4 條番紅花(Saffron), 算係無偷工減料 …查看更多

o係葵芳, 越南餐廳唔多, 想坐得舒服一D, 嚐越可能係唯一的選擇.我地三個人, 各自叫自己個Set Lunch.我今日胃口普通, 所以叫了一碗扎肉湯金邊粉.扎肉味道好plain, 如果可以選擇扎肉的味道就好了. 雖然無胃口, 但係我都食曬 其餘兩個同事叫了豬扒飯, 佢哋話D豬扒好Dry喎, 食剩曬D嘢.好在服務唔錯, 恒生卡仲有9折. 雖然食物普通, 但不失為一個聊天的好地方. 我會再來.... …查看更多

同朋友兩公婆慶祝生日, 係荃灣, 葵芳已經食到無咩新意, 不如搭一程車入馬灣, 感受一下馬灣食的風味.入到馬灣, 在田寮新村下車, 沿著馬路, 向車頭行唔使兩分鐘, 在街口位置見到喜粵, 門口有幾個大魚缸, 從外向入望, 覺得都幾企理, 有7成座位滿, 不彷一試.我o地三個人, 點左五個菜.1. 時菜豆腐魚頭湯 ($50) - 個湯好有魚的鮮味, D豆腐好滑.2. 士多啤梨骨 ($55) - 名字幾特別, 味道酸酸o地, 幾開胃. 初初以為係一字骨, 原來係豬扒.3. 紅酒牛尾煲 ($55) - 好大煲, 好底食. 牛尾係我o既favor.4. 馬灣蝦膏炒時蔬 ($35) - o尼 D 就係馬灣風味囉 !!!5. 豉椒蟶子($98) - 幾辣(我唔食得辣), 但又接受得到, 幾"嘢"味.佢o地仲有懷舊支裝(大, 細都有)可樂, 支裝zero都有....佢o地無收茶芥, 無收加一, 食幾多, 比幾多. 夠實際.下次過時過節, 試吓一家人搭車/船入嚟食個12人套餐 ($1188) 先, 有海鮮, 有魚, 有雞, 有菜, 貼埋交通費都覺得底.…查看更多