yukiwyy的個人專頁

💖元朗呢間火鍋店闊落好坐，適合gathering。一入座會比九宮格醬芥，可自己調配。1️⃣湯底🍲🔸花膠雞 (半隻)：每次必點嘅招牌湯底！非常足料，上半隻雞件，煮3-5分鐘肉質嫩滑，煮雞件之前記得飲雞湯，味道鮮香清甜搭配，仲有滑嫩嘅花膠，好高質2️⃣肉類/海鮮🔸牛肉拼盤(細)：上台好精緻，包括牛頸脊、牛胸尖、牛小排、安格斯、牛舌、牛柳粒等七款牛肉，份量2-4人share都得。個人最鍾意牛舌，肉質爽脆彈牙又帶嫩；安格斯油脂靚、食落嫩滑；牛胸尖爽脆，咬落好似軟骨咁，減低油脂膩感🔸手打鵝肝墨汁墨魚丸(4粒)：彈牙又有墨魚粒粒同鵝肝軟淋嘅口感🔸牛骨髓：口感超柔軟嫩滑🤤，有種油脂同奶香，食落係滿滿嘅膠原蛋白～🔸水魷魚：非常爽脆，味道清淡，搭配醬料更香口！🔸蟹黃餃：推薦！咬落係滿滿嘅蟹黃絲，味道濃郁，外皮薄滑更似雲吞皮，唔會好似一般餃子皮咁厚重3️⃣唐生菜💖蔬菜選擇多，都有拼盤選擇。但我地肉食怪所以只要左一份爽脆唐生菜😂。4️⃣飲品/甜品🥤🔸火焰焦糖豆腐花：即場火槍炙燒，適合打卡！焦糖味香，搭配冰凍滑嫩嘅豆腐花係好好嘅ending甜品🔸竹蔗茅根：大樽適合share，真材實料，入口清甜解渴，好適合打邊爐飲💖呢度仲有包廂，隱私度高。可以做埋會員，儲分優惠都幾多！…查看更多

💖炑八係全港有好多分店，但荃灣同觀塘有兩間親子餐廳，位置闊落仲有兒童遊樂區域，有大量車🚗、超市🛒、動物🦒、積木玩具等（觀塘店仲有波波池🛝！），好適合一家大細又食又玩，今日黎荃灣店體驗下！一入座會上各種小菜🇰🇷、芝士同嫩蛋，超級豐富🤩！1️⃣肉類🥩🔸王者牛肋骨：超大件！油脂位食落香，肉質軟嫩有嚼勁，剪成細塊更易入口，搭配蔬菜🔸熟成黃油雞腿：成隻雞腿咁上好得意🤩，燒後仲帶黃油🧈香，令肉質感覺更嫩同多汁，仲有南瓜、菇等蔬菜解膩🔸荔枝牛肉串串：嫩滑牛肉裹住荔枝，肉香味更添微微水果甜味～🔸壽喜燒牛胸腹：油花細緻肉味濃嘅牛胸腹放係香甜濃郁嘅壽喜燒醬汁煮，再搭配手捏飯糰🍙同蛋黃液，估唔到食燒肉都可以DIY壽喜燒，好好玩👍🔸生日牛肉蛋糕：好適合打卡！大塊油脂靚嘅牛肉擺成蛋糕形狀，最上面仲有牛肉玫瑰花🌹同蠟燭🕯️，大細朋友都實like～2️⃣乘搭燒肉香氣校巴🚌💖呢度仲有多款造型可愛嘅兒童餐，動物🦒、交通工具✈️賣相小朋友一定鍾意！要左兒童燒肉餐，黃色校巴盤上係適合肉菜均衡嘅拼盤，除左兩款肉類仲有南瓜、菇、菠蘿同翠玉瓜大蝦🍤，另外有牛肉紫菜飯，份量大朋友食都夠！3️⃣飲品🥤🔸知識雲朵棉花糖芒果特飲：賣相得意！彩虹🌈雲朵棉花糖下面係香甜清新嘅芒果飲品，搭配燒肉一流🔸奧利奧沙冰：鍾意orea同朱古力嘅小朋友一定like，飲落香甜冰凍🍧💖店舖大又靚裝，無論係一家人、一班frd定幾個人黎都食得開心🥳。…查看更多

💖西式fine dining就聽得多，但韓式又試過未呢😲？銅鑼灣呢間高空靚景餐廳坐擁維港海景🌊同維園景色，環境幽雅。韓藉主廚🧑‍🍳採用韓國🇰🇷直送食材，主打地道韓式精緻料理。入座會上welcome drink米酒🍶，微甜容易入口～1️⃣OOULI 10 courses tasting menu🍽️🔸海鮮脆餅：經典韓式小食，外脆內軟糯，食到海鮮啖啖爽脆感，唔會油膩🔸小口釜山鮑魚湯餃子：鮮得黎又暖胃，餃子皮唔厚重，內餡飽滿🔸烏賊拌麵：彈牙嘅烏賊配上甜辣開胃嘅拌麵，打開味蕾嘅前菜～🔸傳統粥：我最鍾意嘅其中一道！選用韓國當造特色蔬菜、韓牛、新鮮蜆肉同自家大米，烹調15小時以上再配上香油，入口軟綿但唔爛，暖笠笠食得好舒服又香口🥰！🔸濟州黑毛豬五花：30+小時慢煮，肉質細緻鮮嫩，肥得黎唔膩，搭配韓式甜辣醬更清新🔸蔘雞手打免治肉漢堡卷：手打免治肉非常軟嫩！又帶軟骨嘅爽口，口感豐富，肉味香濃🔸釜山自家農田珍珠米魬配鱈魚籽：釜山直送珍珠飯，用高壓鍋烹煮，粒粒飽滿帶原始米飯香，搭配時令特色釜山伴菜、煎蛋同韓式湯品，地道韓色味道～🔸糯米年糕窩夫餅配栗子奶油：幾鍾意呢道甜品！軟糯帶米香嘅年糕外層係窩夫餅嘅脆口感，栗子奶油creamy帶啲厚重感，入口香甜💖環境靚又坐得舒服😌，而且服務好用心。窗邊位景色好好，而家午市同晚市都推出優惠價menu，呢個景色地段同食物質素黎講CP值唔錯！…查看更多

💖金鐘力寶軒位置方便，係正金鐘地鐵B出口，午市晚市都唔少港島上班族黎聚會。一入座就要左壺壽眉🫖，甘醇清香😌。1️⃣蟹肉燴伊麵🦀💖麵質軟滑但唔糊爛，味道清香帶鮮味，蟹肉份量多又幾鮮，配上蛋白、草菇等口感豐富，食落輕盈唔heavy～2️⃣椰汁杞子桂花糕🥥💖底部係香甜嘅椰汁糕，上面係清香嘅桂花味，健康清新嘅甜品。3️⃣五香牛展🐮💖推薦！燜煮得入味濃郁，咬落爽口帶韌勁，配上醋汁更開胃提味。💖而家佢地仲推出Cuisine Rewards 全新會員計劃，免費登記仲可以享總值超過$400嘅迎新優惠，包括$25優惠券同埋免費碧綠川椒雞優惠券～…查看更多

💖Bookmark左好耐嘅懷舊昭和風西日居酒屋🏮，店鋪內外嘅裝修都非常有feel🥰，好多可愛嘅復古小物，每個corner都好值得打卡！1️⃣招牌鍋料理二人餐🍲💖佢地嘅二人套餐包壽喜燒鍋（肉➕蔬菜）、壽喜燒黑松露燉飯、關東煮🍢同埋兩款小食，仲可以優惠價加配特色飲品，選擇困難症直接揀佢😛，會附送中華沙律🥗：🔸壽喜燒：有四款肉類配搭可選，要左美國頂級牛頸脊同埋日本國產牛牛頸脊，店員會幫手燒，香甜濃郁嘅壽喜燒汁搭配帶奶香肉香、口感鮮嫩嘅牛頸脊更香口🤤，再配上細膩蛋液口感更順滑。食完牛會加水煮蔬菜拼盤，包括娃娃菜、豆腐、菇類🍄等，食落唔heavy！🔸壽喜燒黑松露燉飯：食曬壽喜燒鍋店員會即場加入黑松露燉飯烹煮，口感濃郁creamy嘅risotto估唔到咁夾！吸收左牛肉汁仲帶香濃黑松露味，食落大滿足🈵！🔸關東煮：有蒟蒻、蘿蔔、竹輪、魚糕等，吸收左帶醬油同昆布鹹鮮嘅味道，暖笠笠食落肚好舒服😌～🔸燒味醂魚乾/甲羅燒多士：小食有成十八款！煙韌帶嚼勁嘅醂魚乾越咬越香口，搭配灑上七味粉嘅mayo更香。甲羅燒口感細膩綿密，味道鹹鮮濃郁，有埋蟹籽更豐富，抹係脆口多士上好好味！🔸雪糕梳打：黎得昭和風餐廳肯定要飲雪糕梳打🍨！要左經典蜜瓜🍈同波子汽水🥤味。兩杯又靚又好飲，打卡一流！💖餐廳環境好靚，而且店員服務好快手主動，推薦👍！…查看更多

💖上個星期五決定食餐好嘅，去左尖沙咀呢間開左好耐嘅韓式烤肉店食🤤。一入座就會附上韓式小菜，包括泡菜、豆芽、涼拌菜等。1️⃣牛肉拼盤A🐂💖包括牛肉眼、牛肋骨肉、肩胛肉同板腱肉四款，同埋菇類配菜。另外可二選一泡菜湯或者大醬湯，要左微辣開胃嘅泡菜湯，泡菜足料，仲有滿滿嘅豆腐，飲落暖笠笠♨️。牛肉眼大塊，油脂豐富又靚，咬落嫩滑；牛肋骨肉牛味更濃郁；肩胛肉入口鮮嫩，油脂適中唔膩；板腱肉口感更結實，咬落香口。有附上生菜、青辣椒、蒜頭同幾款烤肉醬汁，生菜包肉更清爽！2️⃣Hite啤酒/雪梨飲品🥤💖食烤肉梗係唔少得飲酒！呢度有韓國啤酒、燒酒、米酒等特色酒類，好適合gathering一路烤肉一路飲番杯。另外要左雪梨飲品，解泡菜湯嘅辣～💖員工同店主都係韓國人，菜色同裝修都夠曬地道👍！…查看更多

💖我最鍾意嘅海南雞飯餐廳之一！Chatterbox Café係新加坡文華酒店旗下嘅，K11分店靚裝又位置方便，食完行下尖沙咀海旁都唔錯。1️⃣文華海南雞飯🐓💖必食招牌菜！海南雞處理乾淨全部去曬骨，雞肉嫩雞皮滑🤤，搭配三款經典醬汁：甜鼓油、辣椒醬同薑蓉，個人最鍾意微辣嘅辣椒醬加少少濃稠嘅甜鼓油！配菜有青瓜片同番茄仔，同埋豆腐菜湯，湯鹹香好送飯。油飯吸收雞油後濕潤得黎粒粒飽滿，好香口～2️⃣參巴辣椒炒通菜🥬💖呢款係期間限定食品之一！份量足，通菜咬落非常爽脆，配上參巴辣椒更添甜辣味，開胃惹味配上參巴獨有嘅甜味唔會過辣，食得好味又舒服😌。3️⃣Iced strawberry kumquat oolong🍓💖香甜嘅士多啤梨搭配清爽青檸同清香嘅烏龍茶，入口清新輕盈，健康又解辣解膩，非常適合夏天～💖而家Chatterbox Café仲推出左Cuisine Rewards全新會員計劃，免費登記就可以盡享總值超過$400嘅迎新優惠，其中包括$25優惠券同埋免費特色咸蛋雞翼優惠券！…查看更多

💖今晚黎高CP值又唔收加一嘅連鎖cafe Espresso Alchemy食飯～1⃣️西多士伴鮮漿果及雪糕配楓糖漿或自家製海鹽焦糖漿🍞 💖每次必食！醬可以揀maple syrup或者salted caramel，海鹽焦糖醬濃郁黏稠，焦糖味甜但唔膩，海鹽嘅微微鹹味中和左膩感。西多士外微脆，浸左蛋液令佢更香口，咬落鬆軟又夾住士多啤梨果醬。雪糕足料帶香草籽，仲有士多啤梨同藍莓，食落更清新。2⃣️牛肉三文治拌蘑菇及沙律配檸檬醋醬🐮 💖牛肉好足料，加入滑嫩蘑菇同黑椒調味食落香口提味，牛肉油脂肉汁多但食落唔膩，有飽足感。三文治唔會厚重，份量適中。沙律配上番茄仔同開胃清新嘅檸檬醋醬，感覺輕盈。3⃣️厚切義大利煙肉配卡邦尼意粉🍝💖卡邦尼醬好濃稠creamy🤤，pasta入口更香滑但唔會有soggy嘅軟爛感！最鍾意佢地煙肉好厚切，肉香煙燻香更突出好味。4⃣️Matcha Latte (Regular)🍵💖拉花靚，抹茶味濃郁香醇，飲落唔會有粉末感，非常順滑～💖海港城呢間靚裝，位置方便坐落舒服。…查看更多

💖元朗想飲杯酒chill下聚會嘅好地方～1⃣️肉類🥩🔸極品即燒乳豬、炭燒豬頸肉🔸風味燒雞腎、燒土匪雞翼、招牌紙鶴雞皮🔸生燒鴨舌🔸招牌燒牛骨髓、一口和牛串🔸風味羊肉串💖牛豬雞鴨羊都有，有成80幾個選擇。推薦即燒乳豬，外皮脆肉肥厚帶油脂香；雞腎肉質彈牙爽口；雞皮香脆唔油膩；燒牛骨髓口感好細膩滑嫩，油香得黎唔膩。2️⃣海鮮🦞🔸香蒜芝士燒半殼扇貝🔸招牌無骨白鱔🔸忌廉蟹肉肉餅🔸味噌甲羅燒 🔸燒黑松露帶子💖海鮮選擇都多。最鍾意燒黑松露帶子，帶子微微帶燒烤香咬落細嫩，搭配濃郁黑松露。香蒜芝士燒半殼扇貝，芝士同蒜蓉香口，扇貝肉飽滿。每次必食甲羅燒，蟹膏滑又濃郁鹹香，混合生蛋黃更鮮香。無骨白鱔魚皮脆，肉質嫩唔腥，平時唔點食魚嘅我都like！3️⃣蔬菜/甜品/小食🥬🔸燒新鮮秋葵、招牌茄子燒🔸日本一口蕃薯仔燒🔸炸饅頭🔸脆炸3.6牛乳💖除左肉仲有蔬菜、小食、主菜等，每次必食一口蕃薯仔，香甜蜜糖外皮同蕃薯🍠好夾；脆炸3.6牛乳，香滑牛乳炸左之後更香口但唔油膩！4⃣️酒類🍸🔸Royal Hawaiian🔸Chicago logo beer💖酒類選擇多，cocktail beer wine實有款適合！Royal Hawaiian係gin based，再加上菠蘿🍍同檸檬汁🍋，菠蘿味較突出，好易入口，唔點飲酒嘅人都會鍾意！特色Chicago logo beer入口係小麥香同添熱帶水果香🍍，happy hour有優惠添。💖5點前啤酒有買一送一優惠，好適合一班friends黎gathering🍻！…查看更多

💖元朗CP值好高嘅cafe之一，午餐$88起包主菜、餐湯/沙律同半價飲品，仲會定期更新menu唔怕食膩！前菜要左黑松露雜菌湯，入口順滑帶雜菌顆粒口感，雜菌同黑松露嘅香氣同奶油混合，仲附送蒜香麵包。1⃣️ 蒜烤澳洲西冷扒、有機生菜薯餅、煎蛋🐮 $148🔸Rose chocolate 💖大塊肉超滿足，肉食愛好者實like！肉質粉嫩飽滿，切落多肉汁，仲有煎得好靚嘅流心太陽蛋、薯餅同沙律菜。半價加配左熱rose chocolate，估唔到甜膩玫瑰香配上香甜嘅朱古力好夾，仲有精緻嘅獨角獸🦄拉花🥰。2⃣️夏威夷蓋飯POKE BOWL松葉蟹肉黑松露吉列蝦蟹子配蜜糖柚子沙律汁🦀 $90🔸Italian chocolate💖新品所以試下！松葉蟹肉份量足，味道鮮帶微甜，仲有外脆內嫩嘅炸蝦🍤、豐富口感嘅蟹籽、清新黃瓜🥒粟米粒🌽番茄仔🍅同大條蟹柳。最後戳開溫泉蛋，混合蛋液食蓋飯，味道同口感都豐富又唔heavy！飲品要左Italian chocolate，賣相靚入口香甜順滑，最上層係奶油，仲有朱古力餅乾🍪。3️⃣芒芝雪山🥭 $80💖必嗌！搭配豐富，croffle🥐外酥脆、帶香甜焦糖同麵包嘅牛油香，口感有韌勁緊實，搭配士多啤梨雪糕🍦、口感細膩實在嘅藍莓芝士蛋糕、粟米片、芒果果醬同芒果塊。4️⃣污糟提拉米蘇☕️ $80💖手指餅浸左咖啡液，帶酒香同咖啡香，入口軟但唔爛唔soggy。配上濃郁細膩嘅馬斯卡彭芝士同可可粉，幾唔錯嘅tiramisu👍。💖工業風裝修適合打卡，半戶外座位可以帶埋主子🐕黎！…查看更多

💖香港地道抵食嘅台灣連鎖餐廳肯定有桂花小幸，而家見仲有新menu同套餐，又黎試下晚市先～1⃣️麻醬雞絲冷麵🐔 $62🔸凉拌黑醋茄子➕鹵水豆腐 $28💖夏日新menu！雞絲份量夠，肉瘦但唔柴，搭配青瓜絲同雞蛋絲，非常健康清爽。麵嘅口感爽得黎帶嚼勁，淋上香口濃郁嘅麻醬更吸引🤤。我每次都會加配凉拌黑醋茄子，夏天食好酸香開胃，咬落軟嫩多汁🤤；另外要左鹵豆腐，滿滿一碟幾入味帶鹹香，入面軟滑但唔爛。2⃣️秘譚酸菜魚🐟 $88🔸地瓜薯條🍠 $12🔸是日燉湯🥣 $10💖估唔到呢度都有酸菜魚🤩，魚片嫩滑無骨，方便食，味道酸香，好下飯開胃🤤。另外加左地瓜條，推薦！份量唔錯，外脆內軟糯又熱，食落係地瓜嘅香甜。燉湯好足料，飲落感覺健康滋補，同啲味精湯完全唔同！3⃣️黑糖珍珠鮮奶🧋 $34💖屋企人每次必飲☺️！夜晚飲都唔驚訓吾著，牛奶配上香濃黑糖同熬得煙韌又香甜嘅珍珠，好好味🥰。4⃣️遇見珍珠可可🍫 $30💖我嘅至愛～可可味道香醇，口感厚非常足料，朱古力味香濃但唔假甜，搭配彈牙嘅寒天口感豐富。另外加左芝士奶蓋，鹹香厚重嘅奶蓋配上香甜嘅可可好夾～💖環境好坐，上菜快，QR code落單好方便。…查看更多

💖尖沙咀呢間bali風fusion餐廳室內外都可以見到超靚維港🌊景，酒類選擇多又適合打卡，經常滿場，最好提前訂位！1⃣️Red prawn and scallop carpaccio 💖薄滑嘅帶子同鮮嫩紅蝦刺身，搭配加上香料同墨西哥辣椒嘅冬陰功醬汁，微微開胃酸辣，令海鮮鮮味更出，賣相精緻又好味嘅前菜🤤。2⃣️Sambal fried clams💖用羅勒、馬來參巴醬、辣椒、蒜等炒嘅蛤蜊，調味鹹香帶酸辣味，蛤蜊肉飽滿，前菜份量適合兩人share～3⃣️Baked sambal sous vide black cod fish🐟💖黑鱈魚油脂香得黎咬落細膩嫩滑，味道濃郁。配上叁巴醬、檸檬香茅等更添酸辣清新味。配菜有bb紅蘿蔔🥕、甜椒等。4⃣️Thai lobster sauce spaghetti with Canda lobster tail🦞💖原隻龍蝦尾咬落飽滿緊實、新鮮唔鬆散。泰式醬加入蒜、洋蔥、辣椒同其他香料，裹滿義大利麵食落開胃🤤。5⃣️Miss you!🌹🔸Vodka, Peach Liqueur, Japanese Yuzu Juice and Rose Syrup💖可愛嘅雀仔杯🐦，入口係香甜桃味同玫瑰香，柚子汁減低甜膩感，再配上清爽、口感乾淨嘅vodka，呢款幾易入口。6⃣️If not now, when?🔸Gin, Pandan Syrup, Japanese Shiso Liqueur, Citrus Juice and Mango Coconut Foam💖呢款面頭係香甜嘅熱帶豐盈水果泡沫，入口先係甜甜地嘅斑斕味，再係濃郁酒香，呢款比上一款嘅酒味會更重。💖平日夜晚都坐滿曬人，無論係室內、天台定吧台位都好靚😌。…查看更多

💖元朗開左間成人$98起嘅任食雞煲火鍋放題🍲，可以無限加雞，火鍋配料、飲品等都係任食！另外可以加$28任食點心～1️⃣任飲任食雞煲火鍋放題🍽️💖先會食雞煲再加湯煮火鍋，雞煲嘅雞件滑又無咩碎骨，咬落啖啖肉，醬料鹹甜香口，可以無限添加。💖火鍋首先上左個八小蝶頭盤，包括兩件酸香開胃小菜、海蝦、珍寶蟹棒、巨人竹輪、雲吞、餃子🥟、鯪魚滑、牛肉滑、紫菜響鈴卷同牛板腱，最鍾意肉味香得黎肥瘦相間嘅牛板腱，鯪魚滑同牛肉滑咬落彈牙，味道濃幾足料！紫菜響鈴卷咬落有紫菜嘅香脆，又有響鈴卷嘅軟，口感豐富。跟住就可以任嗌，我推薦呢啲👇：🔸美國肥牛片：油脂位較多，適合鍾意食肥肉嘅朋友🔸鴨血：我嘅火鍋摯愛，彈牙又食完暖笠笠🔸漢堡扒：厚實，咬落啖啖肉💖另外可以加錢任食點心、刺身、各種自助炸物/雪糕等，刺身中嘅三文魚唔錯，切得厚咬落香滑。點心選擇經典種類都有，我就鍾意炸饅頭、燒賣、蝦餃、鳳爪、兔子糕等～💖午市仲可以食足3個鐘，CP值高，同學/朋友/屋企人聚餐都適合！…查看更多

💖元朗有間裝修靚嘅陽光玻璃房☀️造型cafe，招牌係latte art、各種甜品同餃子，今日趁佢一開門未排隊就黎食早餐！1️⃣All day breakfast🍳💖擺盤精緻，最鍾意香濃又滑嘅黑松露滑蛋，黑松露份量足！另外有雜莓pancake、煙三文魚、清新沙律菜、栗米、軟嫩多汁大啡菇同黑椒腸仔，食落飽肚！2️⃣繁花精品餃子set🥟 💖佢地嘅招牌餃子套餐，有齊六款餃子，包括精品口味嘅黑松露三重芝士豬肉🐷同三鮮豬肉（鮮蝦、韮黃、蛋花），同埋家常口味嘅大白菜豬肉、粟米豬肉、香菇木耳豬肉同韭菜豬肉。每件都餡多皮薄，最鍾意黑松露三重芝士豬肉，松露同芝士味道濃郁，三鮮口味味道多層次，經典嘅大白菜豬肉同粟米豬肉口感更添爽脆。套餐仲包括兩件madeleine，咬落濃稠香厚，同埋清新嘅沙律。3️⃣Latte☕️💖因為呢度嘅latte art攞過獎所以必點嘅latte❗️超可愛嘅小狗🐶拉花，仲有手寫卡片，好有心😆！4️⃣Hand drip💧💖有幾款豆可選，要左colombia嘅厭氧日曬處理豆，飲落先係熱帶水果嘅酸香，再係清新淡雅嘅花香，輕薄清爽嘅一款～💖裝修靚、坐得舒服😌，仲有兒童煮飯仔區，小朋友大朋友玩都得！…查看更多

💖旺角彌敦道呢間高空餐廳開左好多年，係唔少人生日、聚會嘅首選之一，係頂層向西面，可以望住日落嘆夜景🌃～除左食物同環境，呢度最值得讚嘅係員工，每一位都服務得好好，好主動介紹、執檯同幫手影相📸！1️⃣Set dinner🍽️💖豐富嘅4 courses dinner，包前菜、餐湯、主菜、甜品同咖啡/茶，仲有精緻小食同餐包，係同類型景觀餐廳中幾優秀！🔸精緻小食：今晚係鹹香嘅parma ham～🔸餐湯/餐包：今晚係西蘭花湯🥦，飲落帶顆粒感同奶油香。餐包抹上牛油🧈更香口。🔸白酒忌廉汁青口：前菜二選一，要左鮮甜嘅青口，肉汁飽滿唔縮水，忌廉汁食落更香滑。🔸燒乾式熟成阿根廷肉眼扒配紅酒汁：主菜五選一，竟然有燒乾式熟成肉眼扒！要左三成熟，dry aged處理令肉質咬落更軟嫩多汁，肉扒粉嫩、份量厚實，搭配各種烤蔬菜。🔸椰子蝶豆花奶凍：賣相精緻，仲有點火🔥儀式，打卡一流🥰！椰子味嘅嫩滑奶凍加上蝶豆花係好靚嘅淺藍色🩵。2️⃣Lobster Tail Seafood Risotto🦞💖龍蝦好足料！成隻超飽滿龍蝦尾拆好殼，再配上青口、軟嫩帶子等，配上龍蝦汁煮嘅risotto，入口鮮得黎帶鹹香，口感香滑有飽足感！3️⃣Prawn & Mango Salad with Ponzu💖堆到好高🤩！清新沙律菜、番茄仔配上香滑無絲嘅芒果肉、彈牙唔軟爛嘅蝦肉，搭配refreshing。4️⃣Tiramisu💖招牌甜品，賣相精緻，做法傳統。手指餅浸落咖啡液搭配濃厚香滑嘅mascarpone cheese、再灑上咖啡粉同鋪上莓果，入口唔甜膩，味道醇厚，tiramisu fans實like！5️⃣Cocktail🍸💖酒類選擇豐富，要左兩款顏色好靚嘅👇：🔸Red Evil：唔飲酒嘅人都肯定鍾意！以紅酒🍷為base搭配藍莓、荔枝汁、青檸等，味道偏荔枝嘅香甜～🔸Look For Star：混合左Vodka、Gin、Rum同Tequila，明顯酒味更重，但配合檸檬🍋同雪碧更添清新酸甜味，容易入口。💖一開門就衝入去打卡日景，一直食到日落同夜幕降臨。要坐窗邊位一定要訂台，我地入座無耐6點就開始多人。另外生日可以寫碟！…查看更多