yoda_的個人專頁

今日朋友帶咗我去位於大埔嘅人氣車仔麵店👀到達時大概係一點左右，餐廳門口有條人龍，大概等咗15分鐘終於入到去啦😍餐廳門口有點餐紙同埋marker供食客喺排隊嘅時候揀定食乜，入到去一紙就落單成功～好有速度！餐廳入邊有好多舊時嘅香港海報、招牌、裝飾等等，等緊嘢食嘅時候好多嘢可以望😍三餸車仔麵（💰$46）｜😋：4.9/5揀咗醬燒豬頸肉、瑞士雞翼同埋滷水鮮豬大腸😋雞翼同埋豬頸肉各兩嚿左右，豬大腸都有幾舊㗎～面底揀咗河粉，湯底就揀咗要加💰$8嘅濃香沙嗲湯底😋簡直係驚喜至極😍😍唔係講笑，佢又真係做到濃香嘅沙嗲，濃到每一條河粉都掛到汁😋豬大腸肥美，唔會有怪味～豬頸肉大大嚿肥瘦適中，又有油香味🤤瑞士雞翼就不過不失～食咗兩啖見到舖頭有自家製辣油，即刻落咗幾滴落碗麵度。舖頭嘅辣油真係唔係好辣，但係非常香口，勁正！值得一試呀👍🏻…查看更多

晚餐抵食之選😋經過見到聞到好香牛腩味🤤作為牛腩愛好者當然係無法抗拒啦😋決定行入去試試佢！舖頭乾淨企理，空間感十足！仲有得自助斟水～面底除咗河粉之外，亦可以揀幼麵、粗麵、米粉或者米線。雙拼加$10 ，加底淨係加$8，都幾抵食喎～另外，加$13仲可以加多碟菜🥬牛腩河（💰$39）｜😋：4.5/5牛腩嘅牛味非常濃，湯底惹味但唔會過鹹，河粉亦唔會太腍，軟硬及份量適中😍推薦食得辣嘅朋友仔加幾滴辣油之後，更加惹味呀🤫菜心（💰+$13）｜😋：4.7/5大大碟菜心，個人鍾意腩汁上多過蠔油🫶🏻菜心煮得啱啱好，好新鮮😍埋單總共💰$52，食得飽又滿足👅…查看更多